[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 75 # Kaumarikakhanda 75 Kaumārīkākhaṇḍa 75 - **Language:** Sanskrit ## Contents - [75.139-2](https://indike.org/pramana/in.purana.kaumarikakhanda.75.139-2) — 1 part ### [75.1](https://indike.org/pramana/in.purana.kaumarikakhanda.75.1) gautama uvāca || || purā nārāyaṇaḥ kalpe śayānaḥ salilārṇave || śeṣaparyaṃkaśayane kadācinnaiva budhyaṃta ### [75.2](https://indike.org/pramana/in.purana.kaumarikakhanda.75.2) tamasā pūritaṃ viśvamaprajñātamalakṣa ṇam || vīkṣya kalpāvasāne'pi viṣedurniṃtyasūrayaḥ ### [75.3](https://indike.org/pramana/in.purana.kaumarikakhanda.75.3) aho kaṣṭamidaṃ rūpaṃ tamasā viśvamohanam || yena kalpāvasānepi viṣṇurnādyāpi budhyate ### [75.5](https://indike.org/pramana/in.purana.kaumarikakhanda.75.5) jyotiṣaḥ puruṣaṃ pūrṇamapaśyaṃtaṃ surā api || kathaṃ vā tamasaḥ śāṃtiṃ labheranparibhāvinaḥ ||4||iti niścitya manasā devadevamumāpatim || ciṃtayāmāsurā tmasthaṃ tejorāśiṃ niraṃjanam ### [75.6](https://indike.org/pramana/in.purana.kaumarikakhanda.75.6) tataḥ prasanno bhagavāṃstejorāśirmaheśvaraḥ || viśvāvanāya vijñaptaḥ praṇatairnityasūribhiḥ ### [75.7](https://indike.org/pramana/in.purana.kaumarikakhanda.75.7) tatastejomayācchaṃ bhoḥ sphuliṃgāṃśusamudbhavāḥ || udastaṃbhaṃta devānāṃ trayastriṃśacca koṭayaḥ ### [75.8](https://indike.org/pramana/in.purana.kaumarikakhanda.75.8) bodhitaḥ sakalairdevaiḥ samutthāya ramāpatiḥ||prabhātaṃ vīkṣya sakalaṃ manasyevama cintayat ### [75.9](https://indike.org/pramana/in.purana.kaumarikakhanda.75.9) mayā tamasi udrekātkāle śayanaṃ kṛtam || prabodhāya paraṃ jyotiḥ svayaṃ dṛṣṭaḥ sadāśivaḥ ### [75.10](https://indike.org/pramana/in.purana.kaumarikakhanda.75.10) jagadutpattikṛtyāni svayaṃ kartuṃ vyavasyati || kiṃ mayātra punaḥ kāryaṃ brahmaṇā vā svayaṃbhuvā ### [75.11](https://indike.org/pramana/in.purana.kaumarikakhanda.75.11) dhiṅmāṃ sthitamanātmajñaṃ nidrayā hatacetasam || athavā sarvakartāraṃ śaraṇaṃ yāmi śaṃkaram ### [75.12](https://indike.org/pramana/in.purana.kaumarikakhanda.75.12) sarvadoṣapraśamanaṃ sarvābhīṣṭaphalapradam || pavitramalpapuṇyānāṃ durlabhaṃ śaṃbhudarśanam ### [75.13](https://indike.org/pramana/in.purana.kaumarikakhanda.75.13) ciṃtayannevamātmasthaṃ jyotirliṃgaṃ sadāśivam praṇanāma harirbhaktyā devamaṣṭāṃgato muhuḥ ### [75.14](https://indike.org/pramana/in.purana.kaumarikakhanda.75.14) viśvasraṣṭāramīśānaṃ tuṣṭāva duritacchidam || atha tejomayaḥ śaṃbhuḥ śaraṇyaḥ śaraṇāgatam ### [75.15](https://indike.org/pramana/in.purana.kaumarikakhanda.75.15) anu gṛhya kaṭākṣaistaṃ samuttiṣṭhetyabhāṣata || utthāya karuṇāpūrṇaṃ śaṃbhuṃ caṃdrāīśekharam ### [75.16](https://indike.org/pramana/in.purana.kaumarikakhanda.75.16) namastribhuvaneśāya trimūrtiguṇadhāriṇe || tridevavapuṣe tubhyaṃ trinetre tripuradruhe ### [75.17](https://indike.org/pramana/in.purana.kaumarikakhanda.75.17) tvameva jagatāmīśo nijāṃśairdevatāmayaiḥ || kāryakāraṇarūpeṇa karoṣi svecchayā kriyāḥ ### [75.18](https://indike.org/pramana/in.purana.kaumarikakhanda.75.18) māṃ niyujya jagaddūtau pari mohya ca māyayā || na doṣamuta saṃkalpaṃ vihātumapi necchasi ### [75.19](https://indike.org/pramana/in.purana.kaumarikakhanda.75.19) kiṃ karomi jaganmūrttā nyastabhāro'smyahaṃ tvayi || na doṣamīhase nūnamakā laśayanena mām ### [75.20](https://indike.org/pramana/in.purana.kaumarikakhanda.75.20) hara śambho harerārttimanutāpaṃ samīkṣya saḥ || ādiśeśa haraḥ śrīmānprāyaścittaṃ hareridam ### [75.21](https://indike.org/pramana/in.purana.kaumarikakhanda.75.21) aruṇācalarūpeṇa tiṣṭhāmi vasudhātale || tasya darśanamātreṇa bhavitā te tamaḥkṣayaḥ ### [75.22](https://indike.org/pramana/in.purana.kaumarikakhanda.75.22) pūrvasmai viṣṇave tatra varo datto mayā purā || tadaiva tejasaṃ liṃgamaruṇācala saṃjñitam ### [75.23](https://indike.org/pramana/in.purana.kaumarikakhanda.75.23) tejomayamidaṃ rūpaṃ praśāṃtaṃ lokarakṣaṇāt || yadagnimayamavyaktamapāraguṇavaibhavam ### [75.24](https://indike.org/pramana/in.purana.kaumarikakhanda.75.24) nadīnāṃ nirjharāṇāṃ ca meghamuktāṃ bhasāmapi || aṃtarjyotirmayatvena layastatraiva dṛśyate ### [75.25](https://indike.org/pramana/in.purana.kaumarikakhanda.75.25) aṃdhānāṃ dṛṣṭilābhena paṃgūnāṃ pādasaṃcaraiḥ || aputrāṇāṃ ca putrāptyā mūkānāṃ vākpravṛ ttibhiḥ ### [75.26](https://indike.org/pramana/in.purana.kaumarikakhanda.75.26) sarvasiddhipradānena sarvavyādhivimocanaiḥ || sarvapāpapraśamanairmartyatsarvavaradaṃ sthitam ### [75.27](https://indike.org/pramana/in.purana.kaumarikakhanda.75.27) ityuktāṃtardadhe śambhurhariścaivāruṇāca lam || āgatya tapa āsthāya śoṇācalamupāsta ca ### [75.28](https://indike.org/pramana/in.purana.kaumarikakhanda.75.28) tamādriṃ parito dṛṣṭvā surānkānanasaṃśrayān || ṛṣīṇāmāśramānpuṇyānsthāpayāmāsa vai hariḥ || vedātsāṃgopaniṣadānsamaṃtānmūrttidhāriṇaḥ ### [75.29](https://indike.org/pramana/in.purana.kaumarikakhanda.75.29) sasarja divyarūpaṇāṃ śatamapsarasāṃ kulam || nṛtyairgītaiśca vāditraissevadhvamiti cā diśat ### [75.30](https://indike.org/pramana/in.purana.kaumarikakhanda.75.30) snātvā brahmasarasyasminviṣṇuḥ kamalalocanaḥ || pradakṣiṇaṃ cakārāsumaruṇādriṃ samarcitam ### [75.31](https://indike.org/pramana/in.purana.kaumarikakhanda.75.31) apāpaḥ sarvalokānāmādhi patyaṃ ca labdhavān || ramayā sahito nityamabhirūpasurūpayā ### [75.32](https://indike.org/pramana/in.purana.kaumarikakhanda.75.32) bhāskarastejasāṃ rāśirasurairapi pīḍitaḥ || brahmopadeśādānarca bhaktyāruṇa girīśvaram ### [75.33](https://indike.org/pramana/in.purana.kaumarikakhanda.75.33) nimajya vimale tīrthe pāvane brahmanirmite || pradakṣiṇaṃ cakārainamaruṇādriṃ svayaṃprabhum ### [75.34](https://indike.org/pramana/in.purana.kaumarikakhanda.75.34) aśeṣadaityavijayaṃ labdhvā meru pradakṣiṇam || lebhe ca paramaṃ tejaḥ paratejaḥpraṇāśanam ### [75.35](https://indike.org/pramana/in.purana.kaumarikakhanda.75.35) dakṣaśāpānalākrāṃtassomaḥ śivavacobalāt || aruṇācalamabhyarcya labdharūpo'bhava tpunaḥ ### [75.36](https://indike.org/pramana/in.purana.kaumarikakhanda.75.36) agnibrahmarṣiśāpena yakṣmarogaprapīḍitaḥ || apūto'pi pavitro'bhūdaruṇācalasevayā ### [75.37](https://indike.org/pramana/in.purana.kaumarikakhanda.75.37) śakro vṛtraṃ balaṃ pākaṃ namuciṃ jṛṃbhamu ddhatam || śivalabdhavarāndaityānpurā hatvā jagatpatīn ### [75.38](https://indike.org/pramana/in.purana.kaumarikakhanda.75.38) pātakaiśca parikṣīṇastathā lokāṃtamāśritaḥ || śambhuṃ prasādya tapasā śivena paricoditaḥ ### [75.39](https://indike.org/pramana/in.purana.kaumarikakhanda.75.39) aruṇādriṃ samabhyarcya vipāpo'bhūtsurrādhipaḥ || iṣṭvā ca hayamedhena prīṇayāmāsa śaṃkaram ### [75.40](https://indike.org/pramana/in.purana.kaumarikakhanda.75.40) labdhvā cendrapadaṃ śakraḥ śatamapsarasāṃ kulam || sevārthamādiśacchrīmāndivyaduṃdubhisavayā ### [75.41](https://indike.org/pramana/in.purana.kaumarikakhanda.75.41) puṣpameghānsamādiśya divyābhiḥ puṣpavṛṣṭibhiḥ || samarpayati śoṇādriṃ divi nityaṃ ca vaṃdate ### [75.42](https://indike.org/pramana/in.purana.kaumarikakhanda.75.42) śeṣo'pi śoṇaśaileśaṃ samabhyarcya śivājñayā || abhajatkāmarūpatvaṃ mahīmaṇḍaladhārakaḥ ### [75.43](https://indike.org/pramana/in.purana.kaumarikakhanda.75.43) anye nāgāśca gandharvāḥ siddhāścāpsarasāṃ gaṇāḥ || dikpālāśca tamabhyarcya lebhire'pekṣitānvarān ### [75.44](https://indike.org/pramana/in.purana.kaumarikakhanda.75.44) devairaśeṣairdaityādyairjetukāmaiḥ samudyataiḥ || prārthi taḥ sarvato'bhīṣṭavarado'ruṇabhūdharaḥ ### [75.45](https://indike.org/pramana/in.purana.kaumarikakhanda.75.45) tvaṣṭrā viracitākāra ādityastejasā tapan || grahānāthastu śoṇādriṃ vilaṃghayitumudyataḥ ### [75.46](https://indike.org/pramana/in.purana.kaumarikakhanda.75.46) rathavāhāḥ punastasya śaktihīnāḥ śramaṃ gatāḥ || so'pi śriyā vihīnaśca jātaḥ śoṇādritejasā ### [75.47](https://indike.org/pramana/in.purana.kaumarikakhanda.75.47) nāśkanocca divaṃ gantuṃ sarvagatyāṃśumā linaḥ || sa tu brahmopadeśena samārādhyāruṇācalam ### [75.48](https://indike.org/pramana/in.purana.kaumarikakhanda.75.48) prītyā tasmādvibhorlebhe mārgaṃ vyomno hayāñchubhān || tataḥ prabhṛti tigmāṃśuḥ sa hi śoṇākhyaparvatam ### [75.49](https://indike.org/pramana/in.purana.kaumarikakhanda.75.49) na laṃghayati kiṃ tvasya pradakṣiṇaparikramaiḥ || dakṣayāgaparivrvastā hīnāṃgāstridaśāḥ purā ### [75.50](https://indike.org/pramana/in.purana.kaumarikakhanda.75.50) aruṇācalamārādhya navānyaṃgāni lebhire || pūṣā dantaṃ śikhī hastaṃ bhago netraṃ tvakhaṃḍitam ### [75.51](https://indike.org/pramana/in.purana.kaumarikakhanda.75.51) ghrāṇaṃ vāṇīṃ ca lebhe sā śoṇācalaniṣevaṇāt || bhārgavaḥ kṣīṇane trassa viṣṇuhastakuśāyataḥ ### [75.52](https://indike.org/pramana/in.purana.kaumarikakhanda.75.52) balidattāvanīdānajaladhārānirodhataḥ || sa tu śoṇācalaṃ gatvā tapaḥ kṛtvātiduṣkaram ### [75.53](https://indike.org/pramana/in.purana.kaumarikakhanda.75.53) lebhe netraṃ ca pūtātmā bhāskarākhye girau sthitaḥ || aruṇācalanāthasya sevayā sūryasārathiḥ ### [75.54](https://indike.org/pramana/in.purana.kaumarikakhanda.75.54) pratardnārakhyo nṛpatirgrahītuṃ devakanyakām || aruṇā dripatergānaṃ kurvatīṃ sādaro'bhavat ### [75.55](https://indike.org/pramana/in.purana.kaumarikakhanda.75.55) kṣaṇātkapimukho jāto maṃtrimiścodito nṛpaḥ || pratyarpya tāṃ punaścānyāḥ prādādaruṇabhūbhṛte ### [75.56](https://indike.org/pramana/in.purana.kaumarikakhanda.75.56) tataścārumukho jātaḥ prasādādaru ṇeśituḥ || sāyujyamasmai sakalaṃ dattavānbhaktibhāvataḥ ### [75.57](https://indike.org/pramana/in.purana.kaumarikakhanda.75.57) aruṇācalanāthasya saṃnidhau jñānadurbalaḥ || gaṃdharvaḥ puṣpa kāravyastu bhaktihīno hyagātpurā ### [75.58](https://indike.org/pramana/in.purana.kaumarikakhanda.75.58) tato vyāghramukhaṃ dṛṣṭvā gaṃdharvaparicārakāḥ || kimetaditi sāścaryaṃ papracchuste parasparam ### [75.59](https://indike.org/pramana/in.purana.kaumarikakhanda.75.59) atha nārada nirdiṣṭamavajñāphalamātmanaḥ || buddhāruṇādriṃ saṃpūjya punaśca sumukho'bhavat ### [75.60](https://indike.org/pramana/in.purana.kaumarikakhanda.75.60) śivabhūmiriyaṃ khyātā parito yojanadvayam || muktistatra pramī tānāṃ kadāpi vilayo na hi ### [75.61](https://indike.org/pramana/in.purana.kaumarikakhanda.75.61) saptarṣayaḥ purā bhūmau śāpadoṣasamanvitāḥ || niṣevireruṇādriṃ vai nātho jñātvā viniścayam ### [75.62](https://indike.org/pramana/in.purana.kaumarikakhanda.75.62) śāpa mokṣaṃ dadau śrīmānsaptarṣīṇāṃ mahātmanām || saptarṣibhiḥ kṛtaṃ tīrthaṃ sarvapāpavināśanam ### [75.63](https://indike.org/pramana/in.purana.kaumarikakhanda.75.63) śoṇācalasya nikaṭe dṛśyate pāvanaṃ śubham paṃgurmuniḥ śoṇaśailātpādau labdhuṃ samāgataḥ ### [75.64](https://indike.org/pramana/in.purana.kaumarikakhanda.75.64) aṃtarhitaprārthitārtho dāruhastapuṭe vahan || jānucaṃkramaṇavyagraḥ śoṇanadyāstaṭaṃ gataḥ ### [75.65](https://indike.org/pramana/in.purana.kaumarikakhanda.75.65) dāruhastapuṭe tīrthe nicikṣepa pipāsataḥ || jānucaṃkramaṇe tasmindhūrtastoyaṃ pipāsati ### [75.66](https://indike.org/pramana/in.purana.kaumarikakhanda.75.66) atha śoṇācalaṃ prātaḥ kathaṃ vā dāruhastakaḥ kimetaditi taṃ pṛcchannādhāvatkalitatparaḥ ### [75.67](https://indike.org/pramana/in.purana.kaumarikakhanda.75.67) labdhapādaśca sahasā jagāma ca nijālayam || nādrākṣītpuruṣaṃ tatra dāruhastau purogamau ### [75.68](https://indike.org/pramana/in.purana.kaumarikakhanda.75.68) svayaṃ gṛhītvā cālokya vavaṃde'ruṇaparvatam || nanaṃda labdhacaraṇo labdharūpo mahāmuniḥ ### [75.69](https://indike.org/pramana/in.purana.kaumarikakhanda.75.69) vismayotphullanayanaiḥ śivabhaktairmahātmabhiḥ || pūjito labdhapādaḥ sañjagāma ca yathāgatam ### [75.70](https://indike.org/pramana/in.purana.kaumarikakhanda.75.70) vālī śakrasutaḥ śrīmāñchṛṃgādudyanmahībhṛtaḥ || astācalasya śikharaṃ pratigantuṃ samudyataḥ ### [75.71](https://indike.org/pramana/in.purana.kaumarikakhanda.75.71) āluloke'ruṇagiriṃ madhye devanamaskṛtam || ūrdhvaṃ gaṃtuṃ samudyuktaḥ kṣīṇavīryo'patadbhuvi ### [75.72](https://indike.org/pramana/in.purana.kaumarikakhanda.75.72) pitrā śakreṇa saṃgamya coditaḥ śoṇaparva tam || liṃgaṃ taijasamabhyarcya labdhavīryo'bhavatpunaḥ ### [75.73](https://indike.org/pramana/in.purana.kaumarikakhanda.75.73) nalaḥ pūrvaṃ samabhyarcya svasṛṣṭā mānavapriyāḥ || pālayāmāsa dharmātmā nītisārasa manvitaḥ ### [75.74](https://indike.org/pramana/in.purana.kaumarikakhanda.75.74) ilaḥ praviśya sahasā gaurīvanamakhaṃḍitam || strībhāvaṃ samanuprāptaḥ papraccha svaṃ purodhasam ### [75.75](https://indike.org/pramana/in.purana.kaumarikakhanda.75.75) vaśiṣṭhena samādiṣṭaḥ śoṇādriṃ samapūjayat || tapasārādhya deveśaṃ punaḥ puṃstvamupāgataḥ ### [75.76](https://indike.org/pramana/in.purana.kaumarikakhanda.75.76) somopadeśādbhaktyātha sasmārāruṇaparvatam || īśānugrahato lebhe śāpamokṣaṃ tapo dhikaḥ ### [75.77](https://indike.org/pramana/in.purana.kaumarikakhanda.75.77) lebhe ca paramaṃ sthānamaprāpyamamarairapi || bharato mṛgaśāvasya smaraṇādāyuṣo'tyaye ### [75.78](https://indike.org/pramana/in.purana.kaumarikakhanda.75.78) na muktiṃ prāpa yogena mṛgajanmani saṃgataḥ || patnīvirahajaṃ duḥkhaṃ prāptavānamitaṃ hariḥ ### [75.79](https://indike.org/pramana/in.purana.kaumarikakhanda.75.79) punarbhṛgūpadeśena śoṇādrimamamarcayan || avatāreṣu sarveṣu sarvaduḥkhānyapākarot ### [75.80](https://indike.org/pramana/in.purana.kaumarikakhanda.75.80) sarasvatī ca sāvitrī śrībhūmiḥ saritastathā || abhyarcya śoṇaśaileśamāpado niratāriṣuḥ ### [75.81](https://indike.org/pramana/in.purana.kaumarikakhanda.75.81) bhāskaraḥ pūrvadigbhāge viśvāmitrastu dakṣiṇe paścime varuṇo bhāge triśūlaṃ cottarāśrayam ### [75.82](https://indike.org/pramana/in.purana.kaumarikakhanda.75.82) yojanadvayaparyaṃte sīmāḥ śaileṣu saṃsthitāḥ || catasro devatāstvetāḥ sevaṃte śoṇaparvatam ### [75.83](https://indike.org/pramana/in.purana.kaumarikakhanda.75.83) sthitāḥ sīmāvasāneṣu śoṇādrīśamavasthitam || namaṃti devāścatvāraḥ śivaṃ śoṇācalākṛtim ### [75.84](https://indike.org/pramana/in.purana.kaumarikakhanda.75.84) asyottarasmiñchikhare dṛśyate vaṭabhūruhaḥ siddhaveṣaḥ sadaivaste yasya mūle maheśvaraḥ ### [75.85](https://indike.org/pramana/in.purana.kaumarikakhanda.75.85) yasya cchāyātimahatī sarvadā maṇḍalākṛtiḥ || lakṣyate vismayopetaiḥ sarvadā devamānavaiḥ ### [75.86](https://indike.org/pramana/in.purana.kaumarikakhanda.75.86) aṣṭabhiḥ parito liṃgairaṣṭadikpālapūjitaiḥ || aṣṭāsu saṃsthitairdikṣu śobhate hyupasevitaḥ ### [75.87](https://indike.org/pramana/in.purana.kaumarikakhanda.75.87) nṛpāṇāṃ śaṃbhubhaktānāṃ śaṃkarājñānupālinām atraiva mahadāsthānamādidevena nirmitam ### [75.88](https://indike.org/pramana/in.purana.kaumarikakhanda.75.88) bakulaśca mahāṃstatra sadārthitaphalapradaḥ || āgamārthavidā mūle vāmadevena sevyate ### [75.89](https://indike.org/pramana/in.purana.kaumarikakhanda.75.89) aga styaśca vaśiṣṭhaśca saṃpūjyāruṇabhūdharam || saṃsthāpya liṃge vimale tepāte tādṛśaṃ tapaḥ ### [75.90](https://indike.org/pramana/in.purana.kaumarikakhanda.75.90) hiraṇyagarbhatanayaḥ purā śoṇanadaḥ pumān || atra tīvraṃ tapa staptvā gaṃgābhimukhago'bhavat ### [75.91](https://indike.org/pramana/in.purana.kaumarikakhanda.75.91) atra śoṇanadī puṇyā pravahatyamalodakā || veṇā ca puṇyataṭinī paritaḥ sevate'calam ### [75.92](https://indike.org/pramana/in.purana.kaumarikakhanda.75.92) vāyavyāñca diśo bhāge vāyutīrthaṃ ca śobhate || tatra snātvā marutpūrvaṃ jagatprāṇatvamāptavān ### [75.93](https://indike.org/pramana/in.purana.kaumarikakhanda.75.93) uttare'sya girestīrthaṃ suvarṇakamalojvalam || divyasaugaṃdhikā kīrṇaṃ haṃsabhṛṃgamanoharam ### [75.94](https://indike.org/pramana/in.purana.kaumarikakhanda.75.94) kauberaṃ tīrthamaiśānyāmaiśānyaṃ tīrthamuttamam ### [75.95](https://indike.org/pramana/in.purana.kaumarikakhanda.75.95) tasyaiva paścime bhāge viṣṇuḥ kamalocanaḥ || snātvā viṣṇu tvamabhajatkamalālālitākṛtiḥ ### [75.96](https://indike.org/pramana/in.purana.kaumarikakhanda.75.96) navagrahāḥ purā tatra snātvā grahapadaṃ gatāḥ || navagrahaprasādaśca jāyate tatra majjatām ### [75.97](https://indike.org/pramana/in.purana.kaumarikakhanda.75.97) durgā vināyaka skandau kṣetrapālaḥ sarasvatī || rakṣaṃti paritastīrthaṃ brāhmayametadanantaram ### [75.98](https://indike.org/pramana/in.purana.kaumarikakhanda.75.98) gaṃgā ca yamunā caiva godāvarī sarasvatī || narmadāsindhukāveryaḥ śoṇaḥ śoṇanadī ca sā ### [75.99](https://indike.org/pramana/in.purana.kaumarikakhanda.75.99) etā gūḍhā niṣevaṃte pūrvādiśāsu saṃtatam || naśyaṃtyaḥ sakalaṃ pāpamātmakṣetrasamudbhavam ### [75.100](https://indike.org/pramana/in.purana.kaumarikakhanda.75.100) anyāśca sarito divyāḥ pārthivyaśca śubhodakāḥ || udajṛṃbhaṃta sahasā śoṇādrīśaprasādataḥ ### [75.101](https://indike.org/pramana/in.purana.kaumarikakhanda.75.101) āgastyaṃ dakṣiṇe bhāge tīrthaṃ mahadudāhṛtam || sarvabhāṣārthasaṃsi ddhirjāyate tatra majjatām ### [75.102](https://indike.org/pramana/in.purana.kaumarikakhanda.75.102) atrāgastyaḥ samāgatya snātvā munigaṇāvṛtaḥ || abhyarcayati śoṇādriṃ māsi bhādrapade sadā ### [75.103](https://indike.org/pramana/in.purana.kaumarikakhanda.75.103) vāśi ṣṭhamuttare bhāge tīrthaṃ divyaṃ śubhodayam || sarvavedārthasaṃsiddhirjāyate tatra majjanāt ### [75.104](https://indike.org/pramana/in.purana.kaumarikakhanda.75.104) atra meroḥ samāgatya vaśiṣṭho bhagavānṛṣiḥ || karotyā śvayuje māsi śoṇādrīśaniṣevaṇam ### [75.105](https://indike.org/pramana/in.purana.kaumarikakhanda.75.105) gaṃgānāma mahattīrthaṃ pūrvottaradiśi sthitam || tatra snānādbhavennṛṇāṃ sarvapātakanāśanam ### [75.106](https://indike.org/pramana/in.purana.kaumarikakhanda.75.106) gaṃgāyyāḥ saritaḥ sarvāḥ kārttike māsi saṃgatāḥ || atrāruṇādrināthasya sevāṃ kurvaṃti sādaram ### [75.107](https://indike.org/pramana/in.purana.kaumarikakhanda.75.107) brāhmyaṃnāma mahātīrthamaruṇādrīśasannidhau tasyopasaṃgamātsadyo brahmahatyādi naśyati ### [75.108](https://indike.org/pramana/in.purana.kaumarikakhanda.75.108) mārge māsi samāgatya brahmalokātpitāmahaḥ || snātvā tatpratyahaṃ devamarcayatyaruṇācalam ### [75.109](https://indike.org/pramana/in.purana.kaumarikakhanda.75.109) pauṣe māsi samāgatya snātvā tīrthe nijaiḥ suraiḥ || mahendraḥ śoṇaśaileśamabhyarcayati śaṃkaram ### [75.110](https://indike.org/pramana/in.purana.kaumarikakhanda.75.110) śaivaṃnāma mahātīrthaṃ saṃnidhau tatra vartate || rudro brahmakapālena saha tatra nyamajjata ### [75.111](https://indike.org/pramana/in.purana.kaumarikakhanda.75.111) atra śambhurgaṇaiḥ sārddhaṃ māghe māsi prasīdati || prāyaści ttāni sarvāṇi nṛṇāṃ saphalayanbhuvi ### [75.112](https://indike.org/pramana/in.purana.kaumarikakhanda.75.112) āgneyamagnidigbhāge tīrthaṃ saubhāgyadāyakam || agniratra purā snātvā svāhayā saṃgataḥ sukhī ### [75.113](https://indike.org/pramana/in.purana.kaumarikakhanda.75.113) anaṃgopi smaraḥ snātvā phālgune māsi saṃgataḥ || abhyarcya śoṇaśaileśamabhūtsarvasukhādhipaḥ ### [75.114](https://indike.org/pramana/in.purana.kaumarikakhanda.75.114) diśi dakṣiṇapūrvasyāṃ vaiṣṇavaṃ tīrthamadbhutam || brahmarṣayaḥ sadā tatra vasanti kṛtakautukāḥ ### [75.115](https://indike.org/pramana/in.purana.kaumarikakhanda.75.115) caitre māsi samāgatya viṣṇustatra ramāpatiḥ snātvābhyarcyyāruṇādrīśamabhavallokanāyakaḥ ### [75.116](https://indike.org/pramana/in.purana.kaumarikakhanda.75.116) sauraṃnāma mahātīrthaṃ kauberadiśi jṛṃbhitam || sarvarogopaśāṃtiśca jāyate tatra majjanāt ### [75.117](https://indike.org/pramana/in.purana.kaumarikakhanda.75.117) vaiśākhe māsi dinakṛtsnātvātreśaṃ niṣevate || vālakhilyaiḥ samaṃ śrīmānvedaiśca saha saṃgataḥ ### [75.118](https://indike.org/pramana/in.purana.kaumarikakhanda.75.118) āśvinaṃ pāvanaṃ tīrthamīśabrahmottare sthitam || āplutau bhiṣajau dasrau pūtāvatra nimajjanāt ### [75.119](https://indike.org/pramana/in.purana.kaumarikakhanda.75.119) atrāśvinau samāgatya snātvābhyarcya ca śaṃkaram || dakṣiṇe śoṇa śailasya nikaṭe vartate śubham ### [75.120](https://indike.org/pramana/in.purana.kaumarikakhanda.75.120) kāmadaṃ mokṣadaṃ caiva tīrthaṃ pāṃḍavasaṃjñitam || purā hi pāṃḍavāstatra majjanātkṣitināyakāḥ ### [75.121](https://indike.org/pramana/in.purana.kaumarikakhanda.75.121) atra dhātrī samāgatya sarvauṣadhiphalānvitā || jyeṣṭhe māsi samaṃ devairarcayaccāruṇācalam ### [75.122](https://indike.org/pramana/in.purana.kaumarikakhanda.75.122) āṣāḍhe māsi saṃtyaktā viśvedevā mahābalāḥ abhyarcya śoṇaśaileśamāgacchanmakharādhyatām ### [75.123](https://indike.org/pramana/in.purana.kaumarikakhanda.75.123) vaiśvadevaṃ mahātīrthaṃ somasūryottarāśrayam || viśvādhipatyamatulaṃ labhyate tatra majjanāt ### [75.124](https://indike.org/pramana/in.purana.kaumarikakhanda.75.124) parito lakṣyate tīrthaṃ pūrvasyāṃ diśi śobhane || atra lakṣmīḥ purā snātvā lebhe puruṣamuttamam ### [75.125](https://indike.org/pramana/in.purana.kaumarikakhanda.75.125) uttarasyāṃ diśi purā puṇyā skaṃdanadī sthitā || atra snātvā purā skaṃdaḥ saṃprāpto vipulaṃ balam ### [75.126](https://indike.org/pramana/in.purana.kaumarikakhanda.75.126) paścimasyāṃ diśi khyātā parā kuṃbhanadī śubhā || agastyaḥ kuṃbhakaḥ kuṃbhastatra nityaṃ vyavasthitaḥ ### [75.127](https://indike.org/pramana/in.purana.kaumarikakhanda.75.127) gaṃgā ca mūlabhāgasthā yamunā gagane sthitā || somodbhavā śirobhāge sevate śoṇaparvatam ### [75.128](https://indike.org/pramana/in.purana.kaumarikakhanda.75.128) bahūnyapi ca tīrthāni saṃbhūtāni samaṃtataḥ || teṣāṃ bhedānpurā vettuṃ mārkaṃḍeyastu nāśakat ### [75.139](https://indike.org/pramana/in.purana.kaumarikakhanda.75.139) tapobhirbahubhissoyaṃ śoṇādrīśamatoṣayat prārthayāmāsa ca varaṃ prītāttasmānmunīśvaraḥ ### [75.130](https://indike.org/pramana/in.purana.kaumarikakhanda.75.130) mārkaṃḍeya uvāca || || bhagavannaruṇādrīśa tīrthabhedāḥ sahasraśaḥ || prakhyātāśca prakāśaṃte durbodhāstvalpacetasām ### [75.131](https://indike.org/pramana/in.purana.kaumarikakhanda.75.131) kathamekatra sāṃnidhyaṃ labheranbhuvi mānavāḥ || aparyāptaśca bhavati pṛthageṣāṃ niṣevaṇe ### [75.132](https://indike.org/pramana/in.purana.kaumarikakhanda.75.132) aṃtarnigūḍhatejāstvaṃ gatvā yatsakalaiḥ suraiḥ || ārādhyase kuru tathā śoṇādrisparśabhīrubhiḥ ### [75.133](https://indike.org/pramana/in.purana.kaumarikakhanda.75.133) ahaṃ ca śaṃbhumabhyarcya tapasāruṇaparvatam || sarvalokopakārārthaṃ sūkṣmaṃ liṃgamapūjayam ### [75.134](https://indike.org/pramana/in.purana.kaumarikakhanda.75.134) viśvakarmakṛtaṃ divyaṃ vimānaṃ vividhotsavam || saṃkalpya sakalānbhogānnityānajanayatpunaḥ ### [75.135](https://indike.org/pramana/in.purana.kaumarikakhanda.75.135) dharmaśāstrāṇi vividhānyavāpurmunipuṃgavāḥ || śivakāryāṇi sarvāṇi cakrurbhaktisamanvitāḥ ### [75.136](https://indike.org/pramana/in.purana.kaumarikakhanda.75.136) mayā ca śaṃbhumabhyarcya kṛtāgnyāhutisaṃbhavāḥ || sapta kanyā varārohāḥ pūjārthaṃ viniyojitāḥ ### [75.137](https://indike.org/pramana/in.purana.kaumarikakhanda.75.137) hataśatrugaṇairbhū pairlabdharājyaiḥ purā nṛpaiḥ || pratyekaṃ vividhairbhogaiḥ śoṇaśailādhiporcitaḥ ### [75.138](https://indike.org/pramana/in.purana.kaumarikakhanda.75.138) ida manubhavavaibhavaṃ vicitraṃ duritaharaṃ śivaliṃgamadrirūpam || amalamanabhigamyanāmadheyaṃ varamaruṇādrināyakaṃ bhajasva ### [75.139-2](https://indike.org/pramana/in.purana.kaumarikakhanda.75.139-2) avanatajanarakṣaṇoci tasya smaraṇanirākṛtaviśvakalmaṣasya || bhajanamamitapuṇyarāśiyogādaruṇagireḥ kṛtinaḥ paraṃ labhasva ### [75.139-2.p1](https://indike.org/pramana/in.purana.kaumarikakhanda.75.139-2.p1) iti śrīskāṃde mahāpurāṇa ekāśīti sāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe'ruṇācalasthavividhatīrthamāhātmyavarṇanaṃnāma ṣaṣṭho'dhyāyaḥ ## Linked texts (7) - [Māheśvarakhaṇḍa](https://indike.org/pramana/in.purana.mahesvarakhanda.75.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.115.1) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.3.6.1) — Sanskrit - [Śoṇādrimāhātmya](https://indike.org/pramana/in.purana.sthala.sonadrimahatmya.5.1) — Sanskrit - [Caturvargacintāmaṇi](https://indike.org/pramana/in.niti.dharma.nibandha.mahanibandha.caturvargacintamani.171.p8) — Hemādri, Sanskrit - [Ṣoḍaśamahādānavidhi (Hemādri)](https://indike.org/pramana/in.niti.dharma.dana.mahadana.sodasamahadanavidhi-hemadri.171.p8) — Hemādri, Sanskrit - [Dānakhaṇḍa](https://indike.org/pramana/in.niti.dharma.nibandha.hemadri.danakhanda.177.p9) — Hemādri, Sanskrit --- Source: [https://indike.org/pramana/in.purana.kaumarikakhanda.75](https://indike.org/pramana/in.purana.kaumarikakhanda.75) · Pramāṇa