[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kaumarikakhanda](https://indike.org/pramana/in.purana.kaumarikakhanda) › 76 # Kaumarikakhanda 76 Kaumārīkākhaṇḍa 76 - **Language:** Sanskrit ## Contents - [76.43](https://indike.org/pramana/in.purana.kaumarikakhanda.76.43) — 1 part ### [76.1](https://indike.org/pramana/in.purana.kaumarikakhanda.76.1) cha || || pārvatyu vāca || || kathamagnimayaṃ liṃgamabhigamyamabhūdbhuvi || prāṇināmapi sarveṣāmupaśāṃtiṃ kathaṃ gataḥ ### [76.2](https://indike.org/pramana/in.purana.kaumarikakhanda.76.2) tīrthānāmudbhavaḥ puṇyātkathaṃ cāruṇaparvatāt upasaṃhṛtasarvāṃgaḥ kathaṃ vā vada me'calaḥ ### [76.3](https://indike.org/pramana/in.purana.kaumarikakhanda.76.3) gautama uvāca || || kṛte tvāgnimayaḥ śailastretāyāṃ maṇiparvataḥ || dvāpare hāṭakagiriḥ kalau marakatācalaḥ ### [76.4](https://indike.org/pramana/in.purana.kaumarikakhanda.76.4) bahuyojanaparyaṃtaṃ kṛte vahnimaye sthite || bahiḥ pradakṣiṇaṃ cakruḥ praśāmyati maharṣayaḥ ### [76.5](https://indike.org/pramana/in.purana.kaumarikakhanda.76.5) śanaiḥ śāṃtoruṇādrīśaḥ śrīmānabhyarthitaḥ suraiḥ || loka guhyarthamatyarthamupaśāṃto'ruṇācalaḥ ### [76.6](https://indike.org/pramana/in.purana.kaumarikakhanda.76.6) atha gaurī muniṃ prāha kathaṃ śāṃto'ruṇācalaḥ || kathaṃ vā prārthayāmāsurdeveśaṃ tridaśā imam ### [76.7](https://indike.org/pramana/in.purana.kaumarikakhanda.76.7) iti tasyā vacaḥ śrutvā gautamastvabhyabhāṣata || praśasya bhaktimatulāṃ tasyāstattvārthavedinīm ### [76.8](https://indike.org/pramana/in.purana.kaumarikakhanda.76.8) gautama uvāca || || agnirūpaṃ purā śailamāsādayitumakṣamāḥ purā surāḥ stutiṃ cakrurabhyarcya ṛtusaṃbhavaiḥ ### [76.9](https://indike.org/pramana/in.purana.kaumarikakhanda.76.9) bhagavannaruṇādrīśa sarvalokahitāvaha || agnirūpo'pi saṃśāṃtaḥ prakāśasva mahītale ### [76.10](https://indike.org/pramana/in.purana.kaumarikakhanda.76.10) asau yastāmro aruṇa uta babhruḥ sumaṃgalaḥ || iti tvāṃ sakalā vedāḥ stuvaṃti śivavigraham ### [76.11](https://indike.org/pramana/in.purana.kaumarikakhanda.76.11) namastāmrāyāruṇāya śivāya paramātmane || vedavedya svarūpāya somāya sukharūpiṇe ### [76.12](https://indike.org/pramana/in.purana.kaumarikakhanda.76.12) tvadrūpamakhilaṃ deva jagadetaccarācaram || nidhānamiva te rūpaṃ devānāmadamīkṣyate ### [76.13](https://indike.org/pramana/in.purana.kaumarikakhanda.76.13) varṣatāṃ ca payodānāṃ nirjharāṇāṃ ca bhūyasām || salilo pāyasaṃhāro yuktaste yugasaṃkṣaye ### [76.14](https://indike.org/pramana/in.purana.kaumarikakhanda.76.14) agnerāpaḥ samudbhūtāstvatto hi paramātmanaḥ || viśvasṛṣṭiṃ vitanvaṃti vicitraguṇa vaibhavāt ### [76.15](https://indike.org/pramana/in.purana.kaumarikakhanda.76.15) śīto bhava mahādeva śoṇācala kṛpānidhe || sarveṣāmapi jīvānādabhigamyo bhava prabho ### [76.16](https://indike.org/pramana/in.purana.kaumarikakhanda.76.16) iti stutaḥ suraiḥ sarvairānatairbhaktava tsalaḥ || sadyaḥ śītalatāṃ gacchannabhigamyo'bhavatprabhuḥ ### [76.17](https://indike.org/pramana/in.purana.kaumarikakhanda.76.17) prāvarttaṃta punarnadyo nirjharāśca bahūdkāḥ || varṣatāmapi meghānāṃ na jagrāha jalaṃ bahu ### [76.18](https://indike.org/pramana/in.purana.kaumarikakhanda.76.18) tathāpi taruṇākodyatkālāgniśatakoṭibhiḥ || samānadīptirabhajajjīvānāmabhigamyatām ### [76.19](https://indike.org/pramana/in.purana.kaumarikakhanda.76.19) visṛjya viśvasalilaṃ nadīśva rasaviśvaraiḥ saṃpūryaḥ sakalairdevaiḥ sarvadā saṃprakāśate ### [76.20](https://indike.org/pramana/in.purana.kaumarikakhanda.76.20) tīrthāni tāni tānyāsanparitaḥ prārthanāvaśāt || dikpālānāṃ surāṇāṃ ca maharṣīṇāṃ mahātmanām ### [76.21](https://indike.org/pramana/in.purana.kaumarikakhanda.76.21) brahmovāca || || iti tasya vacaḥ śrutvā gaurī kutukasaṃyutā || tīrthānāmudbhavaṃ sarvaṃ śrotuṃ samupacakrame ### [76.22](https://indike.org/pramana/in.purana.kaumarikakhanda.76.22) pārvatyuvāca kāni tīrthāni jātāni śoṇādrelokaguptaye || bhagavanbrūhi sakalaṃ tīrthānāmudbhavaṃ mama ### [76.23](https://indike.org/pramana/in.purana.kaumarikakhanda.76.23) iti tasyā vacaḥ śṛṇvangirīśātsaṃsrutaṃ purā tīrthānāmudbhavaṃ sarvaṃ vyākhyātumupacakrame ### [76.24](https://indike.org/pramana/in.purana.kaumarikakhanda.76.24) gautama uvāca || || aindraṃnāma mahātīrthamiṃdrabhāge samutthitam || tatra snātvā purā śakro brahmahatyāṃ vyapohayat ### [76.25](https://indike.org/pramana/in.purana.kaumarikakhanda.76.25) brahmatīrthaṃ punarddivyaṃ vahnikoṇe samutthitam || parastrīsaṃgamātpāpaṃ vahniḥ snātvātra cātyajat ### [76.26](https://indike.org/pramana/in.purana.kaumarikakhanda.76.26) yāmyaṃnāma mahātīrthaṃ yamabhāge vijṛṃbhate || atra snātvā yamo'tyākṣīdbhayaṃ brahmāstrasaṃbhavam ### [76.27](https://indike.org/pramana/in.purana.kaumarikakhanda.76.27) naiṛtaṃ tu mahātīrthaṃ naiṛtyāṃ diśi śobhate || bhūtavetālavi jayaṃ tatra snātvarṣayo gatāḥ ### [76.28](https://indike.org/pramana/in.purana.kaumarikakhanda.76.28) paścime vāruṇaṃ tīrthaṃ digbhāge ca prakāśate || śalyakośaṃ purā lebhe snātvātra varuṇo nijam ### [76.29](https://indike.org/pramana/in.purana.kaumarikakhanda.76.29) vāyavye vāyavīyaṃ ca tīrthamatra prakāśate || tatra snātvā yayau vāyurjagatprāṇatvavaibhavam ### [76.30](https://indike.org/pramana/in.purana.kaumarikakhanda.76.30) uttare cātra digbhāge somatīrthamiti smṛtam || tatra snātvā purā somo yakṣmarogādvamuṃcata ### [76.31](https://indike.org/pramana/in.purana.kaumarikakhanda.76.31) aiśāne cātra digbhāge viṣṇūtīrthamiti smṛtam || tatra snātvā purā viṣṇuḥ śriyā ca saha saṃgataḥ ### [76.32](https://indike.org/pramana/in.purana.kaumarikakhanda.76.32) mārkaṃḍeyaḥ purā devi prārthayāmāsa śaṃkaram || sadāśiva mahādeva devadeva jagatpate ### [76.33](https://indike.org/pramana/in.purana.kaumarikakhanda.76.33) bahūnāmiha tīrthānāmekatra syātsamāgamaḥ kenopāyena bhagavankṛpayā vada śaṃkara ### [76.34](https://indike.org/pramana/in.purana.kaumarikakhanda.76.34) iti tasya vacaḥ śrutvā devadeva umāpatiḥ || upāyaṃ darśayāmāsa munaye prītamānasaḥ ### [76.35](https://indike.org/pramana/in.purana.kaumarikakhanda.76.35) maheśvara uvāca || || sadopahāravelāyāṃ sarvatīrthasamuccayaḥ || sannidhiṃ mama saṃprāptaḥ sevate gūḍharūpataḥ ### [76.36](https://indike.org/pramana/in.purana.kaumarikakhanda.76.36) nānyad nveṣaṇīyaṃ te tīrthamatra mahāmune || mamopahāravelāyāṃ dṛśyate tīrthasaṃcayaḥ ### [76.37](https://indike.org/pramana/in.purana.kaumarikakhanda.76.37) tasmādbhaktiyutairnityaṃ sarvatīrthasamāgamaḥ || munibhiśca suraiḥ sarvairnaivedyāṃte vilokyatām ### [76.38](https://indike.org/pramana/in.purana.kaumarikakhanda.76.38) iti devi purā devo mārkaṃḍeyāya śaṃkaraḥ || upādiśadameyātmā tīrthasaṃdarśanakramam ### [76.39](https://indike.org/pramana/in.purana.kaumarikakhanda.76.39) gautama uvāca || || sarvāṇyapi ca puṇyāni tīrthāni śivasannidhau || sadopahāravelāyāṃ dṛśyāni kila mānavaiḥ ### [76.40](https://indike.org/pramana/in.purana.kaumarikakhanda.76.40) vrataṃ tīrthaṃ tapo vedā yajñāśca niyamādayaḥ || yogāśca śoṇaśaileśadarśanānnaṣṭasaṃcarāḥ ### [76.41](https://indike.org/pramana/in.purana.kaumarikakhanda.76.41) niśamya vākyaṃ munipuṃgavasya praseduṣī parvatarājaputrī || avocadatyadbhutametadatra tvayopadiṣṭaṃ bhuvi tīrthajālam ### [76.42](https://indike.org/pramana/in.purana.kaumarikakhanda.76.42) ahaṃ kṛtārthā tapatāṃ variṣṭha tvatsaṃgamātsaṃprati tīrthajālam || prāptā namaste'stu tapoviśeṣaṃ śivopi me'trādiśadeva kartum ### [76.43](https://indike.org/pramana/in.purana.kaumarikakhanda.76.43) kathaṃ girīśaḥ punaratra devaḥ sphuranmahāvahnivapurdharo'pi || praśāṃtaṃrūpaḥ parameśvaro'yamabhyarcanīyo bhuvi martyavargaiḥ ### [76.43.p1](https://indike.org/pramana/in.purana.kaumarikakhanda.76.43.p1) iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe 'ruṇācalamāhātmye pūrvārdhe'ruṇācalasthavividhatīrtha varṇanaṃnāma saptamo'dhyāyaḥ ## Linked texts (4) - [Māheśvarakhaṇḍa](https://indike.org/pramana/in.purana.mahesvarakhanda.76.1) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.116.1) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.3.7.p1) — Sanskrit - [Śoṇādrimāhātmya](https://indike.org/pramana/in.purana.sthala.sonadrimahatmya.5.11) — Sanskrit --- Source: [https://indike.org/pramana/in.purana.kaumarikakhanda.76](https://indike.org/pramana/in.purana.kaumarikakhanda.76) · Pramāṇa