Pramāṇa · Search · About · API

Kaumarikakhanda 77

Kaumārīkākhaṇḍa 77

Language
Sanskrit

Contents

77.1

cha || || gautama uvāca || || śṛṇu devi purāvṛttaṃ kailāse merudhanvinā || ādiṣṭastīrthayātrārthamahaṃ
liṃgāni vīkṣitum

77.2

rudrakṣetre ca kedāre tathā badarikāśrame || kāśyāṃ puṇyeṣu deśeṣu tathā śrīparvate śive

77.3

kāṃcīmukhyāsu puṇyāsu purī
ṣvapyagamaṃ tadā || ṛṣibhirvibudhaiḥ sārthergaṇairyogibhiruttamaiḥ

77.4

sthāpitāni ca liṃgāni svayaṃbhūni ca dṛṣṭavān || tatratatra mahābhāge tīrthāni
śivasannidhau

77.5

sevamānaḥ saśiṣyo'haṃ paryaṭanpṛthivīmimām || evaṃ tīrthāni sarvāṇi gāhamāno vratānvitaḥ

77.6

tapāṃsi yajñakarmāṇi
kurvanbhūmiṃ samācaran || śivasmaraṇasaṃyuktaḥ śivaliṃgāni sannaman

77.7

sarvāṇi bhuvi puṇyāni deśametamupāśrayam || atra devaṃ mahādevamavikeśaṃ
triyaṃbakam

77.8

aruṇādriritikhyātaṃ parvataṃ liṃgamaikṣiṣi || atra siddhā mahātmāno munayaśca dṛḍhavratāḥ

77.9

kaṃdamūlaphalāhārā dṛṣṭāḥ śoṇādri
sevakāḥ || astauṣamādimaṃ liṃgamaruṇādrimayaṃ mahat

77.10

ādyena brahmaṇā pūrvamarcitaṃ divyacakṣuṣā || asau yastāmro aruṇa uta babhruḥ sumaṃgalaḥ

77.11

iti vedāḥ stuvaṃti tvāmaruṇādrīśa saṃtatam || namastāmrāya cāruṇāya śivāya paramātmane

77.12

sarvavedasvarūpāya nityāyāmṛt‌mūrtaye
kālāya karuṇārdrāya dṛṣṭipeyāmṛtābdhaye

77.13

bhaktavātsalyapūrṇāya puṇyāya purabhedine || darśanaṃ tava deveśa sarvadharmaphalapradam

77.14

bhuvi labdhavatāṃ
bhūyo nānyatkāryaṃ tapaḥ kvacit || bhavatā karmabhūreṣā vartatedya nirodhitā

77.15

prārthayaṃte svayaṃ vāsāndevāścātra tvadāśraye || kālasaṃgrahasaṃjjātaṃ phalaṃ
labdhaṃ mayādhunā

77.16

anyatkṛtaṃ tapaḥ sarvaṃ tvaddarśanaphalaṃ mama || īdṛśaṃ tava deveśa rūpamatyadbhutodayam

77.17

ekamadrimayaṃ liṃgaṃ na kvaciddṛṣṭa
vānbhuvi || sūryendvagnisusaṃyuktakoṇatrayamanoharam

77.18

trimūrtirūpa deveśa dṛśyate te vapurmahat || śaktitrayasvarūpeṇa kālatrayavidhānakam

77.19

trivedātmaṃ trikoṇāṃgaṃ liṃgaṃ te dṛṣṭamadbhutam || trailokyarakṣaṇārthāya vitataṃ rūpamāsthitaḥ

77.20

dṛśyate vasudhābhāge śoṇādririti viśrutaḥ || ajāna
tāṃ ca martyānāṃ samālokanamātrataḥ

77.21

vitaratyakhilānbhogānavyājakaruṇānidhiḥ || arcayā rahitaṃ liṃgamanyaṃ śūnyamudāhṛtam

77.22

idaṃ tu pūjitaṃ devaiḥ sadā sarvavarapradam || prasīda karuṇāpūrṇa śoṇācala maheśvara

77.23

trāyasva bhavabhītaṃ māṃ prapannaṃ bhaktavatsala || draṣṭavyaṃ draṣṭametattve
rūpamatyadbhutaṃ mahat

77.24

kṛtārthaya kṛpāsiṃdho śaraṇya śaraṇāgatam || iti saṃstūyamāno me devaḥ śoṇācaleśvaraḥ

77.25

adarśayatparaṃ rūpaṃ divya
mehītyuvāca mām || prīto'smi bhavataḥ stotrairbhaktyā ca parayā bhṛśam

77.26

atraiva bhavato vāso nityamastu mamāṃtike || saṃpūjaya ca māṃ
nityaṃ bhuvi bhogaiḥ sanātanaiḥ

77.27

tapasā tapa sarveṣāṃ mahattvamiha darśaya || pūrvaṃ kailāsaśikhare vasaṃtaṃ tvāṃ taponvitam

77.28

ādiśaṃ
pṛthivībhāge śoṇādrau pūjayeti mām || saptarṣipūjitā pūjā divi me saṃprakāśate

77.29

tathā nityārcanāyuktaḥ prakāśaya dharātale || sarveṣāmeva jaṃtūnāṃ hitāya tvaṃ tapo'dhikaḥ

77.30

bhuvi māṃ pūjayārcābhirāgamoktābhirādarāt || divyā mama mahāpūjā dṛśyā hi
divi daivataiḥ

77.31

prakāśanīyā bhavatā pārthivī vasudhātale || māhātmyaṃ pūrvamevoktaṃ tathāhamaruṇācalaḥ

77.32

sthito vasuṃ
dharābhāge mayā prīto tu te bhṛśam || ye vā saṃpūjayaṃti sma pūrvaṃ māṃ sukṛtādhikāḥ

77.33

tebhyastvamadhiko bhūmau prakāśasva śivārcanam
ityādiṣṭo hi deveśaṃ praṇamya bhavabhaktimān

77.34

anvapṛcchaṃ dayāpūrṇamaruṇādrīśamānaman || anāsādyamidaṃ rūpamagnirūpaṃ maheśvaram

77.35

kathamadyārcayāmyenaṃ martyalokocitārcanaiḥ || ādeśamimamanvarthaṃ kathaṃ vā kalpayāmyaham

77.36

upāyamādiśa śrīmannabhigamyo yathā bhavān
iti vijñāpito devaḥ śrīmāñchoṇācaleśvaraḥ

77.37

anvagrahīdaśeṣānmā praṇataṃ māṃ dayānidhiḥ || ahaṃ tu sūkṣmaliṃgāni prakāśiṣye mahītale

77.38

āgamoktakriyābhedaiḥ pūjāṃ me pratipādaya || paṃcāvaraṇasaṃyuktaṃ liṃgaṃ me sūkṣmamadbhutam

77.39

aruṇādrīśvarābhikhyaṃ saṃpūjaya tapobalaiḥ
ityādiśya mahādevaḥ svayaṃbhu vimalaṃ mahat

77.40

rūpaṃ me darśayāmāsa sūkṣmaliṃgātmanā śivaḥ || ālokya vimalaṃ liṃgaṃ sūkṣmaṃ tatsvayamucchri
tam

77.41

aśeṣā''varaṇopetaṃ kṛtārthahṛdayo'bhavam || punarvyajñāpayaṃ devaṃ śambhumāśritavatsalam

77.42

āgamoktaprakārāṇāmanirīkṣyatvamāga
tam || kathaṃ tu tava rūpāṇāṃ nāmabhedānviyojitān

77.43

jānīyāṃ karuṇāmūrtte svayamīśvara matprabho || pūjakāstava ke vā syurmaṃdiraṃ vātra kīdṛ
śam

77.44

kathaṃ stotraṃ kathaṃ pūjā ke vātra paricārakāḥ || sthānarakṣā kathaṃ vā syātke vātmaparirakṣakāḥ

77.45

kathaṃ vā mānuṣī pūjā nityā
saṃvardhate tava || āgatā bahavo devāḥ śraddheyaṃ manujaiḥ katham

77.46

prasīda parameśāna svayamājñāpayākhilam || evaṃ vijñāpito devaḥ śoṇādrīśaḥ
svayaṃ prabhuḥ

77.47

ājñāpayattadā devo viśvakarmāṇamāgatam || sṛja tvaṃ nagaraṃ divyamaruṇākhyaṃ guṇādhikam

77.48

maṃdiraṃ mama divyaṃ ca mahā
maṇigaṇojjvalam || tauryatrikaṃ saparyāṃgaṃ tanme sarvaṃ prakalpaya

77.49

ābabhāṣe śivaḥ śrīmānnāmabhedārcanakramam || vrataṃ ca karuṇāmūrttiraruṇādrīśvaraḥ
śivaḥ

77.50

śṛṇu tanme ca ye sṛṣṭā pūjārthaṃ paricārakāḥ || śṛṇu gautama sarvaṃ me mānuṣaṃ pūjanakramam

77.51

ya eṣa sarvalokānāṃ kṣemāya prathate
bhuvi || idaṃ tejomayaṃ liṃgamatulaṃ dṛśyate mahat

77.52

aruṇādrīśvarābhikhyaṃ pūjyatāṃ satataṃ tvayā || śaktirmamottare bhāge pūjyā nityodayā mudā

77.53

dadhatī sthānamāhātmyamapītakucanāmikā || aruṇācalarājoyamavibhāgaḥ priyānvitaḥ

77.54

utsavārtho mahādevaḥ pūjyo bhogasutā
vṛtaḥ || bodhado bhaktalokasya dattābhayakaraḥ śivaḥ

77.55

sāraṃgaṃ paraśuṃ bibhratprasannavadanaḥ sadā || umāskandeśvaraḥ śambhurdivyaratnavibhūṣaṇaḥ

77.56

ābhayā bhāsayam̐llokānavikuṇṭhaśriyānvitaḥ || śakterutsavabhadre ca saṃpūjyā suṃdareśvarī

77.57

sarvabhūṣaṇasaṃyuktā śṛṅgārarasavaddhanī
bālo gaṇapatiḥ pūjyaḥ purastādbhūtinandanaḥ

77.58

madaṃtikamalaṃkurvanbhakṣyairbhojyairbahūdayaiḥ || matpārśvamavisuṃcaṃtī śoṇarekhāṃcitekṣaṇā

77.59

utsavārthā parā śaktiraṃtikasthaiva pūjyatām || mukharāṃdhripatiḥ śrīmānnṛtyaṃstāṃḍavapaṇḍitaḥ

77.60

utsavārthaṃ samabhyarcyaścaṃkṣuraye'mṛteśvaraḥ
śaktiścānyā mahābhāgā saṃpūjyā bhūvināyakā

77.61

dvāre nandī mahākālaḥ purastātsūryasaṃnibhaḥ || bhaktānāṃ mama sarveṣāṃ pūjanaṃ
cāpi kalpyatām

77.62

dakṣiṇe mātaraḥ pūjyā vighnaśāstṛsamanvitāḥ || saṃpūjyo nairṛte koṇe vighnanāśo vināyakaḥ

77.63

skandaḥ śaktidharaścaivaiśānakoṇe samarcyatām || liṃgāni ca manojñāni pūjanīyānyanantaram

77.64

maṃdiraṃ mama saṃpūjya dakṣiṇāmūrtti
dakṣiṇam || paścime viṣṇurūpāṃkamagnirūpānvitaṃ tathā

77.65

uttare brahmarūpāṃkaṃ pūrve sāraṃgabhṛdyutam || sarvadevaguṇopetaṃ sarvaśaktisamanvitam

77.66

apītakucanāthāyāḥ sarvaśaktisamanvitam || maṃdiraṃ guru saṃpūjya dikpālakavadhūvṛtam

77.67

maṃdirasyāvanāthāya devīvaibhavanāyakāḥ

77.68

kṣetrapālaṃ tu saṃpūjya sarvāvaraṇasaṃyutam || putrasya trāṇamāyātā pūjyāruṇagirīśvarī

77.69

kālī bahuvidhāścānyā devatā vidhipālakāḥ
utsavā vividhāḥ kalpyāḥ pratimāsamahodayāḥ

77.70

sṛjasva kanyakā divyāḥ śivadevārhaṇe ratāḥ || vṛttagītakalābhijñā rūpasaubhāgyasaṃyutāḥ

77.71

cāruvibhramasaṃyuktāḥ kāmadā nityapāvanāḥ || śiṣyānādiśa vedajñānsadācārasamujjavalān

77.72

divyopacārasaṃsiddhyai subhagānchudvace
tasaḥ || dīkṣitānvimalānchuddhāñchaivāgamaviśāradān

77.73

śaivācāraprasiddhyarthamādiśābhyarcane mama || mārddalāñchāṃkhikānvaiṇāṃstālikānveṇu
vādakān

77.74

śaulbikānsṛja sadgidyāṃścaturvidyāviśāradān || kṣatriyānvividhānvaiśyāñśūdrāṃśca śivasaṃmatān

77.75

catvāraśca maṭhāḥ kalpyā
śruturddiktīrthavāsinām || munīnāṃ śivabhaktānāṃ nirāśānāṃ nivāsataḥ

77.76

teṣu sthitā munīṃdrā me rakṣaṃtu śivapūjanam || bhikṣamāṇāḥ punaḥ śaivā
bhaktāḥ pāśupatā api

77.77

pālayaṃtu sadānye ca yuktāḥ kāpālikā api || sarveṣāṃ jāyamānānāṃ jātānāṃ saṃbhaviṣyatām

77.78

anvā
hatāṅgamārakṣyamidaṃ sthānaṃ mahībhṛtām || bakulaśca mahānatra dṛśyate divyabhūruhaḥ

77.79

atra bhaktā vitanvantu śivakāryaviniścayam || atra me
dīyate dravyamaprekṣitaparātraye

77.80

yattadakṣayyaphaladamārakṣyaṃ śivasevakaiḥ || bhaktairvijñāpitaṃ cārthaṃ śroṣyāmi purataḥ sthitaiḥ

77.81

sarvaṃ saṃpādayi
ṣyāmi teṣāṃ cittānukūlakam || aparādhasahastrāṇi kṣaṃsye māṃ svarcatāmaham

77.82

āgamoktā ca pūjeyaṃ mānuṣī nirmitā yataḥ || grahīṣye tāmahaṃ
sarvāmarcāṃ sarvāṃgamoditām

77.83

saṃkalpitaṃ bhavetkarma prītikṛnmama sevakaiḥ || āgamārthānaśeṣāṃstvamālokya samayocitān

77.84

vidhāyābhyarcanābhedāṃllokarakṣākṛte mune || kartavyā mahatī pūjā paurṇamāsyāṃ tu sādaram

77.85

satrāṇi vividhānyatra kartavyāni sahasraśaḥ
vividhāni ca dānāni śaktyā caivāsya sannidhau

77.86

avyucchinnapradīpasya dātāro mama sannidhau || tejomayamidaṃ rūpaṃ mama yāṃti na saṃśayaḥ

77.87

jalajaṃ tarujaṃ puṣpaṃ kakṣajaṃ ca latodbhavam || dadate ye ca bhaktyā me te bhaviṣyaṃti bhūbhṛtaḥ

77.88

teṣāṃ purogataḥ sākṣādahaṃ jeṣyāmi
vidviṣaḥ || yasya yasya tu deśasya yo yo rājā tapodhikaḥ

77.89

tattatsamprarddhitaṃ ramyaṃ saṃbhavaṃ dadate'tra me || matsannidhimupāgatya durātmāno'pi
bhūmipāḥ

77.90

śivabhaktā bhṛśaṃ pūrṇā bhaviṣyaṃti na saṃśayaḥ

77.91

iti śaṃbhumukhotthitaṃ vacaḥ samupaśrutya vidhūtakalmaṣaḥ || ahamānatavānbya
jijñapaṃ kutukācchoṇagirīśvaraṃ śivam

77.91.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe'ruṇeśvarārādhanāmāhātmyavarṇanaṃnāmāṣṭamo'dhyāyaḥ

Linked texts (7)