[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Skandapurāṇa](https://indike.org/pramana/in.purana.skanda) › [Kaumarikakhanda](https://indike.org/pramana/in.purana.skanda.kaumarikakhanda) › 78 # Kaumarikakhanda 78 Kaumārīkākhaṇḍa 78 - **Language:** Sanskrit ## Contents - [78.122](https://indike.org/pramana/in.purana.skanda.kaumarikakhanda.78.122) — 1 part ### [78.1](https://indike.org/pramana/in.purana.skanda.kaumarikakhanda.78.1) cha|| || gautama uvāca || || bhagavannaruṇādrīśa nāmadheyāni te bhṛśam || viśeṣācchro tumicchāmi sthāne'sminsurapūjite ### [78.2](https://indike.org/pramana/in.purana.skanda.kaumarikakhanda.78.2) maheśvara uvāca || || nāmāni śṛṇu me brahmanmukhyāni dvijasattama || durlabhānyalpapuṇyānāṃ kāma dāni sadā bhuvi ### [78.3](https://indike.org/pramana/in.purana.skanda.kaumarikakhanda.78.3) śoṇādrīśo'ruṇādrīśo devādhīśo janapriyaḥ || prapannarakṣako dhīraḥ śivasevakavardhakaḥ ### [78.4](https://indike.org/pramana/in.purana.skanda.kaumarikakhanda.78.4) akṣipeyāmṛteśāmaḥ strīpuṃ bhāvapradāyakaḥ || bhaktavijñaptisaṃdhātā dīnabaṃdivimocakaḥ ### [78.5](https://indike.org/pramana/in.purana.skanda.kaumarikakhanda.78.5) mukharāṃtripattiḥ śrīmānmṛḍo mṛgamadeśvaraḥ || bhaktaprekṣaṇakṛtsākṣī bhakta doṣanivarttakaḥ ### [78.6](https://indike.org/pramana/in.purana.skanda.kaumarikakhanda.78.6) jñānasaṃbaṃdhanāthaśca śrīhalāhalasuṃdakaḥ || āhavaiśvaryadātā ca smartṛsarvāghanāśanaḥ ### [78.7](https://indike.org/pramana/in.purana.skanda.kaumarikakhanda.78.7) vyatyastanṛtyaddhvajadhṛ ksakāṃta callout rnaṭaneśvaraḥ || sāmapriyaḥ kalidhvaṃsī vedamūrtirniraṃjanaḥ ### [78.8](https://indike.org/pramana/in.purana.skanda.kaumarikakhanda.78.8) jagannātho mahādevastrinetrastripurāṃtakaḥ || bhaktāparā dhasoḍhā ca yogīśo bhoganāyakaḥ ### [78.9](https://indike.org/pramana/in.purana.skanda.kaumarikakhanda.78.9) bālamūrtiḥ kṣamārūpī dharmarakṣo vṛṣadhvajaḥ || haro girīśvaro bhargaścaṃdrarekhāvataṃsakaḥ ### [78.10](https://indike.org/pramana/in.purana.skanda.kaumarikakhanda.78.10) smarāṃtakoṃ 'dhakaripuḥ siddharājo digaṃbaraḥ || āgamapriya īśāno bhasmarudrākṣalāṃchanaḥ ### [78.11](https://indike.org/pramana/in.purana.skanda.kaumarikakhanda.78.11) śrīpatiḥ śaṃkaraḥ sraṣṭā sarvavidyeśvaro'naghaḥ || gaṃgādharaḥ ṛtudhvaṃ so vimalo nāgabhūṣaṇaḥ ### [78.12](https://indike.org/pramana/in.purana.skanda.kaumarikakhanda.78.12) aruṇo bahurūpaśca virūpākṣo'kṣarākṛtiḥ || anādiraṃtarahitaḥ śivakāmaḥ svayaṃprabhuḥ ### [78.13](https://indike.org/pramana/in.purana.skanda.kaumarikakhanda.78.13) saccidānaṃdarūpaśca sarvātmā jīvadhārakaḥ || strīsaṃgavāmasubhago vidhirvihitasuṃdaraḥ ### [78.14](https://indike.org/pramana/in.purana.skanda.kaumarikakhanda.78.14) jñānaprado muktidaśca bhaktavāṃchitadāyakaḥ || āścaryavaibhavaḥ kāmī niravadyo nidhipradaḥ ### [78.15](https://indike.org/pramana/in.purana.skanda.kaumarikakhanda.78.15) śūlī paśupatiḥ śaṃbhuḥ svayaṃbhurgiriśo mṛḍaḥ || etāni mama mukhyāni nāmānyatra mahāmune ### [78.16](https://indike.org/pramana/in.purana.skanda.kaumarikakhanda.78.16) anyāni divyanāmāni purāṇoktāni saṃsmara || pradakṣiṇena māṃ nityaṃ viśeṣāttvaṃ samarcaya ### [78.17](https://indike.org/pramana/in.purana.skanda.kaumarikakhanda.78.17) pradakṣiṇapriyo yasmādahaṃ śoṇācalākṛtiḥ || ityājñapto mahādevamarcayanna ruṇācalam || avimuṃcannihāvāsaṃ kṛtavānahamadrije ### [78.18](https://indike.org/pramana/in.purana.skanda.kaumarikakhanda.78.18) gauryuvāca || || bhagavansarvadharmajña gautamārthya munīśvara || pradakṣiṇasya māhātmyaṃ brūhi me śoṇabhūbhṛtaḥ ### [78.19](https://indike.org/pramana/in.purana.skanda.kaumarikakhanda.78.19) kasminkāle kathaṃ kāryaṃ kairvā pūrvaṃ pradakṣiṇam || kṛtaṃ śoṇādrināthasya prāptamiṣṭaṃ paraṃ padam ### [78.20](https://indike.org/pramana/in.purana.skanda.kaumarikakhanda.78.20) brahmovāca iti pṛṣṭo muniḥ prāha gautamaḥ śailakanyakām || śrūyatāṃ devi māhātmyamādiśanme maheśvaraḥ ### [78.21](https://indike.org/pramana/in.purana.skanda.kaumarikakhanda.78.21) mahādeva uvāca || || ahaṃ hi śoṇaśailātmā prakāśo vasudhātale ### [78.22](https://indike.org/pramana/in.purana.skanda.kaumarikakhanda.78.22) parito māṃ surāḥ sarve vartate munibhiḥ saha ### [78.23](https://indike.org/pramana/in.purana.skanda.kaumarikakhanda.78.23) yāni kāni ca pāpāni janmāṃtarakṛtāni ca tāni tāni vinaśyaṃti pradakṣiṇapade pade ### [78.24](https://indike.org/pramana/in.purana.skanda.kaumarikakhanda.78.24) aśvamedhasahasrāṇi vājapeyāyutāni ca || siddhyaṃti sarvatīrthāni pradakṣiṇapade pade ### [78.25](https://indike.org/pramana/in.purana.skanda.kaumarikakhanda.78.25) api prahīṇasya samastalakṣaṇaiḥ kriyāvihīnasya nikṛṣṭajanmanaḥ || pradakṣiṇīkṛtya śaśāṃkaśekharaṃ prayāsyataḥ kasya na siddhiragrataḥ ### [78.26](https://indike.org/pramana/in.purana.skanda.kaumarikakhanda.78.26) samasta tīrthābhigameṣu puṇyaṃ samastayajñāgamadharmajātam || avāpyate śoṇamahīdharasya pradakṣiṇāprakramaṇena satyam ### [78.27](https://indike.org/pramana/in.purana.skanda.kaumarikakhanda.78.27) padenaikena bhūlokaṃ dvitīyenāṃtarī kṣakam || tṛtīyena divaṃ matyoṃ jayatyasya pradakṣiṇe ### [78.28](https://indike.org/pramana/in.purana.skanda.kaumarikakhanda.78.28) ekena mānasaṃ pāpaṃ dvitīyena tu vācikam || kāyikaṃ tu tṛtīyena padena kṣīyate nṛṇām ### [78.29](https://indike.org/pramana/in.purana.skanda.kaumarikakhanda.78.29) pātakāni ca sarvāṇi padenaikena mārjayet || dvitīyena tapaḥ sarvaṃ prāpnotyasya pradakṣiṇāt ### [78.30](https://indike.org/pramana/in.purana.skanda.kaumarikakhanda.78.30) parṇaśālā maharṣīṇāṃ siddhānāṃ ca sahastra śaḥ || surāṇāṃ ca tathā''vāsā vidyaṃtetra sahasraśaḥ ### [78.31](https://indike.org/pramana/in.purana.skanda.kaumarikakhanda.78.31) atra siddhaḥ punarnityaṃ vasāmyagre surārcitaḥ|| mamāṃtare guhā divyā dhyātavyā bhogasaṃyutā ### [78.32](https://indike.org/pramana/in.purana.skanda.kaumarikakhanda.78.32) agnistaṃbhamayaṃ rūpamaruṇādiriti śrutam || dhyāyām̐lliṅgaṃ mama bṛhanmandaṃ kuryātpradakṣiṇam ### [78.33](https://indike.org/pramana/in.purana.skanda.kaumarikakhanda.78.33) aṣṭamūrtimayaṃ liṃgamidaṃ yaistaijasaṃ bhṛśam dhyātvā pradakṣiṇaṃ kurvanpātakāni vinirdahet ### [78.34](https://indike.org/pramana/in.purana.skanda.kaumarikakhanda.78.34) na punaḥ saṃbhavastasya yaḥ karoti pradakṣiṇām || śoṇācalākṛternityaṃ nityatvaṃ dhruvamaśnute ### [78.35](https://indike.org/pramana/in.purana.skanda.kaumarikakhanda.78.35) asya pādarajaḥsparśātpūyate sakalā mahī || padamekaṃ tu dhatte yaḥ śoṇādrīśapradakṣiṇe ### [78.36](https://indike.org/pramana/in.purana.skanda.kaumarikakhanda.78.36) namaskurvanpratidiśaṃ dhyāyanstauti kṛtāṃjaliḥ || asaṃ sṛṣṭakaraḥ kaiścinmaṃdaṃ kuryātpradakṣiṇam ### [78.37](https://indike.org/pramana/in.purana.skanda.kaumarikakhanda.78.37) āsannaprasavā nārī yathā gacchedanākulam || tathā pradakṣiṇaṃ kuryācchṛṇvaṃśca padadhvanim ### [78.38](https://indike.org/pramana/in.purana.skanda.kaumarikakhanda.78.38) snāto viśuddhaveṣaḥ sanbhasmarudrākṣabhūṣitaḥ || śivasmaraṇasaṃsṛṣṭo maṃdaṃ dadyātpadaṃ budhaḥ ### [78.39](https://indike.org/pramana/in.purana.skanda.kaumarikakhanda.78.39) manūnāṃ caratāmagre devānāṃ ca sahasraśaḥ || adṛśyānāṃ ca siddhā nāṃ nānyeṣāṃ vāyurūpiṇām ### [78.40](https://indike.org/pramana/in.purana.skanda.kaumarikakhanda.78.40) saṃghaṭṭamatisaṃmaṃdaṃ mārgarodhaṃ viciṃtayan || anukūlena bhaktaḥ sañchanairdadyātpadaṃ budhaḥ ### [78.41](https://indike.org/pramana/in.purana.skanda.kaumarikakhanda.78.41) athavā śivanāmāni saṃ kīrtya varagītibhiḥ||śivanṛtyaṃ ca racayanbhaktaiḥ sārddhaṃ parikramet ### [78.42](https://indike.org/pramana/in.purana.skanda.kaumarikakhanda.78.42) māhātmyaṃ mama vā śṛṇvannananyamatirādarāt || śanaiḥ pradakṣiṇaṃ kuryādānandarasani rbharaḥ ### [78.43](https://indike.org/pramana/in.purana.skanda.kaumarikakhanda.78.43) dānaiśca vividhaiḥ puṇyairupakāraistathārthinām || yathāmati dayāpūrṇa āstikaḥ parito vrajet ### [78.44](https://indike.org/pramana/in.purana.skanda.kaumarikakhanda.78.44) kṛte tvabhrimayaṃ liṃgaṃ tretāyāṃ maṇi parvatam || dvāpare ciṃtayeddhemaṃ kalau marakatācalam ### [78.45](https://indike.org/pramana/in.purana.skanda.kaumarikakhanda.78.45) athavā sphāṭikaṃ rūpamaruṇaṃ tu svayaṃprabham || dhyāyanvimuktaḥ sakalaiḥ pāpaiḥ śivapuraṃ vraje t ### [78.46](https://indike.org/pramana/in.purana.skanda.kaumarikakhanda.78.46) avāṅmanasagamyatvādaprameya tayā svayam || amritvācca paraṃ liṃgamanāsādyācalābhidham ### [78.47](https://indike.org/pramana/in.purana.skanda.kaumarikakhanda.78.47) dhyātvā pradakṣiṇaṃ karturabhigamyo'ha maṃjasā || tasya pādarajo naṇāmajarāmarakāraṇam ### [78.48](https://indike.org/pramana/in.purana.skanda.kaumarikakhanda.78.48) rūpamekaṃ tu dhatte yaḥ śoṇādrīśapradakṣiṇe || vāhanāni suraughāṇāṃ prārthayaṃte paraspa ram ### [78.49](https://indike.org/pramana/in.purana.skanda.kaumarikakhanda.78.49) kurvatāṃ caraṇaṃ voḍhumaruṇādripradakṣiṇām || chāyāpradānaṃ kurvaṃti kalpakādyāḥ suradrumāḥ ### [78.50](https://indike.org/pramana/in.purana.skanda.kaumarikakhanda.78.50) kurvatāṃ bhuvi martyānāmaruṇādripradakṣi ṇām || devagandharvakādyānāṃ sahasreṇa samāvṛtāḥ ### [78.51](https://indike.org/pramana/in.purana.skanda.kaumarikakhanda.78.51) sevaṃte te gaṇākīrṇā vimānaśatakoṭayaḥ || mama pradakṣiṇaṃ bhūmau kurvatāṃ pādapāṃsubhiḥ ### [78.52](https://indike.org/pramana/in.purana.skanda.kaumarikakhanda.78.52) pāvitā mahatī vīthī dṛṣṭā śivapadapradā || aṃgapradakṣiṇaṃ kurvankṣaṇātsvargyatanurbhavet ### [78.53](https://indike.org/pramana/in.purana.skanda.kaumarikakhanda.78.53) prāpto vajraśarīratvaṃ na dhṛṣyeta mahītale vyomayānotsukā devāḥ siddhāśca paramarṣayaḥ ### [78.54](https://indike.org/pramana/in.purana.skanda.kaumarikakhanda.78.54) adṛśyāḥ saṃcaraṃtyatra paśyaṃte mama saṃnidhim || vinayaṃ mama bhaktiṃ ca pradakṣiṇaparikrame ### [78.55](https://indike.org/pramana/in.purana.skanda.kaumarikakhanda.78.55) dṛṣṭvā harṣasamāyuktā martyebhyo dadate varam || atra devāstrayastriṃśatpurā kṛtvā pradakṣiṇām ### [78.56](https://indike.org/pramana/in.purana.skanda.kaumarikakhanda.78.56) pratyahaṃ mārgamāsīnāḥ pratyekaṃ koṭitāṃ gatāḥ ādityādyā grahāḥ sarve purā kṛtvā pradakṣiṇām ### [78.57](https://indike.org/pramana/in.purana.skanda.kaumarikakhanda.78.57) saṃpūrṇajagatobhāge sarve grahapatāṃ gatāḥ || yaḥ karoti naro bhūmau sūryavāre pradakṣiṇām ### [78.58](https://indike.org/pramana/in.purana.skanda.kaumarikakhanda.78.58) sa sūryamaṃḍalaṃ bhittvā muktaḥ śivapuraṃ vrajet || somavāre naraḥ kurvannaruṇādripradakṣiṇam ### [78.59](https://indike.org/pramana/in.purana.skanda.kaumarikakhanda.78.59) ajarāmaratāṃ prāpto nāsaumyo bhavati kṣitau || bhauma vāre naraḥ kurvannaruṇādripradakṣiṇam ### [78.60](https://indike.org/pramana/in.purana.skanda.kaumarikakhanda.78.60) ānṛṇyamakhilaṃ prāpya sārvabhaumo bhaveddhruvam || budhavāre naraḥ kurvañchoṇādrīśapradakṣiṇām ### [78.61](https://indike.org/pramana/in.purana.skanda.kaumarikakhanda.78.61) sarvajñatāmanuprāptaḥ sa vācāṃ patitāmiyāt || guruvāre naraḥ kurvansarvadevanamaskṛtaḥ ### [78.62](https://indike.org/pramana/in.purana.skanda.kaumarikakhanda.78.62) pradakṣiṇena śoṇādreḥ sa tu lokagururbhavet || bhṛguvāre naraḥ kurvannaruṇādripradakṣiṇam ### [78.63](https://indike.org/pramana/in.purana.skanda.kaumarikakhanda.78.63) saṃprāpya mahatīṃ lakṣmīṃ labhate vaiṣṇavaṃ padam || mandavāre naraḥ kṛtvā śoṇādrīśapradakṣiṇām ### [78.64](https://indike.org/pramana/in.purana.skanda.kaumarikakhanda.78.64) vimukto grahapīḍābhiḥ sa viśvavijayī bhavet || nakṣatrāṇi ca sarvāṇi purā taddaivataiḥ saha ### [78.65](https://indike.org/pramana/in.purana.skanda.kaumarikakhanda.78.65) mama pradakṣiṇāṃ kartuḥ puṇyāni sahasā vrajet || tithayaḥ kara ṇānīhayogāśca mama saṃmatāḥ ### [78.66](https://indike.org/pramana/in.purana.skanda.kaumarikakhanda.78.66) abhīṣṭaphaladā jātāḥ kurvatāṃ matpradakṣiṇam || muhūrtā vividhā horāḥ saumyāśca satatodayāḥ ### [78.67](https://indike.org/pramana/in.purana.skanda.kaumarikakhanda.78.67) matpradakṣiṇakartṝṇāṃ jāyaṃte satataṃ śubhāḥ|| pracchinatti prakāro'ghaṃ dakāro vāṃchitapradaḥ ### [78.68](https://indike.org/pramana/in.purana.skanda.kaumarikakhanda.78.68) kṣikārātkṣīyate karma ṇakāro muktidāyakaḥ||durbalāḥ kārśya saṃyuktā ādhivyādhivijṛṃbhitāḥ ### [78.69](https://indike.org/pramana/in.purana.skanda.kaumarikakhanda.78.69) mama pradakṣiṇaṃ kṛtvā mucyaṃte sarvaduṣkṛtaiḥ || mama pradakṣiṇaṃ karturbhaktyā pādena saṃtatam ### [78.71](https://indike.org/pramana/in.purana.skanda.kaumarikakhanda.78.71) kṣaṇena sādhvāṃ paśyāmi trailokyaṃsya pradakṣiṇām||lokeśāśca digīśāśca ye cānye kāraṇeśvarāḥ||70||mama pradakṣiṇāṃ kṛtvā sthirā rājye purā'bhavan|| ahaṃ ca gaṇasaṃ yuktaḥ sarvadevarṣisaṃyutaḥ ### [78.72](https://indike.org/pramana/in.purana.skanda.kaumarikakhanda.78.72) uttarāyaṇasaṃyoge karomi svapradakṣiṇām || madrūpaṃ tejasaṃ liṃgamaruṇādririti śrutam ### [78.73](https://indike.org/pramana/in.purana.skanda.kaumarikakhanda.78.73) trailokyasya hitārthāya kari ṣyāmi pradakṣiṇam || āgatā ca parāṃte ca gaurī tapa ihādbhutam ### [78.74](https://indike.org/pramana/in.purana.skanda.kaumarikakhanda.78.74) kartuṃ pradakṣiṇaṃ kṛtvā māmeṣyatyanaghā punaḥ || kārtike māsi nakṣatre kṛttikā khye mahātapāḥ ### [78.75](https://indike.org/pramana/in.purana.skanda.kaumarikakhanda.78.75) mama pradakṣiṇāṃ gaurī pradoṣe racayiṣyati || narāṇāmalpapuṇyānāṃ durlabhaṃ tatpradakṣiṇam ### [78.76](https://indike.org/pramana/in.purana.skanda.kaumarikakhanda.78.76) jyotirliṃgasya dṛṣṭasya devī prārthanayā tathā || mayā sametā devī sā prāptā'pītakucābhidhā ### [78.77](https://indike.org/pramana/in.purana.skanda.kaumarikakhanda.78.77) āśvāsyati surānsarvānuttarāyaṇasaṃgame || devagandharvayakṣāṇāṃ siddhānāmapi rakṣasām ### [78.78](https://indike.org/pramana/in.purana.skanda.kaumarikakhanda.78.78) sarveṣāṃ devayonīnāṃ bhavitā tatra saṃgamaḥ || ye tadā māṃ samāgatya pūjayaṃti tapodhikāḥ ### [78.79](https://indike.org/pramana/in.purana.skanda.kaumarikakhanda.78.79) sarvajanmakṛtāghaughaprāyaścittaṃ vrajaṃti te || durlabhaṃ taddinaṃ puṃsāmuttarāyaṇasaṃgame ### [78.80](https://indike.org/pramana/in.purana.skanda.kaumarikakhanda.78.80) tadā madrūpamabhyarcya kṛtārthāḥ santu mānavāḥ || pradakṣiṇaṃ tu me divyaṃ kurvaṃti ca mahī bhujaḥ ### [78.81](https://indike.org/pramana/in.purana.skanda.kaumarikakhanda.78.81) teṣāṃ purogataḥ sākṣādahaṃ jeṣyāmi viddhiṣaḥ || rājā yasya tu deśasya yo yo rājā tapodhikaḥ ### [78.82](https://indike.org/pramana/in.purana.skanda.kaumarikakhanda.78.82) sa kārayedvipramukhyaiḥ śrotriyairme pradakṣiṇām || maṃḍalaṃ maṃḍalāī vā saṃkalpavidhipūrvakam ### [78.83](https://indike.org/pramana/in.purana.skanda.kaumarikakhanda.78.83) tasya tasya sthiraṃ rājyaṃ śatrūṇāṃ ca parāhatim || kariṣyāmi mune nitya mahameva puraḥsthitaḥ ### [78.84](https://indike.org/pramana/in.purana.skanda.kaumarikakhanda.78.84) na vāhanena kurvīta mama jātu pradakṣiṇām || dharmalubdhamanā jānañchinnācārapariplutim ### [78.85](https://indike.org/pramana/in.purana.skanda.kaumarikakhanda.78.85) dharmaketuḥ purā rājā yamalokādupāgataḥ|| mama pradakṣiṇāṃ kartuṃ turageṇābhyarocayat ### [78.86](https://indike.org/pramana/in.purana.skanda.kaumarikakhanda.78.86) kṣaṇena turago jāto gaṇanāthaḥ surārcitaḥ || pratipede padaṃ śaivaṃ vimucya dharaṇīpatim ### [78.87](https://indike.org/pramana/in.purana.skanda.kaumarikakhanda.78.87) vīkṣya taṃ vāhanaṃ bhūyo gaṇanāthavapurddharam || pādapradakṣiṇāṃ kṛtvā svayaṃ ca gaṇapo'bhavat ### [78.88](https://indike.org/pramana/in.purana.skanda.kaumarikakhanda.78.88) tadāprabhṛti śakrādyāḥ surā viṣṇusamanvitāḥ || pādābhyāmeva kurvaṃti mama sarve pradakṣiṇām ### [78.89](https://indike.org/pramana/in.purana.skanda.kaumarikakhanda.78.89) svargānnipātitaḥ ko'pi siddhaḥ kāle tapaḥkṣayāt || pradakṣiṇāṃ tataḥ kṛtvā punarlabdhapado'bhavat ### [78.90](https://indike.org/pramana/in.purana.skanda.kaumarikakhanda.78.90) skhalitaṃ pādajaṃ raktaṃ mama kartuḥ pradakṣiṇam || mārjyate tasya devendramandirakesaraiḥ ### [78.91](https://indike.org/pramana/in.purana.skanda.kaumarikakhanda.78.91) pradakṣiṇamahāvīthī śilāśakalaghaṭṭitam || padaṃ saṃdhāryate puṃsāṃ śrīpayodharakuṃkumaiḥ ### [78.92](https://indike.org/pramana/in.purana.skanda.kaumarikakhanda.78.92) maṇiparvataśṛṃgeṣu kalpadrumavanāṃtare || saṃcaraṃti sadā martyā mama kṛtvā pradakṣi ṇam ### [78.93](https://indike.org/pramana/in.purana.skanda.kaumarikakhanda.78.93) gauryuvāca || || upacārapravṛttānāṃ phalaṃ me śaṃsa suvrata || yairve janaḥ kṛtārthaḥ syādyathāśakti kṛtā daraḥ ### [78.94](https://indike.org/pramana/in.purana.skanda.kaumarikakhanda.78.94) muni ruvāca || || upacāraphalaṃ devi śṛṇu vakṣyāmyahaṃ tava || yanmahyaṃ kṛpayā pūrvamuktavānparameśvaraḥ ### [78.95](https://indike.org/pramana/in.purana.skanda.kaumarikakhanda.78.95) lūtī taṃtukajālāni saṃmṛjya kvacideva me jātismaro mahīdhre'sminso'śukairmāṃ vyaveṣṭayat ### [78.96](https://indike.org/pramana/in.purana.skanda.kaumarikakhanda.78.96) gajaḥ kaścittṛṣākrāṃto vimucya ca madhu kvacit || vanapallavamutkīrya mukto'bhūdgaṇanāya kaḥ ### [78.97](https://indike.org/pramana/in.purana.skanda.kaumarikakhanda.78.97) kṛmayo viluṭhanto me pārśve duritavarjitāḥ || siddhaveṣāḥ punaḥ sarve mama lokaṃ vrajaṃti te ### [78.98](https://indike.org/pramana/in.purana.skanda.kaumarikakhanda.78.98) avyucchinnapradīpārciḥ kṣaṇamapyāda dhāti yaḥ || svayaṃprakāśaḥ sa bhavanmama sārūpyamaśnute ### [78.99](https://indike.org/pramana/in.purana.skanda.kaumarikakhanda.78.99) hārītaḥ kopi saṃprāptaḥ śākhānīḍo mamāṃtike || khadyoto dīpavadvaktaṃ tāvanmuktiṃ samāgataḥ ### [78.100](https://indike.org/pramana/in.purana.skanda.kaumarikakhanda.78.100) gāvaḥ prastravaṇaiḥ siktā vatsasmaraṇasaṃbhavaiḥ || matpārśve muktimāpustā mama lokaṃ samāśrayan ### [78.101](https://indike.org/pramana/in.purana.skanda.kaumarikakhanda.78.101) kākaḥ pakṣajavātena baligrahaṇalolupaḥ || mārjayanmatpurobhāgaṃ muktiṃ prāpadyata kṣaṇāt ### [78.102](https://indike.org/pramana/in.purana.skanda.kaumarikakhanda.78.102) mūṣako madguhābhāgaṃ maṇisaṃghavikarṣaṇaiḥ || prakāśayannitimiraṃ mama rūpa mapaśyata ### [78.103](https://indike.org/pramana/in.purana.skanda.kaumarikakhanda.78.103) chāyāvṛkṣatvamāsthātuṃ munayastridaśā api || prārthayaṃtyeva matpārśve napunaḥsaṃbhavecchayā ### [78.104](https://indike.org/pramana/in.purana.skanda.kaumarikakhanda.78.104) gopuraṃ śikharaṃ śālāṃ maṇḍapaṃ vā pikāmapi || kurvatāṃ matpurobhāge sidhyaṃtīṣṭārthasaṃpadaḥ ### [78.105](https://indike.org/pramana/in.purana.skanda.kaumarikakhanda.78.105) sadā martyairanāsādyamanniliṃgamidaṃ mama || anāsādyācaleśākhyaṃ pūjyatāṃ vasudhātale ### [78.106](https://indike.org/pramana/in.purana.skanda.kaumarikakhanda.78.106) vīkṣaṇasparśanadhyānaiḥ svabhūtaṃ nikhilaṃ jagat || poṣayaṃtī parā śaktiḥ pūjyā'pītakucābhidhā ### [78.107](https://indike.org/pramana/in.purana.skanda.kaumarikakhanda.78.107) sarvalokaikajananī saṃprāptā nityayau vanam || yauvanaprārthibhiḥ sevyā sadā'pītakucābhidhā ### [78.108](https://indike.org/pramana/in.purana.skanda.kaumarikakhanda.78.108) kṣaṇāttasya purobhāge vasatāṃ prāṇināmiha || paratra cātra duṣprāpyamiṣṭavastu na vidyate ### [78.109](https://indike.org/pramana/in.purana.skanda.kaumarikakhanda.78.109) aprameyaguṇādhāramapekṣitavarapradam || aśeṣabhoganilayaṃ śoṇādrīśaṃ samarcaya ### [78.110](https://indike.org/pramana/in.purana.skanda.kaumarikakhanda.78.110) labdhakāmā punaḥ śambhumāśrayiṣyasi suvrate || tapaścara ṇamapyetattava lokahitāvaham ### [78.111](https://indike.org/pramana/in.purana.skanda.kaumarikakhanda.78.111) na kevalaṃ tava tapaḥsvavāṃchitaphalapradam || tapasyatāmṛṣīṇāṃ ca kṣemāyaiva bhaviṣyati ### [78.112](https://indike.org/pramana/in.purana.skanda.kaumarikakhanda.78.112) kāraṇāṃtaramāśaṃkya tapaḥ kurvaṃti devatāḥ || rahasyaṃ devatānāṃ tu phalenaivānumīyate ### [78.113](https://indike.org/pramana/in.purana.skanda.kaumarikakhanda.78.113) vayaṃ ca sahasaṃvāsāstava vratanirīkṣaṇāt || kṛtārthāḥ syāma deveśi tapa sā naḥ kṛtārthatā ### [78.114](https://indike.org/pramana/in.purana.skanda.kaumarikakhanda.78.114) iti tasya munervākyamarthagarbhaṃ niśamya sā || gaurī kautukasaṃyuktā praśaṃsa mahāmunim ### [78.115](https://indike.org/pramana/in.purana.skanda.kaumarikakhanda.78.115) tapaḥ kimanyatka rtavyaṃ labdhaṃ tava tu darśanam || aruṇādrirayaṃ dṛṣṭaḥ śrutaṃ māhātmyamasya ca ### [78.116](https://indike.org/pramana/in.purana.skanda.kaumarikakhanda.78.116) aho bhūmestu vaicitryaṃ yato dṛṣṭā divo'dhikā || yatraiva tejasaṃ liṃgaṃ devatānāṃ varapradaḥ ### [78.117](https://indike.org/pramana/in.purana.skanda.kaumarikakhanda.78.117) śivaḥ prasādasiddho me darśitaṃ sthānamātmanaḥ || atraiva śivamārādhya vaśīkuryāṃ jagadgurūm ### [78.118](https://indike.org/pramana/in.purana.skanda.kaumarikakhanda.78.118) avinā bhūtamaikyaṃ me devena bhavatātsadā || tvayā kṛtena sāhyena bhaveyaṃ śivanāyikā ### [78.119](https://indike.org/pramana/in.purana.skanda.kaumarikakhanda.78.119) iti gautamasaṃnidhau tadānīṃ kṛtasaṃvittapa ādareṇa kartum abhajadrucirāṃ ca parṇaśālāṃ muninā cānumatā tatheti bhaktyā ### [78.120](https://indike.org/pramana/in.purana.skanda.kaumarikakhanda.78.120) sukumāratanuḥ saroruhākṣī ghanatuṃgastanakalpitottarīyā || jaṭilā hari nīlaratnakāṃtirgirijā rājati dehavattapaḥśrīḥ ### [78.121](https://indike.org/pramana/in.purana.skanda.kaumarikakhanda.78.121) niyamairbahubhistapoviśeṣaiḥ ṛtuṣu prāptavicitrayogabaṃdhaiḥ || nigamāgamadṛṣṭadharmamārgaṃ sakalaṃ sā tu kṛtārthatāmanaiṣīt ### [78.122](https://indike.org/pramana/in.purana.skanda.kaumarikakhanda.78.122) tapasā vividhena tapyamānā na kadācitparikhedamārpa tanvī || hariratnamayī ca kāpi vallī nitarāṃ dīptimatī babhūva bālā ### [78.122.p1](https://indike.org/pramana/in.purana.skanda.kaumarikakhanda.78.122.p1) iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdheḍaru ṇeśvarapradakṣiṇā māhātmyavarṇanaṃnāma navamo'dhyāyaḥ ## Linked texts (2) - [Vaiṣṇavakhaṇḍa](https://indike.org/pramana/in.purana.skanda.vaisnavakhanda.118.1) — Sanskrit - [Śoṇādrimāhātmya](https://indike.org/pramana/in.purana.sthala.tamil.kanci-tondaimandala.sonadrimahatmya.6.17) — Sanskrit --- Source: [https://indike.org/pramana/in.purana.skanda.kaumarikakhanda.78](https://indike.org/pramana/in.purana.skanda.kaumarikakhanda.78) · Pramāṇa