Pramāṇa · Search · About · API

Kaumarikakhanda 79

Kaumārīkākhaṇḍa 79

Language
Sanskrit

79.1

brahmovāca || || atha devā mahīṃ hitvā mahiṣāsurapīḍitāḥ || natvā gaurīṃ tapasyaṃtīṃ jagmuḥ śara
ṇamākulāḥ

79.2

atha tānabhayaṃ dehi devīti bhayavihvalān || amarānvīkṣya sā devī kiṃ kāryamiti cābhyadhāt

79.3

tato vijñāpayāmāsurdetyeṃ
drādvayamātmanām || devyai baddhāṃjalipuṭā devā iṃdrapurogamāḥ

79.4

devā ūcuḥ || || apsarobhiḥ parivṛtaḥ sukhaṃ krīḍati naṃdane || airāvatamukhā
nsarvāndigbhāgānnijamaṃdire

79.5

āvasayanvinodārthamaṃganābhiḥ sahāgatān || uccaiḥśravaḥpurogānāmupabhogaṃ karotyasau

79.6

maṃdurāsvasya ramyāsu
dṛśyaṃte lakṣakoṭayaḥ || hutāśavāhanaṃ meṣaṃ putrārohārthamīpsati

79.7

yāmyaṃ mahiṣamānīya śakaṭe so'bhyavāhayat || siddhīrākṛṣya sakalā
gṛhakarmaṇi cādiśat

79.8

apsaraḥsaṃghamakhilamātmasevārthamānayat || anyatkimapi yadvastu ratnabhūtaṃ jagattraye

79.9

anāhṛtaṃ punarhatuṃ na
viśrāmyati kopavān || vayaṃ ca sevakā bhūtvā nitya bhītisamanvitāḥ

79.10

pūjayaṃtaśca tasyājñāṃ nānyāṃ vīkṣāmahe gatim || śaraṇāgatasaṃtrāṇaṃ tapaḥ
phalamudāhṛtam

79.11

durjayo'yaṃ varo daityaḥ sarveṣāṃ balināmapi || surāṇāmapi daityānāṃ śivāllabdhavarodayaḥ

79.12

asya śṛṃgāhataḥ siṃdhurvya
varjitamiti bruvan || ratnopahāradānena nityaṃ tatprītimicchati

79.13

parvatāṃśca samutkṣipya śṛṃgāgreṇa mahoddhataḥ || krīḍati kṣoditāśeṣadhātudhūli
vilepanaiḥ

79.14

na śakyamatulaṃ tasya balamanyaidurāsadam || svayameva vijānīhi hatvā te nijatejasā

79.15

śaṃbhuśaktiḥ parā seyaṃ strīrūpe
ṇātra dṛśyate || tvayaivāyaṃ nihaṃtavyaḥ śivālabdhavaro hyayam

79.16

na jānīmo vayaṃ devi kiṃcicchaṃbhuviceṣṭitam || kevalaṃ pālanīyāḥ sma jaga
nmātrā sadā tvayā

79.17

iti teṣāṃ bhayārtānāmākarṇya vacanaṃ śubham || vyājahāra prasannātmā devī dattvābhayaṃ tadā

79.18

śaraṇāgatasaṃtrāṇaṃ
tapasi sthitayā mayā || karttavyamamarāḥ kālātkṣīṇaḥ śatrurbhaviṣyati

79.19

upāyena samākṛṣya haniṣyāmi mahāsuram || nirāgasastu hananamadya me na
hi yujyate

79.20

dharmage dharmabhettāraḥ śalabhatvaṃ vrajaṃti hi || devāstadvacanaṃ śrutvā praṇamya girikanyakām

79.21

jagmuryathāgataṃ sarve nirbhayā hṛṣṭace
tasaḥ

79.22

gateṣu teṣu deveṣu gaurī kamalocanā || babhūva mohinī śaktiḥ kāṃtiyuktā tatodarī

79.23

sā devī dikṣu śaileṣu caturṣvaruṇabhṛbhūtaḥ
rakṣārthaṃ sthāpitavatī caturo baṭukānvarān

79.24

yadā kailāsaśikharādāgatā śailakanyakā || anvagacchansevamānāścatasro mātarastadā

79.25

dundubhiḥ satyavatyākhyā tathā cānavamī parā || sundarīti catasrastāmanvayuḥ paricārikāḥ

79.26

vimuñcatātithiṃ śrāṃtaṃ kṣutpipāsāmanvi
tam || aruṇādrimimaṃ draṣṭuṃ nānyamityabravīcca tān

79.27

sīmāśalasthitānvīrāṃstānādiśya balādhikān || tapaścacārādrikanyā gautamā
śramasannidhau

79.28

tasyāṃ tapaṃtyāṃ tanvaṃgyāṃ na tāpaḥ kaścidapyabhūt || vavarṣa kāle jaladaḥ saphalāścābhavandrumāḥ

79.29

virodhīni ca
sattvāni mumucuḥ pūrvamatsaram || āśramaḥ sarvajantūnāṃ śaraṇyo'bhūddhayāpahaḥ

79.30

yojanadvayaparyaṃtaṃ sīmāśaileṣu saṃsthitaiḥ || caturbhirbaṭukaiḥ śūrai
rakṣitaścāruṇācalaḥ

79.31

nodbhūtaścaśvana trāso na ca dṛṣṭo bhayodayaḥ || na vyādhipīḍanaṃ cāsīttatra nārivijṛṃbhaṇam

79.32

kṛtārthā munayaḥ
sarve praśaṃsaṃto nagātmajām || śivalokapadaṃ kecitpratyaśaṃsaṃstathāśramam

79.33

sā ca gaurī tapo ghoraṃ kurvatī ca divāniśam || na tṛptimāyayau
bālā śivasaṃtoṣakārakam

79.34

mahiṣaśca mahāvīryo mṛgayāṃ kartumudyataḥ || cacāra kānanaṃ sarvaṃ vidūre śoṇabhūbhṛtaḥ

79.35

daityasainyasamā
yukto mṛgayūthānyanekaṃśaḥ || vaneṣu nighnaṃstaraṃsā vicacārāśu bhakṣayan

79.36

dhanvibhirbalibhirvīrairmṛgāḥ kecidanudrutāḥ || bhayārttāḥ paridhāvaṃtaḥ
prāviśaṃstaṃ tathāśramam

79.37

anuvrajanto ditiyā mṛgāṃstānhaṃtumudyatāḥ || vāritā baṭukairvī rairmāyātātreti satvaraiḥ

79.38

kimatreti tadā pṛṣṭā
baṭukā duṣṭadānavaiḥ || tapasyati varārohā kanyāṃtyetyāhuraṃjasā

79.39

na kenacitpraveṣṭavyaṃ balinā munisevitam || tapaḥsthānamidaṃ devyāḥ śaraṇā
gatarakṣakam

79.40

iti teṣāṃ vacaḥ śrutvā balino duṣṭadānavāḥ || tatheti vinivṛttyāśu karttavyaṃ samaciṃtayan

79.41

māyayā pakṣirūpāste
praviśyāśramamādarāt || ārāmavṛkṣaśākhāsu niṣeḍuḥkhādihekṣitum

79.42

sā punahlaisitāraṇye sarvartukusumānvite || tapasyantī tadā dṛṣṭā māyādai
tyasya sainikaiḥ

79.43

rūpalāvaṃṇyate tasyā niścayaṃ tapasi sthitam || vīkṣya te vismayopetā gatvā tasmai nyavedayan

79.44

sa smarāta bahuvṛddharūpaḥ
praviveśāśramaṃ tadā || pūjito'syāḥ sakhībhiśca gataśrāṃtiriva sthitaḥ

79.45

vṛddho'pṛcchatkimarthaṃ tu tapo'syā iti tāstathā || bālā kāṃta
prasādārthaṃ ciramatra tapasyati

79.46

paraṃ sa balavānkāṃtoṃ na kadāpi prasīdati || kāryaṃ vivāhasamaye manorathaṃ yathocitam

79.47

apūrvaprabhuṇā tena navopakaraṇaṃ mahat || sadyojātakulālena sadyaḥsṛṣṭairvipācitaiḥ

79.48

bhājanarapi sādyaskairnyastaiḥ pakkaiśca śālibhiḥ || tādṛśaiḥ
sādhanaiḥ sarvaistādṛśairdravyasaṃcayaiḥ

79.49

apūrvadṛṣṭavibhavaiḥ kāryaṃ syādupakāraṇam || siddhe tathopakaraṇe'syāḥ sadyo'stu svayaṃvaraḥ

79.50

iti tāsāṃ vacaḥ śrutvā vihasanmahiṣo'bhyadhāt || tapaḥphalamahaṃ prāptaḥ satyamasyā iti sthitam || madīyāṃ sakalāṃ bhūtiṃ śṛṇu bāle
tapasvini

79.51

mahiṣo'haṃ mahāvīro daityendraḥ suravaṃditaḥ || jagatrayamidaṃ sarvaṃ mayaiva parigṛhyate

79.52

ananyavīrasadbhāvo mayyeva
bhujaśuṣmaṇā || kāmarūposmyahaṃ bāle sarvabhogapradāyakaḥ

79.53

bhaja māṃ tava bharttāraṃ prāṇināṃ tapasaḥ phalam || sarvaṃ saṃpādayiṣyāmi
kalpavṛkṣaiḥ samāhṛtaiḥ

79.54

sṛjāmi tapasā cāhaṃ viśvakarmāṇamāditaḥ || kāmadhenusahasrāṇi sṛjāmi tapasā kṣaṇāt

79.55

navabhirnidhibhiḥ prāptaiḥ pārśvasthairnityadā mama || apekṣitārthasaṃsiddhiḥ sahasaivopapādyate

79.56

iti tasya vacaḥ śrutvā smṛtadevābhavatkramāt
visṛjya maunaṃ śanakairvihasaṃtī tamabravīt

79.57

ahaṃ balavato bhāryā bhaviṣyāmi tapaściram || karomi yadyasi balī balaṃ darśaya me nijam

79.58

viraca strīsvabhāvaṃ svaṃ śrutvā tadvākyamutthitam || hate koyamiti krodhānnanā mahiṣāsuraḥ

79.59

jighṛkṣaṃtaṃ samāyāṃtaṃ vīkṣya taṃ mahiṣāsuram || abhū
durāsadā durgā kanyā sā jvalanākṛtiḥ

79.60

mahāmāyāṃ samālokya jvalaṃtīṃ purataḥ sthitām || svayaṃ sa mahiṣākāro vavṛdhe merusannibhaḥ

79.61

kulabhūdharaśṛṃgāṇi śṛṃgābhyāṃ muhurākṣipan || ājuhāva nijāṃ senāmāpūritadigaṃtarām

79.62

atha brahmamukhā devāḥ praṇamya vividhāyudhaiḥ
pūjayāmāsurātmīyairdurgāṃ kālāgnirūpiṇīm

79.63

paṃcahetīrhariḥ prādāddaśa cāpi sadāśivaḥ || brahmā catasraśca tadā tasyai māyātirohitāḥ

79.64

dikpālāśca surāścānye parvatāśca payodhayaḥ || svīyairābharaṇaiḥ śastrairadhṛṣyāstāmapūjayan

79.65

māyā sā bahubhirhastairjvaladāyudhasaṃca
yaiḥ || ābaddhakavacā tūrṇaṃ durgābhūtsiṃhavāhanā

79.66

āpūritadiśābhogā tejastatsoḍhumakṣamaḥ || durgāyā ghoramālokya mahiṣastu palāyitaḥ

79.67

atha tejo nijaṃ ghoraṃ prajvalatsoḍhumakṣamam || palāyamānamālokya mahiṣaṃ sā vyaciṃtayat

79.68

upāyena nihaṃtavyo duṣṭo'yaṃ mahiṣā
suraḥ || madpūrvaṃ nivṛttyaṃte mṛgā mṛgayubhirvane

79.69

dūtoktibhiḥ samākṛṣya mṛdvībhirmarmavṛttibhiḥ || kopamasya samudbhāvya kariṣyebhimukhaṃ kṣaṇāt

79.70

adharmavṛttiyuktānāṃ dharmavākyapariśravāt || kopaḥ samudbhavetsadyaḥ svajīvakṣayakāraṇam

79.71

athavā dharmabuddhissanyadi śāṃto bhaviṣyati
tadā hitopadeśena dharmalopo na saṃbhavet

79.72

tapasyadbhiḥ sadā kāryaḥ kopatyāgaḥ phalānvitaḥ || dharmahānirna soḍhavyā tatkopo hi tapaḥ
param

79.73

iti saṃciṃtya sā gaurī nāmnā suraguruṃ munim || saṃkalpya vānaramukhaṃ prāhiṇodasuraṃ prati

79.74

gaccha tvaṃ māyayā yukto maharṣe
vānarānana || mahiṣaṃ bodhayitvā ca vacanaṃ śīghramātraja

79.75

maivaṃ tvamaruṇādrīśamupapīḍaya durmate || atra durmanasāṃ vīryamadṛśyaṃ bhavati kṣaṇāt

79.76

na kalerupatāpo'tra nāsurairapi pīḍanam || na sāhasaṃ ca śubhadaṃ śivabhaktimatāmapi

79.77

pūrvajanmakṛtaiḥ puṇyairlabdhavīryamahodayaḥ
mā tvaṃ śoṇācaleśāgnau śalabhatvaṃ bhajāsura

79.78

śivena dattā vibhavāstava pūrvatapobalāt || dagdhveranyatra tarasā dāvavahrau yathā drumāḥ

79.79

atra dharmātmanāṃ vāsaḥ śivabhaktimatāṃ sadā || parapīḍāprasaktānāṃ bhavedrogaśatāvṛttaḥ

79.80

aiśvaryamatulaṃ prāpto balamanyadurāsadam || kimarthaṃ sva
lpabuddhiḥ sanvsvadoṣairnāśameṣyasi

79.81

mayā kanyā punardṛṣṭā viśeṣādabalā matā || aṃtargatoruṇāṃdrīśa etasmātsā viśiṣyate

79.82

athavā
yuktibhedaistvaṃ śāstrairvā śivasaṃmataiḥ || aniyāhyamanovṛttirātmasainyaṃ samānaya

79.83

yena lokānsamastāṃstvaṃ bādhase balagarvitaḥ || tatsainyaṃ tava
vṛddhaṃ ca kṣaṇāddhakṣyāmi tejasā

79.84

ānīya sakalaṃ sainyamane sthāpaya sāyudham || sadyastvātmabalaiḥ sṛṣṭaiḥ saṃhariṣyāmi tatkṣaṇāt

79.85

macchastra
parikṛttasya sasainyasya tavāyuṣaḥ || muktiratraiva bhavitā ko jānāti śirvehitam

79.86

vāryamāṇo'pi pūrveṇa karmaṇā prerito janaḥ || avaśaḥ karma
kurute bhuṃkte ca sadṛśaṃ phalam

79.87

tvayāpi karuṇāvākyaṃ vaktavyaṃ kila bhūribhiḥ || akāryavinivṛttyarthaṃ nityadharmānupālane

79.88

iti gauryāṃ
samādiṣṭa vācaṃ kapimukho muniḥ || dūtaḥ sansarvamācaṣṭa mahiṣasyāgrataḥ sthitaḥ

79.89

so'pi sarvaṃ samākarṇya krodhavegasamākulaḥ || taṃ bhakṣayitumā
rebhe sopi māyābalādyayau

79.90

atha sainyaṃ nijaṃ sarvaṃ samāhūya durāśayaḥ || sannaddhaṃ sāyudhaṃ yoddhumādiśallokabhīṣaṇam

79.91

yugāṃtasamayodvelaca
turarṇavasaṃnibham || sainyānāṃ sainyamatulaṃ śoṇādriṃ paryaveṣṭayat

79.92

atha gaurī samālokya daityānāṃ sainyamadbhutam|| sasarja tejasāñśūrānvorānbhū
tagaṇānbahūn

79.93

ekapādākṣacaraṇā laṃbakarṇapayodharāḥ || pāṇipādaśiraḥkukṣivakrāḥ kecidvinirgatāḥ

79.94

ahaṃ grasāmi sakalamaparyāptamidaṃ
mama || ahameva haniṣyāmi daityasainyamaśeṣataḥ

79.95

kiṃ tvayātra punaḥ kāryaṃ vīkṣya tvaṃ tiṣṭha kevalam || ahamevātra yotsyāmītyabhāṣaṃta parasparam

79.96

teṣāṃ kathayatāṃ śaṃkhaṃ gaṇānāṃ yoginīgaṇaiḥ || adhamatsā bhagavatī haṃtuṃ tadaityamaṃḍalam

79.97

ālokya tāṃ tathārūpāmāpataṃtastasya sainikāḥ
darśayaṃtaḥ svavīryāṇi svāminogre dhṛtāyudhāḥ

79.98

vavṛṣuḥ śastravarṣāṇi daityāḥ pratidigantaram || bāṇaiḥ kārmukanirmuktaistānī sā tu nyavārayat

79.99

rathānāṃ vāraṇeṃdrāṇāṃ hayānāṃ lakṣakoṭibhiḥ || yuyudhurbhūtavetālā devyā sṛṣṭāstu durjayāḥ

79.100

mātaro vividhākārā ḍākinyo yoginī
gaṇāḥ || sṛṣṭāśca tejasā bhūyaḥ piśācāḥ pretarākṣasāḥ

79.101

devyā sṛṣṭena sainyena durjayena mahāsurāḥ || bhakṣitāścūrṇitā bhinnā dāritā nihatāḥ
kṣaṇāt

79.102

devī ca sāyudhā dṛṣṭā jvalaṃtī nihaṃtāsuraiḥ || nṛtyadbhūtagaṇairbhukte raktairmāṃsaiśca toṣitaiḥ

79.103

yadā kailāsaśikharātprāptā kartuṃ
tapobhuvam || tadā samāgatāḥ kāścinmātṛkā dehaguptaye

79.104

duṃdubhiḥ satyavatyākhyā tathā cāntavatī parā || suṃdarīti catasrastā anvayuḥ
paricārikāḥ

79.105

devyā sṛṣṭā ca cāmuṃḍā daṃṣṭrāvalayabhīṣaṇā || daityakṛttivasā māṃsaraktatṛptā cacāra sā

79.106

asuraṃ kacidākramya naṭanaṃ
sā cakāra ha

79.107

atha tāṃ samavekṣya durmado hi jvalayāmāsa ca kopavahninā saḥ || atitīvravivṛttabhīṣmanetraśrutiśṛṃgāyravibhinnameghajālaḥ

79.108

jvaladabhiśikhābhadīrghajihvāparilīḍhonnataśailaśṛṃgabhāgaḥ || avaniṃ dalayankhurābhighātairasakṛtpāṃsubhiāsvanandigaṃtān

79.109

atigharghara
dīrghaghoranādasphuṭadaṃḍarabhamohitāmaro yaḥ || dhṛtavāladhidaṃḍatāḍadyamānapratiśīrṇāmitaśastravarṣasaṃghaḥ

79.110

mṛtaye vyagamadvalitrayāḍhyāṃ mṛgarājasthi
tibhāsurāṃ bhavānīm

Linked texts (4)