Pramāṇa · Search · About · API

Kaumarikakhanda 81

Kaumārīkākhaṇḍa 81

Language
Sanskrit

Contents

81.1

cha || || brahmovāca || || iti saṃbhāṣamāṇe tu maharṣau muni
sevite || vijahau girijā śaṃkāṃ śivabhaktavadhāśritām

81.2

athāṃtarikṣādudbhūdvāṇī karṇamanoharā || mā gamaḥ śailakanye tvaṃ pāpaniṣkṛtikāra
ṇāt

81.3

gaṃgā ca yamunā siṃdhurgodāpi ca sarasvatī || narmadā sā ca kāverī śoṇaḥ śoṇanadī ca sā

81.4

atraiva nava tīrthāni saṃbhavaṃtu
śilātale || tvatkhaḍgadārite devi kuru tatrāghamarṣaṇam

81.5

asminnāśviyuje māsi jyeṣṭānakṣatra āgate || nimajya khaḍgatīrthe tvaṃ saliṃgā māsamā
vasa

81.6

nivatryaṃ sāvanaṃ māsamatra dikpālasaṃmitam || tataḥ pāṇisthitaṃ liṃgaṃ labdhvā pāpaviśodhanam

81.7

pratiṣṭhāpaya tīrthāgre lokānugraha
kāraṇāt || uttīrya tīrthavaryai'sminsnātvā liṃge'rcite śive

81.8

tāpatrayopaśāṃtiśca trailokyasya na saṃśayaḥ || sarvapāpaharaṃ liṃgaṃ sthāvaraṃ
tīrthasannidhau

81.9

sthāpaya sthirayā bhaktyā sadā lokahitāya ca || nakṣatre vaiśvadaivatye devakyāḥ saṃgamācara

81.10

mahotsavasamāyuktaṃ yāvaddaśa
dināvadhi || kṛtvā cāvabhṛthaṃ puṇyanakṣatre vahnidaivate

81.11

sāyamadhyarcya vidhivacchoṇācalavapurdharam || tataste darśayiṣyāmi taijasaṃ rūpamā
tmanaḥ

81.12

etatkṛtaṃ te lokānāṃ rakṣāyai saṃbhaviṣyati || iti tadvacanaṃ śrutvā maharṣivacanaṃ ca sā

81.13

ubhayaṃ kartumārebhe tapasā śailaka
nyakā || khaṅgena dārayāmāsa śilātalamanākulā

81.14

udajṛṃbhata tīrthānāṃ navakaṃ tatra tatkṣaṇāt || tasya kaṇṭhasthitaṃ liṃgaṃ dhyāyantī parvatā
tmajā

81.15

tīrthe mamajja tasminsā munīnāmabhyanujñayā || tīrthānāṃ navakaṃ tatra saṃjātaṃ sphaṭikaprabham

81.16

aṃtarvasatitaḥ kāṃtyā mecakī
kṛtamaṃjasā || vasaṃtyāṃ śailakanyāyāṃ tīrthe triṃśaddinaṃ tvatha

81.17

śambhorvirahasaṃtaptaṃ manaścaṃcalatāṃ yayau || tatra śriyā sarojāni cakṣuṣotpalakā
nanam

81.18

maṃdasmitena kumudaṃ sasarja salilasya sā || devyāstenodavāsena lokāstu nirupadravāḥ

81.19

kṛtārthāssahasā jātāstatta
tkālaphalānvitāḥ || māsāṃte sā samuttīrya kṛtvā devyutsavaṃ tathā

81.20

kārtike māsi nakṣatre kṛttikākhye niśodaye || pūjayitvā tapaḥsiddhai
rupacārairbahūdayaiḥ

81.21

aruṇādrimayaṃ liṃgaṃ tuṣṭāva jagadaṃbikā || namaste viśvarūpāya śoṇācalavapurbhṛte

81.22

tejomayādriliṃgāya sarvapāta
kanāśine || brahmaṇā viṣṇunā ca tvaṃ duṣparicchedyavaibhavaḥ

81.23

agnirūpo'pi sañchāṃto lokānugrahakṛtaye || śaktyā ca tattvasaṃghātakaraḥ kālā
nalākṛtiḥ

81.24

adrīśreṣṭhāruṇādrīśa rūpalāvaṇyavāridhe || vicitrarūpametattve vedavedyaṃ surārcitam

81.25

tejasāṃ deva sarveṣāṃ bījabhūtaṃ niga
dyase || divyaṃ hi paramaṃ tejastava deva maheśvara

81.26

yatpurā brahmaṇā dṛṣṭaṃ viṣṇunā ca vicinvatā || adya pūtāsmi deveśa tava saṃdarśanādaham

81.27

tejo darśaya me divyaṃ sarvadoṣaharaṃ param || prārthayaṃtyāṃ tadā devyāmaruṇādrimayaḥ śivaḥ

81.28

āvirbabhūva tejobhirāpūrya bhuvanāntaram
koṭisūryodayaprakhyaṃ tulyaṃ pūrṇendukoṭibhiḥ

81.29

kālāgnikoṭisaṃkāśaṃ tejaḥ paramadṛśyata || praṇamya parayā bhaktyā munibhiḥ sārdhamaṃbikā

81.30

vismayākrāṃtahṛdayā nanaṃda nalinekṣaṇā || atha tejonidhestasmādaruṇādriḥ samutthitaḥ

81.31

hiraṇamayo'bravīdvācaṃ puruṣaḥ kalaka
ndharaḥ || prasanno'smi tapobhiste sthāneṣu mama kalpitaiḥ

81.32

tejomayamidaṃ rūpamīkṣitaṃ ca tvayādhunā || kāraṇairbahubhirlokānrakṣethāstvaṃ jaga
nmayi

81.33

tapāṃsi kuruṣe bhūmau kimanyatprārthitaṃ tava || mallocanatviṣā tedya tamorāśiḥ samutthitaḥ

81.34

aśeṣo hi praśāṃto'bhūtteja
so'sya nirīkṣaṇāt || ayaṃ tu mahiṣo duṣṭo madbhaktiṃ liṃgapūjakaḥ

81.35

jagrāha sahasā hyetattasya liṃgaṃ gale sthitam || anena bhakṣitaṃ tacca
nāstikasyopadeśataḥ

81.36

akaronmayyaviśvāsaṃ liṃgarūpe gale sthite || krameṇa sopi saṃprāpto munijanma manoharam

81.37

māmevābhya
rcayandhyāyangaganāthatvamāvasan || pūrvajanmani bhakto'yaṃ mahiṣopi tvayā hataḥ

81.38

ciraṃ malliṃgadhṛgyasmātsiddhirasyāpi devyataḥ || śivaliṃge
ṣvaviśvāsaḥ śivabhaktāvamānanam

81.39

na kartavyaṃ sadā bhaktaistasmādvai muktikāṃkṣibhiḥ || dīkṣayā rahitaṃ liṃgaṃ yena saṃdhāryate balāt

81.40

na tādṛśaṃ phalaṃ datte vajravattaṃ nihaṃti ca || na doṣastatra kiṃcitte śoṇācalanirīkṣaṇāt

81.41

saphalā nayanāvāptiḥ sarvadoṣavināśa
nāt || tvatputrastanyadānena dhātryopakṛtamātmaje

81.42

tvāmapītakucāṃ cakre vatsalāṃ bhaktarakṣiṇīm || nakṣatre kṛttikākhye'tra tava sannidhilobhataḥ

81.43

prāyaścittābhidhānena bhavāpītakucābhidhā || pūjāśeṣaṃ samādhāya bhaktānugrahahetave

81.44

bhaja māṃ karuṇāmūrtirapītakucanāyikā
iti devasya vacanamākarṇyātyaṃtaśītalam

81.45

praṇamya prārthitavatī provāca ca tamaṃbikā || devadeva prasādena tvayānugrahaśālinā

81.46

etatte
darśitaṃ tejo dṛṣṭaṃ devaiśca mānavaiḥ || pratyakṣaṃ kṛttikāmāsi madvṛtāṃtamahotsave

81.47

nakṣatre kṛttikārukhye'smiṃstejaste dṛśyatāṃ param || taddīkṣita
midaṃ tejaḥ paramaṃ prativatsaram

81.48

dṛṣṭvā samastairduritairmucyaṃtāṃ sarvajaṃtavaḥ || tatheti devadevena prokte'rdhāṃtardadhe girau

81.49

pradakṣiṇaṃ
cakārainaṃ sakhībhiḥ sā tato'ṃbikā || ghanaśyāmalayā kāṃtyā parito jṛṃbhamāṇayā

81.50

aruṇādrimayaṃ liṃgaṃ cakre marakataprabham || maṃdaṃ
carantī jātābhiḥ prabhābhiḥ pādapadmayoḥ

81.51

tastāra parito bhūmiṃ padmapatraiḥ sapallavaiḥ || praphullakanakāṃbhojanīlotpaladalotkaraiḥ

81.52

arcayantīva śoṇādrimabhito dṛṣṭikāṃtibhiḥ || iṃdrādilokapālānā maṃganābhirniṣevitā

81.53

prasāditā mātṛgaṇairgaṃdhadānavibhūṣaṇaiḥ
chatracāmarabhṛṃgāratālavṛntaphalācikāḥ

81.54

vahantībhiḥ surastrībhirvṛtā munivadhūyutā || pradakṣiṇaṃ cakārainamaruṇādriṃ svayaṃprabham

81.55

kāṃkṣantī śivasāyujyaṃ vivāhāgnimivārḍijā || tasyāṃ pradakṣiṇaṃ bhaktyā kurvāṇāyāṃ padepade

81.56

preṣitā śaṃbhunā devāḥ parivavruḥ
sureśvarāḥ || sarasvatīsamaṃ dhātrā viṣṇunā ca samaṃ ramā

81.57

sarvadikpālakāṃtābhiḥ sametā śailavālikā || nirundhatīva devendraṃ salilai
rvaradānataḥ

81.58

adrināthasvarūpasya śītatvamiva kurvatī || tapasyayā'vinābhāvāddevasyaiva kṛtasmṛtiḥ

81.59

duṣkarasyodavāsasya bodhaya
ntīva sādhutām || ṛṣīṇāṃ devamānānāmapadaṣṭumiva kramāt

81.60

krīḍāmiva purābhyastāṃ tapasā'pi ca saṃgatā || ātmānaṃ virahottaptā
mātmasthaṃ tāhaśaṃ śivam

81.61

saṃciṃtya cobhayoḥ kartuṃ śītalaṃṛtvaṃ jale sthitā || tīrthānāmiva sarveṣāmudgatānāṃ śilātale

81.62

ādhikya
matha lokasya vaktukāmā svayaṃ sthitā || duritaghnaṃ ca paṃcāgnimarthāvāsaṃ suduṣkaram

81.63

adhigamya tapastasya śāṃtiṃ kartumiva sthitā
mahiṣāsurakaṃṭhottharaktadhārāpariplutum

81.64

kṣālayaṃtauva liṃgaṃ tadamalaistīrthavāribhiḥ || aruṇākhyaṃ puraṃ ramyaṃ nirmitaṃ viśvakarmaṇā

81.65

apītakucanātheśaśoṇādrīśvaratuṣṭaye || śṛṃgeṣu yasya saudheṣu vasantyo vārayoṣitaḥ

81.66

adhaḥkṛtābhrataḍito jigīṣaṃtīva cāmarīḥ || yattuṃgasau
dhaśṛṃgāgre gāyaṃtīrvārayoṣitaḥ

81.67

siddhacāraṇagaṃdharvavidyādharavirājitam || aṣṭāpadarathākrāṃtamaṣṭavīthivirājitam

81.68

aṣṭāpadapathākāra
maṣṭadikpālapūjitam || aṣṭasiddhiyutaiḥ siddhairaṣṭamūrttipadāśrayaiḥ

81.69

aṣṭāṃgabhaktiyuktaistairyuktamaṣṭāṃgabuddhibhiḥ || cāturvarṇyaguṇopetamupavaṇa
pariṣkṛtam

81.70

lasatsuvarṇadurvarṇaśālāmālāsamāsthitam || śaṃkhaduṃdubhinissāṇamṛdaṃgamurajādibhiḥ

81.71

vīṇāveṇumukhaistālaiḥ sālāpairupa
raṃjitam || brahmaghoṣaninādena maharṣīṇāṃ śivātmanām

81.72

sevitavyaṃ dine divyasamadarśavṛṣadhvajam || navaratnaprabhājālairnavagrahasamodayaiḥ

81.73

niśādivasayorevaṃ darśayanniva sarvadā || viṣṇuḥ sthitaśca taṃ prītyā siṣeve purato vibhum

81.74

śakraḥ suragaṇaiḥ sārdhaṃ sahasrākṣaḥ samāyayau
papāta divyagaṃdhāḍhyā puṣpavṛṣṭiḥ samaṃtataḥ

81.75

vyomagaṃgājalotsagaṃśītalo marudāvavau || atīva saurabhābhodavāsitākhiladiṅmukhaḥ

81.76

kanakāṃkitaśṛṃgāyaparidhūtavanāvaliḥ || darpasaṃbhramasaṃnaddho nanāda vṛṣabho muhuḥ

81.77

vasaṃtapramukhāḥ sarve saharṣamṛtavaḥ puraḥ || asevaṃta priyaṃ
karaiḥ puṣpaiḥ svayamathocitaiḥ

81.78

gaṇaiśca vividhākārāḥ siddhāśca paramarṣayaḥ || surāśca kutukopetāḥ samāgacchandidṛkṣavaḥ

81.79

kuṃkuma
kṣodasaṃmiśrakarpūrarajasānvitaḥ || carcāmuṣṭimahāsāraḥ samakīryata sarvataḥ

81.80

atha mṛdaṃgakamardalajhallarīpaṭahaduṃdubhitālasamanvitaiḥ || jalajakī
cakakāhalanisvanaiḥ surakṛtairbhuvana samapūrayan

81.81

suravadhūrjanavṛttaniraṃtarollulitatuṃbarugāyanagītibhiḥ || abhivṛto munidevagaṇānvito vṛṣagataḥ
samadarśi vṛṣadhvajaḥ

81.82

sarasametya śivaḥ karuṇānidhirnatamukhaumapi tāmapalajjaya || lalitamaṃkamanaṃgaraṃgaripuḥ śivāṃ dhṛtimahānadhiropya jaharṣa
saḥ

81.83

laliṃtayā nijayā priyayānvitaḥ suramunīṃdrasamājasamāvṛtaḥ || lalitamapsarasāṃ muhurādarānnaṭanamaikṣata gītasamanvitam

81.84

atha śivaḥ surarājasamarpitāñchubhapaṭīramukhānilasaurabhān || himagiriprahitāṃśca samagrahīnmṛgamadaiḥ saha gaṃdhasamuccayān

81.85

samanule
pitahārasumaṃḍitāvabhigatau sitatāṃ samalaṃkṛtau || svayamapītakucākucakuṅkaṇāvaraṃ bhaṇacañcalasatkarau

81.86

kaṭhinatuṃgaghanastanakorakastha
gitamaṃgalagaṃdhamanoharām || girisutāmadhigamya śivaḥ svayaṃ virahatāpamaśeṣamapākarot

81.87

atha vinodaśatairupalakṣitāṃ nijaviyogajatāpa
kṛśānvitām || aruṇaśailapatiḥ svayamadrijāṃ varamabhīpsitamarthaya cetyaśāt

81.88

sakuśukaṃ praṇipatya nagātmajā puraripuṃ bhuvanatrayaguptaye || ima
mayācata śoṇagirīśvaraṃ varamudāramanugrahasaṃmudam

81.88.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamā hātmye pūrvārdhe devyāḥ śivasamāgamavarṇanaṃ nāma dvādaśo'dhyāyaḥ

Linked texts (4)