Kaumarikakhanda 88
Kaumārīkākhaṇḍa 88
- Language
- Sanskrit
Contents
- 88.38 — 1 part
88.1
cha || || naṃdikeśvara uvāca || || vistarātkathayāmyadya prāyaścittaṃ mahāṃhasām || sarveṣāmavadhatsva tvama
valaṃvyāstikīṃ dhiyam
88.2
brahmahā prāpya śoṇādriṃ nimagnaḥ khaḍgatīrthake || japanpaṃcākṣaraṃ maṃtraṃ bhasmarudrākṣadhārakaḥ
88.3
kṛtopavāsaḥ saṃpūjya
prayataḥ parameśvaram || brāhmaṇānbhojayedūrdhvaṃ bhikṣāśī niyateṃdriyaḥ
88.4
viśeṣapūjāśuśrūṣāṃ kuryāddevasya bhaktitaḥ || brahmahatyā
vinirmukto brahmaloke mahīyate
88.5
surāpo'pyaruṇakṣetre varṣamekaṃ vasanprati || prāgvatkṛtasamācāraḥ saṃpūjyaivaṃ maheśvaram
88.6
kṣīreṇa snāpaye
ddevaṃ śatarudrīyamuccaran || surāpānodbhavenāśu pāpena parimucyate
88.7
suvarṇasteyakṛcchoṇakṣetre bilvadalairharam || abhyarcya bhojayedviprānpāpānmu
cyeta duṣkarāt
88.8
gurudāraratirgatvā kṛttikāsvaruṇācalam || yathāpūrvaṃ vratī bhūtvā sahasreṇa pradīpakaiḥ
88.9
māsatrayaṃ samārādhya śrīśo
ṇācalaśaṃkaram || pradadyādbhūṣitāṃ kanyāṃ brāhmaṇāya sudhīmate
88.10
ṣaḍakṣaraṃ japennityaṃ tena mucyeta pāpmanā || śivaloke ca nivasedāsaṃsāraṃ
na saṃśayaḥ
88.11
paradārāpaharttā ca kṣetre'sminniyateṃdriyaḥ || māsamekaṃ navaiḥ puṣpaiairabhyarcyāruṇaśaṃkaram
88.12
māheśvarāya vitareddhanaṃ śaktyānu
guṇyataḥ || tatkṣaṇena vinirmuktastasmātpāpādbhaviṣyati
88.13
garado'pyaruṇakṣetre vratī bhūtvā yathāpurā || kṣīropahāraṃ devāya dattvā doṣeṇa mucyate
88.14
piśuno'pyaruṇakṣetre vratī vedarato naraḥ || adhyāpayedvijānmukhyāṃstato niṣkalmaṣo bhavet
88.15
agnido'pyaruṇakṣetre trīnmāsānpūrva
vadvratī || dadyācchaivāya nirmāyya gṛhaṃ tatpāpaśāṃtaye
88.16
dharmaniṃdākaraḥ śoṇakṣetre varṣaṃ vratī vasan || satrādikaṃ prakurvīta yathāśaktyavaśāṃ
taye
88.17
pitṛdrohyaruṇakṣetre tiṣṭhanmāsamataṃtritaḥ || girīśāya dvijebhyopi pradadyādgāḥ sahasraśaḥ
88.18
grahoparāgakāleṣu bhojayitvā
dvijānbahūn || vimuṃcedvṛṣabhaṃ nīlaṃ vimucyeta tato'hasaḥ
88.19
strīghnaścāpi śiśughno'pi śoṇakṣetramupeyivān || vyatīpāte tilāndadyādvijebhyo
duritacchide
88.20
pracchannapāpakṛcchoṇakṣetre'sminniyateṃdriyaḥ || guptadānāni kurvīta bhavedvai gatakalmaṣaḥ
88.21
mṛṣābhāṣyaruṇakṣetre ṣaṇmā
sānnivasanvratī || śoṇācaleśvarastotrapāṭhena syādakalmaṣaḥ
88.22
kūpādibhedakṛcchoṇakṣetramāsādya bhaktitaḥ || taṭākānkhānayettatra dhruvaṃ nirvṛjino
bhavet
88.23
kṣetrāpahārī devāya kṣetraṃ dadyānmahāphalam || ārāmakaṃṭakopyasmai dadyādudyānamuttamam
88.24
gṛhāpahārī kurvīta devasyāyatanaṃ
navam || aṃhasā tena nirmuktaḥ śivasāyujyamāpnuyāt
88.25
paradrohī vasañchoṇakṣetre māheśvarānnayaiḥ || prīṇayitvā parām̐llokānniḥsaṃ
śayamavāpnuyāt
88.26
paśvādimāṃsabhukchoṇakṣetre pakṣatrayaṃ vratī || prīṇayedaruṇeśānaṃ sopahārairmanoharaiḥ
88.27
triḥśoṇācalanātheti ninadanna
nagho bhavet || nivasannaruṇakṣetre pūjayedaruṇeśvaram
88.28
aruṇeśvaramaṃtraṃ ca japenmokṣecchurādarāt||yadyasyābhihitaṃ tena padbhyāmeva pradakṣiṇām
88.29
kurvatāruṇaśailasya tatprāpyaṃ śubhamaṃjasā || kṣuteṣu skhaliteṣvatyāhite duḥsvapnadarśane
88.30
prītyutkarṣe'pi ca budhairuccāryo'ruṇaśaṃkaraḥ
api varṇāśramabhraṣṭaḥ śivadroharato'pi vā
88.31
trīṇyahānyaruṇakṣetre vasanmucyeta pātakaiḥ || pārthivaḥ śivaloko'yaṃ mūrttametatrayīśiraḥ
88.32
eṣa dakṣiṇakailāso yosāvaruṇaparvataḥ || anyeṣu siddhakṣetreṣu tapobhiḥ siddhayo nṛṇām
88.33
asminsmaraṇamātreṇa tāratamyaṃ viciṃtyatām
yadgaṃgāyāṃ prayāge yatkāśyāṃ puṣkareṣu yat
88.34
karma setau ca yatpuṃsāṃ śoṇakṣetre tato'dhikam || agniṣṭomaṃ vājapeyaṃ vairājaṃ sarvatomukham
88.35
rājasūyāśvamedhau ca kuryācchoṇācale budhaḥ || ekāhaṃ vāruṇakṣetre naro yatsyādupoṣitaḥ
88.36
tasya cāṃdrāyaṇaśataṃ bhavetsāṃtapanāyutam
ṣoḍaśāpi mahādānānyaruṇakṣetrasaṃnidhau
88.37
anuṣṭhitāni kalpoktaṃ kurvati dviguṇaṃ phalam
88.38
iti naṃdikeśvaramukhena śuśruvānmuninaṃda
notha nirayapratikriyām || abhinaṃdya taṃ vada dinartuvatsarapramukhārhaṇakramamiti vyajijñapat
88.38.p1
iti śrīskāṃde mahāpurāṇa ekāśītisā hasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārddhe pāpāpanodakaprāyaścittavarṇanaṃnāma ṣaṣṭho'dhyāyaḥ
Linked texts (4)
- Māheśvarakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Vaiṣṇavakhaṇḍa — Sanskrit
- Śoṇādrimāhātmya — Sanskrit