Kaumarikakhanda 89
Kaumārīkākhaṇḍa 89
- Language
- Sanskrit
Contents
- 89.52 — 1 part
89.1
cha
naṃdikeśvara uvāca || || raktotpalairarkavāre yaḥ śoṇādrīśamarcayet || avaśyaṃ tasya sidhyaṃti sārvabhaumamaharddhayaḥ
89.2
saumyavāre'ruṇā
drīśaṃ kastūrīkaravīrakaiḥ || yaḥ pūjayati tasya syātsatyaloke sukhāsikā
89.3
guruvāre sitāṃbhojaiḥ śoṇeśaṃ varivasyataḥ || janaloke ciraṃ vāsaḥ
siddhaiḥ saha bhaviṣyati
89.4
caṃpakairmallikābhiśca śukravāre samarcayet || tapolokaṃ prapadyeta brahmarṣibhirabhiṣṭutaḥ
89.5
saurivāre ca jātībhissamā
rādhyāruṇeśvaram || na jātu yamalokānāṃ pāpīyānapi kalpate
89.6
prathamāyāṃ tithau devasyopahāraṃ samarpayet || yaḥ pāyasena sa bhaveddhanadhānyasamṛ
ddhimān
89.7
dvitīyāsyāṃ tithau bhaktyā yo dadhyannaṃ nivedayet || sa bhavedbhāgyavāṃñchreṣṭhaḥ somapāśca bhaveddhruvam
89.8
tṛtīyāyāṃ ca yo'pūpaiḥ
śoṇeśaṃ paritarpayet || tasyāvyāhatamārogyamāśarīraṃ bhaviṣyati
89.9
caturthyāmaruṇeśāya pūrṇakumbhotkarādikam || nivedayati yastasya bhave
tpūrṇamanorathaḥ
89.10
mudgaudanaṃ ca paṃcamyāmupahāraṃ prakalpayet || śoṇeśvarāya bhaktyā yaḥ sa syādakṣayyavaibhavaḥ
89.11
ṣaṣṭhyāṃ guḍaudanaṃ
dadyādaruṇācalaśambhave || bhaktyā yastasya santāno na kadācitprahīyate
89.12
tilaudanaṃ yassaptamyāṃ śoṇeśāya samarpayet
sa dīno'pyadhamarṇatvamayatnena vyapohati
89.13
aṣṭamyāṃ rājaśālyannaṃ yo dadyācchoṇaśambhave || tasya sevāṃ vināpi syādrāja
loko vaśīkṛtaḥ
89.14
godhūmamātraṃ navamyāṃ ca śoṇādrīśāya yo'rpayet || rājayakṣmādayastasya na bhaviṣyaṃti jātu ca
89.15
daśamyāṃ śoṇa
nāthāya yaḥ karaṃbhaṃ nivedayet || sa bhavetsarvalokānāṃ sadaiva prītibhājanam
89.16
pṛthukairupahārānya ekādaśyāṃ prakalpayet || aruṇācalanāthasya sa
bhavedakutobhayaḥ
89.17
dvādaśyāṃ śoṇanāthāya sūpaudananivedanam || yaḥ karoti bhavettasya nirvighāto manorathaḥ
89.18
yaḥ saktūnaru ṇeśāya
trayodaśyāṃ samarpayet || tasyāvyākulacittatvamaśrāṃtamapi jāyate
89.19
arpayecchoṇanāthāya phalāni vividhāni yaḥ || caturdaśyāṃ sa mūḍho'pi
siddhasārasvato bhavet
89.20
yaḥ paurṇamāsyāṃ śoṇādrinādhāya vinivedayet || panasasya phalaṃ tasya cakṣūrogo na jāyate
89.21
kuhvāṃ ca
saṃgame bhaktyā kaṃdamūlādi yo'rpayet || śoṇācaleśvarayāsya tuṣyaṃti pitaraḥ kila
89.22
aśvinyāmaruṇeśāya dadyādvāsāṃsi bhaktimān
bharaṇyāmaruṇeśāya dadyādābharaṇānyapi
89.23
kṛttikāsu pradīpāṃśca rohiṇyāṃ raupyamarpayet || mṛgaśīrṣe malayajamārdrāyāṃ haricaṃdanam
89.24
punarvasau mṛgamadaṃ puṣye karpūramarpayet || kāśmīrodbhavamāśleṣe maghāyāṃ tuhinodakam
89.25
tāṃbūlaṃ pūrvaphālgunyāṃ dhūpamuttaraphālgune || kālāguruṃśca
hastarkṣe citrāyāṃ yakṣakaddamam
89.26
svātyāṃ suvāsinīvṛṃdaṃ viśākhāyāṃ prakīrṇakam || maitre muktātpatraṃ ca jyeṣṭhāyāṃ dhenukāṃnyapi
89.27
mūle
muktāsarānpūrvāṣāḍhe mukuṭamarpayet || ratnāni cottarāṣāḍhe śravaṇe bhadrapīṭhikām
89.28
aṣṭāpadaṃ dhaniṣṭhāyāṃ vāsaḥ śatabhiṣajyapi || pūrvābhādrapade
bhogānuttarāyāṃ turaṃgamān
89.29
revatyāṃ ca rathaṃ haimaṃ pradadyācchoṇaśaṃbhave || dadyātkṛtvā mahāpūjāṃ tata evārpayennaraḥ
89.30
pūjyo rāśiṣu
meṣādiṣvaruṇeśo viśeṣataḥ || siṃdhuvāraiḥ kurabakaiḥ kakubhaiḥ pāṭalaiḥ kramāt
89.31
kuṭajailairrnīpakusumairjīvaṃtīmallikādibhiḥ || saroruhairddamanakainaiṃ
vyāvṛttasaroruhaiḥ
89.32
paṃcāmṛtena snapayannubhayoruparāgayoḥ || paṃcākṣareṇa kurvīta śoṇanāthasya bhaktitaḥ
89.33
snapanaṃ paṃcagavyena dvayorayana
yorapi || ṣaḍakṣareṇa kurvīta gavyena snapanakriyām
89.34
praṇavenaiva kurvīta kṣīreṇa snapanakriyām || aruṇācalanāthasya bhaktyā viṣuvayorrdvayoḥ
89.35
prāhne syāddrutulasī madhyāhne kṛtamālakam || aparāhne mallikā ca śoṇādrīśasya śasyate
89.36
arddhodaye ca snapayetsahasrakalaśodakaiḥ
śatarudrīyamuccārya śrīśoṇācalaśaṃbhave
89.37
śivarātrau viśeṣeṇa triśikhairbilvapatrakaiḥ || kamalaiḥ karṇikāraiśca jāgarūko yateṃdriyaḥ
89.38
gītavā
ditranṛtyaiśca divyāgamavidhānataḥ || pūjayedapavargārthaṃ śoṇaśaile maheśvaram
89.39
māsi pauṣe ca devasya kuryādāgneyamutsavam || navācairutpadaṃ
śārṅgairvyāhṛtīruccaranbudhaḥ
89.40
vaiśākhe ca viśākhāyāṃ śivataṃtrānusārataḥ|| śoṇācaleśvarasyāsya kuryāddamanakotsavam
89.41
prābodhike mārga
śīrṣe prātarnirmāya sāmabhiḥ || mahāpūṃjāṃ prakurvīta śoṇaśailasya śaktimān
89.42
śanipradoṣeṣvārdrāsu vyatīpāteṣu parvasu || somārkavārayoścārce
cchoṇādrīśaṃ yathāgamam
89.43
dīkṣopanayanodvāhaputrajanmādikeṣvapi || viśeṣapūjāṃ kurvīta śoṇanāthasya bhaktimān
89.44
api svajanmarkṣatre
saṃpatsvāpatsu bhītiṣu || praveśanirgamanayoścārcanīyo'ru ṇeśvaraḥ
89.45
vraticakrāgame pādbaṃdhane navavaibhave || aruṇeśārcanaṃ kuryādabhiyāneṣu ca
dviṣām
89.46
smaredatidavīyāṃścetpaśyetparyaṃtago yadi || sthitaścedaruṇakṣetre trikālaṃ pūjayecchivam
89.47
kimanyadvada vatseti uddhṛtya bhujamu
cyate || aruṇakṣetrato nānyaddalaṃ svargāpavargayoḥ
89.48
smaraṇena manaḥśrotre śravaṇāddarśanāddṛśauḥ || jihvāṃ ca kīrttanācchoṇakṣetraṃ sadyaḥ punātya
lam
89.49
aruṇesminmahākṣetre dehibhirlabdhajanmabhiḥ || jīvadbhillabhyate bhogo mokṣaśconmuktajīvitaiḥ
89.50
anyatra muktadehānāmapyatra śrāddha
karmaṇā || api pāpātmanāṃ puṃsāmapavargo bhaviṣyati
89.51
ayodhyāṃ madhurāṃ māyāṃ kāśīṃ kāṃcīmavaṃtikām || dvārakāṃ cāruṇakṣetramatiśete na
saṃśayaḥ
89.52
ityuktavaṃtaṃ ca śilādaputraṃ mṛkaṇḍusūnuḥ punarapyuvāca || māhātmyametanmahanīyakīrte bhūyopi pṛcchāmi vadasva mahyam
89.52.p1
iti śrīskāṃde mahāpurāṇa ekāśītisāharuyāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe kāmyakarmavarṇanaṃ nāma saptamo'dhyāyaḥ|| 7
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit