Kaumarikakhanda 90
Kaumārīkākhaṇḍa 90
- Language
- Sanskrit
Contents
- 90.21 — 1 part
90.1
naṃdikeśvara uvāca || || aruṇācalamāhātmyaṃ vistarātparipṛcchatā || mārkaṃḍeya tvayā manye mayi nyasto mahānbharaḥ
90.2
sthāne kutūha
lākṣitaṃ manastava mahāmate || yaḥ śoṇādrīśacaritaṃ na vetti sa naraḥ paśuḥ
90.3
kathaṃ vā śakyate vaktu jānānarapi kārtsnyaitaḥ || śoṇācalajuṣaḥ
śaṃbhormāhātmyaṃ mahitodayam
90.4
kathaṃ vā śrutamapyetadāścaryarasabhāvirtaiḥ || aśeṣamavadhāryeta prajñāvatpravarairapi
90.5
idānīṃ smara citraṃ tu caritraṃ smara
vairiṇaḥ || parāmṛtānubhūtyaiva satyaṃ nṛtyati me manaḥ
90.6
adbhutaṃ śivacāritramāskaṃditamanoharam || mama varṇayituṃ kārtsnyānnaiva śaknoti śemuṣī
90.7
tathāpyeṣa pravakṣye'hamaṃśāṃśena yathāmati || puṇyaṃ śoṇādrināthasya māhātmyaṃ śrūyatāṃ mune
90.8
purādidevakalpādau nirvikalpo maheśvaraḥ
svecchayā sakalaṃ viśvaṃ punarapyudbhāvayat
90.9
udbhāvitaṃ ca tadviśvaṃ sraṣṭuṃ pātuṃ ca sarvadā || anvicchannādidevo'sau brahmaviṣṇū vinirmame
90.10
asṛjaddakṣiṇāṃgena tryaṃbakaḥ parameṣṭhinam || viṣṭaraśravasaṃ devo vāmāṃgena ca sṛṣṭavān
90.11
brahmāṇaṃ rajasā viṣṇuṃ sattvena samayūyujat
niyuktau devadevena tau viraṃcyacyutāvubhau
90.12
īśāte sarvajagatāṃ sṛṣṭirakṣāvidhānayoḥ || manasaśca marīcyādīnsasarja brāhmaṇāndaśa
90.13
dakṣaṃ ca dakṣiṇāṃguṣṭhātsṛṣṭyai prāvartayadvidhiḥ || mukhena brāhmaṇāndobhyāṃ kṣatriyānūruto viśaḥ
90.14
śūdrāṃśca padbhyāṃ niramātsvayaṃ ca
kamalāsanaḥ || marīcitanayājjajñeḥ kaśyapādasurāssurāḥ
90.15
marutaḥ phaṇino gṛdhrā gaṃdharvāpsaraso'pi ca || manuśca yasya saṃtāno
mānavo'yaṃ pravarttate
90.16
nānājātitvamāpādya nānākarmapravartakāḥ || atrethva samabhūdārṣaṃ kṣātraṃ ca dvividhaṃ kulam
90.17
pulastyapulahābhyāṃ ca jajñire yakṣarākṣasāḥ || utathyagīṣpatimukhā jajñire'ṅgiriso muneḥ
90.18
bhṛgoragniḥ samudbhūccyavanādyāstatharṣayaḥ || vasi
ṣṭhapramukhebhyaśca saṃbabhūvurmaharṣayaḥ || yatputrapautrairbhuvanamidamāpūryate'khilam
90.19
evaṃ brahmā''tmajaiḥ svīyairidamāpūrayajjagat || kālena vaibhavenāpi vi
sasmāra maheśvaram
90.20
acyuto'pi bhṛgoḥ putrīmudvāhya kamalālayām || matsyādirūpo jagati bhavannāsmaradīśvaram
90.21
sṛṣṭisthi
tibhyāṃ druhiṇābjanābhau svādhīnatāṃ nūnamupāgatābhyām || atīva garvaṃ dadhaturna kasya mado'dhikāreṇa bhavennarasya
90.21.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṃḍe'ruṇācalamāhātmya uttarārdhe sṛṣṭivarṇanaṃnāmāṣṭamo'dhyāyaḥ
Linked texts (4)
- Māheśvarakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Vaiṣṇavakhaṇḍa — Sanskrit
- Śoṇādrimāhātmya — Sanskrit