Kaumarikakhanda 91
Kaumārīkākhaṇḍa 91
- Language
- Sanskrit
Contents
- 91.35 — 1 part
91.1
cha || || naṃdikeśvara uvāca
ahameva prabhuriti prarūḍhādhikagarvayoḥ || viraṃcyacyutayorāsīdvivādo mohasaṃbhavaḥ
91.2
rajovikārābhyadhiko bāhye nīla ivotthitaḥ || viśva
sṛṣṭikaro viṣṇuṃ viraṃcyo'brūta garvataḥ
91.3
brahmovāca || || kathaṃ tvamadhikaścāsi viṣṇo janayiturmama || pitāmahasya lokānāṃ kimevamatimo
hitaḥ
91.4
tvatta evāditau daityau nihatya madhukaiṭabhau || daityāririti mugdha tvaṃ garvaṃ vahasi keśava
91.5
tvāmeva sṛjato nityaṃ bahudhā mama
vedhasaḥ || adyāpyāyāsajāṃ pīḍāṃ na parityajataḥ karau
91.6
mama śramāṃbhasodbhūte mahāṃbhodhau nimajjataḥ || naiyagrodhaṃ na cotpannaṃ kutaste'stvavalaṃ
banam
91.7
madupaṅge mahāṃbhodhau sravate ko'pi pannagaḥ || tadāśrayastvamūrdhvaṃ te padmaṃ taccāsanaṃ mama
91.8
kutastamomaye brūhi tvayi sattvaguṇodayaḥ
sa vetsi kiṃ tvaṃ prakṛtiṃ nidrājaḍimanirbharaḥ
91.9
jalāśaye prasvapatā daityabhītyā janārdana || kathaṃ tvayā rakṣitāsau madadhīnā jagattrayī
91.10
caturbhyo mama vaktrebhyo vedāḥ samudayaṃ gatāḥ || caitanyahāriṇī śaktiḥ kalatraṃ me sarasvatī
91.11
mayā hi sṛjyate viśvamidaṃ sthāvara
jaṃgamam || rakṣyate ca tadindrādyairmāmakaiḥ putrapautrakaiḥ
91.12
tataḥ kathaya vaikuṃṭha manniyojyeṣu kaścana || jagatāmīśvarānmattaḥ kathanāmātiricyase
91.13
naṃdikeśvara uvāca || || itthaṃ saroṣasaṃraṃbhe vidhau pauruṣabhāṣiṇi || nārāyaṇo'pi sāsūyaṃ smitvaivaṃ samabhāṣata
91.14
viṣṇuruvāca || || viraṃce muṃca saṃraṃbhaṃ vṛthā khalu vikatthase || nābhīsarojasaṃjāto mama tvamavadhāraya
91.15
yoganidrāṃ mayonmucya
purā ha madhukaiṭabhau || na cedyanmathitau tābhyāṃ tathaiva syāḥ praṇāśitaḥ
91.16
somakapramukhāndaityānhaṃtumātmecchayā mama || dhṛtamatsyādi
rūpasya ko vānyaḥ sṛṣṭikāraṇam
91.17
na kiṃcidapi paśyaṃti rajasārūḍhadṛṣṭayaḥ || rajomayena bhavatā kiṃ nirūpayituṃ kṣamam
91.18
avinābhāvinī śaktirnanu me padmavāsinī || yasyāḥ kaṭākṣamātreṇa jagattritayamedhate
91.19
bhūtānyamūni kālo'yamātmanopyahameva
hi || mayā virahitaṃ kiṃ vā triṣu lokeṣu vidyate
91.20
ādityā vasavo rudrā dikpālā manavo'pyaham || bhūrbhuvaḥsvastrayīmenāṃ mada
dhīnāṃ viciṃtaya
91.21
mamaiva viniyogena sṛṣṭiśaktiḥ svayaṃ sthitā || tanme trailokyanāthasya kiṃ tvaṃ jyeṣṭhaḥ samo'thavā
91.22
naṃdikeśvara uvāca || || evaṃ mohāṃdhamanasoranyonyaṃ pratigarjatoḥ || yayāvanalpasamayaḥ saṃvartasadṛśastayoḥ
91.23
udayāstamayau syātāṃ
na tadā caṃdrasūryayoḥ || nakṣatrāṇi ca tārāśca grahāśca kṣīṇatāṃ yayuḥ
91.24
nāvavurmaruto vā na jajvalurjātavedasaḥ || nāṃtarikṣaṃ na ca kṣoṇī
na diśo'pi cakāśire
91.25
samudrāścukṣubhussarve parvatāśca cakaṃpire || auṣadhyaḥ śoṣamāseduravaseduśca jaṃtavaḥ
91.26
pakṣamāsartuvarṣādikā
lasya niyamo gataḥ || ahorātravyavasthāpi praṇāśaṃ samupā yayau
91.27
indrādayo lokapālā marīcyādyā maharṣayaḥ || sarvepyakāle saṃprāptaṃ
kalpāṃtaṃ menire tadā
91.28
evaṃ jāte mahākṣobhe bhūtākrandapracoditaḥ || bhūtanātho jagajjātamavidyāyāmabudhyata
91.29
vyaciṃtayacca viśvātmā
viśvasaṃrakṣaṇodyataḥ || abāhyayā dṛśā'paśyadanayormohakāraṇam
91.30
svāminaṃ sakalaiśvaryadātāraṃ māṃ madoddhatau || vismṛtya svaṃ svamevaitau
vamaṃsetāṃ jagatprabhū
91.31
aho mohasya māhātmyaṃ yadimau druhiṇācyutau || jānānāvapi māṃ samyagbhūtāmevamuddhatau
91.32
ajñānatimiro
dbhūtidūṣitāśayalocanaḥ || janaḥ prāptaṃ stutamapi prāyo vastu na paśyati
91.33
kṛtāparādhāvapyetau nimagnau mohasāgare || mayā nopekṣaṇīyau
hi lokānāṃ hitakāmyayā
91.34
iti niścitya manasā māyāvaivaśyametayoḥ || devo dayāmahāṃbhodhirvyapohayitumaihata
91.35
aho'nukampā
taruṇeṃdumauleḥ svabhāvasiddhā bhuvanatraye'smin || asau pramohāṃbudhimadhyatobhūdāvirniṃrastāvapi dhātṛviṣṇū
91.35.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śivaviṣṇuvivādavarṇanaṃnāma navamo'dhyāyaḥ
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit