Kaumarikakhanda 93

Kaumārīkākhaṇḍa 93

Language: Sanskrit

93.28 — 1 part

93.1

naṃdikeśvara uvāca || || atha haṃsākṛtiṃ vyomapadavīlaṃghanakṣamām
bheje viraṃcistasyāgraṃ drakṣyāmīti kṛtodyamaḥ

93.2

jagrāha viṣṇurvārāhaṃ vigrahaṃ dṛḍhavigrahaḥ || viśvaṃbharāvinirbhedakrīḍāsulabhavaibhavam

93.3

mūlaṃ tasya
parijñāya pratyāvartitumutsukaḥ || kṛtrimastabdharomaiṣa daṃṣṭrābhyāmabhinanmahīm

vidārayansa potreṇa bhūtadhātrīmavāṅmukhaḥ||mahāvarāho dadṛśe tejaḥstaṃbhaṃ
namanniva||4||krīḍākroḍakaṭhoreṇa kaṃṭhaghoṣeṇa pūrayan||pātālaṃ bahulotsāhaḥ praveṣṭumupacakrame||5||viveśa yatrayatrāsau tatra tatra tathāsthitam || avaikṣiṣṭānala
staṃbhaṃ tameva kuhanākiṭiḥ

93.7

vidāritānmahīṃraṃdhrātpratyadṛśyāṃta bhoginaḥ || prarohā iva śeṣādyāstejaḥstaṃbhasya kecana

93.8

pratyadṛśyata hemādrermūla
kanda iva sthitaḥ || ādhāratāṃ gato dṛṣṭo hyacyutenādikacchapaḥ

93.9

ārādvasundharāgulphe dhuraṃdharatayā sthitāḥ || dikisaṃdhurāśca dṛśyaṃte madamaṃthara
baṃdhurāḥ

93.10

madhudviṣā ca sa mahānmaṃḍūko'pi vilokitaḥ || akhaṃḍamaṃḍalaṃ bhūmeryasya pṛṣṭe pratiṣṭhitam

93.11

ādhāraśaktimapi tāmabhyapaśyadadho
kṣajaḥ|| yadanugrahataḥ śeṣa kūrmādyā api dhurvahāḥ

93.12

atalaṃ vitalaṃ caiṣa sutalaṃ nitalaṃ tathā || talātalaṃ ca pratalaṃ mahātalamirita kramāt

93.13

dadarśa sapta pātālānapi vārijalocanaḥ || tatratyānvividhākārānsarvānapi savismayaḥ

93.14

atyagādbhogavatyākhyāṃ purīṃ vairocanī
mapi || jagāhenyāṃśca daityānāmāvāsānatigahvarān

93.15

idaṃ dṛṣṭamidaṃ dṛṣṭamityupārūḍhakautukaḥ || mūlaṃ mugdhāśayastasya vicinoti sma mādhavaḥ

93.16

adhastādapi gāḍhena payodhestena potriṇā || tathaiva tejaḥstaṃbhaḥ sa nirvikāramavaikṣyata

93.17

dalitā kevalaṃ pṛthvī pāthorāśivilolitaḥ
naivālokayata tanmūlaṃ kolarūpena viṣṇunā

93.18

itthaṃ varṣasahasrāṇi bhrāṃtyā saṃbhrāṃtamānasaḥ || nālaṃ babhūva tanmūlaṃ līlākroḍo vilokitum

93.19

avarugṇakhuraḥ kṣuṇṇadaṃṣṭro vidhvastavigrahaḥ || bhagnapotraḥ sa bhūdāro jagāhe bahalaṃ śramam

93.20

bhrāṃtyā niḥśvasatastasya tādṛgdarpo viśruṃ
khalaḥ || nanāśa tatkṣaṇātsākaṃ tanmūlāvaikṣaṇecchayā

93.21

anirvyūḍhapratijño'pi pratyāvartitumutsukaḥ || na cakṣame sarojākṣaścalituṃ ca padātpa
dam

93.22

śramāṃdhacakṣuṣastasya pātālāṃtaravarttinaḥ || tatteja eva paṃthānaṃ punarapyudbabhāvayat

93.23

kathaṃkathaṃciduttīrṇo'pyakūpārādapārataḥ
svedāṃbhaḥsāgarasrāve magno'bhūcchadmaśūkaraḥ

93.24

rajjveva tejaḥstaṃbhasya prabhayā sānubaddhayā || labdhvācalaṃ vanaṃ kaṣṭaṃ nyavarttiṣṭa janārdanaḥ

93.25

nāvaikṣi yanmayā mūlamamuṣya mahasāṃ nidheḥ || tataḥ sraṣṭāpi no dṛṣṭaḥ śirobhāgaḥ kathaṃcana

93.26

amuṣya mahasāṃ rāśeḥ prāgbhūdyatra saṃbhavaḥ || tato
nivṛttya yāsyāmi śaraṇaṃ śivamiśvaram

93.27

sa hi viśvādhiko devaśviraṃ mohāṃdhacakṣuṣā || yadvismṛto mayā tasmāhurvipāko'janīdṛśaḥ

93.28

evaṃ vinirdhārya vimuktadarpo nivṛttavānāśu saroruhākṣaḥ || tameva deśaṃ prababhūva yatra staṃbhaḥ sa tejomayatāṃ dadhānaḥ

93.28.p1

iti śrīskāṃde mahā purāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe viṣṇunā liṃgādhobhāgaśodhanavarṇanaṃnāmaikādaśo'dhyāyaḥ

Linked texts (4)

Māheśvarakhaṇḍa — Sanskrit
Skandapurāṇa (early; "Ambikākhaṇḍa") (ed. Bakker) — Sanskrit
Vaiṣṇavakhaṇḍa — Sanskrit
Śoṇādrimāhātmya — Sanskrit