Kaumarikakhanda 94
Kaumārīkākhaṇḍa 94
- Language
- Sanskrit
Contents
- 94.30 — 1 part
94.1
cha || || naṃdikeśvara uvāca || || tatastejomayaṃ staṃbhamanusṛtya pitāmahaḥ || utpapātonmukho vegātrirālaṃ be nabhastale
94.3
drutamu
tpatatastasya pakṣāvegena vāritāḥ || vyaśīryaṃta samudrāṃrttaḥ praṇunnā iva vāyubhiḥ||2||sa vegādutpatandūraṃ nākṣaṇorviṣayatāmagāt || kevalaṃ dīrghadīrgheva rekhā
vyomni vyabhāvyata
94.5
māyāmarālo dadṛśe tejaḥstaṃbhasya pārśvataḥ|| saṃdhyāpayodharābhyarṇacārīva rajanīkaraḥ ||4||prāgatyagādutpa̍tatāṃ tato'dhvānaṃ payomu
cām||vimānapadavīṃ paścāttārāvarttaṃ tataḥ param
94.6
tejasāṃ yāni dhāmāni hyatyuccānyūrdhvacāriṇām || aticakrāma vegena tānyasau kum̐hanākhagaḥ
94.7
maruto manaso vāpi javaḥ sūkṣmatarārkateḥ || so'bhūdadhaḥkṛtastena haṃsena gamanādinā
94.8
yathāyathā cotpapāta sudūraṃ śramitacchadaḥ
tathātathā ca dadṛśe tejaḥstaṃbhaḥ samunnataḥ
94.9
atītya marutāṃ skaṃdhānsapta saṃprāptavismayaḥ || vibhedāṃḍakaṭāhaṃ ca jvalaṃtaṃ tamudaikṣata
94.10
kathaṃ vā'dṛṣṭamūlasya sthātavyaṃ purato hareḥ || avimocayataḥ śaureraṃsmāsamaśīrṣatām
94.11
anirvyūḍhapratijñasya dīrghaiḥ kiṃ vā mamāsubhiḥ || tad
śraupayikaṃ kiṃ syātkāryaṃ kā vā gatirmama
94.12
atisaṃdhitsato viṣṇuṃ kassahāyo bhaviṣyati || ārjavaṃ naiva nirjetuṃ prativādinamakṣamaḥ
94.13
chadmanā vā tiraskuryānmāno hi mahatāṃ dhanam || iti saṃciṃtayatyeva viriṃcau vyākulātmani
94.14
ākāśe dadṛśe nātidūre kimapi nirmalam
aiṃdvī kimiyaṃ rekhā tasyāḥ kathamahāgamaḥ
94.15
yadvā mṛṇālaṃ tatsindhau viyatyasyāṃ kutastu saḥ || iti tasminsasaṃdehe nedīyastaṃ tadāga
tam
94.16
abodhi ketakībarhamiti rājīvajanmanā || tatparyuṣitamapyudyatsaurabhaṃ vastuśaktitaḥ
94.17
hiraṇyagarbho vimalamagṛhṇātketaka
cchadam || gṛhītamātraṃ tenaitatsa caitanyaṃ kilābravīt
94.18
ketaka uvāca || || bho gṛhṇāsi kimarthaṃ tvaṃ muṃca māṃ viśramodyatam || varṣāṇāṃ
śatasāhasramutpatyaivaṃ vihāyasā
94.19
naṃdīśa uvāca || || tathā samedhamānaṃ taṃ dṛṣṭvā śramamakhidyata || aciṃtayatpadmamūrttiratyaṃtaṃ vihatā
śayaḥ
94.20
anirvyūḍhapratijñāvānnīcatāmapi saṃśritaḥ || ākrāṃtaradovivaraḥ ka rāśistejasāmasau
94.21
ahametatparīkṣāyāṃ kva paricchinna
pauruṣaḥ || bhajyete iva me pakṣau dṛśā cāṃdhāyate iva || pradhvaṃsaṃta ivāṃgāni patāmīvāhamapyadhaḥ
94.22
kiṃ cānyadbahunoktena saha niḥśvāsavāyubhiḥ
mama prāṇāśca niyataṃ nirgacchaṃtīva sāṃpratam
94.23
ahaṃkāramadagraṃthirayaṃ truṭatu cittataḥ || mukuṃdena saha spardhā sā ca śīghraṃ praṇaśyatu
94.24
yadeṣa rodaḥkuharapariṇāhādhikodyamaḥ || aunnatyamayate'dyāpi tejaḥstaṃbho yathā purā
94.25
tadasya tejasāṃ rāśernāhaṃ nārāyaṇo'thavā || kāraṇaṃ
dūrataḥśvānye maheṃdrapramukhāḥ surāḥ
94.26
ito notpatituṃ śaktirasti me tannivarttaye || iti niścitya manasā vidhātā jātavismayaḥ
94.27
pratya
bhāṣata taṃ kastvaṃ kuto vā prāptavāniti || sa ca pratyabravīdenaṃ vedhasaṃ ketakacchadaḥ
94.28
ketakacchada evāsaṃ sacaitanyaḥ śivājñayā || tejaḥstaṃbhā
tmanaḥ śaṃbhorasya mūrdhni ciraṃ sthitaḥ
94.29
bhūloka icchayā vastuṃ tataḥ saṃprāptavānaham
94.30
itthaṃ śrutvā ketakībarhavācaṃ labdhvāśvāsaṃ taṃ kilāṃ
bhojabhūtiḥ || brūhi tvaṃ me tatkiyatyaṃtare vā tejaḥstaṃbhasyāgramityāvabhāṣe
94.30.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe brahmaṇā liṃgoparibhāgaśodhanavarṇanaṃnāma dvādaśo'dhyāyaḥ
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit