Kaumarikakhanda 96
Kaumārīkākhaṇḍa 96
- Language
- Sanskrit
Contents
- 96.32 — 1 part
96.1
cha || || naṃdikeśvara uvāca || || so'pi brahmāṇamudvīkṣya tāvatā
dviguṇaṃ smayan || nāyaṃ dṛṣṭamaneneti niścikāya vivekavān
96.2
anugrahītuṃ māṃ mugdhaṃ haṃtuṃ cāsya vidhermadam || devadevaḥ sa evālaṃ bhūtabhartetyama
nyata
96.3
mūlasaṃdarśanāśaktyā tejaḥstambhasya me madaḥ || vyapeta eva manye'dya yadvaṅghiruyaṃbake'jani
96.4
stūyate vītagarvatvātsa idānīṃ mahe
śvaraḥ || yasya dakṣiṇavāmābhyāmaṃgābhyāṃ nau samudbhavau
96.5
adyāpyavītagarvatvāllabdhvāsau kūṭasākṣiṇam || hiraṇyagarbho māmevamatisaṃdhātumicchati
96.6
tadadya sakalasyāpi duḥkhasyāpanaye kṣamaḥ || sa eva śaraṇatvena prāptavyaḥ śaṃkaro mayā
96.7
tathā kṛtāparādhasya kṛtaghnasya gurudruhaḥ
tamṛte rakṣitā ko'nyastameva staumi śaṃkaram
96.8
viṣṇuruvāca || || jaya pṛthvīyamākāra jaya cāpomayākṛte || jaya prabhā
karākāra jayāmṛtakarākṛte
96.9
jaya vaiśvānarākāra jaya gandhavahākṛte || jaya hotṛmayākāra jayākāśamayākṛte
96.10
rakṣa māṃ
triguṇātīta rakṣa māṃ kālavigraha || rakṣa māmakṣayaiśvarya rakṣa māṃ karuṇākara
96.11
sraṣṭā tvaṃ sarvajagatāṃ rakṣitā sarvadehinām || hartā
ca sarvabhūtānāṃ tvāṃ vinaivāsti ko'paraḥ
96.12
aṇūnāmapyaṇīyāṃstvaṃ mahāṃstvaṃ mahatāmapi || antarbahastvamevaitajjagadākramya vartase
96.13
nigamāstava niśvāsā viśvaṃ te śilpavaibhavam || sa tvaṃ tvadīya evāsi jñānamātmā tava prabho
96.14
amarā dānavā daityāḥ
siddhā vidyādharā narāḥ || prāṇinaḥ pakṣiṇaḥ śailāḥ śikhino'pi tvameva hi
96.15
svargastvamapavargastvaṃ tvamoṃkārastvamadhvaraḥ || tvaṃ yoga
stvaṃ parā saṃvitkiṃ tvaṃ na bhavasīśvara
96.16
tvamādirmadhyamaṃtaśca tasthuṣāṃ jagmuṣāmapi || kālasvarūpatāṃ prāpya kalayasyakhilaṃ jagat
96.17
pareśaḥ parataḥ śāstā sarvānugrāhakaḥ śivaḥ || sa eṣa me kathaṃkāraṃ sākṣādbhavati dhūrjaṭiḥ
96.18
yaṃ dṛṣṭvā śaraṇaṃ prāpto niḥśreyasamavāpnuyāt || atha
vā staumi taddhāma jātamātraṃ yathāmiti
96.19
tacchrutvaiva kṛpāṃ kuryādavaśyaṃ sarvataḥśrutiḥ || iti niścitya vaikuṃṭhaḥ stotuṃ samupacakrame
96.20
tameva taijasaṃ staṃbhaṃ praṇamya parameśvaram || ādimadhyāṃtarahitaṃ matvā taṃ jagadīśvaram || haṭhāttena viraṃcena vāryamāṇopi sasmitam
96.21
śrīviṣṇu
ruvāca || || jaya deva mahādeva vāmadeva vṛṣadhvaja || kālāṃtaka kratudhvaṃsinnīlakaṃṭheṃduśekhara
96.22
jaya śaṃbho śiveśāna śarva tryaṃbaka dhūrjaṭe
smaravairinpurārāte sthāṇo bhava maheśvara
96.23
jayeśa khaṃḍaparaśo śūlinpaśupate hara || sarvajña bharga bhūtaśa kapālinnīlalohita
96.24
jaya
rudra makhārāte pinākinpramathādhipa || gaṃgādhara vyomakeśa girīśa parameśvara
96.25
jaya bhīma mṛgavyādha kṛttivāsaḥ kṛpānidhe || kṛśānuretaḥ
kailāse nityameva hi vartase
96.26
tvadājñayā marudvāti phaṇī vahati bhūbharam || dīpyataḥ sūryaśaśinau brahmāṃḍaṃ plavateṃ'budhau
96.27
jyotīṃṣi
saṃcaraṃte khe sarvaṃ tvacchāsanātprabho || ahaṃ brahmā ca jagatāṃ sargasaṃtrāṇayoralam
96.28
vidhāya kalpase puṣṭyai sūte sasyāni medinī || nākrāmaṃ
tyabdhayaḥ sīmāṃ yacca tanmahireva saḥ
96.29
aṇimādimahāsiddhi niḥsādhāraṇavaibhavaḥ || kathaṃ tvāmamarairanyairupekṣe samabhiṣṭutam
96.30
viśukve
vismarāmastvāṃ smarāmaḥ saṃkaṭepi ca || na roṣo jātu bhakteṣu prasādaḥ sadaiva te
96.31
yadā vidhitserbhaktiṃ tvaṃ yadā ca prāvṛṇoṣi tām
mohabodhau tadā puṃsāṃ kalpete baṃdhamokṣayoḥ
96.32
iti stutassāṃjalibaddhapāṇinā patiḥ paśūnāmatha cakrapāṇinā || kṛtāpahāse ca sarojasaṃbhave
madoddhate prādurabhūddayānidhiḥ
96.32.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śaṃkara prādurbhāvavarṇanaṃnāma caturdaśo'dhyāyaḥ
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit