Kaumarikakhanda 97
Kaumārīkākhaṇḍa 97
- Language
- Sanskrit
Contents
- 97.17 — 1 part
97.1
cha || || naṃdikeśvara uvāca || || tejaḥstaṃbhaṃ vinirbhidya saṃdhyābhramiva caṃdramāḥ|| kailāsakūṭadhavalaṃ
vṛṣeṃdramadhitasthivān
97.2
jaṭājūṭavatā bālacaṃdracūḍena maulinā || kapālamālikāṃ vaidhīṃ srajaṃ cāragvadhīṃ dadhat
97.3
nāgakuṃḍalibhiḥ phālapha
lakodbhāsilocanaiḥ || paṃcabhirvadanairdīptaiḥ śveḍakalmāṣakaṃdharaiḥ
97.4
śūlaṃ kapālaṃ ḍamaruṃ sāraṃgaṃ paraśuṃ dhanuḥ || khaṭṭāṃgamamalaṃ khaḍgaṃ dorbhirnāgaṃ ca dhāra
yan
97.5
śvasitoddhūlitākāro gajacarmottarīyavān || sarvālaṃkārasaṃpannaḥ sarvadevairabhiṣṭutaḥ
97.6
paridhānīkṛtavyāghracarmā tābhyāmadarśi saḥ
rūpaṃ dṛṣṭvā sa ānaṃdaṃ nanartta nalinekṣaṇaḥ
97.7
na kiṃcidapi jānāno mumoha ca sarojabhūḥ
97.8
dṛśābhinaṃdya mādhavaṃ prasannayā maheśvaraḥ
athodatiṣṭhipacca taṃ sahuṃkṛtyaścaturmukham
97.9
jagāda cādhikāritāmadādyuvāṃ samuddhatau || na lajjitavyamatra vāmayaṃ kramo'dhikāriṇām
97.10
parīkṣya vaibhavaṃ mama prabodhavānabhūddhariḥ || ayaṃ na jātu padmabhūśchalanmano durātmavān
97.11
aśāsi paṃcavakratā yadopahāsito hyaham || punaḥsvapu
trikāratirmayaiṣa śikṣito'bhavat
97.12
tṛtīya eṣa maṃturapyaho kathaṃ nu sahyate || tadsya tu pratiṣṭhā kvacinna bhūyatāṃ vidheḥ
97.13
ayaṃ ca
ketakacchado yadāpa kūṭasākṣitām || ataḥ paraṃ na jātu tanmamaitu mūrdhni saṃsthitim
97.14
śapttvaivametau giriśaḥ prītyā viṣṇumabhāṣata
97.15
śrīmaheśvara uvāca || || vatsa mā bhaiḥ prasanno'smi bhavate bhaktiśāline || nanu tvamaṃgānme jātassāttviko'si viśeṣataḥ || māhe
śvarāgragaṇyo'si jagatyāṃ hi yathā purā
97.16
na tavātaḥ paraṃ jātu bhaktihānirbhavenmayi || pratikṣaṇaṃ varddhamānā kalpate ca vimuktaye
97.17
ityanugrahakṛtaṃ trilocanaṃ bhaktibhāji nirahaṃkriye harau || bhītimānavanataḥ svayaṃ vidhiḥ stotumārabhata kṛtavaṃdanaḥ
97.17.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye uttarārdhe brahmakṛtaśivastutyudyamavarṇanaṃnāma pañcadaśo' dhyāyaḥ
Linked texts (4)
- Māheśvarakhaṇḍa — Sanskrit
- Vaiṣṇavakhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit