Krishnajanmakhanda 34
Kṛṣṇajanmakhaṇḍa 34
- Language
- Sanskrit
Contents
- 34.50 — 1 part
34.1
iti śrībrahmavaivarttai mahāpurāṇe nārāyaṇanāradasaṃvāde
ekādaśīvratanirūpaṇaṃ nāma
ṣaḍviṃśo'dhyāyaḥ
saptaviṃśo'dhyāyaḥ
śrīnārāyaṇa uvāca
śṛṇu nārada vakṣyāmi śrīkṛṣṇacaritaṃ punaḥ
gopīnāṃ vastraharaṇaṃ varadānaṃ manīṣitam
34.2
hemante prathame māsi gopikāḥ kāmamohitāḥ
kṛtvā haviṣyaṃ bhaktyā ca yāvanmāsaṃ susaṃyutāḥ
34.3
snātvā sūryasutātīre pārvatīṃ bālukāmayīm
kṛtvāvāhya ca mantreṇa pūjāṃ kurvanti nityaśaḥ
34.4
candanāgurukastūrīkuṅkumaiśca manoharaiḥ
nānāprakārapuṣpaiśca mālyairbahuvidhairapi
34.5
dhūpairdīpaiśca naivedyairvastrairnānāphalairmune
maṇimuktāpravālaiśca vādyairnānāvidhairapi
34.6
he devi jagatāṃ mātaḥ sṛṣṭisthityantakāriṇi
nandagopasutaṃ kāntamasmabhyaṃ dehi suvrate
34.7
mantreṇānena deveśīparihāraṃ vidhāya ca
tataḥ kṛtvā tu saṃkalpaṃ pūjayantūssamantataḥ
34.8
mantrastu sāmavedokto'yātayāmaḥ sabījakaḥ
oṃ śrīdurgāyai sarvavighnavināśinyai nama iti
34.6-2
puṣpaṃ mālyañca naivedyaṃ dhūpaṃ dīpaṃ tathāṃśukam
mantreṇānena tāṃ bhaktyā daduḥ sarvā mudānvitāḥ
34.10
pravālamālayā bhaktyā cemaṃ mantraṃ sahasradhā
japaṃ kṛtvā ca stutvā ca praṇemuḥ śirasā bhuvi
34.11
sarvamaṅgalamaṅgalye sarvakāmaprade śive
dehi me vāñchitaṃ devi namaste śaṅkarapriye
34.12
ityuktvā ca namaskāraṃ kṛtvā dattvā ca dakṣiṇām
naivedyāni ca sarvāṇi brāhmaṇebhyo yayurgṛham
34.13
śrīnārāyaṇa uvāca
stavarājaṃ śṛṇu mune tuṣṭuvuryena pārvatīm
bhaktyā gopāṅganāḥ sarvāḥ sarvābhīṣṭaphalapradām
34.14
jagatyekārṇave ghore candrasūryavivarjite
kajjanākāratoyena saṃplute ca carācare
34.15
dattaṃ purā brahmaṇe ca hariṇā jalaśāyinā
tasmai dattvā sarvamidaṃ nidrāṃ bheje jagatpatiḥ
34.16
nābhipadme jagatsraṣṭā madhunā kaiṭabhena ca
pīr̤itaḥ parituṣṭāva mūlaprakṛtimīśvarīm
34.17
oṃ namo jayadurgāyai
brahmovāca
durge śive'bhaye māye nārāyaṇi sanātani
jaye me maṅgalaṃ dehi namaste sarvamaṅgale
34.18
daityanāśārthavacano dakāraḥ parikīrtitaḥ
ukāro vighnanāśārthavācako vedasammataḥ
34.16-2
repho rogaghnavacano gaśca pāpaghnavācakaḥ
bhayaśatrughnavacanaścākāraḥ parikīrttitaḥ
34.20
smṛtyuktismaraṇādyasyā ete naśyanti niścitam
ato durgā hareḥ śaktirhariṇā parikīrttitā
34.21
vipattivācako durgaścākāro nāśavācakaḥ
durgaṃ naśyati yā nityaṃ sā durgā parikīrttitā
34.22
durgo daityendravacano'pyākāro nāśavācakaḥ
taṃ nanāśa purā tena budhairdurgā prakīrttitā
34.23
śaśca kalyāṇavacana ikārotkṛṣṭavācakaḥ
samūhavācakaścaiva vākāro dātṛvācakaḥ
34.24
śreyaḥsaṃghotkṛṣṭadātrī śivā tena prakīrttitā
śivarāṇirmūrttimatī śivā tena prakīrttitā
34.25
śivo hi mokṣavacanaścākāro dātṛvācakaḥ
svayaṃ nirvāṇadātrī yā sā śivā parikīrttitā
34.26
abhayo bhayanāśoktaścākāro dātṛvācakaḥ
pradadātyabhayaṃ sadyaḥ sābhayā parikīrttitā
34.27
rājyaśrīvacano māśca yāśca prāpaṇavācakaḥ
tāṃ prāpayati yā sadyaḥ sā māyā parikīrttitā
34.28
māśca mokṣārthavacano yāśca prāpaṇavācakaḥ
taṃ prāpayati yā nityaṃ sā māyā parikīrttitā
34.26-2
nārāyaṇārddhāṅgabhūtā tena tulyā ca tejasā
tadā tasya śarīrasthā tena nārāyaṇī smṛtā
34.30
nirguṇasya ca nityasya vāñchakaśca sanātanaḥ
sadā nityā nirguṇā yā kīrttitā sā sanātanī
34.31
jayaḥ kalyāṇavacano yākāro dātṛvācakaḥ
jayaṃ dadāti yā nityaṃ sā jayā parikīrttitā
34.32
sarvamaṅgalaśabdaśca saṃpūrṇaiśvaryyavācakaḥ
ākāro dātṛvacanastaddhātrī sarvamaṅgalā
34.33
nāmāṣṭakamidaṃ sāraṃ nāmārthasahsaṃyutam
nārāyaṇena yaddattaṃ brahmaṇe nābhipaṅkaje
34.34
tasmai dattvā nidritaśca babhūva jagatāṃ patiḥ
madhukaiṭabhau durdāntau brahmāṇaṃ hantumudyatau
34.35
stotreṇānena sa brahmā stutiṃ natvā cakāra ha
sākṣāt stutā tadā durgā brahmaṇe kavacaṃ dadau
34.36
śrīkṛṣṇakavacaṃ divyaṃ sarvarakṣaṇanāmakam
dattvā tasmai mahāmāyā sāntarddhānaṃ cakāra ha
34.37
stotraṃ kurvanti nidrāñca saṃrakṣya kavacena vai
nidrānugrahtaḥ sadyaḥ stotrasyaiva prabhāvataḥ
34.38
tatrājagāma bhagavān vṛṣarūpī janārddanaḥ
śaktyā ca durgayā sārddhaṃ śaṅkarasya jayāya ca
34.39
sarathaṃ śaṅkaraṃ mūrdhni kṛtvā ca nirbhayaṃ dadau
atyūrdhvaṃ prāpayāmāsa jayā tasmai jayaṃ dadau
34.40
stotrasyaiva prabhāvena saṃprāpya kavacaṃ vidhiḥ
varañca kavacaṃ prāpya nirbhayaṃ prāpa niścitam
34.41
brahmā dadau maheśāya stotrañca kavacaṃ varam
tripurasya ca saṃgrāme sarathe patite harau
34.42
brahmāstrañca gṛhītvā sa sanidraṃ śrīhariṃ smaran
stotrañca kavacaṃ prāpya jaghāna tripuraṃ haraḥ
34.43
stotreṇānena tāṃ durgāṃ kṛtvā gopārkanakāḥ sutim
lebhire śrīhariṃ kāntaṃ stotrasyāsya prabhāvataḥ
34.44
gopakanyākṛtaṃ stotraṃ sarvamaṅgalanāmakam
vāñchitārthapradaṃ sadyaḥ sarvavighnavināśanam
34.45
trisandhyaṃ yaḥ paṭhennityaṃ bhaktiyuktaśca mānavaḥ
śaivo vā vaiṣṇavo vāpi śākto durgāt pramucyate
34.46
rājadvāre śmaśāne ca dāvāgnau prāṇasaṅkaṭe
hiṃsrajantubhayagrasto magnaḥ pote mahārṇave
34.47
śatru graste ca saṃgrāme kārāgāre vipadgate
guruśāpe brahmaśāpe bandhubhede ca dustare
34.48
sthānabhraṣṭe dhanabhraṣṭe jātibhraṣṭe śucānvite
patibhede putrabhede khalasarpaviṣānvite
34.49
stotrasmaraṇamātreṇa sadyo mucyeta nirbhayaḥ
vāñchitaṃ labhate sadyaḥ sarvaiśvaryyamanuttamam
34.50
ihaloke harerbhaktiṃ dṛḍhāñca satataṃ smṛtim
ante dāsyañca labhate pārvatyāśca prasādataḥ
34.50.p1
iti śrībrahmavaivartte mahāpurāṇe śrīkṛṣṇajanmakhaṇḍe
Linked texts (3)
- Durgārcanasṛti — Sanskrit
- Brahmavaivartapurāṇa — Vyāsa, Sanskrit
- Janmakhaṇḍa — Sanskrit