Krishnajanmakhanda 37
Kṛṣṇajanmakhaṇḍa 37
- Language
- Sanskrit
37.185
rādhākṛtaṃ pārvatīstotraṃ samāptam
samāptidivase rādhā gopībhiḥ saha saṃyutā
devīṃ praṇamya stutvā ca vrataṃ pūrṇañcakāra ha
37.186
gosahasraṃ brāhmaṇāya suvarṇaśatakaṃ mudā
viprāya dakṣiṇāṃ dattvā svagṛhaṃ gantumudyatāḥ
37.187
brāhmaṇānāṃ sahasrañca bhojayāmāsa sādaram
vādyāni vādyāmāsa bhikṣukāya dhanaṃ dadau
37.188
etasminnantare tatra durgā durgatināśinī
āvirbabhūva gaganājjvalantī brahmatejasā
37.189
īṣaddhāsyaprasannāsyā yoginīśatasaṃyutā
siṃhasthā ca daśabhujā ratnāraṅkārabhūṣitā
37.190
śātakumbhamayāddivyādratnasāraparicchadāt
avaruhya rathāttūrṇamāliṅgyorasi rādhikām
37.191
dṛṣṭvā gopāṅganā devīṃ praṇemuśca mudānvitāḥ
āśiṣaṃ yuyuje durgā vāñchāsiddharbhaviṣyati
37.192
gopikābhyo varaṃ dattvā tāḥ sambhāṣya ca sādaram
uvāca rādhikāṃ durgā smerānanasaroruhā
37.193
pārvatyuvāca
rādhe sarveśvaraprāṇādhike jagadambike
vratante lokaśikṣārthaṃ māyāmānuṣarūpiṇī
37.194
golokanāthaṃ golokaṃ śrīśailaṃ girijātaṭam
śrīrāsamaṇḍalaṃ divyaṃ vṛndāvanamanoharam
37.195
caritaṃ raticorasya strīṇāṃ mānasahārakam
viduṣaḥ kāmaśāstrāṇāṃ kiñcit smarasi sundari
37.185-2
śrīkṛṣṇārddhāṅgasambhūtā kṛṣṇatulyā ca tejasā
tavāṃśakalayā devyaḥ kathaṃ tvaṃ mānuṣī satī
37.186-2
bhavatī ca hareḥ prāṇā bhavatyāśca hariḥ svayam
vede nāsti dvayorbhedaḥ kathaṃ tvaṃ mānuṣī satī
37.188-2
ṣaṣṭivarṣasahasrāṇi brahmā taptā tapaḥ purā
na te dadarśa pādābjaṃ kathaṃ tvaṃ mānuṣī satī
37.188-3
kṛṣṇājñayā ca tvaṃ devī gopīrūpaṃ vidhāya ca
āgatāsi mahīṃ śrānte kathaṃ tvaṃ mānuṣī satī
37.200
suyajño hi nṛpaśreṣṭho manuvaṃśasamudbhavaḥ
tvatto jagāma golokaṃ kathaṃ tvaṃ mānuṣī satī
37.201
triḥsaptakṛtvo nirbhūpaṃ cakāra pṛthivīṃ bhṛguḥ
tava mantreṇa kavacātkathaṃ tvaṃ mānuṣī satī
37.202
śaṅkarātprāpya tvanmantraṃ siddhaṃ kṛtvā ca puṣkare
jaghāna kārttavīryyañca kathaṃ tvaṃ mānuṣī satī
37.203
babhañja darpāhantañca gaṇeśasya mahātmanaḥ
tvatto nāma bhayaṃ cakre kathaṃ tvaṃ mānuṣī satī
37.204
mayyuddhatāyāṃ kopena bhasmasātkartumīśvaraḥ
rarakṣāgatya matprītyā kathaṃ tvaṃ mānuṣī satī
37.205
kalpe kalpe tava patiḥ kṛṣṇo janmani janmani
vrataṃ lokahitārthāya jaganmātastvayā kṛtam
37.206
aho śrīdāmaśāpena bhārāvataraṇena ca
bhūmau tavādhiṣṭhānañca kathaṃ tvaṃ mānuṣī satī
37.207
ayonisambhavā tvañca janmamṛtyujarāpahā
kalāvatīsutā puṇyā kathaṃ tvaṃ mānuṣī satī
37.208
triṣu māseṣvatīteṣu madhumāse manohare
nirjane nirmale rātrau suyogye rāsamaṇḍale
37.206-2
sarvābhirgopikābhiśca sārdhaṃ vṛndāvane vane
harṣeṇa hariṇā sārdhaṃ krīr̤ā te bhavitā sati
37.210
vidhātrā likhitā krīr̤ā kalpe kalpe mahītale
tava śrīhariṇā sārdhaṃ kena rādhe nivāryyate
37.211
yathā saubhāgyayuktāhaṃ harasya śrīharipraye
tathā saubhāgyayuktā tvaṃ bhava kṛṣṇasya sundari
37.212
yathā kṣīreṣu dhāvalyaṃ yathā vahnau ca dāhikā
bhuvi gandho jale śaityaṃ tathā kṛṣṇe sthitistava
37.213
daivī vā mānuṣī vāpi gāndharvī rākṣasī tathā
tvattaḥ parā ca saubhāgyā na bhūtā na bhaviṣyati
37.214
parātparo guṇātīto brahmādīnāñca vanditaḥ
svayaṃ kṛṣṇastavādhīno madvareṇa bhaviṣyati
37.215
brahmānantaśivārādhyo bhavitā tvadvaśaḥ sati
dhyānāsādhyo durārādhyaḥ sarveṣāmapi yoginām
37.216
tvañca bhāgyavatī rādhe strījātiṣu na te parā
kṛṣṇena sārddhaṃ paścāt tvaṃ golokañca gamiṣyasi
37.217
ityuktvā pārvatī sadyastatraivāntardadhe mune
sārdhaṃ gopālikābhiśca rādhikā gantumudyatā
37.218
etasminnantare kṛṣṇo jagāma rādhikāpuraḥ
rādhā dadarśa śrīkṛṣṇaṃ kiśoraṃ śyāmasundaram
37.219
pītavastraparīdhānaṃ nānālaṅkārabhūṣitam
ājānumālatīmālāvanamālāvibhūṣitam
37.220
īṣaddhāsyaprasannāsyaṃ bhaktānugrahakātaram
candanocitasarvāṅgaṃ śaratpaṅkajalocanam
37.221
śaratpārvaṇacandrāsyaṃ sadratnamukuṭojjvalam
pakkadār̤imavījābha daśanaṃ sumanoharam
37.222
vinodamuralīhastanyastalīlāsaroruham
koṭikandarpalāvaṇyalīlādhāma manoharam
37.223
guṇātītaṃ stūyamānaṃ brahmānantaśivādibhiḥ
brahmasvarūpaṃ brāhmākhyaṃ śrutibhiśca nirūpitam
37.224
avyakttamattaraṃ vyaktaṃ jyotīrūpaṃ sanātanam
maṅgalyaṃ maṅgalādhāraṃ maṅgalaṃ maṅgalapradam
37.225
dṛṣṭvā tadadbhutaṃ rūpaṃ saṃbhramāt praṇanāma tam
taṃ dṛṣṭvā mūrcchitā rādhā kāmabāṇaprapīr̤itā
37.226
daśaṃ darśaṃ mukhāmbhojaṃ sasmitā vakralocanā
mukhamācchādayāmāsa vrīr̤ayā ca punaḥ punaḥ
37.227
dṛṣṭvā harisāmuvāca prasannavadanekṣaṇaḥ
gopālikāsamūhānāṃ sarveṣāṃ purataḥ sthitaḥ
37.228
śrīkṛṣṇa uvāca
prāṇādhike rādhike tvaṃ varaṃ vṛṇu manīṣitam
bho bho gopālikāḥ sarvā varaṃ vṛṇuta vāñchitam
37.228-2
kṛṣṇasya vacanaṃ śrutvā varaṃ vavre ca rādhikā
gopālikāśca prahṛṣṭāḥ sarvaśaḥ kalpapādapam
37.230
rādhikovāca
tvatpādābje manmano'liḥ satataṃ bhramatu prabho
pātu bhaktirasaṃ padma madhupaśca yathā madhu
37.231
madīyaprāṇanāthastvaṃ bhava janmani janmani
tvadīyacaraṇāmbhoje dehi bhaktiṃ sudurlabhām
37.232
tava smṛtau guṇe cittaṃ svapne jñāne divāniśam
bhavennimagnaṃ satatamaitanmama manīṣitam
37.233
gopālikā ūcuḥ
yathā rādhāṃ tayā naśca prāṇabandho divāniśam
bhaviṣyasi prāṇanātho racyasi pratijanmani
37.234
āsāñca vacanaṃ śrutvā tathāstvevamuvāca ha
prasannavadanaḥ śrīmān yaśodānandavardhanaḥ
37.235
krīr̤āpadmaṃ rādhikāyai sahastradalasaṃyuktam
lalitāṃ mālatīmālāṃ dadau prītyā jagatpatiḥ
37.236
mālāsamūhaṃ puṣpāṇi gopībhyo gopikāpatiḥ
prahasya paramaprītyā pradadāvityavāca ha
37.237
śrīkṛṣṇa uvāca
triṣu māseṣvatīteṣu yūyaṃ krīr̤āṃ mayā saha
rāsamaṇḍalaramye ca vṛndāraṇye kariṣyatha
37.238
yathāhañca tathā yūyaṃ na hi bhedaḥ śrutau śrutaḥ
prāṇā ahañca yuṣmākaṃ yūyaṃ prāṇā mama prabho
37.236-2
vrataṃ vo lokarakṣārthaṃ na hi svārthamidaṃ priyāḥ
sahāgatāśca golokādgamanañca mayā saha
37.240
gacchata svālayaṃ śīghraṃ vo'haṃ janmani janmani
prāṇebhyo'pi garīyasyo yūyaṃ me nātra saṃśayaḥ
37.241
ityuktvā śrīharistatra tasthau sūryyasutātaṭe
tasthurgopālikāḥ sarvā vīkṣya kṛṣṇaṃ punaḥ punaḥ
37.242
sarvāḥ prahṛṣṭavadanāḥ sasmitā vakralocanāḥ
prītyā cakṣuścakorābhyāṃ mukhacandraṃ papurharaiḥ
37.243
tāḥ śīghraṃ prayayurgehaṃ jayaṃ dattvā punaḥ punaḥ
hariśca śiśubhiḥ sārddhaṃ prasannaḥ svālayaṃ yayau
37.244
ityevaṃ kathitaṃ sarvaṃ harercaritamaṅgalam
gopīnāṃ vastraharaṇaṃ sarvvalokasukhāvaham
Linked texts (3)
- Brahmavaivartapurāṇa — Vyāsa, Sanskrit
- Janmakhaṇḍa — Sanskrit
- Vṛndāvanakhaṇḍe Gargasahhitā — Sanskrit