Pramāṇa · Search · About · API

Krishnajanmakhanda 63

Kṛṣṇajanmakhaṇḍa 63

Language
Sanskrit

63.1

iti śrībrahmavaivartte mahāpurāṇe nārāyaṇanāradasaṃvāde
śrīkṛṣṇajanmakhaṇḍe rādhāmānabhaṅge rāsavarṇanaṃ
nāma dvipañcāśattamo'dhyāyaḥ
dvipañcāśattamo'dhyāyaḥ
nārada uvāca
samatīte pūrṇamāse kiñcakāra jagatpatiḥ
rahasyaṃ kiṃ babhūvātha tadbhavān vaktumarhati

63.2

śrīnārāyaṇa uvāca
rāsaṃ nirvṛtya rāse ca rāseśvaryyā samanvitaḥ
svayaṃ rāseśvarastasmādyamunāpulinaṃ yayau

63.3

tatra snātvā jalaṃ pītvā nirmalaṃ nirmale jale
sārdhaṃ gopāṅganābhiśca jalakrīr̤āñcakāra saḥ

63.4

tato jagāma bhagavān bhāṇḍīraṃ rādhayā saha
gopāṅganāśca svagṛhān prayayurvirahāturāḥ

63.5

krīr̤āñcakāra rahasi bhāṇḍīre mālatīvane
mālatīpuṣpaśayyāyāṃ ramyāyāṃ ramaṇotsukaḥ

63.6

kṛtvā krīr̤āñca tatraiva vāsantīkānanaṃ yayau
reme tatraiva rāseśo vasante sumanohare

63.7

tatraiva ramaṇaṃ kṛtvā yayau candanakānanam
candanocitasarvāṅgo gṛhītvā candanocitam

63.8

ramye candanatalpe ca snigdhe candanapallave
pūrṇacandre samudite vijahāra tayā saha

63.6-2

kṛtvā vihāraṃ tatraiva yayau campakakānanam
ramye campakatalpe ca cakāra ratimīśvarīm

63.10

ratiṃ nivartya tatraiva yayau padmavanaṃ prabhuḥ
padmapatrasamākīrṇe talpe'tisumanohare

63.11

sārdhaṃ tatra padmamukhyā śītena padmavāyunā
cakāra sukhasambhogaṃ yayau nidrāṃ tayā saha

63.12

vihāya nidrāṃ nidreśo dadarśa nidritāṃ priyām
śayānāṃ padmatalpe ca sukhasambhogamātrataḥ

63.13

dṛṣṭvā mukhañca gharmāktaṃ śaraccandravininditam
atisaṃluptasindūraṃ luptaṃ kajjalamulyaṇam

63.14

saṃsuptādhararāgañca saṃluptagaṇḍapatrakam
visrastakavarībhāraṃ netrotpalavimudritam

63.15

ratnakuṇḍalayugmenāmūlyena pariśobhitam
rājitaṃ mauktikeneva gajarājīṅgavena ca

63.16

premṇā svasūkṣmavastreṇa vahniśuddhena mādhavaḥ
mārjayāmāsa bhaktyā ca tadvaktraṃ bhaktavatsalaḥ

63.17

keśasaṃmārjanaṃ kṛtvā nirmāya kabarīṃ hariḥ
mādhavīmālatīmālājālena pariśobhitām

63.18

ratnapaṭṭasūtrabaddhāṃ vāmadakṣāṃ manoharām
atīvavartulākārāṃ kundapuṣpasuśobhitām

63.16-2

dadau sindūratilakamadhaścandanamujjvalam
kastūrībindunā sārddhaṃ paritaḥ pariśobhitām

63.20

cakāra patrakaṃ gaṇḍayugme citravicitritam
pradadau kajjalaṃ bhaktyā netrotpalasamujjvalam

63.21

cakārādhararāgañca rādhāyāścānurāgataḥ
karṇabhūṣaṇayugmañca cakārātīvanirmalam

63.22

amūlyaratnahārañca stanabhārayugojjvalam
dadau kaṇṭhe ca vaikuṇṭho maṇirājivirājitam

63.23

vahriśuddhāṃśukaṃ divyamamūlyaṃ viśvaratnataḥ
vāsayāmāsa vasanaṃ kastūrīkuṅkumāktakam

63.24

pradadau pādayugale ratnamañjīrarañjitam
cakārālaktakaṃ bhaktyā pādāṅgulinakheṣu ca

63.25

cakāra sevāṃ sevyāyāḥ sevyastrijagatāṃ satām
aho sevakasaṃbhaktyā śvetena cāmareṇa ca

63.26

sarvvabhāvavidāṃ śreṣṭho bodhajñaḥ kāmaśāstravit
kāminīṃ bodhayāmāsa vāsayāmāsa vakṣasi

63.27

premṇā ca pradadau tasyai sadaratnadarpaṇaṃ śubham
suveśadarśanārthañca mukhacandrañca mārjitum

63.28

nānāpuṣpairviracitāmamlānāṃ candanokṣitām
gale saubhāgyayuktāyāḥ saubhāgyena dadau hariḥ

63.29

kastūrīkuṅkumāktañca sugandhicandanaṃ tataḥ
dadau priyāyāḥ sarvvāṅge priyaḥ premabhareṇa ca

63.30

pārijātasya kusumaṃ dattaṃ rahasi brahmaṇā
pradadau tatkavaryāñca lalitāyāñca nārada

63.31

kamalaṃ nirmalaṃ divyaṃ sahasradalamujjvalam
śivena dattaṃ rahasi dadau taddakṣiṇe kare

63.32

atisāraṃ maṇīndrāṇāṃ maṇiratnañca kaustubham
dattaṃ rahasi dharmeṇa tasyai suprītaye dadau

63.33

āsavaṃ ratnapātrasthaṃ dasradattañca nirjane
pānārthaṃ pradadau tasyai kāmonmādakaraṃ param

63.34

mālatīmādhavīkundamandāracampakādikam
puṣpaṃ sadgalapātrasthaṃ tasyai suprītaye dadau

63.35

sudurlabhañca tāmbūlaṃ karpūrādisusaṃskṛtam
bhakṣaṇaṃ kārayāmāsa samayannaśca tāṃ priyām

63.36

sudurlabhañca viśveṣu vāhyapateḥ parinirmitam
anuttamamamūlyañca varuṇena rahaḥsthale

63.37

atisūkṣmamanupamaṃ dattaṃ bhaktyā virājitam
vāsayāmāsa vasanaṃ kṛtvā nagnāṃñca kautukāt

63.38

devarājena dattañca gajarājendramauktikam
nāsikābhūṣaṇañcāru tasyai suprītaye dadau

63.36-2

etasminnantare tatra suśīlādyāśca gopikāḥ
ṣaṣṭiḥ satsahacaryyaśca rādhāyāḥ supratiṣṭhitāḥ

63.40

ṣaṣṭisatkoṭigopībhiḥ sārddhaṃ saṃhṛṣṭamānasāḥ
āyayuḥ pādacihnena priyasya vahataḥ priyām

63.41

kāścicandanahastāśca kāściccāmaravāhikāḥ
kāścit kastūrīhastāśca mālāhastāśca kāścana

63.42

kāścit sindūrahastāśca kāścit kaṅkatikākarāḥ
kāścidalaktakakarā vastrahastāśca kāścana

63.43

kāściddarpaṇahastāśca puṣpapātradharā varāḥ
kāścit krīr̤āpadmahastā mālāhastāśca kāścana

63.44

kāścidāsavahastāśca kāścidbhūṣaṇavāhikāḥ
karatālagrāḥ kāścinmṛdaṅgavāhikāḥ parāḥ

63.45

svarayantrakarāḥ kāścidvīṇāhastāśca kāñcana
ṣaṭviṃśadrāgarāgiṇyo gopikārūpadhārikāḥ
golokādāgatā yāśca bhārataṃ rādhayā saha

63.46

kāścijjaguśca nanṛtustatrāgatya ca kāścana
kāściccakrustathā sevāṃ rādhāyāḥ śvetacāmaraiḥ

63.47

kāściccakruśca devyāśca pādasaṃvāhanaṃ mudā
kāciddadau ca tāmbūlaṃ bhakṣaṇārthaṃ mahāmune

63.48

evaṃ kautukayuktaśca puṇye vṛndāvane vane
pratasthau gopikāsārddhaṃ rādhāvakṣaḥsthalasthitaḥ

63.49

kṣaṇaṃ papau ca sādhvīkaṃ priyayā saha mādhavaḥ
kṣaṇañcakhāda tāmbūlaṃ kṣaṇaṃ nidrāṃ yayau mudā

63.50

kṣaṇaṃ cakāra śṛṅgāraṃ ratnanirmitamandire
kṣaṇaṃ jalavihārañca cakāra yamunājale

63.51

ityevaṃ kathitā vatsa rāsakrīr̤ā hareraho
svecchāmayasyātmanaśca paripūrṇatamasya ca

63.52

nirguṇasya svatantrasya parasya prakṛteḥ prabhoḥ
brahmaviṣṇuśivādīnāmīśvarasya parasya ca

63.53

kṛṣṇajanmarahasyañca bālakīr̤anamīpsitam
uktaṃ kiśoracaritaṃ kimbhūyaḥ śrotumicchasi

Linked texts (3)