Krishnajanmakhanda 67
Kṛṣṇajanmakhaṇḍa 67
- Language
- Sanskrit
67.1
iti śrībrahmavaivartte mahāpurāṇe nārāyaṇanāradasaṃvāde
śrīkṛṣṇajanmakhaṇḍe bhagavadguṇe lakṣmīpūrvakathanaṃ nāma ṣaṭpañcāśattamo'dhyāyaḥ
saptapañcāśattamo'dhyāyaḥ
nārāyaṇa uvāca
devānāṃ stavanaṃ śrutvā tyaktvā ca rodanaṃ satī
uvāca suprasannā tān teṣāṃ stotreṇa nārada
67.2
mahālakṣmīrūvāca
tyajāmi dehaṃ na krodhānna vairāgyeṇa sāmpratam
idaṃ hṛdi samālocya devāstacchrayatāmiti
67.3
yasmin sadīśe mahati sarvasāmye ca nirguṇe
sarvātmani sadānande samatā tṛṇaśailayoḥ
67.4
bhrūbhaṅgalīlayā lakṣmorlakṣaṃ sraṣṭumalaṃñca yaḥ
bhṛtye striyāṃ yatsamatā kiṃ kāryaṃ tasya sevayā
67.5
tatpatnīnāṃ pradhānāhaṃ nirastā dvāriṇādhunā
uddhṛtya bhṛtyabhṛtyena paripūrṇena nepsitā
67.6
tyakṣyāmi jīvanamahamasaubhāgyā ca svāmini
vahnau ca kāmanāṃ kṛtvā yathā bhadraṃ bhavet purā
67.7
yā strī bharturasaubhāgyā sasaubhāgyā ca sarvataḥ
śayane bhojane tasyā na sukhaṃ jīvanaṃ vṛthā
67.8
yasyā nāsti priyaprema tasyā janma nirarthakam
tat kiṃ putre dhane rūpe sampattau yauvane'thavā
67.6-2
yadbhaktirnāsti kānte ca sarvapriyatame pare
sāśucirdharmahīnā ca sarvakarmavivarjitā
67.10
patirbandhurgatirbharttā daivataṃ gurureva ca
sarvaismācca paraḥ svāmī na guruḥ svāminaḥ paraḥ
67.11
pitā mātā suto bhrātā kliṣṭā dātumidaṃ dhanam
sarvasvadātā svāmo ca mūr̤hānāṃ yoṣitāṃ surāḥ
67.12
kācideva hi jānāti mahāsādhvī ca svāminam
atisadvaṃśajātā ca suśīlā kulapālikā
67.13
asadvaṃśaprasūtā yā duḥśīlā dharmavarjitā
mukhaduṣṭā yoniduṣṭā patiṃ nindati kopataḥ
67.14
yā strī sarvaparaṃ dveṣṭi patiṃ viṣṇusamaṃ gurum
kumbhīpāke pacati sā yāvadindrāścaturdaśa
67.15
vrataṃ cānaśanaṃ dānaṃ satyaṃ puṇyaṃ tapaściram
patibhaktivihīnāyā bhasmībhūtaṃ nirarthakam
67.16
ataḥ kiñcinna vakṣyāmi niṣṭhuraṃ patimīśvaram
bhṛtyāparādhairdaivasya prāṇāṃstyakṣyāmi niścitam
67.17
patidoṣe mahāsādhvī patiñcāniṣṭhuraṃ vadet
yadi soḍhumaśaktā ca prāṇāṃstyajati dharmataḥ
67.18
patisevā vrataṃ strīṇāṃ patisevā paraṃ tapaḥ
patisevā paro dharmaḥ patisevā surārcanam
67.16-2
patisevā paraṃ satyaṃ dānatīrthānukīrtanam
sarvadevamayaḥ svāmī sarvadevamayaḥ śuciḥ
67.20
sarvapuṇyasvarūpaśca patirūpī janārddanaḥ
yā satī bharturucchiṣṭaṃ bhuṃkte pādodakaṃ sadā
67.21
tasyā darśanamupasarge nityaṃ vāñchanti devatāḥ
tataḥ sarvāṇi tīrthāni punanti pāpino hyaghāt
67.22
ityuktvā ca mahāsādhvī ruroda ca muhurmuhuḥ
uvāca brahmā bhītaśca bhaktinamrātmakandharaḥ
67.23
brahmovāca
bhaviṣyati na bhadrañca jayasya vijayasya ca
tvayā na śaptau tau mūḍhau priyāparādhabhītayā
67.24
sāparādhañca dharmiṣṭhaḥ kṣamayā nāśayed yadi
sarvanāśo bhavettasya niścitaṃ mā ciraṃ sati
67.25
yadi śaptuṃ na śaktaśca na daṇḍaṃ kartumīśvaraḥ
sāparādhe ca puruṣe dharmo daṇḍaṃ karoti ca
67.26
sarvaṃ kṣamasva he mātargaccha gaccha priyāntikam
māñca tvatsvāmino bhaktaṃ niyojya sṛṣṭikarmaṇi
67.27
ityuktvā tāṃ puraskṛtyā sārddhaṃ devairmunīndrakaiḥ
śīghraṃ jagāma vaikuṇṭhaṃ vaikuṇṭhe stotumīśvaraḥ
67.28
tatra gatvā jagannāthaṃ tuṣṭāva kamalāsanaḥ
caturvvaktraiścaturvvaktañcaturvedavidāṃ gurum
67.29
brahmaṇaḥ stavanaṃ śrutvā dṛṣṭvā lakṣmīṃ puraḥsarām
rudantīṃ namravadanāmuvāca kamalāpatiḥ
67.30
śrībhagavānuvāca
sarvaṃ jānāmi sarvajñaḥ sarvātmā sarvapālakaḥ
sarvaśāstā ca sarvādhikāraṇaṃ kamalodbhava
67.31
bhakte kalatre bandhau ca sarvatra samatā mama
viśeṣato'timadbhaktaḥ kalatrātpara eva ca
67.32
madbhaktau tava putrau ca dvārapālau durantakau
kṣama māmaparādhañca tayośca bhaktipūrvayoḥ
67.33
madbhaktipūrṇo balavān daityebhyo na bibheti ca
rakṣito mama cakreṇa bhaktimādhvīkaṭurmadaḥ
67.34
ityuktvā jagatāṃ nātho lakṣmīṃ kṛtvā svavakṣasi
samānīya dvārapālaṃ tamuvācedameva ca
67.35
mā bhairvatsa sukha tiṣṭha bhayaṃ kiṃ te mayi sthite
madbhaktānāñca kaḥ śāstā gaccha vatsātmanaḥ padam
67.36
ityuktvā bhagavāṃstatra virarāma mahāmune
yayurdevāśca svasthānaṃ praṇamya jagadīśvaram
67.37
nārāyaṇavacaḥ śrutvā dvārapāla uvāca tam
pulakāñcitasarvāṅgo bhaktinamrātmakandharaḥ
67.38
jaya uvāca
nāhaṃ bibhemi devāṃśca lakṣmīṃ munigaṇāṃstathā
tvadīyacaraṇāmbhojadhyānaikatānamānasaḥ
Linked texts (1)
- Brahmavaivartapurāṇa — Vyāsa, Sanskrit