Krishnajanmakhanda 68
Kṛṣṇajanmakhaṇḍa 68
- Language
- Sanskrit
Contents
- 68.15 — 1 part
68.1
iti śrībrahmavaivartte mahāpurāṇe nārāyaṇanāradasaṃvāde
śrīkṛṣṇajanmakhaṇḍe vairāgyamocanaṃ nāma
saptapañcāśattamo'dhyāyaḥ
aṣṭapañcāśattamo'dhyāyaḥ
śrīnārāyaṇa uvāca
babhūva darpaḥ pṛthvyāśca sarvādhārāhameva ca
pṛthudvārā ca taddarpaṃ jaghāna caiva tatprabhuḥ
68.2
babhūva darpaḥ sāvitryā vedamātāhameva ca
kāle cakāra tasyāśca saputrāyā adarśanam
68.3
babhūva darpo gaṅgāyā ahaṃ nirvāṇadeti ca
jahnudvārā ca taddarpaṃ jahāra jagatāṃ patiḥ
68.4
jahāra manasādarpaṃ durgādvārā purā mune
virajopagataṃ kṛṣṇaṃ bhartsayāmāsa kopataḥ
68.5
praviśantaṃ rāsagehaṃ gopībhirvinivāritam
dauvārikābhirvetraiśca tār̤itaṃ tañca darpataḥ
68.6
sudāmnā nijabhaktena rādhā śaptā babhūva ha
daivena sahasā dhvastā golokādāgatā dharām
68.7
vṛṣabhānustriyāṃ jātā kalāvatyāñca nārada
kṛṣṇastadanurodhena kaṃsabhīticchalena ca
68.8
samāgato nandagehaṃ tenāhaṃ nandanandanaḥ
sudāmnnaḥ śāpavicchedapālanāthaṃ jagatpatiḥ
68.6-2
punarjagāma mathurāmityāha kamalodbhavaḥ
asyāḥ paramābhiprāyaṃ ko vā jānāti nārada
68.10
kathaṃ jātaḥ samāyāto mathurāyāśca gokulam
ityevaṃ kathitaṃ sarvamaparaṃ śrūyatāmiti
68.11
yathā jagāma mathurāṃ nandāt sa nandanandanaḥ
śokaṃ nando yaśodā ca yathā samprāpa daivataḥ
68.12
yathā gopāśca gopyaśca gāvo vṛndāvane vane
vane vane vā vanyāste vanyā jānanti kiñcana
68.13
vanaṃ ramyaṃ vanyapadamapi tyaktvā vane vane
śmaśāne vāśmaśāne vā babhrāma bhāminī mune
68.14
grāmaṃ tyaktvā ca babhrāma cetanācetanā kṣaṇam
kṣaṇena varjitā saḥ ca prārthayantī pratīkṣaṇam
68.15
kṣaṇaṃ kṣaṇaṃ sā śvasantī cetanaṃ kurvatī kṣaṇam
kṣaṇaṃ viśantī talpe ca kṣaṇamutthāya tiṣṭhati
68.15.p1
iti śrībrahmavaivartte mahāpurāṇe nārāyaṇanāradasaṃvāde śrīkṛṣṇajanmakhaṇḍe aṣṭapañcāśattamo'dhyāyaḥ
Linked texts (1)
- Brahmavaivartapurāṇa — Vyāsa, Sanskrit