Krishnajanmakhanda 75
Kṛṣṇajanmakhaṇḍa 75
- Language
- Sanskrit
75.1
iti śrībrahmavaivartte mahāpurāṇe nārāyaṇanāradasaṃvāde
śrīkṛṣṇajanmakhaṇḍe kaṃsayajñakathanaṃ nāma
catuḥṣaṣṭitamo'dhyāyaḥ
pañcaṣaṣṭitamo'dhyāyaḥ
śrīnārāyaṇa uvāca
kaṃsasya vacanaṃ śrutvā so'krūro dharmiṇāṃ varaḥ
uvāca coddhavaṃ śāntaṃ śāntaḥ prahṛṣṭamānasaḥ
75.2
akrūra uvāca
suprabhātādya rajanī babhūva me śubhaṃ dinam
tuṣṭāśca guravo viprā devā māmiti niścitam
75.3
koṭijanmārjitaṃ puṇyaṃ mama svayamupasthitam
babhūva me samutpannaṃ yadyatkarma śubhāśubham
75.4
ciccheda bandhaninagar̤aṃ mama baḍasya karmaṇā
kārāgārācca saṃsārātmukto yāmi hareḥ padam
75.5
suhṛdartho kṛto'hañca kaṃsena viduṣā rupā
vareṇa tulyo devasya krodho mama babhūva ha
75.6
brajarājaṃ samāharttuṃ vrajaṃ yāsyāmi sāmpratam
drakṣyāmi paramaṃ pūjyaṃ bhuktimuktipradāyinam
75.7
navīnajaladaśyāmaṃ nīlendīvaralocanam
pītavastrasamāyuktakaṭideśavirājitam
75.8
dhūlidhūsaritāṅgañca kiṃvā candanacarcitam
athavā navanītāktamaṅgaṃ drakṣyāmi sammitam
75.6-2
kiṃvā vinodamuralīṃ vādayantaṃ manoharam
kiṃvā gavāṃ samūhañca cārayantamitastataḥ
75.10
kiṃvā vasantaṃ gacchantaṃ śayānaṃ vā suniścitam
niddeśaṃ kīdṛśañcādyaṃ sudṛṣṭyā ca śubhe kṣaṇe
75.11
yatpādapadmaṃ dhyāyante brahmaviṣṇuśivādayaḥ
na hi jānāti yasyāntamanto'nantavigrahaḥ
75.12
yatprabhāvaṃ na jānanti devāḥ santaśca santatam
yasya stotre jar̤ībhūtā bhītā devī sarasvatī
75.13
dāsī niyuktā yaddhāsye mahālakṣmīśca lajjitā
gaṅgā yasya padāmbhojānniḥsṛtā matvarūpiṇī
75.14
janmamṛtyujarāvyādhiharā tribhuvanātparā
darśanasparśanābhyāñca nṝṇāṃ pātakanāśinī
75.15
dhyāyate yatpadāmbhojaṃ durgā durgatināśinī
trailokyajananī devī mūlaprakṛtirīśvarī
75.16
lomnāṃ kūpeṣu viśvāni mahāviṣṇośca yasya ca
asaṃkhyāni vicitrāṇi sthūlāt sthūlatarasya ca
75.17
sa ca yatṣoḍaśāṃśaśca yasya sarveśvarasya ca
taṃ draṣṭuṃ yāmi he bandho māyāmānuṣarūpiṇam
75.18
sarvaṃ sarvāntarātmānaṃ sarvajñaṃ prakṛteḥ param
brahmajyotiḥsvarūpañca bhaktānugrahavigraham
75.16-2
nirguṇañca nirīhañca nirānandaṃ nirāśrayam
paramaṃ paramānandaṃ sānandaṃ nandanandanam
75.20
svecchāmayaṃ sarvaparaṃ sarvabījaṃ sanātanam
vadanti yoginaḥ śaśvat dhyāyante 'harniśaṃ śiśum
75.21
manvantarasahasrañca nirāhāraḥ kṛśodaraḥ
padme pādmatapastepe purā pādme tu yatkṛte
75.22
punaḥ kuru tapasyāñca tadā drakṣyasi māmiti
sakṛcchabdañca śuśrāva na dadarśa tathāpi tam
75.23
tāvatkālaṃ punastaptvā varaṃ prāpa dadarśa tam
īdṛśaṃ parameśañca drakṣyāmyadya tamuddhava
75.24
purā śambhustapastepe yāvadvai brahmaṇo vayaḥ
jyotīrmaṇḍalamadhye ca goloke taṃ dadarśa saḥ
75.25
sarvatatvaṃ sarvasiddhaṃ mama tatvaṃ paraṃ varam
samprāpa tatpadāmbhoje bhaktiñca nirmalāṃ parām
75.26
cakārātmasamaṃ tañca yo bhakto bhaktavatsalaḥ
īdṛśaṃ parameśañca drakṣyāmyadya tamuddhava
75.27
sahasraśakrapātāntaṃ nirāhāraḥ kṛśodaraḥ
yasyānantastapastepe bhaktyā ca paramātmanaḥ
75.28
tadā cātmasamaṃ jñānaṃ dadau tasmai ya īśvaraḥ
īdṛśaṃ parameśañca drakṣyāmyadya tamuddhava
75.26-2
sahasraśakrapātāntaṃ dharmaste pe ca yattapaḥ
tadā babhūva sākṣī sa dharmiṇāṃ sarvakarmaṇām
75.30
śāstā ca phaladātā ca yatprasādānnṛṇāmiha
sarveśamīdṛśamaho drakṣyāmyadya tamuddhava
75.31
aṣṭāviṃśatirindrāṇāṃ patane yaddivāśiśam
evaṃ krameṇa māsābdaiḥ śatābdaṃ brahmaṇo vayaḥ
75.32
aho yasya nimeṣeṇa brahmaṇaḥ patanaṃ bhavet
īdṛśaṃ paramātmānaṃ drakṣyāmyadya tamuddhava
75.33
nāsti bhūrajasāṃ saṃkhyā yathaiva brahmaṇaṃ tathā
tathaiva babhyo viśvānāṃ tadādhāro mahāvirāṭ
75.34
viśve viśve ca pratyekaṃ brahmaviṣṇuśivādayaḥ
munayo manavaḥ siddhā mānavādyāścarācarāḥ
75.35
yatṣoḍaśāṃśaḥ sa virāṭ sṛṣṭau naṣṭaśca līlayā
īdṛśaṃ sarvaśāstāraṃ drakṣyāmyadya tamuddhava
75.36
ityevamuktvākrūraśca pulakāñcitavigrahaḥ
mūrcchāṃ prāpa sāśrunetro dadhyau taccaraṇāmbujam
75.37
babhūva bhaktipūrṇaśca smāraṃ smāraṃ padāmbujam
kṛtvā pradakṣiṇaṃ vāpi kṛṣṇasya paramātmanaḥ
75.38
uddhavaśca tamāśliṣya praśaśaṃsa punaḥ punaḥ
sa ca śīghraṃ yayau gehamakrūro'pi svamandire
Linked texts (1)
- Brahmavaivartapurāṇa — Vyāsa, Sanskrit