Krishnajanmakhanda 76
Kṛṣṇajanmakhaṇḍa 76
- Language
- Sanskrit
76.1
iti śrībrahmavaivartte mahāpurāṇe nārāyaṇanāradasaṃvāde
śrīkṛṣṇajanmakhaṇḍe akrūraharṣotkarṣa kathanaṃ
nāma pañcaṣaṣṭitamo'dhyāyaḥ
ṣaṭṣaṣṭitamo'dhyāyaḥ
śrīnārāyaṇa uvāca
atha rāseśvarīyukto rāse rāseśvaraḥ svayam
sa ca reme tayā sārddhamatīvaramaṇotsukaḥ
76.2
sukhasambhogamātreṇa yayau nidrāñca rādhikā
dṛṣṭvā svapnaṃ samutthāya dīnovāca priyaṃ dine
76.3
rādhikovāca
aho svāminnihāgaccha tvāṃ karomi svavakṣasi
pariṇāme vidhātā me na jāne kiṃ kariṣyati
76.4
ityuktvā sā mahābhāgā priyaṃ kṛtvā svavakṣasi
duḥsvapnaṃ kathayāmāsa hṛdayena vidūyatā
76.5
rādhikovāca
ratnasiṃhāsane'hañca ratnacchatrañca bibhratī
tadātapatraṃ jagrāha ruṣṭo vipraśca me prabho
76.6
sāgare kajjalākāre mahāghore ca dustare
gabhīre prerayāmāsa māmeva durbalāṃ sa ca
76.7
tatra srotasi śokārttā bhramāmi ca muhurmuhuḥ
mahormīṇāñca vegena vyākulā nakrasaṅkuleḥ
76.8
trāhi trāhīti he nātha tvāṃ vadāmi punaḥ punaḥ
tvāṃ na dṛṣṭvā mahābhītā karomi prārthanāṃ suram
76.9
kṛṣṇa tatra nimajjantī paśyāmi candramaṇḍalam
nipatantañca gaganācchatakhaṇḍañca bhūtale
76.10
kṣaṇāntare ca paśyāmi gaganāt sūryyamaṇḍalam
babhūva ca catuḥkhaṇḍaṃ nipatya dharaṇītale
76.11
ekakāle ca gagane maṇḍalaṃ candrasūryyayoḥ
atīvakajjalākāraṃ sarvaṃ grastañca rāhuṇā
76.12
kṣaṇāntare ca paśyāmi brāhmaṇo dīptimāniti
matkror̤asthasudhākumbhaṃ babhañja ca ruṣeti ca
76.13
kṣaṇāntare ca paśyāmi mahāruṣṭañca brāhmaṇam
gṛhītvā ca vrajantañca cakṣuṣoḥ puruṣaṃ mama
76.14
krīr̤ākamaladaṇḍañca hastādbhraṣṭaṃ mama prabho
sahasā khaṇḍakhaṇḍañca babhūva saha hetunā
76.15
hastādbhrastañca sahasā saddbratnasāradarpaṇaḥ
nirmalaḥ kajjalākāraḥ khaṇḍakhaṇḍo babhūva ha
76.16
hāro me ratnasārāṇāṃ chinno bhūtvā ca vakṣasaḥ
atīvamalinaṃ padmaṃ papāta dharaṇītale
76.17
saudhaputtalikāḥ sarvā nṛtyanti ca hasanti ca
āsphoṭayanti gāyanti rudanti ca kṣaṇaṃ kṣaṇam
76.18
kṛṣṇavarṇaṃ vṛhaccakraṃ khe bhramantaṃ muhurmuhuḥ
nipatantañcotpatantaṃ paśyāmi ca bhayaṅkaram
76.16-2
prāṇādhidevaḥ puruṣo niḥsṛtyābhyantarānmama
rādhe vidāyaṃ dehīti tato yāmītyuvāca ha
76.20
kṛṣṇavarṇā ca pratimā māmāśliṣyati cumbati
kṛṣṇavastraparīdhānā ceti paśyāmi sāmpratam
76.21
itīdaṃ viparītañca dṛṣṭvā ca prāṇavallabha
nṛtyanti dakṣiṇāṅgāni prāṇā āndolayanti me
76.22
rudanti śokātkarṣanti samudvignañca mānasam
kimidaṃ kimidaṃ nātha vada vedavidāṃ vara
76.23
ityuktvā rādhikādevī śuṣkakaṇṭhoṣṭhatālukā
papāta tatpadāmbhoje bhītā sā śokavihvalā
76.24
śrutvā svapnaṃ jagannātho devīṃ kṛtvā svavakṣasi
ādhyātmikena yogena bodhayāmāsa tatkṣaṇam
76.25
tatyāja śokaṃ sā devī jñānaṃ samprāpya nirmalam
śāntañca bhagavantañca kṛtvā kāntaṃ svavakṣasi
Linked texts (1)
- Brahmavaivartapurāṇa — Vyāsa, Sanskrit