Krishnajanmakhanda 90
Kṛṣṇajanmakhaṇḍa 90
- Language
- Sanskrit
90.54
namraṃ śāpaparābhūtaṃ lajjitaṃ kopitaṃ vraja
90.55
he vipra svagṛhaṃ gaccha gaccha vatsa yathāsukham
tvattejasā kṣaṇenaiva bhasmībhūtaṃ bhavejjagat
90.56
sūryastvatparipālyaśca bhavān sūryyasya nityaśaḥ
parasparaṃ ca pūjyaśca sambandhaḥ poṣyapoṣakaḥ
90.57
hayyaṃgena kṣatriyeṇa kārtavīryyārjunena ca
bhaviṣyasi na sandehaḥ parābhūto dvijo sutaḥ
90.58
purā te prāktanaṃ sarvaṃ kadācinna hi khaṇḍitam
nārāyaṇaśca svāṃśena tava putro bhaviṣyati
90.59
triḥsapta kṛtvo jagatīṃ niḥkṣatrāñca kariṣyati
mṛtyuste yaśaso bījaṃ bhaviṣyati mahītale
90.60
ityevamuktvā brahmā ca yayau gehaṃ vrajeśvara
prayayau jamadagniśca bhāskaraśca svamandiram
90.61
ityevaṃ kathitaṃ tāta svākhyānaṃ puṇyakāraṇam
rāhugrasto bhāskaraścāpyadṛśyo yena hetunā
90.62
caturthyāmuditaścandro bhādre māsi sitāsite
adṛśyo naṣṭarūpaśca śrūyatāṃ yena hetunā
90.63
rāhugrastau kalaṅkī vā purā śapto mayā pitaḥ
sarvaṃ tvāṃ kathayiṣyāmi kathāmetāṃ purātanīm
Linked texts (1)
- Brahmavaivartapurāṇa — Vyāsa, Sanskrit