Krishnajanmakhanda 96
Kṛṣṇajanmakhaṇḍa 96
- Language
- Sanskrit
96.1
pañcāśītitamo'dhyāyaḥ
nanda uvāca
varṇānāñca caturṇāñca bhakṣyābhakṣyañca sāmpratam
vipākaṃ karmaṇāñcaiva sarveṣāṃ prāṇināmapi
96.2
kathayasva mahābhāga kāraṇānāñca kāraṇam
tvatto'nyaṃ kaṃ ca pṛcchāmi nitāntaṃ santamīśvaram
96.3
śrībhagavānuvāca
bhakṣyābhakṣyaṃ caturṇāñca varṇānāñca yathocitam
vedoktaṃ śrūyatāṃ tāta sāvadhānaṃ niśāmaya
96.4
ayaḥpātre payaḥpānaṃ gavyaṃ siddhānnameva ca
bhraṣṭādikaṃ madhu guḍaṃ nārikelodakaṃ tathā
96.5
phalaṃ mūlañca yatkiñcidabhakṣyaṃ manurabravīt
dagdhānnaṃ taptasauvīramabhakṣyaṃ brahmanirmitam
96.6
nārikelodakaṃ kāṃsye tāmrapātre sthitaṃ madhu
gavyañca tāmrapātrasthaṃ sarvaṃ madyaṃ ghṛtaṃ vinā
96.7
tāmrapātre payaḥpānamucchiṣṭaṃ ghṛtabhojanam
dugdhaṃ salavaṇañcaiva sadyo gomāṃsabhakṣaṇam
96.8
abhakṣyaṃ madhumiśrañca ghṛtaṃ tailaṃ gur̤aṃ tathā
ārdrakaṃ gur̤asaṃyuktamabhakṣyaṃ śrutisammatam
96.9
pītaśeṣajalañcaiva māghe ca mūlakaṃ tathā
upodikāñca śayane sadā prājñaḥ parityajet
96.10
dvibhojanañca divase sandhyayorbhojanaṃ tathā
bhakṣyañca rātriṣepe ca dhruvaṃ prājñaḥ parityajet
96.11
pānīyaṃ pāyasaṃ cūrṇaṃ ghṛtaṃ lavaṇameva ca
svastikaṃ gur̤akkañcaiva kṣīraṃ takaṃ tathā madhu
96.12
hastāddhastagṛhītañca sadyo gomāṃsameva ca
karpūraṃ raupyapātrasthamabhakṣyaṃ śrutisammatam
96.13
pariveṣaṇakārī cedbhoktāraṃ spṛśate yadi
abhakṣyañca tadannañca sarveṣāmeva sammatam
96.14
nakulānāṃ gaṇḍakānāṃ mahiṣāṇāñca pakṣiṇām
sarpāṇāṃ śūkārāṇāñca gardabhānāṃ viśeṣataḥ
Linked texts (1)
- Brahmavaivartapurāṇa — Vyāsa, Sanskrit