Krishnajanmakhanda 97
Kṛṣṇajanmakhaṇḍa 97
- Language
- Sanskrit
97.1
mārjjārāṇāṃ sṛgālānāṃ kukkuṭānāṃ brajeśvara
vyāghrāṇāmapi siṃhānāṃ tyājyaṃ māṃsaṃ nṛṇāṃ sadā
97.16
jalaukasāñca nakrāṇāṃ godhikānāṃ tathaiva ca
maṇḍūkānāṃ karkaṭīnāṃ cucukānāñca niścitam
97.17
gavāñca camarīṇāñca na kalau māṃsabhakṣaṇam
hastināṃ ghoṭakānāñca nṛṇāmeva ca rakṣasām
97.18
daṃśaśca maṃśakaścaiva makṣikā ca pipīlikā
anyeṣāñca niṣiddhānāṃ loke vede brajeśvara
97.16-2
vānarāṇāṃ bhallukānāṃ śarabhāṇāṃ tathaiva ca
niṣiddhaṃ mṛganābhīnāṃ gardabhānāñca māṃsakam
97.20
abhakṣyaṃ mahiṣīṇāñca dugdhaṃ dadhi ghṛtaṃ tathā
svastikañca tathā tatra viprāṇāṃ navanītakam
97.21
māṃsamuccaiḥśravasakaṃ tasya dugdhādikaṃ tathā
varṇānāñca caturṇāñcāpyabhakṣyañca śrutau śrutam
97.22
abhakṣyamārdrakañcaiva sarveṣāñca raverdine
paryuṣitaṃ jalaṃ cānnaṃ viprāṇāṃ dugdhameva ca
97.23
varṇānāñca caturṇāñcāpyavīrānnasya bhakṣaṇam
tadannañca surātulyaṃ gomāṃsādhikameva ca
97.24
avīrānnañca yo bhuṃkte brāhmaṇo jñānadurbalaḥ
pitṛdevārcanaṃ tasya niṣphalaṃ manurabravīt
97.25
brāhmaṇānāṃ vaiṣṇavānāmabhakṣyaṃ matsyameva ca
itareṣāmabhakṣyañca pañcaparvasu niścitam
97.26
pitṛdevāvaśeṣe ca bhakṣyaṃ māṃsaṃ na dūṣitam
pañcaparvasu tyājyañca sarveṣāṃ manurabravīt
97.27
asaṃskṛtañca lavaṇaṃ tailañcābhakṣyameva ca
bhakṣyaṃ pavitraṃ sarveṣāṃ vyañjanaṃ vahnisaṃskṛtam
97.28
ekahaste dhṛtaṃ toyamabhakṣyaṃ sarvasammatam
āvilaṃ kṛmiyuktañcāpariśuddhañca nirmalam
97.29
abhakṣyaṃ brāhmaṇānāñca vaiṣṇavānāṃ viśeṣataḥ
anivedya' harereva yatīnāṃ brahmacāriṇām
97.30
pipīlikāmiśritañca madhu gavyaṃ gur̤a tathā
yatkiñcidastu vā tāta na bhakṣyañca śrutau śrutam
97.31
pakṣimakṣyaṃ kīṭabhakṣyaṃ śuddhaṃ pakvaphalaṃ tathā
kākabhakṣyamabhakṣyañca sarveṣāṃ dravyameva ca
97.32
ghṛtapakva' tailapakvaṃ miṣṭānna' śūdrasaṃskṛtam
abhakṣyaṃ brāhmaṇānāñca śūdrabhakṣyañca pīṭhakam
97.33
sarveṣāmaśucīnāñca jalamannaṃ parityajet
aśaucāntātatparādine śuddhameva na saṃśayaḥ
97.34
vipākaṃ karmaṇāmeva duṣkaraṃ śrutisammatam
bhakṣyābhakṣyañca kathitaṃ yathājñānaṃ vrajeśvara
97.35
kramāccaturṣu vedeṣu coktaṃ matacatuṣṭayam !
sarveṣāṃ sārabhūtañca kathayāmi pitaḥ śṛṇu
97.36
nābhuktaṃ kṣīyate karma kalpakoṭiśatairapi
avaśyameva bhoktavyaṃ kṛtaṃ karma śubhāśubham
97.37
tīrthānāñca surāṇāñca sāhāyyena nṛṇāmapi
kiñcidbhavati sāhāyyaṃ kāyavyūhena sarvataḥ
97.38
prāyaścittāni cīrṇāni niścitaṃ matparāṅmukham
na niṣpunanti he tāta surākumbhamivāpagāḥ
97.39
prāyaścittena mukhyena na hi śudhyanti mānavāḥ
sarvārambheṇa vaiśyendra dānena yogato'pi vā
97.40
śubhāśubhañca yat karma vinā bhogānna ca kṣayaḥ
bhogena śuddhimāpnoti tato muktirbhavennṛṇām
97.41
na naṣṭaṃ duṣkṛtaṃ karma sukṛtena ca karmaṇā
na naṣṭaṃ sukṛtaṃ karma kṛtena duṣkṛtena ca
97.42
yajñena tapasā vāpi vratenānaśanena ca
tīrthasnānena dānena japena niyamena ca
97.43
bhuvaḥ pradakṣiṇenaiva purāṇaśravaṇena ca
upadeśena mukhyena pūjayā gurudevayoḥ
97.44
svadharmācaraṇenaivātithīnāṃ pūjanena ca
brāhmaṇāṃ pūjanenaiva bhojanena viśeṣataḥ
97.45
yadattamapi viprāya tat prāptaṃ pūrṇamaṅgataḥ
bījarūpañca taddānaṃ kṣetarūpañca brāhmaṇaḥ
97.46
ekena karmaṇā tāta svargaṃ prāpnoti mānavaḥ
karmaṇā na hi mokṣañca taddeva mama sevayā
97.47
svargañca sukṛtenaiva narakaṃ duṣkṛtena ca
vyādhirjanma ca yonau ca kutsite na tataḥ śuciḥ
97.48
goghno yo brāhmaṇānāñca kāmataścopapātakī
dandaśūkatvamāpnoti golomasamavarṣakam
97.46-2
sarpeṇa bhakṣitastena jvālayā garalasya ca
tṛṣito vyathitaścaiva nirāhāraḥ kṛśodaraḥ
97.50
tataḥ kuṇḍād samutthāya gaurbhavellomavarṣakam
tataḥ kuṣṭhī ca cāṇḍālo varṣalakṣaṃ tato naraḥ
97.51
tadā bhaved brāhmaṇaśca kuṣṭhayukto hi karmaṇā
bhojayitvā vipralakṣaṃ nirvyādhiśca bhavecchuciḥ
97.52
akāmatastadarddhañca kṣatriyasyāpi kāmataḥ
akāmatastadarddhañca tadarddhañca viśastathā
97.53
tadarddhaṃ śūdragoghnaśca bhuṃkte pāpaṃ na saṃśayaḥ
prāyaścitte na śuddhaśca bhuṃkte śeṣañca karmaṇaḥ
97.54
anukalpe caturthañca pāpaṃ bhuṃkte na saṃśayaḥ
caturguṇañca goghnānāṃ brāhmaṇānāñca pātakam
97.55
bhuṃkte pāpañca brahmaghno brāhmaṇaścetaro'pi vā
krameṇānena bodhyañca kāmato'kāmataॉ'pi vā
97.56
prāyaścittaṃ janmakarmavyādhireva na saṃśayaḥ
goghno bhavati gauścāpi yāvadvarṣañca niścitam
97.57
caturguṇañca teṣāñca brahmaghno viṭkṛmirbhavet
tato bhavati mlecchaśca tāvadvarṣaṃ caturguṇam
97.58
tataścāndho bhavedvipraḥ pūrveṣāñca caturguṇam
brāhmaṇānāṃ catulakṣaṃ bhojayitvā śucirbhavet
97.59
cakṣuṣmāṃśca yaśasvī ca bhavetso'pyatipātakāt
strīghnaścaturṇāṃ varṇānāṃ vede so'pyatipātakī
97.60
kālasūtrañca prāpnoti strīlomasamavarṣakam
bhakṣitaḥ kamiṇā tatra nirāhāro vyathāyutaḥ
97.61
tato bhavati loke ca tāvadvarṣañca pātakī
tataḥ pāpī bhavetso'pi yakṣmagrastaśca karmaṇā
97.62
varṣāṇāṃ śatameva vipralakṣañca bhojayet
tataḥ śuddho brāhmaṇya vidvānstapasi saṃyataḥ
97.63
kiñcidbhukta pāpaśeṣaṃ svarṇadānācchucirbhavet
garbhaghnaśca mahāpāpī saṃprāpnoti śunīmukham
97.64
varṣāṇāṃ śatakañcaiva ghoṭakaśca bhaved dhruvam
varṣāṇāṃ śatakañcaiva sūkṣmavastreṇa pīḍitaḥ
97.65
tataḥ pāpī bhavedvaiśyo dravyayukto hi karmaṇā
pañcāśadvarṣaparyyantaṃ svarṇadānādbhavecchuciḥ
97.66
tataḥ svakulajāto'pi nirvyādhirbrāhmaṇaḥ śuciḥ
brāhmaṇaḥ kṣatriyaghnaśca kṣatriyo vā vinā raṇāt
97.67
taptaśūlañca prāpnoti varṣāṇāñca sahasrakam
kvathitaṃ taptalohena cārttanādaṃ karoti ca
97.68
tato bhavenmattagajo varṣāṇāṃ śatakaṃ tathā
tato raktavikārī ca śūdro varṣaśataṃ tathā
97.66-2
gajadānena muktaśca vyādhitaśca tato dvijaḥ
vaiśyaghnaścāpi vaiśyaśca śūdraghno vaiśya eva ca
97.70
vaiśyaghnaścāpi śūdraśca samapāpaṃ labhed dhruvam
kṛmikuṇḍañca prāpnoti varṣāṇāṃ śataṃ tathā
97.71
kṛmibhirbhakṣito duḥkhī kirātaśca bhavettataḥ
varṣāṇāṃ śatakañcaiva kṛmivyādhisamanvitaḥ
97.72
tato mandāgniyuktaśca brāhmaṇo dainyavān vraja
pañcāśadvarṣaparyyantaṃ durbalaśca kṛśodaraḥ
97.73
muktirbhavati yuktena tīrthe cāśvapradānataḥ
śūdraghno brāhmaṇaścaiva kāmato'kā mato'pi vā
97.74
sāvitrīlakṣajāpyena tadarddhena śucirbhavet
caturvarṇaḥ kukuṭaghno hyaviprasya śambhunā
97.75
varṣāṇāṃ śatakañcaiva prāpnoti rauravaṃ naraḥ
tato bhuṅkte kukkuṭaśca varṣāṇāmapi ṣoḍaśa
97.76
tataḥ śuddho bhavedvipro bhakṣitaḥ kukkuṭena ca
gaṅgāsnānena dānena svarṇasyāpi bhavecchuciḥ
97.77
mārjāraghnaścaturvarṇo gaṅgāsnānādbhavecchuciḥ
viprāya lavaṇaṃ dattvā ṣaṭpalañca pramucyate
97.78
hatvā sarpāṃścaturvarṇo mama pādena cihnitaḥ
brahmahatyācaturthañca pātakañca labhed dhruvam
97.76-2
asipatrañca narakaṃ varṣāṇāṃ śatakaṃ tathā
prāpnoti yātanāṃ yukto vicchinnastīkṣṇadhārayā
97.80
tato bhavati sarpaśca dundubho varṣapañcakam
nareṇa tār̤ito duḥkhī mṛtyorbhavati pīr̤itaḥ
97.81
tato bhavennaraḥ pāpī jvarayukto hi durbalaḥ
varṣāṇāṃ pañcakenaiva mṛto bhavati karmaṇā
97.82
tato bhavati hastī ca ghoṭako vā brajeśvara
yāvadviṃśativarṣañca tataḥ śūdro bhaved dhruvam
97.83
ahaṅkatī vyādhiyukto raupyadānena mucyate
brāhmaṇānāñca śatakaṃ bhojayitvā śucirbhavet
97.84
kṣudrajantuvadhenaiva kṣudrajanturbhavennaraḥ
varṣāṇāṃ śatakañcaiva kṣudravyādhiṃ tarettataḥ
97.85
kṛpā kāryā satā śaśvadahiṃsreṣu ca jantuṣu
hiṃsāyāṃ na hi doṣaśca hiṃsrāṇāñca brajeśvara
97.86
aśvatthaghnaścaturvvarṇo brahmahatyācaturthakam
pāpañca labhate tāta cāsipatraṃ vrajed dhruvam
97.87
sa tīkṣṇenāpi śastreṇa vicchinnaśca divāniśam
varṣāṇāṃ śatakañcaiva bhuṅkte parayātanām
97.88
tato bhavati vṛkṣaśca śālmalirvarṣalakṣakam
tato bhavati śūdraśca klinnāṅgo vyādhisaṃyutaḥ
97.89
yāvajjīvanaparyantaṃ tato vipro bhaved dhruvam
vraṇavyādhisamāyukto mucyate svarṇadānataḥ
97.90
mithyāsākṣyapradātā ca kṛtaghno'tikṛtaghnakaḥ
viśvāsaghātī mitraghno viprāṇāṃ dhanahārakaḥ
97.91
śūdrayāddhānnabhojī ca śūdrāṇāṃ śavadāhakaḥ
śūdrāṇāṃ sūpakaścaiva vṛṣavāhakapātakī
97.62-2
dhāvako devalaścāpi caite'tipāpinastathā
kumbhīpākaṃ prayāntyeva varṣāṇāñca sahasrakam
97.63-2
tatraiva taptatailena santaptaśca divāniśam
bhakṣito vyādhitaścaiva sarpākāreṇa jantunā
97.64-2
gṛdhraḥ koṭisahasrāṇi śatajanmāni śūkaraḥ
śvāpadaḥ śatajanmāni śūdro rogī bhavettataḥ
97.65-2
mandāgnijvarasaṃyuktaḥ pañcāśadvarṣakaṃ tathā
suvarṇānāṃ śatapalaṃ dattvā śuddho bhaved dhruvam
97.66-3
caturvarṇāṃ vastrahārī gavyahārī ca mānavaḥ
raupyamuktāpahārī ca śūdradravyāpahārakaḥ
97.67-2
varṣāṇāñca sahasrañca vakajātirbhaved dhruvam
mūtrakuṇḍañca vai bhuṅktvā varṣāṇāṃ śatakaṃ tathā
97.68-2
tato bhavecchūdrajātirvarṣāṇāṃ śatakaṃ vraja
kuṣṭhavyādhisamāyukto galitaścaiva pātakī
97.66-4
tato bhaved brāhmaṇaśca kuṣṭhāvaśeṣasaṃyutaḥ
svarṇaṣaṭpaladānena vyādhito mucyate śuciḥ
97.100
kośāpahārakaścaiva phalāpahārakastathā
yacca pṛthivyāṃ sambhūto lolāddravyāpahārakaḥ
97.101
varṣāṇāṃ śatakañcaiva cāpapakṣī bhaved dhruvam
tato bhavet kṛṣṇavarṇaḥ śūdraśca bhārate bhuvi
97.102
tato bhaved brāhmaṇaścāpyadhikāṅgo'pi janmabhiḥ
punarjanma dvijo bhūtvā mucyate viprabhojanāt
97.103
pakvadravyāpahārī ca paśuyonirbhaved dhruvam
yasyāṇḍakośo gandhāktaḥ kastūrī yasya nāma ca
97.104
saptajanma mṛgo bhūtvā tato bhavati gandhakaḥ
janmaikañca tataḥ śūdro galatkuṣṭhīva janmani
97.105
tato rogāvaśeṣeṇa saṃyuto brāhmaṇaḥ kṛśaḥ
svarṇaṣaṭpaladānena mucyate nātra saṃśayaḥ
97.106
dhānyāpahārī duḥkhī ca kṛpaṇaḥ saptajanmasu
viṣṭhākuṇḍaṃ varṣaśataṃ samprāpya mucyate bhiyā
97.107
svarṇāpahārī kuṣṭhī ca mānavaḥ patito bhavet
svarṇadānapratigrāhī viṭkuṇḍañca prayāti ca
97.108
tato varṣaśataṃ bhuktā purīṣañca divāniśam
tato vyādho bhavecchūdro raktadoṣeṇa saṃyutaḥ
97.106-2
tajjanma pātakaṃ bhuktvā brāhmaṇaśca punarbhavait
vyādhiśeṣopayuktaśca mucyate svarṇadānataḥ
97.110
agamyānāñca gāmī ca pūrvoktaṃ rauravaṃ vrajet
kumbhīpākaṃ mahāghoraṃ varṣāṇāñcāpyasaṃkhya kam
97.111
tato bhavet puṃścalīnāṃ yonīnāñca kṛmistathā
varṣāṇāñca sahasrañca viṭkṛmirvarṣalakṣakam
97.112
paśuyonirbhavettasmāttasmācca kṣudrajantavaḥ
tato bhavenmlecchajātistataḥ śūdro'dhamastadā
97.113
tato bhavati vipraśca vyādhiyukto napuṃsakaḥ
punaśca brāhmaṇo bhūtvā tīrthaparyyaṭanena ca
97.114
krameṇa śuddho bhavati vaṃśahīnaśca pātakāt
bhojayitvā vipralakṣaṃ putrañca labhate śuciḥ
97.115
mānavaḥ krodhayuktaśca gardabhaḥ saptajanmasu
mānavaḥ kalahāviṣṭaḥ saptajanmasu vāyasaḥ
97.116
śālagrāmapratigrāhī kālasūtraṃ vrajed dhruvam
varṣāṇāṃ śatakañcaiva khañjarīṭī bhavettataḥ
97.117
lohacoraśca nirvvaṃśo maṣīcoraśca kokilaḥ
śuko'pyañjanacoraśca miṣṭacoraḥ kṛmirbhavet
97.118
vipradveṣī gurudveṣī śirasāñca kṛmirbhavet
puṃścalīṃ kāminīṃ tāta bhuktvā ca rauravaṃ vrajet
97.119
tato vṛthākṛmiścaiva varṣāṇāṃ śatakaṃ tathā
tato'pi vidhavā caiva bandhyā ca saptajanmasu
97.120
aspṛśyā jātihīnā ca chinnanāsā bhavet kramāt
raktadravyāpahārī ca raktadoṣānvito bhavet
97.121
ācārahīno yavanaḥ khañjo bhavati hiṃsakaḥ
adīkṣito vaṅgaraśca duṣṭadṛrgo ca kānakaḥ
97.122
ahaṅkārī karṇahīno vadhiro vedanindakaḥ
vākyaharttā ca mūkaśca hiṃsakaḥ keśahīnakaḥ
97.123
mithyāvādī śmaśruhīno durvākyo dantahīnakaḥ
jihvāhīnaḥ satyahārī duṣṭo'pyaṅgulihīnakaḥ
97.124
granthopahārī mūrkhaśca vyādhiyukto bhaved dhruvam
aśvagrāhī ca taccoro lālāmūtraṃ vrajediti
97.125
varṣāṇāñca śataṃ sthitvā ghoṭakaśca bhaved dhruvam
gajacoro gajagrāhī viṭkuṇḍe ca sahasrakam
97.126
sthitvā varṣaṃ bhaveddhastī tatpaścād vṛṣalo bhavet
ayajñe chāgahantā ca chāgacorapratigrahī
97.127
pūyakuṇḍe varṣaśataṃ sthitvā cāṇḍālatāṃ vrajet
chāgaśca varṣaparyyantaṃ tadā bhavati mānavaḥ
97.128
śatruśastreṇa chinnaśca tadā mukto bhaved dvijaḥ
dattāpahārī vāgdānaṃ kṛtvāpaharate punaḥ
97.126-2
sa bhavenmlecchayonau ca bhuktvā ca narakaṃ vrajet
ekākī miṣṭamaśnāti kālasūtraṃ vrajed dhruvam
97.130
tatra varṣaśataṃ sthitvā preto varṣasahasrakam
tadā bhavati janmaikaṃ makṣikā ca pipīlikā
97.131
janmaikaṃ bhramaraścaiva janmaikaṃ madhumakṣikā
janmaikaṃ varalaścaiva janmaikaṃ daṃśa eva ca
97.133
janmaikaṃ maśakaścaiva janmaikaṃ pūtikaḥ smṛtaḥ
janmaikaṃ talpakīṭaśca tadā śūdro bhaved dhruvam || 132asadbuddhirvyādhiyukto tadā mukto bhaved dvijaḥ
tailacorastailakāro mūrdhni kīṭaḥ strijanmakam
97.134
tadā bhavet svarṇakāro janmaikaṃ duṣṭamānasaḥ
viślekalipikartā ca bhavyadāturdhanaṃ haret
97.135
tamaḥkuṇḍe varṣaśataṃ sthitvā svarṇabaṇig bhavet
janmaikañca durācāro janmaikaṃ karaṇo bhavet
97.136
kāyasthe nodarasthe na mātṛmāṃsaṃ na khāditam
tatra nāsti kṛpā tasya dantābhāvena kevalam
97.137
svarṇakāraḥ svarṇabaṇik kāyasthaśca vrajeśvara
nareṣu madhye te dhūrttaḥ kṛpāhīnā mahītale
97.138
hṛdayaṃ kṣuradhārābhaṃ teṣāṃ nāsti ca sādaram
śateṣu sajjanaḥ ko'pi kāyastho netarau ca tau
97.136-2
subuddhiḥ śivayuktaśca śāstrajño dharmamānasaḥ
na viśvasetteṣu tāta svātmakalyāṇahetave
97.140
sīmāpahārī duṣṭaśca bhūmicoraśca hiṃsakaḥ
bhūmidānāpahārī ca kālasūtraṃ vrajed dhruvam
97.141
ṣaṣṭivarṣasahasrāṇi kṣutpipāsāditaḥ sthitaḥ
tato'pi tāni nāmāni viṣṭhāyāṃ jāyate kamiḥ
97.142
tato bhavedasacchūdro janmaikañca tataḥ śuciḥ
tasmājjñānaiḥ sāvadhānaṃ bhavet prājñaśca yatnataḥ
97.143
raktavastrāpahārī ca janmaikaṃ raktakīṭakaḥ
tataḥ śūdraśca janmaikaṃ tato vipro bhavecchuciḥ
97.144
trisandhyahīno vipraśca prātaḥśāyī ca yo naraḥ
sandhyāśāyī divāśāyī yajñasūtrāpahārakaḥ
97.145
aśuddhasandhyākārī ca vedavedāṅganindakaḥ
tadiruḍaḥ svargamārgānmlecchajanma patito dvijaḥ
97.146
yaḥ śūdro brāhmaṇīgāmī kumbhīpāke vrajed dhruvam
varṣāṇāñca vilakṣañca pacyate tatra pīḍitaḥ
97.147
divāniśaṃ pradagdhaśca taptataile ca dāruṇe
tato bhavedyonikīṭo puṃścalīnāñca pātakī
97.148
ṣaṣṭivarṣasahasrāṇi cāhāraṃ tasya tanmalam
tato bhavati cāṇḍālo janmalakṣaṃ krameṇa ca
97.146-2
tataḥ śūdro galatkuṣṭhī janmaikañca tataḥ śuciḥ
so'pi vipro vyādhiśeṣastīrthaparyyaṭanācchuciḥ
97.150
asacchūdraśca bhavati so'sthāne surapūjite
dattvā daivāya naivedyamapavitrañca mānavaḥ
97.151
sakeśaṃ pārthivaṃ liṅgaṃ saṃpūjya yavano bhavet
durbalena bhavedndhaḥ kubjatena ca kutsitaḥ
97.152
aṅgahīno daridraśca vyādhiyuktaśca mānavaḥ
aśraddhayā ca nirmāṇe nirmāṇasadṛśaṃ phalam
97.153
mṛdbhismagomakṛtpiṇḍai rūkṣayā vālukāya pi vā
kṛtvā liṅgaṃ sakṛtpūjya vaset kalpāyuṣaṃ divi
97.154
tatobhavati vipraśca mahāprājñaśca bhūmimān
rājā bhavedbhārate ca liṅgānāṃ śatapūjanāt
97.155
sahasrapūjanātso'pi labhate niścitaṃ phalam
sthitvā ca suciraṃ svarge rājendro bhārate bhavet
97.156
ayute ca tadīśaśca lakṣe ca pṛthivīśvaraḥ
pūjane cātibhaktyā cāpyatiriktaṃ phalaṃ labhet
97.157
tīrthasnānena dānena viprāṇāṃ bhojanena ca
nārāyaṇārcayā caiva viprajātiśca karmaṇā
97.158
atiriktena tapasā paṇḍito brāhmaṇo bhavet
paṇḍito brāhmaṇaścaiva vaiṣṇavaśca jitendriyaḥ
97.159
anekajanmapuṇyena jāyate bhārate bhuvi
tasyāṃghrisparśanenaiva sadyaḥpūtā vasundharā
97.160
tīrthāḥ kurvanti tīrthāni jīvanmuktāśca vaiṣṇavāḥ
svapuṃsāñca sahasrañca punantīti śrutau śrutam
97.161
pāpena vaidyajanmaiva duścikitso'pi brāhmaṇaḥ
duścikitsastathā vaidyo vyālagrāhī trijanmasu
97.162
atikrūro durācāro dveṣṭā ca suraviprayoḥ
sa bhavet kuṭilavyālo varṣāṇāñca sahasrakam
97.163
puṃścalīlampaṭānāñca dūtī yā kāminī vraja
kālasūtre varṣaśataṃ sthitvā ca godhikā bhavet
97.164
janmaikaṃ godhikā bhūtvā hariṇaśca trijanmasu
janmaikaṃ mahiṣaścaiva janmaikaṃ bhalluko bhavet
97.165
janmaikaṃ gaṇḍakaścaiva śṛgālaśca trijanmasu
parakīyatar̤āgañca samagrasya dadāti ca
97.166
sa bhavennakrajātiśca kacchapaśca dvijanmasu
vṛthāmāṃsañca yo bhuṅkte matsyalubdhaśca brāhmaṇaḥ
97.167
bhuṅkte māṃsamadattañca sa mīnaśca mṛgo bhavet
varṣāṇāñca sahastrañca tāta bhuktvā ca kilviṣam
97.168
karmabhogācchucirbhūtvā sa punarbrāhmaṇo bhavet
ekādaśīvihīnaśca brāhmaṇaḥ patito bhavet
97.169
sadyasya dviguṇaṃ dattvā tena pāpena mucyate
mama janmadine caiva yo bhuṅkte mānavo'dhamaḥ
97.170
trailokyajanitaṃ pāpaṃ so'pi bhuṅkte na saṃśayaḥ
bhuktvā ca narakaṃ sarvaṃ paścāccāṇḍālatāṃ vrajet
97.171
evañca śivarātrau ca śrīrāmanavamīdine
upavāsāsasamarthaśca haviṣyānnaṃ samācaret
97.172
tato bhakto durbalaśca bhojayedu brāhmaṇānapi
kṛtvā mahotsavaṃ puṇyaṃ madīyaṃ pātakācchuciḥ
97.173
tasmādyatnena kartavyaṃ nāmasaṅkīrtanaṃ mama
gṛdhraḥ koṭisahasrāṇi śatajanmāni śūkaraḥ
97.174
śvāpadaḥ śatajanmāni bhavecca niśibhojanāt
adīkṣito dvijaścaiva śaṅkhācallaḥ śuko bhavet
97.175
anudvāhī dvijaścaiva rājahaṃso bhavet dhruvam
citravastrāpahārī ca mayūraśca dvijanmasu
97.176
taijaḥpātrāpahārī ca bhavetkāraṇḍavaściram
surāṇāṃ pratimācoro'pyandhaśca saptajanmasu
97.177
daridro vyādhiyuktaśca badhiraścāpi kubjakaḥ
strītailamadhumāṃsañca ravau vā pañcaparvvasu
97.178
sevate yo mahāmūḍho vajradaṃṣṭraṃ vrajet dhruvam
pātakī duḥkhitastatra varṣāṇāñca sahasrakam
97.179
tato bhavati mlecchaśca cāṇḍālaḥ saptajanmasu
vyādhiyuktastataḥ śūdro brāhmaṇaśca tataḥ śuciḥ
97.180
tasmādyatnānna bhoktavyaṃ bhārate dharmabhīruṇā
brāhmaṇañca suraṃ dṛṣṭvā na namedyo narādhamaḥ
97.181
yāvajjīvanaparyyantamaśuciryyavano bhavet
abhyutthānaṃ na kurute dṛṣṭvā cāgatabrāhmaṇam
97.182
sa bhaved brahmaghātī ca saptajanmasu niścitam
śivadveṣī kukkuṭaśca devalaḥ saptajanmasu
97.183
pitṛdevārccanaṃ hanti vedoktaṃ jñānadurbalaḥ
sa yāti narakaṃ pāpī varṣāṇāñca sahasrakam
97.184
tataśca rauravaṃ bhuktvā tīrthakākastrijanmasu
trijanmasu śṛgālaśca tīrthe bhuṅkte śavaṃ vraja
97.185
trijanmasu bhavet so'pi tīrtheṣu śavarakṣakaḥ
śavānāṃ karamādatte karmaṇā kṛtapātakī
97.186
nityaṃ surārcanaṃ kṛtvā dāmbhiko jñānadurbalaḥ
guruñca nārccayedbhaktyā tasmai nānnaṃ dadāti yaḥ
97.187
sa bhaveddevalo duḥkhī devaśāpena pātakī
nityaṃ surārcanaṃ kṛtvā dāmbhiko jñānadurbalaḥ
97.188
pūjāphalaṃ na labhate devadrohī sa dāruṇaḥ
dīvanirvāṇakarttā ca khadyotaḥ saptajanmasu
97.186-2
atīvamatsyalubdhaścāpyanaivedyañca khādati
97.188-2
sa bhavenmatsyaraṅgaśca mārjāraḥ saptajanmasu
goṇīharttā kapotaśca mālāharttā vihaṅgamaḥ
97.160-2
caṭako dhānyacoraśca māṃsacoraśca kuñjaraḥ
kavipraharttā viduṣāṃ maṇḍūkaḥ saptajanmasu
97.161-2
asatkavirgrāmavipro nakulaḥ saptajanmasu
kuṣṭhī bhavecca janmaikaṃ kṛkalāsastrijanmasu
97.162-2
janmaikaṃ varalayaiva tato vṛkṣapipīlikā
tataḥ śūdraśca vaiśyaśca kṣatriyo brāhmaṇastathā
97.163-2
kanyāvikrayakārī ca caturvaṇo hi mānavaḥ
sadyaḥ prayāti tāmisraṃ yāvaccandradivākarau
97.163-3
tato bhavati vyādhaśca māṃsavikrayakārakaḥ
tato vyādhirbhavettasyādyo yathā pūrvajanmani
97.165-2
mannāmavikrayī vipro na hi mukto bhaved dhruvam
mṛtyuloke ca mannāma smṛtimātraṃ na vidyate
97.167-2
paścādbhavetso goyonau janmaikaṃ jñānadurbalaḥ
tataśchāgastato meṣo mahiṣaḥ saptajanmasu
97.186-3
mahācakrī ca kuṭilo dharmahīnaśca mānavaḥ
janmaikaṃ tailakāraśca kumbhakārastathaiva ca
97.168-2
mithyākalaṅkavaktā ca devabrāhmaṇanindakaḥ
sa bhavet svarṇakāraśca rajakaḥ saptajanmasu
97.166-2
brāhmaṇaḥ kṣatraviṭśūdrāḥ kutsitāḥ śaucavarjitāḥ
janma teṣāṃ mle cchayonau varṣāṇāmayutaṃ tathā
97.200
kāmato yoṣitāṃ śroṇīstanāsyaṃ yaśca paśyati
sa bhaved dṛṣṭihīnaśca paratrāpi napuṃsakaḥ
97.201
vipro'bhicārakartā ca hiṃsako jñānadurbalaḥ
yātyevamandhatāmisraṃ varṣāṇāmayutaṃ tathā
97.202
tadā bharvāta daivajño'pyagradānī ca durmatiḥ
tataḥ śūdro bhavedvipro bhogena karmaṇastathā
97.203
śāstrajñātā ca daivajño mithyā vadati lobhataḥ
sa bhavecca dhruvaṃ jyeṣṭho vānaraḥ saptajanmasu
97.204
anekajanma tapasā bhārate brāhmaṇo bhavet
subuddhiratidharmmiṣṭho dharmahīnaśca pātakī
97.205
svadharmanirato vipraḥ paramācca hutāśanāt
pavitraścātitajasvī tasmādbhītaḥ suraḥ sadā
97.206
nadīṣu ca yathā gaṅgā tīrtheṣu puṣkaraṃ yathā
purīṣu ca yathā kāśī yathā jñāniṣu śaṅkaraḥ
97.207
śāstreṣu ca yathā vedā yathāśvatthaśca pādape
mama pūjā tapasyāsu vrateṣvanaśanaṃ tathā
97.208
tathā jātiṣu sarvāsu brāhmaṇaḥ śreṣṭha eva ca
viprapādeṣu tīrthāni puṇyāni ca vratāni ca
97.206-2
viprapādarajaḥ śuddhaṃ pāpavyādhivimarddanam
śubhāśīrvacanaṃ teṣāṃ sarvvakalyāṇakāraṇam
97.210
etatte kathitaṃ tāta vipākaḥ karmaṇāmaho
yathāśrutaṃ yathājñānaṃ tadaśeṣaṃ niśāmaya
97.211
śrutvā dharmavipākañca vācakāya suvarṇakam
dadyāttasmai ca raupyañca vastraṃ tāmbūlameva ca
97.212
suvarṇaśatakaṃ dadyāt sadyo dehī ca gokulam
raupyaṃ vastrañca tāmbūlaṃ matprītyā brāhmaṇāya ca
Linked texts (2)
- Brahmavaivartapurāṇa — Vyāsa, Sanskrit
- Padmapurāṇa — Vyāsa, Sanskrit