Krishnajanmakhanda 98
Kṛṣṇajanmakhaṇḍa 98
- Language
- Sanskrit
98.1
iti śrībrahmavaivartte mahāpurāṇe nārāyaṇanāradasaṃvāde
śrīkṛṣṇajanmakhaṇḍe bhagavannandasaṃvāde
pañcāśītitamo'dhyāyaḥ
ṣaḍaśītitamo'dhyāyaḥ
nanda uvāca
kedārakanyāprastāvāt kathitaṃ karmmakīrttanam
kṛtvā strīṇāṃ prasaṅgena tad vyāsena vada prabho
98.2
kedārakanyā sā kā vā ko vā kedārabhūpatiḥ
kasya vaṃśe ca tajjanma tanme vyākhyātumarhasi
98.3
śrībhagavānuvāca
purādau brahmaṇaḥ putro manuḥ svāyambhuvastathā
tasya strī śatarūpā ca dhanyā mānyā ca yoṣitām
98.4
priyavratottānapādau tayoḥ putrau babhūvatuḥ
uttānapādaputraśca dhruva eva mahāyaśāḥ
98.5
tatputro nandasāvarṇiḥ kedāraśca tadātmajaḥ
saptadvīpapatiḥ śrīmān kedāro vaiṣṇavaḥ svayam
98.6
tasya rakṣāniimattena tatsabhāyāṃ sudarśanenam
gavāṃ lakṣaṃ navaṃ śuddhaṃ svarṇaśṛṅgañca bhūṣitam
98.7
vahnidagdhāni vastrāṇi dattāni varuṇena ca
suvarṇānāṃ tathā lakṣaṃ sarvaśasyāṃ vasundharām
98.8
maṇiratnañca muktāñca hīrakaṃ paramaṃ tathā
māṇikyamaśvaratnānāṃ lakṣaṃ lakṣañca hastinām
98.9
raupyaṃ pravālaṃ miṣṭānnaṃ śatadhānyācalaṃ varam
nityaṃ nityaṃ brāhmaṇebhyo dadau ca ratnabhūṣaṇam
98.10
śatalakṣaṃ brāhmaṇānāṃ bhojayāmāsa nityaśaḥ
jalabhojanapātrāṇi suvarṇānāṃ dadau nṛpaḥ
98.11
suvarṇānāṃ yajñasūtramaṅgulīyakamuttamam
āsanaṃ kharvaratnānāṃ brāhmaṇebhyo dadau mudā
98.12
brāhmaṇānāñca lakṣañca sūpakāraṃ nṛpasya ca
brāhmaṇānāṃ dvilakṣañca pariveṣaṇakārakam
98.13
ghṛtakulyā madhukulyā dadhikulyā manoharāḥ
guḍakulyā dugdhakulyā nityaṃ prārthanamapsitam
98.14
prātarārabhya sandhyāntaṃ viprāṇāṃ bhojanaṃ tathā
duḥkhināṃ bhikṣukāṇāñca dhanadānaṃ yathocitam
98.15
phalamūlāśano rājā vaiṣṇavaśca jitendriyaḥ
sarvaṃ madarpaṇaṃ kṛtvā japenmantraṃ divāniśam
98.16
ekadā sūpakāraśca tamuvāca nṛpeśvaram
viprāṇāṃ bhojanāyaiva daśalakṣamupasthitam
98.17
bhuñjate brāhmaṇāścādya rucamannaṃ vada prabho
kurvvantu bhakṣaṇaṃ taṃ vai viprāḥ sūpādinā nṛpa
98.18
caturyojanaparyyantamadhikāraṃ nṛpasya ca
yo rājā tacchataguṇaḥ sa eva maṇḍaleśvaraḥ
98.16-2
tattahasraguṇo rājā rājendraḥ parikīrttitaḥ
rājendrāṇāṃ pañcaśataṃ nityaṃ kedārasaṃsadi
98.20
amūlyaratnamāṇikyaṃ muktāhāraṃ maṇīśvaram
gajaratnamakharataṃ kedārāya karaṃ dadau
98.21
kamalā kalayā jātā yajñakuṇḍasamudbhavā
vahniśuddhāṃśukādhānā ratnabhūṣaṇabhūṣitā
98.22
kāmukī kāminīśreṣṭhā kanyā kamalalocanā
kanyāsmi te mahārājetyuvāca nṛpatiñca sā
98.23
rājā sampūjya tāṃ bhaktyā tasyai patnīṃ samarpya ca
sā vijñāya prasū tātaṃ kṛtvā ca vinayaṃ mudā
98.24
yayau puṃṇyavanaṃ ramyaṃ tapase yamunāvtikam
tattapasyāvanaṃ yasmāt tasmādvṛndāvanaṃ smṛtam
98.25
tapasā varayāmāsa māṃ varañca varaṃ varam
brahmā dadau varaṃ tasyai paścāt kṛṣṇaṃ labhiṣyasi
98.26
sā caikadā nadītīre vasante saṃsthitā satī
śayānā puṣpaśayyāyāṃ ratnābharaṇabhūṣitā
98.27
brahmā parīkṣituṃ tāñca sādhvīñca sumanoharām
dadarśa kanyā rahasi yuvānaṃ puruṣaṃ param
98.28
candanokṣitasarvāṅgaṃ ratnapaśabhūṣitam
sasmitaṃ kāmukaṃ ramyaṃ ramaṇīnāñca vāñchitam
98.29
yathā ṣoḍaśavarṣīyaṃ kumāraṃ kanakaprabham
koṭikandarpalīlābhaṃ pītāmbaradharaṃ varam
98.30
śaratpārvvaṇacandrāsyaṃ śaratpadmasulocanam
dṛṣṭvā tañca samutthāya vāsayāmāsa saṃnidhau
98.31
pūjayāmāsa bhaktyā ca phalaṃ mūlaṃ dadau mudā
suvāsitaṃ jalaṃ dattvā praṇanāma mudānvitā
98.32
pūjāṃ gṛhītvā muditaḥ sādaraṃ tāmuvāca ha
viprarūpī ca bhagavān prajvalan brahmatejasā
kāmukīnāñca kāmyañca satīnāṃ duṣkaraṃ vraja
98.33
dharma uvāca
bhavatī kasya kanyā vā kiṃ te nāma manohare
kiṃ karoṣi rahasyeva tanme kathitumarhasi
98.34
kasya hetostapasyā te kiṃ vā vāñchasi sundari
varaṃ vṛṇīṣva bhadraṃ te yatte manasi vāñchitam
98.35
vṛndovāca
vipra kedārakanyāhaṃ vṛndā vṛndāvane sthitā
tapaḥ karomi sahasi cintayāmi hariṃ patim
98.36
yadi dātuṃ samartho'si dehi me vāñchitaṃ varam
asamartho'si cedgaccha kiṃ te praśnena brāhmaṇa
98.37
dharma uvāca
nirīhamavitarkyañca paramātmānamīśvaram
nirguṇañca nirākāraṃ bhaktānugrahavigraham
98.38
kā kṣamā taṃ patiṃ kartuṃ vinā lakṣmīṃ sarasvatīm
caturbhujasya dve bhārye harervaikuṇṭhaśāyinaḥ
98.39
goloke dvibhujasyāpi śrīvaṃśīvadanasya ca
kiśoragopaveṣasya paripūrṇatamasya ca
98.40
tasya bhāryā svayaṃ rādhā mahālakṣmīḥ parātparā
brahmasvarūpā paramā paramātmānamīśvaram
98.41
bhajataṃ satataṃ śāntaṃ suramyaṃ śyāmasundaram
koṭikandarpasaundaryaninditaṃ sukalevaram
98.42
amūlyaratnābharaṇaṃ satyañca nityavigraham
pītāmbaradharaṃ ramyaṃ dātāraṃ sarvasampadām
98.43
śrīkṛṣṇaśca dvidhārūpo dvibhujaśca caturbhujaḥ
caturbhujaśca vaikuṇṭhe goloke dvibhujaḥ svayam
98.44
yannimeṣo bhaveddṛnde brahmaṇaḥ patanena ca
pañcaviṃśatsahasreṇa yugenendrasya pātanam
98.45
caturdaśendrāvacchinnakālena brahmaṇo dinam
tāvatīti niśā tasya vidhāturjagatāmapi
98.46
evaṃ triṃśaddine māsaṃ dviṣṭake māsi varṣakam
evaṃ śatāyustasyaiva nibodha bodhatatparam
98.47
yāvajjīvanaparyantaṃ sevante sanakādayaḥ
kalpānāṃ koṭikoṭiśca tanna sādhyaśca yo vibhuḥ
98.48
sahasravaktraḥ śeṣaśca sevate ca japet sadā
divāniśañca yaṃ bhaktyā kalpakoṭiśataṃ śatam
98.46-2
tanna sādhyo hitakaro durārādhyaḥ parātparaḥ
brahmā brahmasvarūpaṃ taṃ bhajejjanmani janmani
98.50
vaktraiścaturbhiḥ satataṃ stauti nityaṃ sanātanam
vedairanirvacanīyaśca vedānāṃ janako vidhiḥ
98.51
vidhātā phaladātā ca dātā ca sarvasampadām
tanna sādhyo hi bhagavān kālakālāntakāntakaḥ
98.52
saṃhārakarttā jagatāṃ kalayā rudrarūpataḥ
sa stauti pañcavaktreṇa ko'nyo'nyasyāpi kā kathā
98.53
tatparaśca priyo nāsti vṛnde bhagavataḥ śṛṇu
sarvaśaktisvarūpā sā durgā durgatināśinī
98.54
brahmasvarūpā paramā mūlaprakṛtirīśvarī
nārāyaṇī viṣṇumāyā vaiṣṇavī sā sanātanī
98.55
yanmāyayā jagad bhrāntamanitye bhramate sadā
sā stauti bhaktyā yaṃ devaṃ vṛnd 'pyaṅge divāniśam
98.56
stauti bhaktyā svabhaktyā ca gajavaktraḥ ṣaḍānanaḥ
dhyāyate'yaṃ gaṇeśaśca sarvādau yasya pūjanam
98.57
bhagavān sarvadevebhyo jñānināñca gurorguruḥ
siddhendreśu ca devendre yogīndre jñānināṃ gurau
98.58
na gaṇeśāt paro vidvān gaṇeśaśca surādhipaḥ
sarasvatī ca yaṃ stotumaśaktā parameśvarī
98.59
divāniśaṃ pādapadmaṃ bhaktyā padmāṃ na sevate
yatkaṭākṣājjagatsarvaṃ paripūrṇatamaṃ śivam
98.60
yadbhayādvāti vāto'yaṃ sūryyastapati yadbhayāt
varṣatīndro dahatyagnirmṛtyuścarati jantuṣu
98.61
pṛthivī sevayā yasya sarvādhārā vasundharā
samudrā niścalāḥ śailā yasya bhītāśca sundari
98.62
tīrthasārā ca sā gaṅgā pavitrā muktidāyinī
jagatāṃ pāvanī devī yasya pādābjasevayā
98.63
pavitrā tulasī devī smaraṇādyasya sevanāt
navagrahāśca dikpālā bhītā yasya pratāpataḥ
98.64
brahmāṇḍeṣu ca sarveṣu brahmaviṣṇuśivātmakāḥ
anye ye ye sureśāśca śeṣādyā munayastathā
98.65
kecitkalāsvarūpāścāpyaṃśarūpāśca kecana
kecitkalāṃśāḥ kṛṣṇasya kecicca paramātmanaḥ
98.66
patimicchasi kalyāṇi prakṛteḥ parameśvaram
goloke rādhikāsādhvī nānyeṣāñca kadācana
98.67
māṃ bhajasva mahābhāge nṛpāṇāmīśvaraṃ patim
balavantañca devebhyo daityebhyaśca varānane
98.68
sukhāni yāni kalyāṇi triṣu lokeṣu santi vai
bhuṅkṣva tānyeva sarvāṇi matprasādānna saṃśayaḥ
98.66-2
saptasāgarapāre ca kāñcanī rucirā vare
devānāṃ krīr̤anārthāya vidhātrā nirmitā purī
98.70
tatraiva gaccha bhadrante rama rāme mayā saha
mahendrasya priyavanaṃ puṣpadyānasamanvitam
98.71
gaccha svarṇamayīṃ laṅkāṃ nānāratnavibhūṣitām
tatraiva gaccha bhadrante rama rāme mayā saha
98.72
vispandakaṃ suvasanaṃ nandakaṃ puṣpabhadrakam
tatraiva gaccha bhadrante rama rāme mayā saha
98.73
sumerugahvaraṃ vāpi kṣīrodaṃ vā manoharam
tatraiva gaccha bhadrante rama rāme mayā saha
98.74
satyalokaṃ brahmalokaṃ ramyaṃ sajha rahasthalam
tatraiva gaccha bhadrante rama rāme mayā saha
98.75
malayaṃ nilayaṃ ramyaṃ mahendrasāranirmitam
sugandhiyuktaṃ satataṃ śuddhacandanavāyunā
98.66-3
mālatī yūthikā ramyā ketakī mādhavī tathā
cārucampakapuṣpāṇāṃ gandhena sumanoharam
tatraiva gaccha bhadraṃ te rama rāme mayā saha
98.77
pikānāṃ bhramarāṇāñca madhuradhvanisaṃyutam
tatraiva gaccha bhadrante rama rāme mayā saha
98.78
indrasya varuṇasyaiva vāyoriva yamasya ca
dhaneśvarasya vahneśca dharmasya śaśinastathāṃ
98.79
suramyaṃ lokameteṣāṃ madhye devi yathecchasi
tatraiva gaccha bhadrante rama rāme mayā saha
98.80
ratnadvīpaṃ maṇikṣīpaṃ ramyaṃ candrasarovaram
tatraiva gaccha bhadrante rama rāme mayā saha
98.81
ityevamuktvā sambhoktuṃ gacchantaṃ taṃ chalena ca
na vāstavaparīkṣārthaṃ satītvaṃ bodhituṃ vraja
98.82
uvāca sā nṛpasutā kopavakrāsyalocanā
hitaṃ satyaṃ yogayuktaṃ dharmārthañca yaśaskaram
98.83
śrīvṛndovāca
dhairyyaṃ kuru mahābhāga śreṣṭho jñātiṣu brāhmaṇaḥ
brāhmaṇānāṃ tapo mūlaṃ satyaṃ vedavrataṃ dhṛtiḥ
98.84
parastrīsahasambhogaḥ svabhāvaścāpyadharmiṇām
adharmeṇaiva he vipra duṣṭo bhadrāṇi paśyati
tataḥ sapatne jayati samūlastu vinaśyati
98.85
pativratānāṃ gamane balātkāreṇa niścitam
mātṛgāmī bhavetsadyo brahmahatyāśataṃ bhavet
98.86
kumbhīpāke pacyeta ca yāvaccandrādivākarau
pradagdhastai latapteṣu na mṛtaḥ sūkṣmadehataḥ
98.87
tār̤ito yamadūtaiśca lohadaṇḍena mūrddhani
kṣaṇaṃ sukhaṃ ciraṃ duḥkhaṃ sarvanāśasya kāraṇam
98.86-2
agamyāgamanaṃ duḥkhaṃ dharmiṣṭho naiva vāñchati
kṣamasva gaccha bhadrante brāhmaṇa jñānadurbala
98.90
yathā dīpaśikhāṃ dṛṣṭvā kīṭaḥ patati niścitam
miṣṭaṃ dṛṣṭvā var̤īśāgre lubdhamīno mṛgo yathā
98.61-2
yathā viṣāktaṃ bhakṣyañca bhuṅkte bhoktā bubhukṣitaḥ
gṛhṇāti duṣṭo duṣṭañca viṣakumbhaṃ payomukham
98.62-2
tathā dṛṣṭvā parastrīṇāṃ mukhapadma manoharam
vināśabījaṃ mohena bhrānto bhavati lampaṭaḥ
98.63-2
mukhañca ruciraṃ strīṇāṃ śroṇīyugmaṃ stanaṃ tathā
kāmādhāraṃ nāśabījamadharmasthalameva ca
98.64-2
bhagaṃ narakakuṇḍañca lālāmūtrasamanvitam
durgandhiyuktaṃ pāpañca yamadaṇḍasya kāraṇam
98.65-2
yathā liṅgaṃ viśatyeva pāpayonau ca yoṣitām
tathā pumān viśatyeva raurave ca yuge yuge
98.96
rahasyañcāpadaṃ dṛṣṭvā māṃ tvaṃ dharṣitumicchasi
atraiva sarvadevāśca lokapālāśca brāhmaṇa
98.67-2
jājvalyamāno dharmaśca sākṣī śāstā ca karmaṇām
yamaśca daṇḍakarttā ca sthāpito hariṇā svayam
98.98
svayaṃ kṛṣṇaśca dharmātmā jñānarūpo maheśvaraḥ
durgā buddhirmano brahmā cendriyāṇi surāstathā
98.96-2
sarvaprāṇiṣu tiṣṭhanti sākṣiṇaḥ karmaṇāṃ dvija
kva guptaṃ kva rahasyaṃ vā brāhmaṇa jñānadurbala
98.100
kṣamasva gaccha bhadrante abadhyāśca dvijātayaḥ
śaktāhaṃ bhasmasāt kartuṃ gaccha vatsa yathāsukham
98.101
tapasyāsu mama gatamaṣṭottaraśataṃ yugam
nāsti gotraṃ matpituśca na mātā na pitā mama
98.102
sarvāntarātmā bhagavān kṛṣṇo rakṣati māṃ dvija
kṛṣṇena sthāpito dharmo māñca rakṣati nityaśaḥ
98.103
ādityaśca tathā candraḥ pavanaśca hutāśanaḥ
brahmā śambhurbhaṃgavatī durgā rakṣati māṃ sadā
98.104
yena śuklīkṛtā haṃsāḥ śukāśca haritīkṛtāḥ
mayūrāścitritā yena sa me rakṣāṃ kariṣyati
98.105
anāthabālavṛddhānāṃ rakṣakāḥ sarvadevatāḥ
nārībuddhyā na māṃ dharmaistyaktvā gacchedvi sarvadā
98.106
māṃ mātaraṃ parityajya gaccha vatsa yathāsukham
ityevamuktvā devī sā tasthau tatra dharā yathā
98.107
āgacchantañca sambhoktuṃ mā yātaṃ bodhanena ca
śaśāpeti ca sā kopād brahmabandho kṣayo bhava
98.108
kṣayo bhava durācāra he pāpiṣṭha kṣayo bhava
punaḥ śaptuṃ svayaṃ sūryo vārayāmāsa yatnataḥ
98.109
etasminnantare tāta tatraiva jagadīśvarāḥ
ājagmuratisantrastā brahmaviṣṇuśivādayaḥ
dharmaṃ dṛṣṭvā kalārūpaṃ rurudustridaśeśvarāḥ
98.110
kṛtvā kroḍe'tīvakṛśaṃ kṣudrā bhītaṃ yathā vidhum
nicceṣṭaṃ malinaṃ dagdhaṃ satīkopāgninā vraja
98.111
śrībhagavānuvāca
kṣamasva vṛnde bhadrante janmamṛtyujarāhare
sarvaṃ jānama bhadranta rakṣa dharma pativrate
98.112
brahmovāca
dhvāntapūrṇaṃ jagat sarvaṃ vinā dharmaṃ babhūva ha
kampitau candrasūryyau ca śeṣaścāpi vasundharā
98.113
mahādeva uvāca
pranaṣṭañca jagatsarvaṃ vinā dharmeṇa sundari
dharmaṃ jīvaya bhadrante svasti te'stu varānane
98.114
sūryya uvāca
varaṃ vṛṇīṣva bhadrante yatte manasi vāñchitam
dharmaṃ jīvaya bhadrante rakṣa sṛṣṭiṃ pativrate
98.115
ananta uvāca
dharmaṃ karoṣi tapasā kathaṃ dharmaṃ vihaṃsi ca
dharmaṃ jīvaya bhadrante sarvadharmo bhavettava
98.116
candra uvāca
dvijarūpadharo dharmastvāṃ parīkṣitumāgataḥ
brahmaṇā preritaścaiva nirdoṣaśca vihiṃsitaḥ
98.117
mahendra uvāca
tapasopārjito dharmo dharmeṇa ca phalaṃ nṛṇām
kathaṃ phalañca tapasāṃ yadi dharmaḥ kṣayaṃ gataḥ
98.118
varuṇa uvāca
dharmaṃ jīvaya dharmiṣṭhe dharmaṃ rakṣa sanātanam
niṣphalaṃ kamiṇāṃ karma vinā dharmeṇa dhārmike
98.116-2
pavana uvāca
jagat pūtaṃ kuru śubhe dharmaṃ jīvaya sāmpratam
dharme pranaṣṭe tapasāṃ tavāpūrvaṃ vinaṅkṣyati
98.120
vahniruvāca
svadharmopārjanaṃ kartumāgatāsi ca bhāratam
vihaṃsi dharmamajñātvā punarjīvaya sundari
98.121
yama uvāca
vedoktakarmakartṝṇāmahaṃ viśve varānane
dharmānusārāt phalado dharmaṃ jīvaya satvaram
98.122
devānāṃ vacanaṃ śrutvā samutthāya pativratā
namaskṛtya sureśāṃśca tānuvāca tapasvinī
98.123
vṛndovāca
ahaṃ deva na jānāmi dharmaṃ brāhmaṇarūpiṇam
kṛtaḥ kṣayo mayā kopānmāṃ parīkṣitumāgataḥ
98.124
jīvayāmi dhruvaṃ dharmaṃ yuṣmākañca prasādataḥ
ityevamuktvā sā vṛndā cetyuvāca vrajeśvara
98.125
tapaḥ satyaṃ yadi mama satyañca viṣṇupūjanam
tena puṇyena sadyo'tra dvijo bhavatu vijvaraḥ
98.126
yadi me ca bhavetsatyaṃ vrataṃ satyaṃ tapaḥ śuciḥ
tena puṇyena satyena dvijo bhavatu vijvaraḥ
98.127
yadi nārāyaṇaḥ satyaḥ sarvātmā nityavigrahaḥ
jñānātmakaḥ śivaḥ satyo dvijo bhavatu vijvaraḥ
98.128
brahma satyañca te devāḥ prakṛtiḥ paramā yadi
yajñaḥ satyastapaḥ satyaṃ dvijo bhavatu vijvaraḥ
98.129
ityevamuktvā sā vṛndā dharmaṃ kroḍe cakāra ca
taṃ dṛṣṭvā ca kalārūpaṃ ruroda kṛpayā satī
98.130
etasminnantare mūrttirdharmabhāryyā śucākulā
nipatya viṣṇupade ca śirasā cetyuvāca sā
98.131
mūrttiruvāca
he nātha karuṇāsindho dīnabandho kṛpāṃ kuru
tūrṇaṃ jīvaya kāntaṃ me jagannātha kṛpāmaya
98.132
patihīnā ca yā nārī pāpinī sā bhavārṇave
yathāsyaṃ cakṣurvirataṃ prāṇahīnā yathā tanūḥ
98.133
mitaṃ dadāti hi pitā mitaṃ bhrātā mitaṃ sutaḥ
mitaṃ bandhurmitaṃ mātā sarvadātā patiḥ prabhuḥ
98.134
ityevamuktvā sā devī tatra tasthau ruroda ca
uvāca vṛndāṃ bhagavān sarvātmā prakṛteḥ paraḥ
98.135
śrībhagavānuvāca
tvayāyustapasā labdhaṃ yāvadāyuśca brahmaṇaḥ
tadeva dehi dharmāya golokaṃ gaccha sundari
98.136
tavānayā ca tapasā paścāttāñca labhiṣyasi
paścādgolokamāgatya vārāhe ca varānane
98.137
vṛṣabhānusutā tvañca rādhācchāyā bhaviṣyasi
matkalāṃśaśca rāyāṇastvāṃ vivāhe grahiṣyati
māṃ labhiṣyasi rāse ca gopībhī rādhayā saha
98.138
rādhā srodāmaśāpena vṛṣabhānasutā yadā
sā caiva vāstavī rādhā tvañca chāyāsvarūpiṇī
98.139
vivāhakāle rāyāṇastvāñca chāyāṃ grahiṣyati
tvāṃ dṛṣṭvā vāstavī rādhā sāntarddhānā bhaviṣyati
98.140
rādheveti vimūḍhāśca vijñāsyanti ca gokule
svapne rādhāpadāmbhojaṃ na hi paśyanti vallavāḥ
98.141
svayaṃ rādhā mama kror̤e chāyā rāṇāyakāminī
viṣṇośca vacanaṃ śrutvā dadāvāyuśca sundari
98.142
uttasthau pūrṇadharmaśca taptakāñcanasaṃnibhaḥ
pūrvasmāt sundaraḥ śrīmān praṇanāma parātparam
98.143
vṛndovāca
devāḥ śṛṇuta madvākyaṃ durlaṅghyaṃ sāvadhānataḥ
na hi mithyā bhavedvākyaṃ madīyañca niśāmaya
98.144
kṣayo bhavetivākyañca mayoktaṃ kopabhītayā
vāratrayaṃ punarvaktuṃ vārayāmāsa bhāskaraḥ
98.145
satye ca paripūrṇo'yaṃ yathā pūrvo yathādhunā
tripādaścāpi tretāyāṃ dvipādo dvāpare tathā
98.146
ekapādaśca dharmo'yaṃ kaleśca prathame hare
śeṣaḥ kalāṣor̤aśāṃśaḥ punaḥ satye yathā purā
98.147
trinirgataṃ mama mukhāt kṣayastena tataḥ kramāt
punarukte ca manasi vārayāmāsa bhāskaraḥ
98.148
tenaiva hetunāyañca kaligreyṣe kalāmayaḥ
tathā śambhuḥ sthito durge kaliśeṣe tathā dhruvam
98.146-2
etasminnantare nanda dadṛśurdevatāratham
golokādāgataṃ vegādatīvasundaraṃ śubham
98.150
amūlyaratnanirmāṇaṃ hīrahārapariṣkṛtam
maṇimāṇikyamuktābhirvastraiśca śvetacāmaraiḥ
98.151
vibhūṣitaṃ bhūṣaṇaiśca rucirai ratnadarpaṇaiḥ
natvā hariṃ haraṃ vṛndā brahmāṇaṃ sarvadevatāḥ
98.152
samāruhya rathaṃ dṛṣṭā golokañca jagāma sā
devā jagmuśca svasthānaṃ kiṃ bhūyaḥ śrotumicchasi
Linked texts (2)
- Brahmavaivartapurāṇa — Vyāsa, Sanskrit
- Vulgate (Nīlakaṇṭha's text) — Sanskrit