[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.13 # Kurmapurana 1.13 Kūrmapurāṇa 1.13 - **Language:** Sanskrit ## Contents - [1.13.64](https://indike.org/pramana/in.purana.kurma.1.13.64) — 1 part ### [1.13.1](https://indike.org/pramana/in.purana.kurma.1.13.1) sūta uvāca priyavratottānapādau manoḥ svāyaṃbhuvasya tu / dharmajñau sumahāvīryau śatarūpā vyajījanat // ### [1.13.2](https://indike.org/pramana/in.purana.kurma.1.13.2) tatastūttānapādasya dhruvo nāma suto 'bhavat / bhakto nārāyaṇe deve prāptavān sthānamuttamam // ### [1.13.3](https://indike.org/pramana/in.purana.kurma.1.13.3) dhruvāt śliṣṭiñca bhavyaṃ ca bhāryā śambhurvyajāyata / śliṣṭerādhatta succhāyā pañca putrānakalpaṣān // ### [1.13.4](https://indike.org/pramana/in.purana.kurma.1.13.4) vasiṣṭhavacanād devī tapastaptvā suduścaram / ārādhya puruṣaṃ viṣṇuṃ śālagrāme janārdanam // ### [1.13.5](https://indike.org/pramana/in.purana.kurma.1.13.5) ripuṃ ripuñjayaṃ vipraṃ vṛkalaṃ vṛṣatejasam / nārāyaṇaparān śuddhān svadharmaparipālakān // ### [1.13.6](https://indike.org/pramana/in.purana.kurma.1.13.6) riporādhatta bṛhatī cakṣuṣaṃ sarvatejasam / so 'jījanat puṣkariṇyāṃ vairaṇyāṃ cākṣuṣaṃ manum / prajāpaterātmajāyāṃ vīraṇasya mahātmanaḥ // ### [1.13.7](https://indike.org/pramana/in.purana.kurma.1.13.7) manorajāyanta daśa naḍvalāyāṃ mahaujasaḥ / kanyāyāṃ sumahāvīryā vairājasya prajāpateḥ // ### [1.13.8](https://indike.org/pramana/in.purana.kurma.1.13.8) ūruḥ pūruḥ śatadyumnastapasvī satyavāk śuciḥ / agniṣṭudatirātraśca sudyumnaścābhimanyukaḥ // ### [1.13.9](https://indike.org/pramana/in.purana.kurma.1.13.9) ūrorajanayat putrān ṣaḍāgneyī mahābalān / aṅgaṃ sumanasaṃ svātiṃ kratumaṅgirasaṃ śivam // ### [1.13.10](https://indike.org/pramana/in.purana.kurma.1.13.10) aṅgād veno 'bhavat paścād bainyo venādajāyata / yo 'sau pṛthuriti khyātaḥ prajāpālo mahābalaḥ // ### [1.13.11](https://indike.org/pramana/in.purana.kurma.1.13.11) yena dugdhā mahī pūrvaṃ prājānāṃ hitakāraṇāt / niyogād brahmaṇaḥ sārdhaṃ devendreṇa mahaujasā // ### [1.13.12](https://indike.org/pramana/in.purana.kurma.1.13.12) venaputrasya vitate purā paitāmahe makhe / sūtaḥ paurāṇiko jajñe māyārūpaḥ svayaṃ hariḥ // ### [1.13.13](https://indike.org/pramana/in.purana.kurma.1.13.13) pravaktā sarvaśāstrāṇāṃ dharmajño guṇavatsalaḥ / taṃ māṃ nitta muniśreṣṭhāḥ pūrvodbhūtaṃ sanātanam // ### [1.13.14](https://indike.org/pramana/in.purana.kurma.1.13.14) asmin manvantare vyāsaḥ kṛṣṇadvaipāyanaḥ svayam / śrāvayāmāsa māṃ prītyā purāṇaṃ puruṣo hariḥ // ### [1.13.15](https://indike.org/pramana/in.purana.kurma.1.13.15) madanvaye tu ye sūtāḥ saṃbhūtā vedavarjitāḥ / teṣāṃ purāṇavaktṛtvaṃ vṛttirāsīdajājñayā // ### [1.13.16](https://indike.org/pramana/in.purana.kurma.1.13.16) sa tu vainyaḥ pṛthurdhomān satyasaṃdho jitendriyaḥ / sārvabhaumo mahātejāḥ svadharmaparipālakaḥ // ### [1.13.17](https://indike.org/pramana/in.purana.kurma.1.13.17) tasya bālyāt prabhṛtyeva bhaktirnārāyaṇe 'bhavat / govardhanagiriṃ prāpya tapastepe jitendriyaḥ // ### [1.13.18](https://indike.org/pramana/in.purana.kurma.1.13.18) tapasā bhagavān prītaḥ śaṅkhacakragadādharaḥ / āgatya devo rājānaṃ prāha dāmodaraḥ svayam // ### [1.13.19](https://indike.org/pramana/in.purana.kurma.1.13.19) dhramikau rūpasaṃpannau sarvaśastrabhṛtāṃ varau / matprasādādasaṃdigdhaṃ putrau tava bhaviṣyataḥ / ekamuktvā hṛṣīkeśaḥ svakīyāṃ prakṛtiṃ gataḥ // ### [1.13.20](https://indike.org/pramana/in.purana.kurma.1.13.20) vainyo 'pi vedavidhinā niścalāṃ bhaktimudvahan / apālayat svakaṃ rājyaṃ nyāyena madhusūdane // ### [1.13.21](https://indike.org/pramana/in.purana.kurma.1.13.21) acirādeva tanvaṅgo bhāryā tasya sucismitā / khikhaṇḍanaṃ havirdhānamantardhānā vyajāyata // ### [1.13.22](https://indike.org/pramana/in.purana.kurma.1.13.22) śikhaṇḍano 'bhavat putraḥ suśīla iti viśrutaḥ / dhārmiko rūpasaṃpanno vedavedāṅgapāragaḥ // ### [1.13.23](https://indike.org/pramana/in.purana.kurma.1.13.23) so 'dhītya vidhivad vedān dharmeṇa tapasi sthitaḥ / matiṃ cakre bhāgyayogāt saṃnyāṃ prati dharmavit // ### [1.13.24](https://indike.org/pramana/in.purana.kurma.1.13.24) sa kṛtvā tīrthasaṃsevāṃ svādhyāye tapasi sthitaḥ / jagāma himavatpṛṣṭhaṃ kadācit siddhasevitam // ### [1.13.25](https://indike.org/pramana/in.purana.kurma.1.13.25) tatra dharmapadaṃ nāma dharmasiddhipradaṃ vanam / apaśyad yogināṃ gamyamagamyaṃ brahmavidviṣām // ### [1.13.26](https://indike.org/pramana/in.purana.kurma.1.13.26) tatra mandākinī nāma supuṇyā vimalā nadī / padmotpalavanopetā siddhāśramavibhūṣitā // ### [1.13.27](https://indike.org/pramana/in.purana.kurma.1.13.27) sa tasyā dakṣiṇe tīre munīndrairyogibhirvṛtam / supuṇyamāśramaṃ ramyamapaśyat prītisaṃyutaḥ // ### [1.13.28](https://indike.org/pramana/in.purana.kurma.1.13.28) mandākinījale strātvā saṃtarpya pitṛdevatāḥ / arcayitvā mahādevaṃ puṣpaiḥ padmotpalādibhiḥ // ### [1.13.29](https://indike.org/pramana/in.purana.kurma.1.13.29) dhyātvārkaṃsaṃsthamīśānaṃ śirasyādhāya cāñjalim / saṃprekṣamāṇo bhāsvantaṃ tuṣṭāva parameśvaram // ### [1.13.30](https://indike.org/pramana/in.purana.kurma.1.13.30) rudrādhyāyena giriśaṃ rudrasya caritena ca / anyaiśca vividhaiḥ stotraiḥ śāṃbhavairvedasaṃbhavaiḥ // ### [1.13.31](https://indike.org/pramana/in.purana.kurma.1.13.31) athāsminnantare 'paśyat tamāyāntaṃ mahāmunim / śvetāśvataranāmānaṃ mahāpāśupatottamam // ### [1.13.32](https://indike.org/pramana/in.purana.kurma.1.13.32) bhasmasaṃdigdhasavāṅgaṃ kaupīnācchādanānvitam / tapasā karṣitātmānaṃ śuklayajñopavītinam // ### [1.13.33](https://indike.org/pramana/in.purana.kurma.1.13.33) samāpya saṃstavaṃ śaṃbhorānandāstrāvilekṣaṇaḥ / vavande śirasā pādau prāñjalirvākyamabravīt // ### [1.13.34](https://indike.org/pramana/in.purana.kurma.1.13.34) dhanyo 'smyanugṛhīto 'smi yanme sākṣānmunīśvaraḥ / yogīśvaro 'dya bhagavān dṛṣṭo yogavidāṃ varaḥ // ### [1.13.35](https://indike.org/pramana/in.purana.kurma.1.13.35) aho me sumahadbhāgyaṃ tapāṃsi saphalāni me / kiṃ kariṣyāmi śiṣyo 'haṃ tava māṃ pālayānagha // ### [1.13.36](https://indike.org/pramana/in.purana.kurma.1.13.36) so 'nugṛhyātha rājānaṃ suśīlaṃ śīlasaṃyutam / śiṣyatve parijagrāha tapasā kṣīṇakalpaṣam // ### [1.13.37](https://indike.org/pramana/in.purana.kurma.1.13.37) sāṃnyāsikaṃ vidhiṃ kṛtsnaṃ kārayitvā vicakṣaṇaḥ / dadau tadaiśvaraṃ jñānaṃ svaśākhāvihitaṃ vratam // ### [1.13.38](https://indike.org/pramana/in.purana.kurma.1.13.38) aśeṣavedasāraṃ tat paśupāśavimocanam / antyāśramamiti khyātaṃ brahmādibhiranuṣṭhitam // ### [1.13.39](https://indike.org/pramana/in.purana.kurma.1.13.39) uvāca śiṣyān saṃprekṣya ye tadāśramavāsinaḥ / brāhmaṇān kṣatriyān vaiśyān brahmacaryaparāyaṇān // ### [1.13.40](https://indike.org/pramana/in.purana.kurma.1.13.40) mayā pravartitāṃ śākhāmadhītyaiveha yoginaḥ / samāsate mahādevaṃ dhyāyanto niṣkalaṃ śivam // ### [1.13.41](https://indike.org/pramana/in.purana.kurma.1.13.41) iha devo mahādevo ramamāṇaḥ sahomayā / adhyāste bhagavānīśo bhaktānāmanukampayā // ### [1.13.42](https://indike.org/pramana/in.purana.kurma.1.13.42) ihāśeṣajagaddhātā purā nārāyaṇaḥ svayam / ārādhayanmahādevaṃ lokānāṃ hitakāmyayā // ### [1.13.43](https://indike.org/pramana/in.purana.kurma.1.13.43) ihaiva devamīśānaṃ devānāmapi daivatam / ārādhya mahatīṃ siddhiṃ lebhire devadānavāḥ // ### [1.13.44](https://indike.org/pramana/in.purana.kurma.1.13.44) ihaiva munayaḥ pūrvaṃ marīcyādyā maheśvaram / dṛṣṭvā tapobalājjñānaṃ lebhire sārvakālikam // ### [1.13.45](https://indike.org/pramana/in.purana.kurma.1.13.45) tasmāt tvamapi rājendra tapoyogasamanvitaḥ / tiṣṭha nityaṃ mayā sārdhaṃ tataḥ siddhimavāpsyasi // ### [1.13.46](https://indike.org/pramana/in.purana.kurma.1.13.46) evamābhāṣya viprendro devaṃ dhyātvā pinākinam / ācacakṣe mahāmantraṃ yathāvat svārthasiddhaye // ### [1.13.47](https://indike.org/pramana/in.purana.kurma.1.13.47) sarvapāpopaśamanaṃ vedasāraṃ vimuktidam / agnirityādikaṃ puṇyamṛṣibhiḥ saṃpravartitam // ### [1.13.48](https://indike.org/pramana/in.purana.kurma.1.13.48) so 'pi tadvacanād rājā suśīlaḥ śraddhayānvitaḥ / sākṣāt pāśupato bhūtvā vedābhyāsarato 'bhavat // ### [1.13.49](https://indike.org/pramana/in.purana.kurma.1.13.49) bhasmoddhūlitasarvāṅgaḥ kandamūlaphalāśanaḥ / śānto dānto jitakrodhaḥ saṃnyāsavidhimāśritaḥ // ### [1.13.50](https://indike.org/pramana/in.purana.kurma.1.13.50) havirdhānastathāgneyyāṃ janayāmāsa satsutam / prācīnabarhiṣaṃ nāmnā dhanurvedasya pāragam // ### [1.13.51](https://indike.org/pramana/in.purana.kurma.1.13.51) prācīnabarhirbhāgavān sarvaśastrabhṛtāṃ varaḥ / samudratanayāyāṃ vai daśa putrānajījanat // ### [1.13.52](https://indike.org/pramana/in.purana.kurma.1.13.52) pracetasaste vikhyātā rājānaḥ prathitaijasaḥ / adhītavantaḥ svaṃ vedaṃ nārāyaṇaparāyaṇāḥ // ### [1.13.53](https://indike.org/pramana/in.purana.kurma.1.13.53) daśabhyastu pracetobhyo māriṣāyāṃ prajāpatiḥ / dakṣo jajñe mahābhāgo yaḥ pūrvaṃ brahmaṇaḥ sutaḥ // ### [1.13.54](https://indike.org/pramana/in.purana.kurma.1.13.54) sa tu dakṣo maheśena rudreṇa saha dhīmatā / kṛtvā vivādaṃ rudreṇa śaptaḥ prācetaso 'bhavat // ### [1.13.55](https://indike.org/pramana/in.purana.kurma.1.13.55) samāyāntaṃ mahādevo dakṣaṃ devyā gṛhaṃ haraḥ / dṛṣṭvā yathocitāṃ pūjāṃ dakṣāya pradadau svayam // ### [1.13.56](https://indike.org/pramana/in.purana.kurma.1.13.56) tadā vai tamasāviṣṭaḥ so 'dikāṃ brahmaṇaḥ sutaḥ / pūjāmanarhāmanvicchan jagāma kupito gṛham // ### [1.13.57](https://indike.org/pramana/in.purana.kurma.1.13.57) kadācit svagṛhaṃ prāptāṃ satīṃ dakṣaḥ sudurmanāḥ / bhartrā saha vinindyaināṃ bhartsayāmasā vai ruṣā // ### [1.13.58](https://indike.org/pramana/in.purana.kurma.1.13.58) anye jāmātaraḥ śreṣṭhā bhartustava pinākinaḥ / tvamapyasatsutāsmākaṃ gṛhād gaccha yathāgatam // ### [1.13.59](https://indike.org/pramana/in.purana.kurma.1.13.59) tasya tadvākyamākarṇya sā devī śaṅkarapriyā / vinindya pitaraṃ dakṣaṃ dadāhātmānamātmanā // ### [1.13.60](https://indike.org/pramana/in.purana.kurma.1.13.60) praṇamya paśubhartāraṃ bhartāraṃ kṛttivāsasam / himavadduhitā sābhūt tapasā tasya toṣitā // ### [1.13.61](https://indike.org/pramana/in.purana.kurma.1.13.61) jñātvā tadbhāgavān rudraḥ prapannārtiharo haraḥ / śaśāpa dakṣaṃ kupitaḥ samāgatyātha tadgṛham // ### [1.13.62](https://indike.org/pramana/in.purana.kurma.1.13.62) tyaktvā dehamimaṃ brahman kṣatriyāṇāṃ kulodbhavaḥ / svasyāṃ sutāyāṃ mūḍhātmā putramutpādayiṣyasi // ### [1.13.63](https://indike.org/pramana/in.purana.kurma.1.13.63) evamuktvā mahādevo yayau kālāsaparvatam / svāyaṃbhuvo 'pi kālena dakṣaḥ prācetaso 'bhavat // ### [1.13.64](https://indike.org/pramana/in.purana.kurma.1.13.64) etad vaḥ kathitaṃ sarvaṃ manoḥ svāyaṃbhuvasya tu / visargaṃ dakṣaparyantaṃ śṛṇvatāṃ pāpanāśanam // ### [1.13.64.p1](https://indike.org/pramana/in.purana.kurma.1.13.64.p1) iti śrīkūrmapurāṇe ṣaṭmāhastryāṃ saṃhitāyāṃ pūrvavibhāge trayodaśo 'dhyāyaḥ ## Linked texts (12) - [Kriyāsāra](https://indike.org/pramana/in.sampradaya.saiva.virasaiva.kriyasara.2.1.421) — Śrīkaṇtha, Sanskrit - [Critical edition (BORI)](https://indike.org/pramana/in.lit.mahabharata.harivamsa*crit.2.14) — Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.11.1) — Sanskrit - [Vedāntasāravīraśaivacintāmaṇi](https://indike.org/pramana/in.sampradaya.saiva.virasaiva.vedantasaravirasaivacintamani.1.21) — Niṣṭhura Nañjanācārya 1700, Sanskrit - [Brahmapurāṇa](https://indike.org/pramana/in.purana.brahma.2.20) — Vyāsa, Sanskrit - [Vallālacarita](https://indike.org/pramana/in.lit.historical.vallalacarita.2.10.14) — Ānandabhaṭṭa 1510, Sanskrit - [Brāhmī Saṃhitā](https://indike.org/pramana/in.purana.brahmisamhita.14.3) — Sanskrit - [Brahmisamhita (gurumandalseries1962)](https://indike.org/pramana/in.sampradaya.vaisnava.pancaratra.brahmisamhita*gurumandalseries1962.14.3) — Sanskrit - [Kūrmapurāṇa (Ananta Gokhale)](https://indike.org/pramana/in.purana.kurmapurana.9.p1) — Ananta Gokhale, Sanskrit - [Śivapañcāśikā](https://indike.org/pramana/in.sampradaya.saiva.stotra.sivapancasika.5.1-2) — Appayadīkṣita, Sanskrit - [Prayāgarājatīrthamāhātmya](https://indike.org/pramana/in.purana.sthala.prayagarajatirthamahatmya.5.16-2) — Sanskrit - [Mārutaśakti](https://indike.org/pramana/in.darsana.suddhadvaita.later.marutasakti.5.1) — Govardhana Ghanaśyāma Śarman alias Ghaṭṭulāla, Sanskrit --- Source: [https://indike.org/pramana/in.purana.kurma.1.13](https://indike.org/pramana/in.purana.kurma.1.13) · Pramāṇa