[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.32 # Kurmapurana 1.32 Kūrmapurāṇa 1.32 - **Language:** Sanskrit ## Contents - [1.32.32](https://indike.org/pramana/in.purana.kurma.1.32.32) — 1 part ### [1.32.1](https://indike.org/pramana/in.purana.kurma.1.32.1) sūta uvāca uṣitvā tatra bhagavān kapardeśāntike punaḥ / draṣṭuṃ yayau madhyameśaṃ bahuvarṣagaṇān prabhuḥ // ### [1.32.2](https://indike.org/pramana/in.purana.kurma.1.32.2) tatra mandākinīṃ puṇyāmṛṣisaṅganiṣevitām / nadīṃ vimalapānīyāṃ dṛṣṭvā hṛṣṭo 'bhavanmuniḥ // ### [1.32.3](https://indike.org/pramana/in.purana.kurma.1.32.3) sa tāmanvīkṣya munibhiḥ saha dvaipāyanaḥ prabhuḥ / cakāra bhāvapūtātmā snānaṃ snānavidhānavit // ### [1.32.4](https://indike.org/pramana/in.purana.kurma.1.32.4) saṃtarpya vidhivad devānṛṣīn pitṛgaṇāṃstathā / pūjayāmāsa lokādiṃ puṣpairnānāvidhairbhavam // ### [1.32.5](https://indike.org/pramana/in.purana.kurma.1.32.5) praviśya śiṣyapravaraiḥ sārdhaṃ satyavatīsutaḥ / madhyameśvaramīśānamarcayāmāsa śūlinam // ### [1.32.6](https://indike.org/pramana/in.purana.kurma.1.32.6) tataḥ pāśupatāḥ śāntā bhasmoddhūlitavigrahāḥ / draṣṭuṃ samāgatā rudraṃ madhyameśvaramīśvaram // ### [1.32.7](https://indike.org/pramana/in.purana.kurma.1.32.7) oṅkārāsaktamanaso vedādhyayanatatparāḥ / jaṭilā muṇḍitāścāpi śuklayajñopavītinaḥ // ### [1.32.8](https://indike.org/pramana/in.purana.kurma.1.32.8) kaupīnavasanāḥ kecidapare cāpyavāsasaḥ / brahmacaryaratāḥ śāntā vedāntajñānatatparāḥ // ### [1.32.9](https://indike.org/pramana/in.purana.kurma.1.32.9) dṛṣṭvā dvaipāyanaṃ viprāḥ śiṣyaiḥ parivṛtaṃ munim / pūjayitvā yathānyāyamidaṃ vacanamabruvan // ### [1.32.10](https://indike.org/pramana/in.purana.kurma.1.32.10) ko bhavān kuta āyātaḥ saha śiṣyairmahāmune / procuḥ pailādayaḥ śiṣyāstānṛṣīn brahmabhāvitān // ### [1.32.11](https://indike.org/pramana/in.purana.kurma.1.32.11) ayaṃ satyavatīsūnuḥ kṛṣṇadvaipāyano muniḥ / vyāsaḥ svayaṃ hṛṣīkeśo yena vedāḥ pṛthak kṛtāḥ // ### [1.32.12](https://indike.org/pramana/in.purana.kurma.1.32.12) yasya devo mahādevaḥ sākṣādeva pinākadhṛk / aṃśāṃśenābhavat putro nāmnā śuka iti prabhuḥ // ### [1.32.13](https://indike.org/pramana/in.purana.kurma.1.32.13) yaḥ sa sākṣānmahādevaṃ sarvabhāvena śaṅkaram / prapannaḥ parayā bhaktyā yasya tajjñānamaiśvaram // ### [1.32.14](https://indike.org/pramana/in.purana.kurma.1.32.14) tataḥ pāśupatāḥ sarve hṛṣṭasarvatanūruhāḥ / nemuravyagramanasaḥ procuḥ satyavatīsutam // ### [1.32.15](https://indike.org/pramana/in.purana.kurma.1.32.15) bhagavan bhavatā jñātaṃ vijñānaṃ parameṣṭhinaḥ / prisādād devadevasya yat tanmāheśvaraṃ param // ### [1.32.16](https://indike.org/pramana/in.purana.kurma.1.32.16) tadvadāsmākamavyaktaṃ rahasyaṃ guhyamuttamam / kṣipraṃ paśyema taṃ devaṃ śrutvā bhagavato mukhāt // ### [1.32.17](https://indike.org/pramana/in.purana.kurma.1.32.17) visarjayitvā tāñchiṣyān sumantupramukhāṃstataḥ / provāca tatparaṃ jñānaṃ yogibhyo yogavittamaḥ // ### [1.32.18](https://indike.org/pramana/in.purana.kurma.1.32.18) tatkṣaṇādeva vimalaṃ saṃbhūtaṃ jyotiruttamam / līnāstatraiva te viprāḥ kṣaṇādantaradhīyata // ### [1.32.19](https://indike.org/pramana/in.purana.kurma.1.32.19) tataḥ śiṣyān samāhūya bhagavān brahmavittamaḥ / provāca madhyameśasya māhātmyaṃ pailapūrvakān // ### [1.32.20](https://indike.org/pramana/in.purana.kurma.1.32.20) asmin sthāne svayaṃ devo devyā saha maheśvaraḥ / ramate bhagavān nityaṃ rudraiśca parivāritaḥ // ### [1.32.21](https://indike.org/pramana/in.purana.kurma.1.32.21) atra pūrvaṃ hṛṣīkeśo viśvātmā devakīsutaḥ / uvāsa vatsaraṃ kṛṣṇaḥ sadā pāśupatairvṛtaḥ // ### [1.32.22](https://indike.org/pramana/in.purana.kurma.1.32.22) bhasmoddhūlitasarvāṅgo rudrādhyayanatatparaḥ / ārādhayan hariḥ śaṃbhuṃ kṛtvā pāśupataṃ vratam // ### [1.32.23](https://indike.org/pramana/in.purana.kurma.1.32.23) tasya te bahavaḥ śiṣyā brahmacaryaparāyaṇāḥ / labdhvā tadvacanājjñānaṃ dṛṣṭavanto maheśvaram // ### [1.32.24](https://indike.org/pramana/in.purana.kurma.1.32.24) tasya devo mahādevaḥ pratyakṣaṃ nīlalohitaḥ / dadau kṛṣṇāsya bhagavāna varado varamuttamam // ### [1.32.25](https://indike.org/pramana/in.purana.kurma.1.32.25) yer'cayiṣyanti govindaṃ madbhaktā vidhipūrvakam / teṣāṃ tadaiśvaraṃ jñānamutpatsyati jaganmaya // ### [1.32.26](https://indike.org/pramana/in.purana.kurma.1.32.26) namasyor'cayitavyaśca dhyātavyo matparairjanaiḥ / bhaviṣyasi na saṃdeho matprasādād dvijātibhiḥ // ### [1.32.27](https://indike.org/pramana/in.purana.kurma.1.32.27) ye 'tra drakṣyanti deveśaṃ snātvā rudraṃ pinākinam / brahmahatyādikaṃ pāpaṃ teṣāmāśu vinaśyati // ### [1.32.28](https://indike.org/pramana/in.purana.kurma.1.32.28) prāṇāṃstyajanti ye martyāḥ pāpakarmaratā api / te yānti tat paraṃ sthānaṃ nātra kāryā vicāraṇā // ### [1.32.29](https://indike.org/pramana/in.purana.kurma.1.32.29) dhanyāstu khalu te viprā mandākinyāṃ kṛtodakāḥ / arcayanti mahādevaṃ madhyameśvaramīśvaram // ### [1.32.30](https://indike.org/pramana/in.purana.kurma.1.32.30) snānaṃ dānaṃ tapaḥ śrāddhaṃ piṇḍanirvapaṇaṃ tviha / ekaikaśaḥ kṛtaṃ viprāḥ punātyāsaptamaṃ kulam // ### [1.32.31](https://indike.org/pramana/in.purana.kurma.1.32.31) saṃnihatyāmupaspṛśya rāhugraste divākare / yat phalaṃ labhate martyastasmād daśaguṇaṃ tviha // ### [1.32.32](https://indike.org/pramana/in.purana.kurma.1.32.32) evamuktvā mahāyogī madhyameśānti ke prabhuḥ / uvāsa suciraṃ kālaṃ pūjayan vai maheśvaram // ### [1.32.32.p1](https://indike.org/pramana/in.purana.kurma.1.32.32.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge dvātriṃśo 'dhyāyaḥ ## Linked texts (3) - [Padmapurāṇa](https://indike.org/pramana/in.purana.padma.3.36.2) — Vyāsa, Sanskrit - [Kriyāsāra](https://indike.org/pramana/in.sampradaya.saiva.virasaiva.kriyasara.2.1.1313) — Śrīkaṇtha, Sanskrit - [Kriyāsāraḥ](https://indike.org/pramana/in.sampradaya.saiva.virasaiva.kriyasarah.2.203_844) — Sanskrit --- Source: [https://indike.org/pramana/in.purana.kurma.1.32](https://indike.org/pramana/in.purana.kurma.1.32) · Pramāṇa