[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.34 # Kurmapurana 1.34 Kūrmapurāṇa 1.34 - **Language:** Sanskrit ## Contents - [1.34.46](https://indike.org/pramana/in.purana.kurma.1.34.46) — 1 part ### [1.34.1](https://indike.org/pramana/in.purana.kurma.1.34.1) ṛṣaya ūcuḥ māhātmyamavimuktasya yathāvat tadudīritam / idānīṃ tu prayāgasya māhātmyaṃ brūhi suvrata // ### [1.34.2](https://indike.org/pramana/in.purana.kurma.1.34.2) yāni tīrthāni tatraiva viśrutāni mahānti vai / idānīṃ kathayāsmākaṃ sūta sarvārthavid bhavān // ### [1.34.3](https://indike.org/pramana/in.purana.kurma.1.34.3) sūta uvāca śṛṇudhvamṛṣayaḥ sarve vistareṇa bravīmi vaḥ / prayāgasya ca māhātmyaṃ yatra devaḥ pitāmahaḥ // ### [1.34.4](https://indike.org/pramana/in.purana.kurma.1.34.4) mārkaṇḍeyena kathitaṃ kaunteyāya mahātmane / yathā yudhiṣṭhirāyaitat tadvakṣye bhavatāmaham // ### [1.34.5](https://indike.org/pramana/in.purana.kurma.1.34.5) nihatya kauravāna sarvān bhrātṛbhiḥ saha pārthivaḥ / śokena mahātāviṣṭā mumoha sa yudhiṣṭhiraḥ // ### [1.34.6](https://indike.org/pramana/in.purana.kurma.1.34.6) acireṇātha kālena mārkaṇḍeyo mahātapāḥ / saṃprāpto hāstinapuraṃ rājadvāre sa tiṣṭhati // ### [1.34.7](https://indike.org/pramana/in.purana.kurma.1.34.7) dvārapālo 'pi taṃ dṛṣṭvā rājñaḥ kathitavān drutam / mārkaṇḍeyo draṣṭumicchaṃstvāmāste dvāryasau muniḥ // ### [1.34.8](https://indike.org/pramana/in.purana.kurma.1.34.8) tvarito dharmaputrastu dvārametyāha tatparam / svāgataṃ te mahāprājña svāgataṃ te mahāmune // ### [1.34.9](https://indike.org/pramana/in.purana.kurma.1.34.9) adya me saphalaṃ janma adya me tāritaṃ kulam / adya me pitarastuṣṭāstvayi tuṣṭe mahāmune // ### [1.34.10](https://indike.org/pramana/in.purana.kurma.1.34.10) siṃhāsanamupasthāpya pādaśaucārcanādibhiḥ / yudhiṣṭhiro mahātmeti pūjayāmāsa taṃ munim // ### [1.34.11](https://indike.org/pramana/in.purana.kurma.1.34.11) mārkaṇḍeyastatastuṣṭaḥ provāca sa yudhiṣṭhiram / kimarthaṃ muhyase vidvan sarvaṃ jñātvāhamāgataḥ // ### [1.34.12](https://indike.org/pramana/in.purana.kurma.1.34.12) tato yudhiṣṭhiro rājā praṇamyāha mahāmunim / kathaya tvaṃ samāsena yena mucyeta kilbiṣaiḥ // ### [1.34.13](https://indike.org/pramana/in.purana.kurma.1.34.13) nihatā vahavo yuddhe puṃso niraparādhinaḥ / asmābhiḥ kauravaiḥ sārdhaṃ prasaṅgānmunipuṅgava // ### [1.34.14](https://indike.org/pramana/in.purana.kurma.1.34.14) yena hiṃsāsamudbhūtājjanmāntarakṛtādapi / mucyate pātakādasmāt tad bhavān vaktumarhati // ### [1.34.15](https://indike.org/pramana/in.purana.kurma.1.34.15) mārkaṇḍeya uvāca śṛṇu rājan mahābhāga yanmāṃ pṛcchasi bhārat / prayāgagamanaṃ śreṣṭhaṃ narāṇāṃ pāpanāśanam // ### [1.34.16](https://indike.org/pramana/in.purana.kurma.1.34.16) tatra devo mahādevo rudro viśvāmareśvaraḥ / samāste bhagavān brahmā svayaṃbhūrapi daivadaiḥ // ### [1.34.17](https://indike.org/pramana/in.purana.kurma.1.34.17) yudhiṣṭhira uvāca bhagavañcchrotumicchāmi prayāgagamane phalam / mṛtānāṃ kā gatistatra snātānāmapi kiṃ phalam // ### [1.34.18](https://indike.org/pramana/in.purana.kurma.1.34.18) ye vasanti prayāge tu brūhi teṣāṃ tu kiṃ phalam / bhavatā viditaṃ hyetat tanme brūhi namo 'stu te // ### [1.34.19](https://indike.org/pramana/in.purana.kurma.1.34.19) mārkaṇḍeya uvāca kathayiṣyāmi te vatsa yā ceṣṭā yacca tatphalam / purā maharṣibhiḥ samyak kathyamānaṃ mayā śrutam // ### [1.34.20](https://indike.org/pramana/in.purana.kurma.1.34.20) etat prajāpatikṣetraṃ triṣu lokeṣu viśrutam / atra snātvā divaṃ yānti ye mṛtāste 'punarbhavāḥ // ### [1.34.21](https://indike.org/pramana/in.purana.kurma.1.34.21) tatra brahmādayo devā rakṣāṃ kurvanti saṃgatāḥ / bahūnyanyāni tīrthāni sarvapāpāpahāni tu // ### [1.34.22](https://indike.org/pramana/in.purana.kurma.1.34.22) kathituṃ neha śaknomi bahuvarṣaśatairapi / saṃkṣepeṇa pravakṣyāmi prayāgasyeha kīrtanam // ### [1.34.23](https://indike.org/pramana/in.purana.kurma.1.34.23) ṣaṣṭirdhanuḥ sahastrāṇi yāni rakṣanti jāhnavīm / yamunāṃ rakṣati sadā savitā saptavāhanaḥ // ### [1.34.24](https://indike.org/pramana/in.purana.kurma.1.34.24) prayāge tu viśeṣeṇa svayaṃ vasati vāsavaḥ / maṇḍalaṃ rakṣati hariḥ sarvadevaiśca sammitam // ### [1.34.25](https://indike.org/pramana/in.purana.kurma.1.34.25) nyagrodhaṃ rakṣate nityaṃ śūlapāṇirmaheśvaraḥ / sthānaṃ rakṣanti vai devāḥ sarvapāpaharaṃ śubham // ### [1.34.26](https://indike.org/pramana/in.purana.kurma.1.34.26) svakarmaṇāvṛto loko naiva gacchati tatpadam / svalpaṃ svalpataraṃ pāpaṃ yadā tasya narādhipa / prayāgaṃ smaramāṇasya sarvamāyāti saṃkṣayam // ### [1.34.27](https://indike.org/pramana/in.purana.kurma.1.34.27) darśanāt tasya tīrthasya nāma saṃkīrtanādapi / muttikālambhanād vāpi naraḥ pāpāt pramucyate // ### [1.34.28](https://indike.org/pramana/in.purana.kurma.1.34.28) pañca kuṇḍāni rājendra yeṣāṃ madhye tu jāhnavī / prayāgaṃ viśataḥ puṃsaḥ pāpaṃ naśyati tatkṣaṇāt // ### [1.34.29](https://indike.org/pramana/in.purana.kurma.1.34.29) yojanānāṃ sahastreṣu gaṅgāṃ yaḥ smarate naraḥ / api duṣkṛtakarmāsau labhate paramāṃ gatim // ### [1.34.30](https://indike.org/pramana/in.purana.kurma.1.34.30) kīrtanānmucyate pāpād dṛṣṭvā bhadrāṇi paśyati / tathopaspṛśya rājendra svargaloke mahīyate // ### [1.34.31](https://indike.org/pramana/in.purana.kurma.1.34.31) vyādhito yadi vā dīnaḥ krūddho vāpi bhavennaraḥ / gaṅgāyamunamāsādya tyajet prāṇān prayatnataḥ // ### [1.34.32](https://indike.org/pramana/in.purana.kurma.1.34.32) dīptakāñcanavarṇābhairvimānairbhānuvarṇibhiḥ / īpsitāṃllabhate kāmān vadanti munipuṅgavāḥ // ### [1.34.33](https://indike.org/pramana/in.purana.kurma.1.34.33) sarvaratnamayairdivyairnānādhvajasamākulaiḥ / varāṅganāsamākīrṇairmodate śubhalakṣaṇaḥ // ### [1.34.34](https://indike.org/pramana/in.purana.kurma.1.34.34) gītavāditranirghoṣaiḥ prasuptaḥ pratibudhyate / yāvanna smarate janma tāpat svarge mahīyate // ### [1.34.35](https://indike.org/pramana/in.purana.kurma.1.34.35) tasmāt svargāt paribhraṣṭaḥ kṣīṇakarmā narottama / hiraṇyaratnasaṃpūrṇe samṛddhe jāyate kule // ### [1.34.36](https://indike.org/pramana/in.purana.kurma.1.34.36) tadeva smarate tīrthaṃ smaraṇāt tatra gacchati / deśastho yadi vāraṇye videśe yadi vā gṛhe // ### [1.34.37](https://indike.org/pramana/in.purana.kurma.1.34.37) prayāgaṃ smaramāṇastu yastu prāṇān parityajet / brahmalokamavāpnoti vadanti munipuṅgavāḥ // ### [1.34.38](https://indike.org/pramana/in.purana.kurma.1.34.38) sarvakāmaphalā vṛkṣā mahī yatra hiraṇmayī / ṛṣayo munayaḥ siddhāstatra loke sa gacchati // ### [1.34.39](https://indike.org/pramana/in.purana.kurma.1.34.39) strīsahastrākule ramye mandākinyāstaṭe śubhe / modate munibhiḥ sārdhaṃ svakṛteneha karmaṇā // ### [1.34.40](https://indike.org/pramana/in.purana.kurma.1.34.40) siddhacāraṇagandharvaiḥ pūjyate divi daivataiḥ / tataḥ svargāt paribhraṣṭo jambudvīpapatirbhavet // ### [1.34.41](https://indike.org/pramana/in.purana.kurma.1.34.41) tataḥ śubhāni karmāṇi cintayānaḥ punaḥ punaḥ / guṇavān vittasaṃpanno bhavatīha na saṃśayaḥ / karmaṇā manasā vācā satyadharmapratiṣṭhitaḥ // ### [1.34.42](https://indike.org/pramana/in.purana.kurma.1.34.42) gaṅgāyamunayormadhye yastu grāmaṃ pratīcchati / suvarṇamatha muktāṃ vā tathaivānyān pratigrahān // ### [1.34.43](https://indike.org/pramana/in.purana.kurma.1.34.43) svakārye pitṛkārye vā devatābhyarcane 'pi vā / niṣphalaṃ tasya tat tīrthaṃ yāvat tatphalamaśnute // ### [1.34.44](https://indike.org/pramana/in.purana.kurma.1.34.44) atastīrthe na gṛhṇīyāt puṇyeṣvāyataneṣu ca / nimitteṣu ca sarveṣu apramatto dvijo bhavet // ### [1.34.45](https://indike.org/pramana/in.purana.kurma.1.34.45) kapilāṃ pāṭalāvarṇāṃ yastu dhenuṃ prayacchati / svarṇaśṛṅgīṃ raupyakhurāṃ cailakaṇṭhāṃ payasvinīm // ### [1.34.46](https://indike.org/pramana/in.purana.kurma.1.34.46) yāvad romāṇi tasyā vai santi gātreṣu sattama / tāvad varṣasahastrāṇi rudraloke mahīyate // ### [1.34.46.p1](https://indike.org/pramana/in.purana.kurma.1.34.46.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge catustriśo 'dhyāyaḥ ## Linked texts (11) - [Padmapurāṇa](https://indike.org/pramana/in.purana.padma.3.40.29) — Vyāsa, Sanskrit - [Matsyapurāṇa](https://indike.org/pramana/in.purana.matsya.103.14) — Vyāsa, Sanskrit - [Matsya](https://indike.org/pramana/in.astro.samhita.matsya.103.14) — Sanskrit - [Brāhmī Saṃhitā](https://indike.org/pramana/in.purana.brahmisamhita.36.7) — Sanskrit - [Brahmisamhita (gurumandalseries1962)](https://indike.org/pramana/in.sampradaya.vaisnava.pancaratra.brahmisamhita*gurumandalseries1962.36.7) — Sanskrit - [Kūrmapurāṇa (Ananta Gokhale)](https://indike.org/pramana/in.purana.kurmapurana.23.p8) — Ananta Gokhale, Sanskrit - [Tīrthakāṇḍa](https://indike.org/pramana/in.niti.dharma.tirtha.tirthakanda.17.p10) — Lakṣmīdhara, Sanskrit - [Bṛhatsvayambhūpurāṇa](https://indike.org/pramana/in.bauddha.sanskrit.nepal.brhatsvayambhupurana.5.p15) — Sanskrit - [Svayambhūkṣetramāhātmya](https://indike.org/pramana/in.purana.sthala.svayambhuksetramahatmya.5.p15) — Sanskrit - [Prayāgarājatīrthamāhātmya](https://indike.org/pramana/in.purana.sthala.prayagarajatirthamahatmya.9.18-2) — Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p190) — Mitramiśra, Sanskrit --- Source: [https://indike.org/pramana/in.purana.kurma.1.34](https://indike.org/pramana/in.purana.kurma.1.34) · Pramāṇa