[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.40 # Kurmapurana 1.40 Kūrmapurāṇa 1.40 - **Language:** Sanskrit ## Contents - [1.40.26](https://indike.org/pramana/in.purana.kurma.1.40.26) — 1 part ### [1.40.1](https://indike.org/pramana/in.purana.kurma.1.40.1) sūta uvāca sa ratho 'dhiṣṭhito devairādityairvasubhistathā / gandharvairapsarobhiśca grāmaṇīsarparākṣasaiḥ // ### [1.40.2](https://indike.org/pramana/in.purana.kurma.1.40.2) dhātār'yamātha mitraśca varuṇaḥ śakra eva ca / vivasvānatha pūṣā ca parjanyaścāṃśureva ca // ### [1.40.3](https://indike.org/pramana/in.purana.kurma.1.40.3) bhagastvaṣṭā ca viṣṇuśca dvādaśaite divākarāḥ / āpyāyanti vai bhānuṃ vasantādiṣu vai kramāt // ### [1.40.4](https://indike.org/pramana/in.purana.kurma.1.40.4) pulastyaḥ pulahaścātrirvasiṣṭhaścāṅgirā bhṛguḥ / bharadvājo gautamaśca kaśyapaḥ kratureva ca // ### [1.40.5](https://indike.org/pramana/in.purana.kurma.1.40.5) jamadagniḥ kauśikaśca munayo brahmavādinaḥ / stuvanti devaṃ vividhaiśchandobhiste yathākramam // ### [1.40.6](https://indike.org/pramana/in.purana.kurma.1.40.6) rathakṛcca rathaujśca rathacitraḥ subāhukaḥ / rathasvano 'tha varuṇaḥ suṣeṇaḥ senajit tathā // ### [1.40.7](https://indike.org/pramana/in.purana.kurma.1.40.7) tārkṣyaścāriṣṭanemiśca rathajit satyajit tathā / grāmaṇyo devadevasya kurvate 'bhīśusaṃgraham // ### [1.40.8](https://indike.org/pramana/in.purana.kurma.1.40.8) atha hetiḥ prahetiśca pauruṣeyo vadhastathā / sarpo vyāghrastathāpaśca vāto vidyud divākaraḥ // ### [1.40.9](https://indike.org/pramana/in.purana.kurma.1.40.9) brahmopetaśca viprendrā yajñopetastathaiva ca / rākṣasapravarā hyete prayānti purataḥ kramāt // ### [1.40.10](https://indike.org/pramana/in.purana.kurma.1.40.10) vāsukiḥ kaṅkanīraśca takṣakaḥ sarpapuṅgavaḥ / elāpatraḥ śaṅkhapālastathairāvatasaṃjñitaḥ // ### [1.40.11](https://indike.org/pramana/in.purana.kurma.1.40.11) dhanañjayo mahāpadmastathā karkoṭako dvijāḥ / kambalāśvataraścaiva vahantyenaṃ yathākramam // ### [1.40.12](https://indike.org/pramana/in.purana.kurma.1.40.12) tumbururnārado hāhā hūhūrviśvāvasustathā / ugraseno vasurucirarvāvasurathāparaḥ // ### [1.40.13](https://indike.org/pramana/in.purana.kurma.1.40.13) citrasenastathorṇāyurdhṛtarāṣṭro dvijottamāḥ / sūryavarcā dvādaśaite gandharvā gāyatāṃ varāḥ / gāyanti vividhairgānairbhānuṃ ṣaḍjādibhiḥ kramāt // ### [1.40.14](https://indike.org/pramana/in.purana.kurma.1.40.14) kratusthalāpsarovaryā tathānyā puñjikasthalā / menakā sahajanyā ca pramlocā ca dvijottamāḥ // ### [1.40.15](https://indike.org/pramana/in.purana.kurma.1.40.15) anumlocā ghṛtīcī ca viśvācī corvaśī tathā / anyā ca pūrvacittiḥ syādanyā caiva tilottamā // ### [1.40.16](https://indike.org/pramana/in.purana.kurma.1.40.16) tāṇḍavairvividhairenaṃ vasantādiṣu vai kramāt / toṣayanti mahādevaṃ bhānumātmānamavyayam // ### [1.40.17](https://indike.org/pramana/in.purana.kurma.1.40.17) evaṃ devā vasantyarke dvau dvau māsau krameṇa tu / sūryamāpyāyayantyete tejasā tejasāṃ nidhim // ### [1.40.18](https://indike.org/pramana/in.purana.kurma.1.40.18) grathitaiḥ svairvacobhistu stuvanti munayo ravim / gandharvāpsarasaścainaṃ nṛtyageyairupāsate // ### [1.40.19](https://indike.org/pramana/in.purana.kurma.1.40.19) grāmaṇīyakṣabhūtāni kurvate 'bhīṣusaṃgraham / sarpā vahanti deveśaṃ yātudhānāḥ prayānti ca // ### [1.40.20](https://indike.org/pramana/in.purana.kurma.1.40.20) bālakhilyā nayantyastaṃ parivāryodayād ravim / ete tapanti varṣanti bhānti vānti sṛjanti ca / bhūtānāmaśubhaṃ karma vyapohantīha kīrtitāḥ // ### [1.40.21](https://indike.org/pramana/in.purana.kurma.1.40.21) ete sahaiva sūryeṇa bhramanti divi sānugāḥ / vimāne ca sthito nityaṃ kāmage vātaraṃhasi // ### [1.40.22](https://indike.org/pramana/in.purana.kurma.1.40.22) varṣantaśca tapantaśca hlādayantaśca vai prajāḥ / gopayantīha bhūtāni sarvāṇīhāyugakṣayāt // ### [1.40.23](https://indike.org/pramana/in.purana.kurma.1.40.23) eteṣāmeva devānāṃ yathāvīryaṃ yathātapaḥ / yathāyogaṃ yathāsattvaṃ sa eṣa tapati prabhuḥ // ### [1.40.24](https://indike.org/pramana/in.purana.kurma.1.40.24) ahorātravyavasthānakāraṇaṃ sa prajāpatiḥ / pitṛdevamanuṣyādīn sa sadāpyāyed raviḥ // ### [1.40.25](https://indike.org/pramana/in.purana.kurma.1.40.25) tatra devo mahādevo bhāsvān sākṣānmaheśvaraḥ / bhāsate vedaviduṣāṃ nīlagrīvaḥ sanātanaḥ // ### [1.40.26](https://indike.org/pramana/in.purana.kurma.1.40.26) sa eṣa devo bhagavān parameṣṭhī prajāpatiḥ / sthānaṃ tad vidurādityaṃ vedajñā vedavigraham // ### [1.40.26.p1](https://indike.org/pramana/in.purana.kurma.1.40.26.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge catvāriśo 'dhyāyaḥ ## Linked texts (7) - [Mudgalapurāṇa](https://indike.org/pramana/in.purana.upa.surya.mudgala.2.13.5) — Sanskrit - [Brahmāṇḍapurāṇa](https://indike.org/pramana/in.purana.brahmanda.1.23.34) — Vyāsa, Sanskrit - [Matsyapurāṇa](https://indike.org/pramana/in.purana.matsya.126.32) — Vyāsa, Sanskrit - [Brāhmī Saṃhitā](https://indike.org/pramana/in.purana.brahmisamhita.42.5) — Sanskrit - [Brahmisamhita (gurumandalseries1962)](https://indike.org/pramana/in.sampradaya.vaisnava.pancaratra.brahmisamhita*gurumandalseries1962.42.5) — Sanskrit - [Kūrmapurāṇa (Ananta Gokhale)](https://indike.org/pramana/in.purana.kurmapurana.26.p23) — Ananta Gokhale, Sanskrit - [Matsya](https://indike.org/pramana/in.astro.samhita.matsya.126.32) — Sanskrit --- Source: [https://indike.org/pramana/in.purana.kurma.1.40](https://indike.org/pramana/in.purana.kurma.1.40) · Pramāṇa