[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.45 # Kurmapurana 1.45 Kūrmapurāṇa 1.45 - **Language:** Sanskrit ## Contents - [1.45.45](https://indike.org/pramana/in.purana.kurma.1.45.45) — 1 part ### [1.45.1](https://indike.org/pramana/in.purana.kurma.1.45.1) sūta uvāca ketumāle narāḥ kālāḥ sarve panasabhojanāḥ / striyaścotpalapatrābhā jīvanti ca varṣāyutam // ### [1.45.2](https://indike.org/pramana/in.purana.kurma.1.45.2) bhadrāśve puruṣāḥ śuklāḥ striyaścandrāṃśusannibhāḥ / daśa varṣasahastrāṇi jīvante āmrabhojanāḥ // ### [1.45.3](https://indike.org/pramana/in.purana.kurma.1.45.3) ramyake puruṣā nāryo ramante rajataprabhāḥ / daśavarṣasahastrāṇi śatāni daśa pañca ca / jīvanti caiva sattvasthā nyagrodhaphalabhojanāḥ // ### [1.45.4](https://indike.org/pramana/in.purana.kurma.1.45.4) hiraṇmaye hiraṇyābhāḥ sarve ca lakucāśanāḥ / ekādaśasahastrāṇi śatāni daśa pañca ca / jīvanti puruṣā nāryo devalokasthitā iva // ### [1.45.5](https://indike.org/pramana/in.purana.kurma.1.45.5) trayodaśasahastrāṇi śatāni daśa pañca ca / jīvanti kuruvarṣe tu śyāmāṅgāḥ kṣīrabhojanāḥ // ### [1.45.6](https://indike.org/pramana/in.purana.kurma.1.45.6) sarve mithunajātāśca nityaṃ sukhaniṣevinaḥ / candradvīpe mahādevaṃ yajanti satataṃ śivam // ### [1.45.7](https://indike.org/pramana/in.purana.kurma.1.45.7) tathā kiṃpuruṣe viprā mānavā hemasannibhāḥ / daśavarṣahastrāṇi jīvanti plakṣabhojanāḥ // ### [1.45.8](https://indike.org/pramana/in.purana.kurma.1.45.8) yajanti satataṃ devaṃ caturmūrti caturmukham / dhyāne manaḥ samādhāya sādaraṃ bhaktisaṃyutāḥ // ### [1.45.9](https://indike.org/pramana/in.purana.kurma.1.45.9) tathā ca harivarṣe tu mahārajatasannibhāḥ / daśavarṣasahastrāṇi jīvantīkṣurasāśinaḥ // ### [1.45.10](https://indike.org/pramana/in.purana.kurma.1.45.10) tatra nārāyaṇaṃ devaṃ viśvayoniṃ sanātanam / upāsate sadā viṣṇuṃ mānavā viṣṇubhāvitāḥ // ### [1.45.11](https://indike.org/pramana/in.purana.kurma.1.45.11) tatra candraprabhaṃ śubhraṃ śuddhasphaṭikanirmitam / vimānaṃ vāsudevasya pārijātavanāśritam // ### [1.45.12](https://indike.org/pramana/in.purana.kurma.1.45.12) caturdhāramanopamyaṃ catustoraṇasaṃyutam / prākārairdaśabhiryuktaṃ durādharṣaṃ sudurgamam // ### [1.45.13](https://indike.org/pramana/in.purana.kurma.1.45.13) sphāṭikairmaṇḍapairyuktaṃ devarājagṛhopamam / svarṇastambhasahastraiśca sarvataḥ samalaṅkṛtam // ### [1.45.14](https://indike.org/pramana/in.purana.kurma.1.45.14) hemasopānasaṃyuktaṃ nānāratnopaśobhitam / divyasiṃhāsanopetaṃ sarvaśobhāsamanvitam // ### [1.45.15](https://indike.org/pramana/in.purana.kurma.1.45.15) sarobhiḥ svādupānīyairnadībhiścopaśobhitam / nārāyaṇaparaiḥ śuddhairvedādhyayanatatparaiḥ // ### [1.45.16](https://indike.org/pramana/in.purana.kurma.1.45.16) yogibhiśca samākīrṇaṃ dhyāyadbhiḥ puruṣaṃ harim / stuvadbhiḥ satataṃ mantrairnamasyadbhiśca mādhavam // ### [1.45.17](https://indike.org/pramana/in.purana.kurma.1.45.17) tatra devādidevasya viṣṇoramitatejasaḥ / rājānaḥ sarvakālaṃ tu mahimānaṃ prakurvate // ### [1.45.18](https://indike.org/pramana/in.purana.kurma.1.45.18) gāyanti caiva nṛtyanti vilāsinyo manoramāḥ / striyo yauvanaśālinyaḥ sadā maṇḍanatatparāḥ // ### [1.45.19](https://indike.org/pramana/in.purana.kurma.1.45.19) ilāvṛte padmavarṇā jambūphalarasāśinaḥ / trayodaśa sahastrāṇi varṣāṇāṃ vai sthirāyuṣaḥ // ### [1.45.20](https://indike.org/pramana/in.purana.kurma.1.45.20) bhārate tu striyaḥ puṃso nānāvarṇāḥ prakīrtitāḥ / nānādevārcane yuktā nānākarmāṇi kurvate / paramāyuḥ smṛtaṃ teṣāṃ śataṃ varṣāṇi suvratāḥ // ### [1.45.21](https://indike.org/pramana/in.purana.kurma.1.45.21) nānāhārāśca jīvanti puṇyapāpanimittataḥ / navayojanasāhastraṃ varṣametat prakīrtitam / karmabhūmiriyaṃ viprā narāṇāmadhikāriṇām // ### [1.45.22](https://indike.org/pramana/in.purana.kurma.1.45.22) mahendro malayaḥ sahyaḥ śuktimānṛkṣaparvataḥ / vindhyaśca pāriyātraśca saptātra kulaparvatāḥ // ### [1.45.23](https://indike.org/pramana/in.purana.kurma.1.45.23) indradyumnaḥ kaśerumāṃstāmravarṇo gabhastimān / nāgadvīpastathā saumyo gandharvastvatha vāruṇaḥ // ### [1.45.24](https://indike.org/pramana/in.purana.kurma.1.45.24) ayaṃ tu navamasteṣāṃ dvīpaḥ sāgarasaṃvṛtaḥ / yojanānāṃ sahastraṃ tu dvīpo 'yaṃ dakṣiṇottaraḥ // ### [1.45.25](https://indike.org/pramana/in.purana.kurma.1.45.25) pūrve kirātāstasyānte paśicame yavanāstathā / brāhmaṇāḥ kṣatriyā vaiśya madhye śūdrāstathaiva ca // ### [1.45.26](https://indike.org/pramana/in.purana.kurma.1.45.26) ijyāyuddhavaṇijyābhirvartayantyatra mānavāḥ / stravante pāvanā nadyaḥ parvatebhyo viniḥ sṛtāḥ // ### [1.45.27](https://indike.org/pramana/in.purana.kurma.1.45.27) śatadruścandrabhāgā ca sarayūryamunā tathā / irāvatī vitastā ca vipāśā devikā kuhūḥ // ### [1.45.28](https://indike.org/pramana/in.purana.kurma.1.45.28) gomatī dhūtapāpā ca bāhudā ca dṛṣadvatī / kauśikī lohitā caiva himavatpādaniḥ sṛtāḥ // ### [1.45.29](https://indike.org/pramana/in.purana.kurma.1.45.29) vedasmṛtirvedavatī vrataghnī tridivā tathā / parṇāśā vandanā caiva sadānīrā manoramā // ### [1.45.30](https://indike.org/pramana/in.purana.kurma.1.45.30) carmaṇvatī tathā dūryā vidiśā vetravatyapi / śigruḥ svaśilpāpi tathā pāriyātrāśrayāḥ smṛtāḥ // ### [1.45.31](https://indike.org/pramana/in.purana.kurma.1.45.31) narmadā surasā śoṇa daśārṇā ca mahānadī / mandākinī citrakūṭā tāmasī ca piśācikā // ### [1.45.32](https://indike.org/pramana/in.purana.kurma.1.45.32) citrotpalā vipāśā ca mañjulā vāluvāhinī / ṛkṣavatpādajā nadyaḥ sarvapāpaharā nṛṇām // ### [1.45.33](https://indike.org/pramana/in.purana.kurma.1.45.33) tāpī payoṣṇī nirvindhyā śīghrodā ca mahānadī / veṇyā vaitaraṇī caiva balākā ca kumudvatī // ### [1.45.34](https://indike.org/pramana/in.purana.kurma.1.45.34) toyā caiva mahāgairī durgā cāntaḥ śilā tathā / vindhyapādaprasūtāstā nadyaḥ puṇyajalāḥ śubhāḥ // ### [1.45.35](https://indike.org/pramana/in.purana.kurma.1.45.35) sodāvarī bhīmarathī kṛṣṇā varṇā ca matsarī / tuṅgabhdrā suprayogā kāverī ca dvijottamāḥ / dakṣiṇāpathagā nadyaḥ sahyapādaviniḥ sṛtāḥ // ### [1.45.36](https://indike.org/pramana/in.purana.kurma.1.45.36) ṛtumālā tāmraparṇo puṣpavatyutpalāvatī / malayānniḥ sṛtā nadyaḥ sarvāḥ śītajalāḥ smṛtāḥ // ### [1.45.37](https://indike.org/pramana/in.purana.kurma.1.45.37) ṛṣikulyā trisāmā ca mandagā mandagāminī / rūpā pālāsinī caiva ṛṣikā vaṃśakāriṇī / śuktimatpādasaṃjātāḥ sarvapāpaharā nṛṇām // ### [1.45.38](https://indike.org/pramana/in.purana.kurma.1.45.38) āsāṃ nadyupanadyaśca śataśo dvijapuṅgavāḥ / sarvapāpaharāḥ puṇyāḥ snānadānādikarmasu // ### [1.45.39](https://indike.org/pramana/in.purana.kurma.1.45.39) tāsvime kurupāñcālā madhyadeśādayo janāḥ / pūrvadeśādikāścaiva kāmarūpanivāsinaḥ // ### [1.45.40](https://indike.org/pramana/in.purana.kurma.1.45.40) puṇḍrāḥ kaliṅgāmagadhā dākṣiṇātyāścakṛtsnaśaḥ / tathāparāntāḥ saurāṣṭrāḥ śūdrābhīrāstathār'budāḥ // ### [1.45.41](https://indike.org/pramana/in.purana.kurma.1.45.41) mālakā mālavāścaiva pāriyātranivāsinaḥ / sauvīrāḥ saindhavā hūṇā śālvāḥ kalpanivāsinaḥ // ### [1.45.42](https://indike.org/pramana/in.purana.kurma.1.45.42) madrā rāmāstathāmbaṣṭhāḥ pārasīkāstathaiva ca / āsāṃ pibanti salilaṃ vasanti saritāṃ sadā // ### [1.45.43](https://indike.org/pramana/in.purana.kurma.1.45.43) catvāri bhārate varṣe yugāni kavayo 'bruvan / kṛtaṃ tretā dvāparaṃ ca kaliścānyatra na kvacit // ### [1.45.44](https://indike.org/pramana/in.purana.kurma.1.45.44) yāni kiṃpuruṣādyāni varṣāṇyaṣṭau maharṣayaḥ / na teṣu śoko nāyāso nodvegaḥ kṣudbhayaṃ na ca // ### [1.45.45](https://indike.org/pramana/in.purana.kurma.1.45.45) svasthāḥ prajā nirātaṅkāḥ sarvaduḥ khavivarjitāḥ / ramanti vividhairbhāvaiḥ sarvāśca sthirayauvanāḥ // ### [1.45.45.p1](https://indike.org/pramana/in.purana.kurma.1.45.45.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge pañcacatvāriṃśo 'dhyāyaḥ ## Linked texts (9) - [Viṣṇupurāṇa (critical edition)](https://indike.org/pramana/in.purana.visnu*crit.2.3.15) — Sanskrit - [Śivapurāṇa (complete text)](https://indike.org/pramana/in.purana.siva*complete-2.5.17.41) — Sanskrit - [Brahmapurāṇa](https://indike.org/pramana/in.purana.brahma.19.16) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.57.27) — Vyāsa, Sanskrit - [Brāhmī Saṃhitā](https://indike.org/pramana/in.purana.brahmisamhita.47.16) — Sanskrit - [Brahmisamhita (gurumandalseries1962)](https://indike.org/pramana/in.sampradaya.vaisnava.pancaratra.brahmisamhita*gurumandalseries1962.47.16) — Sanskrit - [Kūrmapurāṇa (Ananta Gokhale)](https://indike.org/pramana/in.purana.kurmapurana.30.p2) — Ananta Gokhale, Sanskrit - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v7.c95.124) — P. V. Kane, English - [Prakriyāpāda](https://indike.org/pramana/in.purana.prakriyapada.45.103) — Sanskrit --- Source: [https://indike.org/pramana/in.purana.kurma.1.45](https://indike.org/pramana/in.purana.kurma.1.45) · Pramāṇa