[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.48 # Kurmapurana 1.48: aṣṭacatvāriṃśo'dhyāyaḥ Kūrmapurāṇa 1.48 - **Language:** Sanskrit ## Contents - [1.48.24](https://indike.org/pramana/in.purana.kurma.1.48.24) — 1 part ### aṣṭacatvāriṃśo'dhyāyaḥ ### [1.48.1](https://indike.org/pramana/in.purana.kurma.1.48.1) sūta uvāca śākadvīpasya vistārād dviguṇena vyavasthitaḥ / kṣīrārṇavaṃ samāśritya dvīpaḥ puṣkarasaṃvṛtaḥ // ### [1.48.2](https://indike.org/pramana/in.purana.kurma.1.48.2) eka evātra viprendrāḥ parvato mānasottaraḥ / yojanānāṃ sahastrāṇi sārdhaṃ pañcāśaducchritaḥ / tāvadeva ca vistīrṇaḥ sarvataḥ parimaṇḍalaḥ // ### [1.48.3](https://indike.org/pramana/in.purana.kurma.1.48.3) sa eva dvīpaḥ paścārdhe mānasottarasaṃjñitaḥ / eka eva mahāsānuḥ saṃniveśād dvidhā kṛtaḥ // ### [1.48.4](https://indike.org/pramana/in.purana.kurma.1.48.4) tasmin dvīpe smṛtau dvau tu puṇyau janapadau śubhau / aparau mānasasyātha parvatasyānumaṇḍalau / mahāvītaṃ smṛtaṃ varṣaṃ dhātakīkhaṇḍameva ca // ### [1.48.5](https://indike.org/pramana/in.purana.kurma.1.48.5) svādūdakenodadhinā puṣkaraḥ parivāritaḥ / tasmin dvīpe mahāvṛkṣo nyagrodho 'marapūjitaḥ // ### [1.48.6](https://indike.org/pramana/in.purana.kurma.1.48.6) tasmin nivasati brahmā viśvātmā viśvabhāvanaḥ / tatraiva muniśārdūlāḥ śivanārāyaṇālayaḥ // ### [1.48.7](https://indike.org/pramana/in.purana.kurma.1.48.7) vasatyatra mahādevo haror'ddhahariravyayaḥ / saṃpūjyamāno brahmādyaiḥ kumārādyaiśca yogibhiḥ / gandharvaiḥ kinnarairyakṣairīśvaraḥ kṛṣṇapiṅgalaḥ // ### [1.48.8](https://indike.org/pramana/in.purana.kurma.1.48.8) svasthāstatra prajāḥ sarvā brahmaṇā sadṛśatviṣaḥ / nirāmayā viśokāśca rāgadveṣavivarjitāḥ // ### [1.48.9](https://indike.org/pramana/in.purana.kurma.1.48.9) satyānṛte na tatrāstāṃ nottamādhamamadhyamāḥ / na varṇāśramadharmāśca na nadyo na ca parvatāḥ // ### [1.48.10](https://indike.org/pramana/in.purana.kurma.1.48.10) pareṇa puṣkarasyātha sthito mahān / svādūdakasamudrastu samantād dvijasattamāḥ // ### [1.48.11](https://indike.org/pramana/in.purana.kurma.1.48.11) pareṇa tasya mahatī dṛśyate lokasaṃsthitiḥ / kāñcanī dviguṇā bhūmiḥ sarvā caiva śilopamā // ### [1.48.12](https://indike.org/pramana/in.purana.kurma.1.48.12) tasyāḥ pareṇa śailastu maryādātmātmamaṇḍalaḥ / prakāśaścāprakāśaśca lokālokaḥ sa ucyate // ### [1.48.13](https://indike.org/pramana/in.purana.kurma.1.48.13) yojanānāṃ sahastrāṇi daśa tasyocchrayaḥ smṛtaḥ / tāvāneva ca vistāro lokāloko mahāgiriḥ // ### [1.48.14](https://indike.org/pramana/in.purana.kurma.1.48.14) samāvṛtya tu taṃ śailaṃ sarvato vai tamaḥ sthitam / tamaścāṇḍakaṭāhena samantāt pariveṣṭitam // ### [1.48.15](https://indike.org/pramana/in.purana.kurma.1.48.15) etai sapta mahālokāḥ pātālāḥ saptakīrtitāḥ / brahmāṇḍasyaiṣa vistāraḥ saṃkṣepeṇa mayoditaḥ // ### [1.48.16](https://indike.org/pramana/in.purana.kurma.1.48.16) aṇḍānāmīdṛśānāṃ tu koṭyo jñeyāḥ sahastraśaḥ / sarvagatvāt pradhānasya kāraṇasyāvyayātmanaḥ // ### [1.48.17](https://indike.org/pramana/in.purana.kurma.1.48.17) aṇḍeṣveteṣu sarveṣu bhuvanāni caturdaśa / tatra tatra caturvaktrā rudrā nārāyaṇādayaḥ // ### [1.48.18](https://indike.org/pramana/in.purana.kurma.1.48.18) daśottaramathaikaikamaṇḍāvaraṇasaptakam / samantāt saṃsthitaṃ viprā yatra yānti manīṣiṇaḥ // ### [1.48.19](https://indike.org/pramana/in.purana.kurma.1.48.19) anantamekamavyaktanādinidhanaṃ mahat / atītya vartate sarvaṃ jagat prakṛtirakṣaram // ### [1.48.20](https://indike.org/pramana/in.purana.kurma.1.48.20) anantatvamanantasya yataḥ saṃkhyā na vidyate / tadavyaktamiti jñeyaṃ tad brahma paramaṃ padam // ### [1.48.21](https://indike.org/pramana/in.purana.kurma.1.48.21) ananta eṣa sarvatra sarvasthāneṣu paṭhyate / tasya pūrvaṃ mayāpyuktaṃ yattanmāhātmyamavyayam // ### [1.48.22](https://indike.org/pramana/in.purana.kurma.1.48.22) gataḥ sa eṣa sarvatra sarvasthāneṣu vartate / bhūmau rasātale caiva ākāśe pavane 'nale / arṇaveṣu ca sarveṣu divi caiva na saśayaḥ // ### [1.48.23](https://indike.org/pramana/in.purana.kurma.1.48.23) tathā tamasi sattve ca eṣa eva mahādyutiḥ / anekadhā vibhaktāṅgaḥ krīḍate puruṣottamaḥ // ### [1.48.24](https://indike.org/pramana/in.purana.kurma.1.48.24) maheśvaraḥ paro 'vyaktādaṇḍamavyaktasaṃbhavam / aṇḍād brahmā samutpannastena sṛṣṭamidaṃ jagat // ### [1.48.24.p1](https://indike.org/pramana/in.purana.kurma.1.48.24.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge aṣṭacatvāriṃśo 'dhyāyaḥ ## Linked texts (11) - [Vāyupurāṇa](https://indike.org/pramana/in.purana.vayu.1.49.111) — Vyāsa, Sanskrit - [Brahmapurāṇa](https://indike.org/pramana/in.purana.brahma.20.98) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.4.95) — Sanskrit - [Prakriyāpāda](https://indike.org/pramana/in.purana.prakriyapada.49.111) — Sanskrit - [Brāhmī Saṃhitā](https://indike.org/pramana/in.purana.brahmisamhita.50.6) — Sanskrit - [Brahmisamhita (gurumandalseries1962)](https://indike.org/pramana/in.sampradaya.vaisnava.pancaratra.brahmisamhita*gurumandalseries1962.50.6) — Sanskrit - [Purāṇasāra (Mādhava Vidyāraṇya)](https://indike.org/pramana/in.purana.sangraha.puranasara-madhava-vidyaranya.58.43) — Mādhava Vidyāraṇya, Sanskrit - [Purāṇasāra](https://indike.org/pramana/in.niti.dharma.jati.puranasara.58.43) — Sāyaṇa, Sanskrit - [Kūrmapurāṇa (Ananta Gokhale)](https://indike.org/pramana/in.purana.kurmapurana.32.p2) — Ananta Gokhale, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.14.91) — Basappa Nāyaka 1684, Sanskrit - [Śivattvaratnākara](https://indike.org/pramana/in.med.pasu.sivattvaratnakara.14.91) — Basava, Sanskrit --- Source: [https://indike.org/pramana/in.purana.kurma.1.48](https://indike.org/pramana/in.purana.kurma.1.48) · Pramāṇa