[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.6 # Kurmapurana 1.6: ṣaṣṭho'dhyāyaḥ Kūrmapurāṇa 1.6 - **Language:** Sanskrit ## Contents - [1.6.25](https://indike.org/pramana/in.purana.kurma.1.6.25) — 1 part ### ṣaṣṭho'dhyāyaḥ ### [1.6.1](https://indike.org/pramana/in.purana.kurma.1.6.1) śrīkūrma uvāca āsīdekārṇavaṃ ghoramavibhāgaṃ tamomayam / śāntavātādikaṃ sarvaṃ na prajñāyata kiñcana // ### [1.6.2](https://indike.org/pramana/in.purana.kurma.1.6.2) ekārṇave tadā tasmin naṣṭe sthāvarajaṅgame / tadā samabhavad brahmā sahastrākṣaḥ sahastrapāt // ### [1.6.3](https://indike.org/pramana/in.purana.kurma.1.6.3) sahastraśīrṣā puruṣo rukmavarṇastvatīndriyaḥ / brahmā nārāyaṇākhyastu suṣvāpa salile tadā // ### [1.6.4](https://indike.org/pramana/in.purana.kurma.1.6.4) imaṃ codāharantyatra ślokaṃ nārāyaṇaṃ prati / brahmasvarūpiṇaṃ devaṃ jagataḥ prabhavāpyayam // ### [1.6.5](https://indike.org/pramana/in.purana.kurma.1.6.5) āpo nārā iti proktā nāmnā pūrvamiti śrutiḥ / ayanaṃ tasya tā yasmāt tena nārāyaṇaḥ smṛtaḥ // ### [1.6.6](https://indike.org/pramana/in.purana.kurma.1.6.6) tulyaṃ yugasahastrasya naiśaṃ kālamupāsya saḥ / śarvaryante prakurute brahmatvaṃ sargakāraṇāt // ### [1.6.7](https://indike.org/pramana/in.purana.kurma.1.6.7) tatastu salile tasmin vijñāyāntargatāṃ mahīm / anumānāt taduddhāraṃ kartukāmaḥ prajāpatiḥ // ### [1.6.8](https://indike.org/pramana/in.purana.kurma.1.6.8) jalakrīḍāsu ruciraṃ vārāhaṃ rupamāsthitaḥ / adhṛṣyaṃ manasāpyanyairvāṅmayaṃ brahmasaṃjñitam // ### [1.6.9](https://indike.org/pramana/in.purana.kurma.1.6.9) pṛthivyuddharaṇārthāya praviśya ca rasātalam / daṃṣṭrayābhyujjahāraināmātmādhāro dharādharaḥ // ### [1.6.10](https://indike.org/pramana/in.purana.kurma.1.6.10) dṛṣṭvā daṃṣṭrāgravinyastāṃ pṛthivīṃ prathitapauruṣam / astuvañjanalokasthāḥ siddhā brahmarṣayo harim // ### [1.6.11](https://indike.org/pramana/in.purana.kurma.1.6.11) ṛṣaya ūcuḥ namaste devadevāya brahmaṇe parameṣṭhine / puruṣāya purāṇāya śāśvatāya jayāya ca // ### [1.6.12](https://indike.org/pramana/in.purana.kurma.1.6.12) namaḥ svayaṃbhuve tubhyaṃ straṣṭre sarvārthavedine / namo hiraṇyagarbhāya vedhase paramātmane // ### [1.6.13](https://indike.org/pramana/in.purana.kurma.1.6.13) namaste vāsudevāya viṣṇave viśvayonaye / nārāyaṇāya devāya devānāṃ hitakāriṇe // ### [1.6.14](https://indike.org/pramana/in.purana.kurma.1.6.14) namo 'stu te caturvaktre śārṅgacakrāsidhāriṇe / sarvabhūtātmabhūtāya kūṭasthāya namo namaḥ // ### [1.6.15](https://indike.org/pramana/in.purana.kurma.1.6.15) namo vedarahasyāya namaste vedayonaye / namo buddhāya śuddhāya namaste jñānarūpiṇe // ### [1.6.16](https://indike.org/pramana/in.purana.kurma.1.6.16) namo 'stvānandarūpāya sākṣiṇe jagatāṃ namaḥ / anantāyāprameyāya kāryāya karaṇāya ca // ### [1.6.17](https://indike.org/pramana/in.purana.kurma.1.6.17) namaste pañcabūtāya pañcabhūtātmane namaḥ / namo mūlaprakṛtaye māyārūpāya te namaḥ // ### [1.6.18](https://indike.org/pramana/in.purana.kurma.1.6.18) namo 'stu te varāhāya namaste matsyarūpiṇe / namo yogādhigamyāya namaḥ sakarṣaṇāya te // ### [1.6.19](https://indike.org/pramana/in.purana.kurma.1.6.19) namastrimūrtaye tubhyaṃ tridhāmne divyatejase / namaḥ siddhāya pūjyāya guṇatrayavibhāvine // ### [1.6.20](https://indike.org/pramana/in.purana.kurma.1.6.20) tamo 'stvādityavarṇāya namaste padmayonaye / namo 'mūrtāya mūrtāya mādhavāya namo namaḥ // ### [1.6.21](https://indike.org/pramana/in.purana.kurma.1.6.21) tvayaiva sṛṣṭamakhilaṃ tvayyeva layameṣyati / pālayaitajjagat sarvaṃ trātā tvaṃ śaraṇaṃ gati // ### [1.6.22](https://indike.org/pramana/in.purana.kurma.1.6.22) itthaṃ sa bhagavān viṣṇuḥ sanakādyairabhiṣṭutaḥ / prasādamakarot teṣāṃ varāhavapurīśvaraḥ // ### [1.6.23](https://indike.org/pramana/in.purana.kurma.1.6.23) tataḥ saṃsthānamānīya pṛthivīṃ pṛthivīpatiḥ / mumoca rūpaṃ manasā dhārayitvā prijāpatiḥ // ### [1.6.24](https://indike.org/pramana/in.purana.kurma.1.6.24) tasyopari jalaughasya mahatī nauriva sthitā / vitatatvācca dehasya na mahī yāti saṃplavam // ### [1.6.25](https://indike.org/pramana/in.purana.kurma.1.6.25) pṛthivīṃ tu samīkṛtya pṛthivyāṃ so 'cinod girīn / prāksargadagdhānakhilāṃstataḥ sarge 'dadhanmanaḥ // ### [1.6.25.p1](https://indike.org/pramana/in.purana.kurma.1.6.25.p1) iti śrīkūrmapurāṇe ṣaṭasāhastryāṃ saṃhitāyāṃ pūrvavibhāge ṣaṣṭho 'dhyāyaḥ ## Linked texts (7) - [Vāyupurāṇa](https://indike.org/pramana/in.purana.vayu.1.6.4) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.47.6) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.5.3) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.11.13.p19) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.4.7) — Sanskrit - [Padmapurāṇa](https://indike.org/pramana/in.purana.padma.1.1.28-3) — Vyāsa, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.6.p1) — Ativīrarāma Pāṇṭiyar, Sanskrit --- Source: [https://indike.org/pramana/in.purana.kurma.1.6](https://indike.org/pramana/in.purana.kurma.1.6) · Pramāṇa