[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.7 # Kurmapurana 1.7: saptamo'dhyāyaḥ Kūrmapurāṇa 1.7 - **Language:** Sanskrit ## Contents - [1.7.66](https://indike.org/pramana/in.purana.kurma.1.7.66) — 1 part ### saptamo'dhyāyaḥ ### [1.7.1](https://indike.org/pramana/in.purana.kurma.1.7.1) śrīkūrma uvāca sṛṣṭiṃ cintayatastasya kalpādiṣu yathā purā / abuddhipūrvakaḥ sargaḥ prādurbhūtastamomayaḥ // ### [1.7.2](https://indike.org/pramana/in.purana.kurma.1.7.2) tamo moho mahāmohastāmistraścāndhasaṃjñitaḥ / avidyā pañcaparvaiṣā prādurbhūtā mahātmanaḥ // ### [1.7.3](https://indike.org/pramana/in.purana.kurma.1.7.3) pañcadhāvasthitaḥ sargo dhyāyataḥ so 'bhimāninaḥ / saṃvṛtastamasā caiva bījakambhuvanāvṛtaḥ // ### [1.7.4](https://indike.org/pramana/in.purana.kurma.1.7.4) varhirantaścāprakāśaḥ stabdho niḥ saṃjña eva ca / mukyā nagā iti proktā mukhyasargastu sa smṛtaḥ // ### [1.7.5](https://indike.org/pramana/in.purana.kurma.1.7.5) taṃ dṛṣṭvāsādhakaṃ sargamamanyadaparaṃ prabhuḥ / tasyābhidhyāyataḥ sargastiryakstroto 'bhyavartata // ### [1.7.6](https://indike.org/pramana/in.purana.kurma.1.7.6) yasmāt tiryak pravṛttaḥ sa tiryakstrotastataḥ smṛtaḥ / paśvādayaste vikhyātā utpathagrāhiṇo dvijāḥ // ### [1.7.7](https://indike.org/pramana/in.purana.kurma.1.7.7) tamapyasādhakaṃ jñātvā sargamanyaṃ sasarja ha / ūrdhvastrota iti prokto devasargastu sāttvikaḥ // ### [1.7.8](https://indike.org/pramana/in.purana.kurma.1.7.8) te sukhapratibahulā bahirantaśca nāvṛtāḥ / prakāśā bahirantaśca svabhāvād devasaṃjñitāḥ // ### [1.7.9](https://indike.org/pramana/in.purana.kurma.1.7.9) tato 'bidhāyāyatastasya satyābhidhyāyinastadā / prādurāsīt tadāvyaktādarvākstrotastu sādhakaḥ // ### [1.7.10](https://indike.org/pramana/in.purana.kurma.1.7.10) te ca prakāśabahulāstamodriktā rajodhikāḥ / duḥ khotkaṭāḥ sattvayutā manuṣyāḥ parikīrtitā // ### [1.7.11](https://indike.org/pramana/in.purana.kurma.1.7.11) taṃ dṛṣṭvā cāparaṃ sargamamanyad bhagavānajaḥ / tasyābhidhyāyataḥ sargaṃ sargo bhūtādiko 'bhavat // ### [1.7.12](https://indike.org/pramana/in.purana.kurma.1.7.12) te 'parigrāhiṇaḥ sarve saṃvibhāgaratāḥ punaḥ / khādanāścāpyaśīlāśca bhūtādyāḥ parikīrtitāḥ / ityete pañca kathitāḥ sargā vai dvijapuṅgavāḥ // ### [1.7.13](https://indike.org/pramana/in.purana.kurma.1.7.13) prathamo mahataḥ sargo vijñeyo brahmaṇastu saḥ / tanmātrāṇāṃ dvitīyastu bhūtasargo hi sa smṛtaḥ // ### [1.7.14](https://indike.org/pramana/in.purana.kurma.1.7.14) vaikārikastṛtīyastu sarga aindriyakaḥ smṛtaḥ / ityeṣa prākṛtaḥ sargaḥ saṃbhūto 'buddhipūrvakaḥ // ### [1.7.15](https://indike.org/pramana/in.purana.kurma.1.7.15) mukhyasargaścaturthastu mukhyā vai sthāvarāḥ smṛtāḥ / tiryakstrotastu yaḥ proktastiryagyonyaḥ sa pañcamaḥ // ### [1.7.16](https://indike.org/pramana/in.purana.kurma.1.7.16) tathordhvastrotasāṃ ṣaṣṭho devasargastu sa smṛtaḥ / tator'vākstrotasāṃ sargaḥ saptamaḥ sa tu mānuṣaḥ // ### [1.7.17](https://indike.org/pramana/in.purana.kurma.1.7.17) aṣṭamo bhautikaḥ sargo bhūtādīnāṃ prakīrtitaḥ / navamaścaiva kaumāraḥ prākṛtā vaikṛtāstvime // ### [1.7.18](https://indike.org/pramana/in.purana.kurma.1.7.18) prākṛtāstu trayaḥ pūrve sargāste 'buddhipūrvakāḥ / buddhipūrvaṃ pravartante mukhyādyā munipuṅgavāḥ // ### [1.7.19](https://indike.org/pramana/in.purana.kurma.1.7.19) agre sasarja vai brahmā mānasānātmanaḥ samān / sanakaṃ sanātanaṃ caiva tathaiva ca sanandanam / ṛbhuṃ sanātkumāraṃ ca pūrvameva prajāpatiḥ // ### [1.7.20](https://indike.org/pramana/in.purana.kurma.1.7.20) pañcaite yogino viprāḥ paraṃ vairāgyamāsthitāḥ / īśvarāsaktamanaso na sṛṣṭau dadhire matim // ### [1.7.21](https://indike.org/pramana/in.purana.kurma.1.7.21) teṣvevaṃ nirapekṣeṣu lokasṛṣṭau prajāpatiḥ / mumoha māyayā sadyo māyinaḥ parameṣṭhinaḥ // ### [1.7.22](https://indike.org/pramana/in.purana.kurma.1.7.22) taṃ bodhayāmāsa sutaṃ jaganmāyo mahāmuniḥ / nārāyaṇo mahāyogī yogicittānurañjanaḥ // ### [1.7.23](https://indike.org/pramana/in.purana.kurma.1.7.23) bodhitastena viśvātmā tatāpa paramaṃ tapaḥ / sa tapyamāno bhagavān na kiñcit pratipadyata // ### [1.7.24](https://indike.org/pramana/in.purana.kurma.1.7.24) tato dīrgheṇa kālena dukhāt krodho vyajāyata / krodhāviṣṭasya netrābhyāṃ prāpatannaśru bindavaḥ // ### [1.7.25](https://indike.org/pramana/in.purana.kurma.1.7.25) bhrukuṭīkuṭilāt tasya lalāṭāt parameśvaraḥ / samutpanno mahādevaḥ śaraṇyo nīlalohitaḥ // ### [1.7.26](https://indike.org/pramana/in.purana.kurma.1.7.26) sa eva bhagavānīśastejorāśiḥ sanātanaḥ / yaṃ prapaśyanti vidvāṃsaḥ svātmasthaṃ parameśvaram // ### [1.7.27](https://indike.org/pramana/in.purana.kurma.1.7.27) oṅkāraṃ samanusmṛtya praṇamya ca kṛtāñjaliḥ / tāma bhagavān brahmā sṛjemā vividhāḥ prajāḥ // ### [1.7.28](https://indike.org/pramana/in.purana.kurma.1.7.28) niśamya bhagavān vākyaṃ śaṅkaro dharmavāhanaḥ / svātmanā sadśān rudrān sasarja manasā śivaḥ / kapardino nirātaṅkāṃstrinetrān nīlalohitān // ### [1.7.29](https://indike.org/pramana/in.purana.kurma.1.7.29) taṃ prāha bhagavān brahmā janmamṛtyuyutāḥ prajāḥ / sṛjeti so 'bravīdīśo nāhaṃ mṛtyujarānvitāḥ / prajāḥ strakṣye jagannātha sṛja tvamaśubhāḥ prajāḥ // ### [1.7.30](https://indike.org/pramana/in.purana.kurma.1.7.30) nivārya ca tadā rudraṃ sasarja kamalodbhavaḥ / sthānābhimāninaḥ sarvān gadatastān nibodhata // ### [1.7.31](https://indike.org/pramana/in.purana.kurma.1.7.31) apo 'gnirantarikṣaṃ ca dyaurvāyuḥ pṛthivī tathā / nadyaḥ samudrāḥ śailāśca vṛkṣā vīrudha eva ca // ### [1.7.32](https://indike.org/pramana/in.purana.kurma.1.7.32) lavāḥ kāṣṭhāḥ kalāścaiva muhūrtā divasāḥ kṣapāḥ / ardhamāsāśca māsāśca ayanābdayugādayaḥ // ### [1.7.33](https://indike.org/pramana/in.purana.kurma.1.7.33) sthānābimāninaḥ sṛṣṭvā sādhakānasṛjat punaḥ / marīcibhṛgvaṅgirasaṃ pulastyaṃ pulahaṃ kratum / dakṣamatriṃ vasiṣṭhaṃ ca dharmaṃ saṃkalpameva ca // ### [1.7.34](https://indike.org/pramana/in.purana.kurma.1.7.34) prāṇād brahmāsṛjad dakṣaṃ cakṣuṣaśca marīcinam / śiraso 'ṅgirasaṃ devo hṛdayād bhṛgumeva ca // ### [1.7.35](https://indike.org/pramana/in.purana.kurma.1.7.35) śrotrābhyāmatrināmānaṃ dharmaṃ ca vyavasāyataḥ / saṃkalpaṃ caiva saṃkalpāt sarvalokapitāmahaḥ // ### [1.7.36](https://indike.org/pramana/in.purana.kurma.1.7.36) pulastyaṃ ca tathodānād vyanācca pulahaṃ munim / apānāt kratumavyagraṃ samānācca vasiṣṭhakam // ### [1.7.37](https://indike.org/pramana/in.purana.kurma.1.7.37) ityete brahmaṇā sṛṣṭāḥ sādhakā gṛhamedhinaḥ / āsthāya mānavaṃ rūpaṃ dharmastaiḥ saṃpravartitaḥ // ### [1.7.38](https://indike.org/pramana/in.purana.kurma.1.7.38) tato devāsurapitṛn manuṣyāṃśca catuṣṭayam / sisṛkṣurambhāṃsyetāni svamātmānamayūyujat // ### [1.7.39](https://indike.org/pramana/in.purana.kurma.1.7.39) yuktātmanastamomātrā udriktābhūt prajāpateḥ / tato 'sya jaghanāt pūrvamasurā jajñire sutāḥ // ### [1.7.40](https://indike.org/pramana/in.purana.kurma.1.7.40) utsasarjāsurān sṛṣṭvā tāṃ tanuṃ puruṣottamaḥ / sā cotsṛṣṭā tanustena sadyo rātrirajāyata / sā tamobahulā yasmāt prajāstasyāṃsvapantyataḥ // ### [1.7.41](https://indike.org/pramana/in.purana.kurma.1.7.41) sattvamātratmikāṃ devastanumanyāmagṛhṇata / tato 'sya mukhato devā dīvyataḥ saṃprajajñire // ### [1.7.42](https://indike.org/pramana/in.purana.kurma.1.7.42) tyaktā sāpi tanustena sattvaprāyamabhūd dinam / tasmādaho dharmayuktā devatāḥ samupāsate // ### [1.7.43](https://indike.org/pramana/in.purana.kurma.1.7.43) sattvamātrātmikāmeva tato 'nyāṃ jagṛhe tanum / pitṛvanmanyamānasya pitaraḥ saṃprajajñire // ### [1.7.44](https://indike.org/pramana/in.purana.kurma.1.7.44) utsasarja pitṛn sṛṣṭvā tatastāmapi viśvasṛk / sāpaviddhā tanustena sadyaḥ sandhyā vyajāyata // ### [1.7.45](https://indike.org/pramana/in.purana.kurma.1.7.45) tasmādahardevatānāṃ rātriḥ syād devavidviṣām / tayormadhye pitṝṇāṃ tu mūrtiḥ sandhyā garīyasī // ### [1.7.46](https://indike.org/pramana/in.purana.kurma.1.7.46) tasmād devāsurāḥ sarve manavo mānavāstathā / upāsate tadā yuktā rātryahnormadhyamāṃ tanum // ### [1.7.47](https://indike.org/pramana/in.purana.kurma.1.7.47) rajomātrātmikāṃ brahmā tanumanyāmagṛhṇata / tato 'sya jajñire putrā manuṣyā rajasāvṛtāḥ // ### [1.7.48](https://indike.org/pramana/in.purana.kurma.1.7.48) tāmapyāśu sa tatyāja tanuṃ sadyaḥ prajāpatiḥ / jyotstrā sā cābhavadviprāḥ prāksandhyā yābidhīyate // ### [1.7.49](https://indike.org/pramana/in.purana.kurma.1.7.49) tataḥ sa bhagavān brahmā saṃprāpya dvijapuṅgavāḥ / mūrti tamorajaḥ prāyāṃ punarevābhyayūyujat // ### [1.7.50](https://indike.org/pramana/in.purana.kurma.1.7.50) andhakāre kṣudhāviṣṭā rākṣasāstasya jajñire / putrāstamorajaḥ prāyā balinaste niśācarāḥ // ### [1.7.51](https://indike.org/pramana/in.purana.kurma.1.7.51) sarpā yakṣāstathā būtā gandharvāḥ saṃprajajñire / rajastamobhyāmāviṣṭāṃstato 'nyānasṛjat prabhuḥ // ### [1.7.52](https://indike.org/pramana/in.purana.kurma.1.7.52) vayāṃsi vayasaḥ sṛṣṭvā avayo vakṣaso 'sṛjat / mukhato 'jān sasarjānyān udarādgāścanirmame // ### [1.7.53](https://indike.org/pramana/in.purana.kurma.1.7.53) padbhyāñcāśvān samātaṅgān rāsabhān gavayān mṛgān / uṣṭrānaśvatarāṃścaiva nyaṅkūnanyāṃśva jātayaḥ / aupadhyaḥ phalamūlinyo romabhyastasya jajñire // ### [1.7.54](https://indike.org/pramana/in.purana.kurma.1.7.54) gāyatraṃ ca ṛcaṃ caiva trivṛtsāma rathantaram / agniṣṭomaṃ ca yajñānāṃ nirmame prathamānmukhāt // ### [1.7.55](https://indike.org/pramana/in.purana.kurma.1.7.55) yajūṃṣi traiṣṭubhaṃ chandaḥ stomaṃ pañcadaśaṃ tathā / bṛhatsāma tathokthaṃ ca dakṣiṇādasṛjanmukhāt // ### [1.7.56](https://indike.org/pramana/in.purana.kurma.1.7.56) sāmāni jāgataṃ chandastomaṃ saptadaśaṃ tathā / vairūpamatirātraṃ ca paścimādasṛjanmukhāt // ### [1.7.57](https://indike.org/pramana/in.purana.kurma.1.7.57) ekaviśamatharvāṇamāptoryāmāṇameva ca / anuṣṭubhaṃ savairājamuttarādasṛjanmukhāt // ### [1.7.58](https://indike.org/pramana/in.purana.kurma.1.7.58) uccāvacāni bhūtāni gātrebhyastasya jajñire / brahmaṇo hi prajāsargaṃ sṛjatastu prajāpateḥ // ### [1.7.59](https://indike.org/pramana/in.purana.kurma.1.7.59) sṛṣṭvā catuṣṭayaṃ sargaṃ devarṣipitṛmānuṣam / tato 'sṛjacca bhūtāni sthāvarāṇi carāṇi ca // ### [1.7.60](https://indike.org/pramana/in.purana.kurma.1.7.60) yakṣān piśācān gandharvāṃstathaivāpsarasaḥ śubhāḥ / narakinnararakṣāṃsi vayaḥ puśumṛgoragān / avyayaṃ ca vyayaṃ caiva dvayaṃ sthāvarajaṅgamam // ### [1.7.61](https://indike.org/pramana/in.purana.kurma.1.7.61) teṣāṃ ye yāni karmāṇi prāksṛṣṭau pratipedire / tānyeva te prapadyante sṛjyamānāḥ punaḥ punaḥ // ### [1.7.62](https://indike.org/pramana/in.purana.kurma.1.7.62) hiṃstrāhiṃstre mṛdukrūre dharmādharmāvṛtānṛte / tadbhāvitāḥ prapadyante tasmāt tat tasya rocate // ### [1.7.63](https://indike.org/pramana/in.purana.kurma.1.7.63) mahābhūteṣu nānātvamindriyārtheṣu mūrtiṣu / viniyogaṃ ca bhūtānāṃ dhātaiva vidadhāt svayam // ### [1.7.64](https://indike.org/pramana/in.purana.kurma.1.7.64) nāmarūpaṃ ca bhūtānāṃ kṛtyānāṃ ca prapañcanam / vedaśabdebhya evādau nirmame sa maheśvaraḥ // ### [1.7.65](https://indike.org/pramana/in.purana.kurma.1.7.65) ārṣāṇi caiva nāmāni yāśca vedeṣu dṛṣṭayaḥ / śarvaryante prasūtānāṃ tānyevaibhyo dadātyajaḥ // ### [1.7.66](https://indike.org/pramana/in.purana.kurma.1.7.66) yathartāvṛtuliṅgāni nānārūpāṇi paryaye / dṛśyante tāni tānyeva tathā bhāvā yugādiṣu // ### [1.7.66.p1](https://indike.org/pramana/in.purana.kurma.1.7.66.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge saptamo 'dhyāyaḥ ## Linked texts (12) - [Viṣṇupurāṇa (critical edition)](https://indike.org/pramana/in.purana.visnu*crit.1.5.4) — Sanskrit - [Mārkaṇḍeyapurāṇa](https://indike.org/pramana/in.purana.markandeya.47.14) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.5.62) — Vyāsa, Sanskrit - [Vāyupurāṇa](https://indike.org/pramana/in.purana.vayu.1.6.65) — Vyāsa, Sanskrit - [Padmapurāṇa](https://indike.org/pramana/in.purana.padma.1.1.63-3) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.12.7) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.22.23) — Sanskrit - [Agnipurāṇa](https://indike.org/pramana/in.purana.agni.382.71.p100) — Vyāsa, Sanskrit - [Varāhapurāṇa](https://indike.org/pramana/in.purana.varaha.2.25) — Vyāsa, Sanskrit - [Īśānaśivagurudevapaddhati](https://indike.org/pramana/in.sampradaya.saiva.siddhanta.paddhati.isanasivagurudevapaddhati.3.1.93) — Īśānaśivagurudeva, Sanskrit - [Narasiṃhapurāṇa](https://indike.org/pramana/in.purana.upa.vaisnava.narasimha.3.15) — Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.7.p2) — Ativīrarāma Pāṇṭiyar, Sanskrit --- Source: [https://indike.org/pramana/in.purana.kurma.1.7](https://indike.org/pramana/in.purana.kurma.1.7) · Pramāṇa