[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1.8 # Kurmapurana 1.8: aṣṭamo'dhyāyaḥ Kūrmapurāṇa 1.8 - **Language:** Sanskrit ## Contents - [1.8.29](https://indike.org/pramana/in.purana.kurma.1.8.29) — 1 part ### aṣṭamo'dhyāyaḥ ### [1.8.1](https://indike.org/pramana/in.purana.kurma.1.8.1) śrīkūrma uvāca evaṃ bhūtāni sṛṣṭāni sthāvarāṇi carāṇi ca / yadā cāsya prajāḥ sṛṣṭā na vyavardhanta dhīmataḥ // ### [1.8.2](https://indike.org/pramana/in.purana.kurma.1.8.2) tamomātrāvṛto brahmā tadāśocata duḥ khitaḥ / tataḥ sa vidadhe buddhimarthaniścayagāminīm // ### [1.8.3](https://indike.org/pramana/in.purana.kurma.1.8.3) athātmani samadrākṣīt tamomātrāṃ niyāmikām / rajaḥ sattvaṃ ca saṃvṛtya vartamānāṃ svadharmataḥ // ### [1.8.4](https://indike.org/pramana/in.purana.kurma.1.8.4) tamastad vyanudat paścāt rajaḥ sattvena saṃyutaḥ / tat tamaḥ pratinunnaṃ vai mithunaṃ samajāyata // ### [1.8.5](https://indike.org/pramana/in.purana.kurma.1.8.5) adharmācaraṇo viprā hiṃsā cāśubhalakṣaṇā / svāṃ tanuṃ sa tato brahmā tāmapohata bhāsvarām // ### [1.8.6](https://indike.org/pramana/in.purana.kurma.1.8.6) dvidhākarot punardehamardhena puruṣo 'bhavat / ardhena nārī puruṣo virājamasṛjat prabhuḥ // ### [1.8.7](https://indike.org/pramana/in.purana.kurma.1.8.7) nārīṃ ca śatarūpākhyāṃ yoginīṃ sasṛje śubhām / sā divaṃ pṛthivīṃ caiva mahamnā vyāpya saṃsthitā // ### [1.8.8](https://indike.org/pramana/in.purana.kurma.1.8.8) yogaiśvaryabalopetā jñānavijñānasaṃyutā / yo 'bhavat puruṣāt putro virāḍavyaktajanmanaḥ // ### [1.8.9](https://indike.org/pramana/in.purana.kurma.1.8.9) svāyaṃbhuvo manurdevaḥ so 'bhavat puruṣo muniḥ / sā devī śatarūpākhyā tapaḥ kṛtvā suduścaram // ### [1.8.10](https://indike.org/pramana/in.purana.kurma.1.8.10) bhartāraṃ brahmaṇaḥ putraṃ manumevānupadyata / tasmācca śatarūpā sā putradvayamasūyata // ### [1.8.11](https://indike.org/pramana/in.purana.kurma.1.8.11) priyavratottānapādau kanyādvayamanuttamam / tayoḥ prasūtiṃ dakṣāya manuḥ kanyāṃ dadau punaḥ // ### [1.8.12](https://indike.org/pramana/in.purana.kurma.1.8.12) prajāpatirathākūtiṃ mānaso jagṛhe ruciḥ / ākūtyāṃ mithunaṃ jajñe mānasasya ruceḥ śubham / yajñaśca dakṣiṇā caiva yābhyāṃ saṃvardhitaṃ jagat // ### [1.8.13](https://indike.org/pramana/in.purana.kurma.1.8.13) yajñasya dakṣiṇāyāṃ tu putrā dvādaśa jajñire / yāmā iti samākyatā devāḥ svāyaṃbhuve 'ntare // ### [1.8.14](https://indike.org/pramana/in.purana.kurma.1.8.14) prasūtyāṃ ca tathā dakṣaścatastro viṃśatiṃ tathā / sasarja kanyā nāmāni tāsāṃ samyam nibodhata // ### [1.8.15](https://indike.org/pramana/in.purana.kurma.1.8.15) śraddhā lakṣmīrdhṛtistuṣṭiḥ puṣṭirmedhā kriyā tathā / buddhirlajjāvapuḥ śāntiḥ siddhiḥ kīrtistrayodaśī // ### [1.8.16](https://indike.org/pramana/in.purana.kurma.1.8.16) patnyarthaṃ pratijagrāha dharmo dākṣāyaṇīḥ śubhāḥ / tābhyaḥ śiṣṭā yavīyasya ekādaśa sulocanāḥ // ### [1.8.17](https://indike.org/pramana/in.purana.kurma.1.8.17) khyātiḥ satyatha saṃbhūtiḥ smṛtiḥ prītiḥ kṣamā tathā / saṃtatiścānasūyā ca ūrjā svāhā svadhā tathā // ### [1.8.18](https://indike.org/pramana/in.purana.kurma.1.8.18) bhṛgurbhavo marīciśca tathā caivāṅgirā muniḥ / pulastyaḥ pulahaścaiva kratuḥ paramadharmavit // ### [1.8.19](https://indike.org/pramana/in.purana.kurma.1.8.19) atrirvasiṣṭho vahniśca pitaraśca yathākramam / khyātyādyā jagṛhuḥ kanyā munayo munisattamāḥ // ### [1.8.20](https://indike.org/pramana/in.purana.kurma.1.8.20) śraddhāyā ātmajaḥ kāmo darpo lakṣmīsutaḥ smṛtaḥ / dhṛtyāstu niyamaḥ putrastuṣṭyāḥ saṃtoṣa ucyate // ### [1.8.21](https://indike.org/pramana/in.purana.kurma.1.8.21) puṣṭyā lābhaḥ sutaścāpi medhāputraḥ śrutastathā / kriyāyāścābhavat putro daṇḍaḥ samaya eva ca // ### [1.8.22](https://indike.org/pramana/in.purana.kurma.1.8.22) buddhyā bodhaḥ sutastadvadapramādo vyajāyata / lajjāyā vinayaḥ putro vapuṣo vyavasāyakaḥ // ### [1.8.23](https://indike.org/pramana/in.purana.kurma.1.8.23) kṣemaḥ śāntisutaścāpi sukhaṃ siddhirajāyata / yaśaḥ kīrtisutastadvadityete dharmasūnavaḥ // ### [1.8.24](https://indike.org/pramana/in.purana.kurma.1.8.24) kāmasya harṣaḥ putro 'bhūd devānando vyajāyata / ityeṣa vai sukhodarkaḥ sargo dharmasya kīrtitaḥ // ### [1.8.25](https://indike.org/pramana/in.purana.kurma.1.8.25) jajñe hiṃsā tvadharmād vai nikṛtiṃ cānṛtaṃ sutam / nikṛtyanṛtayorjajñe bhayaṃ naraka eva ca // ### [1.8.26](https://indike.org/pramana/in.purana.kurma.1.8.26) māyā ca vedanā caiva mithunaṃ tvidametayoḥ / bhayājjajñe 'tha vai māyā mṛtyuṃ bhūtāpahāriṇam // ### [1.8.27](https://indike.org/pramana/in.purana.kurma.1.8.27) vedanā ca sutaṃ cāpi duḥ khaṃ jajñe 'tha rauravāt / mṛtyorvyādhijarāśokatṛṣṇākrodhāśca jajñire // ### [1.8.28](https://indike.org/pramana/in.purana.kurma.1.8.28) duḥ khottarāḥ smṛtā hyete sarve cādharmalakṣaṇāḥ / naiṣāṃ bhāryāsti putro vā sarve te hyūrdhvaretasaḥ // ### [1.8.29](https://indike.org/pramana/in.purana.kurma.1.8.29) ityeṣa tāmasaḥ sargo jajñe dharmaniyāmakaḥ / saṃkṣepeṇa mayā proktā visṛṣṭirmunipuṅgavā // ### [1.8.29.p1](https://indike.org/pramana/in.purana.kurma.1.8.29.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge 'ṣṭamo 'dhyāyaḥ ## Linked texts (9) - [Brahmāṇḍapurāṇa](https://indike.org/pramana/in.purana.brahmanda.1.9.10) — Vyāsa, Sanskrit - [Vāyupurāṇa](https://indike.org/pramana/in.purana.vayu.1.10.4) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.50.20) — Vyāsa, Sanskrit - [Padmapurāṇa](https://indike.org/pramana/in.purana.padma.1.1.193) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.7.29) — Sanskrit - [Agnipurāṇa](https://indike.org/pramana/in.purana.agni.382.71.p216) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.17.7) — Vyāsa, Sanskrit - [Mānava Dharmaśāstra](https://indike.org/pramana/in.niti.dharma.manu.1.32) — Manu & Bhṛgu, Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.8.p2) — Ativīrarāma Pāṇṭiyar, Sanskrit --- Source: [https://indike.org/pramana/in.purana.kurma.1.8](https://indike.org/pramana/in.purana.kurma.1.8) · Pramāṇa