[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 1 # Kurmapurana 1: Pūrvabhāga Kūrmapurāṇa 1 - **Language:** Sanskrit ## Contents - [1.1](https://indike.org/pramana/in.purana.kurma.1.1) — 126 parts - [1.2 dvitīyo'dhyāyaḥ](https://indike.org/pramana/in.purana.kurma.1.2) — 108 parts - [1.3 tṛtīyo'dhyāyaḥ](https://indike.org/pramana/in.purana.kurma.1.3) — 28 parts - [1.4 caturtho'dhyāyaḥ](https://indike.org/pramana/in.purana.kurma.1.4) — 65 parts - [1.5 pañcamo'dhyāyaḥ](https://indike.org/pramana/in.purana.kurma.1.5) — 23 parts - [1.6 ṣaṣṭho'dhyāyaḥ](https://indike.org/pramana/in.purana.kurma.1.6) — 25 parts - [1.7 saptamo'dhyāyaḥ](https://indike.org/pramana/in.purana.kurma.1.7) — 66 parts - [1.8 aṣṭamo'dhyāyaḥ](https://indike.org/pramana/in.purana.kurma.1.8) — 29 parts - [1.9 navamo'dhyāyaḥ](https://indike.org/pramana/in.purana.kurma.1.9) — 87 parts - [1.10](https://indike.org/pramana/in.purana.kurma.1.10) — 88 parts - [1.11 ekādaśo'dhyāyaḥ](https://indike.org/pramana/in.purana.kurma.1.11) — 336 parts - [1.12](https://indike.org/pramana/in.purana.kurma.1.12) — 23 parts - [1.13](https://indike.org/pramana/in.purana.kurma.1.13) — 64 parts - [1.14](https://indike.org/pramana/in.purana.kurma.1.14) — 97 parts - [1.15](https://indike.org/pramana/in.purana.kurma.1.15) — 237 parts - [1.16](https://indike.org/pramana/in.purana.kurma.1.16) — 69 parts - [1.17](https://indike.org/pramana/in.purana.kurma.1.17) — 19 parts - [1.18](https://indike.org/pramana/in.purana.kurma.1.18) — 27 parts - [1.19](https://indike.org/pramana/in.purana.kurma.1.19) — 75 parts - [1.20](https://indike.org/pramana/in.purana.kurma.1.20) — 61 parts - [1.21](https://indike.org/pramana/in.purana.kurma.1.21) — 78 parts - [1.22](https://indike.org/pramana/in.purana.kurma.1.22) — 47 parts - [1.23](https://indike.org/pramana/in.purana.kurma.1.23) — 85 parts - [1.24](https://indike.org/pramana/in.purana.kurma.1.24) — 92 parts - [1.25](https://indike.org/pramana/in.purana.kurma.1.25) — 113 parts - [1.26](https://indike.org/pramana/in.purana.kurma.1.26) — 22 parts - [1.27](https://indike.org/pramana/in.purana.kurma.1.27) — 57 parts - [1.28](https://indike.org/pramana/in.purana.kurma.1.28) — 67 parts - [1.29](https://indike.org/pramana/in.purana.kurma.1.29) — 78 parts - [1.30](https://indike.org/pramana/in.purana.kurma.1.30) — 29 parts - [1.31](https://indike.org/pramana/in.purana.kurma.1.31) — 53 parts - [1.32](https://indike.org/pramana/in.purana.kurma.1.32) — 32 parts - [1.33](https://indike.org/pramana/in.purana.kurma.1.33) — 36 parts - [1.34](https://indike.org/pramana/in.purana.kurma.1.34) — 46 parts - [1.35](https://indike.org/pramana/in.purana.kurma.1.35) — 38 parts - [1.36](https://indike.org/pramana/in.purana.kurma.1.36) — 15 parts - [1.37](https://indike.org/pramana/in.purana.kurma.1.37) — 17 parts - [1.38](https://indike.org/pramana/in.purana.kurma.1.38) — 44 parts - [1.39](https://indike.org/pramana/in.purana.kurma.1.39) — 45 parts - [1.40](https://indike.org/pramana/in.purana.kurma.1.40) — 26 parts - [1.41](https://indike.org/pramana/in.purana.kurma.1.41) — 42 parts - [1.42](https://indike.org/pramana/in.purana.kurma.1.42) — 29 parts - [1.43](https://indike.org/pramana/in.purana.kurma.1.43) — 39 parts - [1.44](https://indike.org/pramana/in.purana.kurma.1.44) — 40 parts - [1.45](https://indike.org/pramana/in.purana.kurma.1.45) — 45 parts - [1.46](https://indike.org/pramana/in.purana.kurma.1.46) — 60 parts - [1.47](https://indike.org/pramana/in.purana.kurma.1.47) — 69 parts - [1.48 aṣṭacatvāriṃśo'dhyāyaḥ](https://indike.org/pramana/in.purana.kurma.1.48) — 24 parts - [1.49](https://indike.org/pramana/in.purana.kurma.1.49) — 50 parts - [1.50](https://indike.org/pramana/in.purana.kurma.1.50) — 25 parts - [1.51](https://indike.org/pramana/in.purana.kurma.1.51) — 35 parts ### [1](https://indike.org/pramana/in.purana.kurma.1) kūrmapurāṇam-1 atha śrīkūrmapurāṇam pūrvavibhāgaḥ nārāyaṇaṃ namaskṛtya naraṃ caiva narottamam / devīṃ sarasvatīṃ caiva tato jayamudīrayet // ### [1.p1](https://indike.org/pramana/in.purana.kurma.1.p1) ,Mang.1 // ### [1.1.1](https://indike.org/pramana/in.purana.kurma.1.1.1) namaskṛtvāprameyāya viṣṇave kūrmarūpiṇe / purāṇaṃ saṃpravakṣyāmi yaduktaṃ viśvayoninā // ### [1.1.2](https://indike.org/pramana/in.purana.kurma.1.1.2) satrānte sūtamanaghaṃ naimiṣīyā maharṣayaḥ / purāṇasaṃhitāṃ puṇyāṃ papracchū romaharṣaṇam // ### [1.1.3](https://indike.org/pramana/in.purana.kurma.1.1.3) tvayā sūta mahābuddhe bhagavān brahmavittamaḥ / itihāsapurāṇārthaṃ vyāsaḥ samyagupāsitaḥ // ### [1.1.4](https://indike.org/pramana/in.purana.kurma.1.1.4) tasya te sarvaromāṇi vacasā hṛṣitāni yat / dvaipāyanasya bhagavāṃstato vai romaharṣaṇaḥ // ### [1.1.5](https://indike.org/pramana/in.purana.kurma.1.1.5) bhavantameva bhagavān vyājahāra svayaṃ prabhuḥ / munīnāṃ saṃhitāṃ vaktuṃ vyāsaḥ paurāṇikīṃ purā // ### [1.1.6](https://indike.org/pramana/in.purana.kurma.1.1.6) tvaṃ hi svāyaṃbhuve yajñe sutyāhe vitate hariḥ / saṃbhūtaḥ saṃhitāṃ vaktuṃ svāṃśena puruṣottamaḥ // ### [1.1.7](https://indike.org/pramana/in.purana.kurma.1.1.7) tasmād bhavantaṃ pṛcchāmaḥ purāṇaṃ kaurmamuttamam / vaktumarhasi cāsmākaṃ purāṇārthaviśārada // ### [1.1.8](https://indike.org/pramana/in.purana.kurma.1.1.8) munīnāṃ vacanaṃ śrutvā sūtaḥ paurāṇikottamaḥ / praṇamya manasā prāha guruṃ satyavatīsutam // ### [1.1.9](https://indike.org/pramana/in.purana.kurma.1.1.9) romaharṣaṇa uvāca namaskṛtvā jagadyoniṃ kūrmarūpadharaṃ harim / vakṣye paurāṇikīṃ divyāṃ kathāṃ pāpapraṇāśinīm // ### [1.1.10](https://indike.org/pramana/in.purana.kurma.1.1.10) yāṃ śrutvā pāpakarmāpi gaccheta paramāṃ gatim / na nāstike kathāṃ puṇyāmimāṃ brūyāt kadācana // ### [1.1.11](https://indike.org/pramana/in.purana.kurma.1.1.11) śraddadhānāya śāntāya dhārmikāya dvijātaye / imāṃ kathāmanubrūyāt sākṣānnārāyaṇeritām // ### [1.1.12](https://indike.org/pramana/in.purana.kurma.1.1.12) sargaśca pratisargaśca vaṃśo manvantarāṇi ca / vaṃśānucaritaṃ caiva purāṇaṃ pañcalakṣaṇam // ### [1.1.13](https://indike.org/pramana/in.purana.kurma.1.1.13) brāhmaṃ purāṇaṃ prathamaṃ pādmaṃ vaiṣṇavameva ca / śaivaṃ bhāgavataṃ caiva bhaviṣyaṃ nāradīyakam // ### [1.1.14](https://indike.org/pramana/in.purana.kurma.1.1.14) mārkaṇḍeyamathāgneyaṃ brahmavaivartameva ca / laiṅgaṃ tathā ca vārāhaṃ skāndaṃ vāmanameva ca // ### [1.1.15](https://indike.org/pramana/in.purana.kurma.1.1.15) kaurmaṃ mātsyaṃ gāruḍaṃ ca vāyavīyamanantaram / aṣṭādaśaṃ samuddiṣṭaṃ brahmaṇḍamiti saṃjñitam // ### [1.1.16](https://indike.org/pramana/in.purana.kurma.1.1.16) anyānyuparāṇāni munibhiḥ kathitāni tu / aṣṭādaśapurāṇāni śrutvā saṃkṣepato dvijāḥ // ### [1.1.17](https://indike.org/pramana/in.purana.kurma.1.1.17) ādyaṃ sanatkumāroktaṃ nārasihamataḥ param / tṛtīyaṃ skāndamuddiṣṭaṃ kumāreṇa tu bhāṣitam // ### [1.1.18](https://indike.org/pramana/in.purana.kurma.1.1.18) caturthaṃ śivadharmākhyaṃ sākṣānnandīśabhāṣitam / durvāsasoktamāścaryaṃ nāradoktamataḥ param // ### [1.1.19](https://indike.org/pramana/in.purana.kurma.1.1.19) kāpilaṃ mānavaṃ caiva tathaivośanaseritam / brahmāṇḍaṃ vāruṇaṃ cātha kālikāhvayameva ca // ### [1.1.20](https://indike.org/pramana/in.purana.kurma.1.1.20) māheśvaraṃ tathā sāmbaṃ sauraṃ sarvārthasaṃcayam / parāśaroktamaparaṃ mārīcaṃ bhārgavāhvayam // ### [1.1.21](https://indike.org/pramana/in.purana.kurma.1.1.21) idaṃ tu pañcadaśamaṃ purāṇaṃ kaurmamuttamam / caturdhā saṃsthitaṃ puṇyaṃ saṃhitānāṃ prabhedataḥ // ### [1.1.22](https://indike.org/pramana/in.purana.kurma.1.1.22) brāhmī bhagavatī saurī vaiṣṇavī ca prakīrtitāḥ / catastraḥ saṃhitāḥ puṇyā dharmakāmārthamokṣadāḥ // ### [1.1.23](https://indike.org/pramana/in.purana.kurma.1.1.23) iyaṃ tu saṃhitā brāhmī caturvedaistu sammitā / bhavanti ṣaṭsahastrāṇi ślokānāmatra saṃkhyayā // ### [1.1.24](https://indike.org/pramana/in.purana.kurma.1.1.24) yatra dharmārthakāmānāṃ mokṣasya ca munīśvarāḥ / māhātmyamakhilaṃ brahma jñāyate parameśvaraḥ // ### [1.1.25](https://indike.org/pramana/in.purana.kurma.1.1.25) sargaśca pratisargaśca vaṃśo manvantarāṇi ca / vaṃśānucaritaṃ divyāḥ puṇyāḥ prāsaṅgikīḥ kathāḥ // ### [1.1.26](https://indike.org/pramana/in.purana.kurma.1.1.26) brāhmaṇādyairiyaṃ dhāryā dhārmikaiḥ śāntamānasaiḥ / tāmahaṃ vartayiṣyāmi vyāsena kathitāṃ purā // ### [1.1.27](https://indike.org/pramana/in.purana.kurma.1.1.27) purāmṛtārthaṃ daiteyadānavaiḥ saha devatāḥ / manthānaṃ mandaraṃ kṛtvā mamanthuḥ kṣīrasāgaram // ### [1.1.28](https://indike.org/pramana/in.purana.kurma.1.1.28) mathyamāne tadā tasmin kūrmarūpī janārdanaḥ / babhāra mandaraṃ devo devānāṃ hitakāmyayā // ### [1.1.29](https://indike.org/pramana/in.purana.kurma.1.1.29) devāśca tuṣṭuvurdevaṃ nāradādyā maharṣayaḥ / kūrmarūpadharaṃ dṛṣṭvā sākṣiṇaṃ viṣṇumavyayam // ### [1.1.30](https://indike.org/pramana/in.purana.kurma.1.1.30) tadantare 'bhavad devī śrīrnārāyaṇavallabhā / jagrāha bhagavān viṣṇustāmeva puruṣottamaḥ // ### [1.1.31](https://indike.org/pramana/in.purana.kurma.1.1.31) tejasā viṣṇumavyaktaṃ nāradādyā maharṣayaḥ / mohitāḥ saha śakreṇa śriyo vacanamabruvan // ### [1.1.32](https://indike.org/pramana/in.purana.kurma.1.1.32) bhagavan devadeveśa nārāyaṇa jaganmaya / kaiṣā devī viśālākṣī yathāvad brūhi pṛcchatām // ### [1.1.33](https://indike.org/pramana/in.purana.kurma.1.1.33) śrutvā teṣāṃ tadā vākyaṃ viṣṇurdānavamardanaḥ / provāca devīṃ saṃprekṣya nāradādīnakalmaṣān // ### [1.1.34](https://indike.org/pramana/in.purana.kurma.1.1.34) iyaṃ sā paramā śaktirmanmayī brahmarūpiṇī / māyā mama priyānantā yayedaṃ mohitaṃ jagat // ### [1.1.35](https://indike.org/pramana/in.purana.kurma.1.1.35) anayaiva jagatsarvaṃ sadevāsuramānuṣam / mohayāmi dvijaśreṣṭhā grasāmi visṛjāmi ca // ### [1.1.36](https://indike.org/pramana/in.purana.kurma.1.1.36) utpattiṃ pralayaṃ caiva bhūtanāmāgatiṃ gatim / vijñāyānvīkṣya cātmānaṃ taranti vipulāmimām // ### [1.1.37](https://indike.org/pramana/in.purana.kurma.1.1.37) asyāstvaṃśānadhiṣṭhāya śaktimanto 'bhavan dvijāḥ / brahmeśānādayo devāḥ sarvaśaktiriyaṃ mama // ### [1.1.38](https://indike.org/pramana/in.purana.kurma.1.1.38) saiṣā sarvajagatsūtiḥ prakṛtistriguṇātmikā / prāgeva mattaḥ saṃjātā śrīkalpe padmavāsinī // ### [1.1.39](https://indike.org/pramana/in.purana.kurma.1.1.39) caturbhujā śaṅkhacakrapadmahastā śubhānvitā / koṭisūryapratīkāśā mohinī sarvadehinām // ### [1.1.40](https://indike.org/pramana/in.purana.kurma.1.1.40) nālaṃ devā na pitaro mānavā vasavo 'pi ca / māyāmetāṃ samuttartuṃ ye cānye bhuvi dehinaḥ // ### [1.1.41](https://indike.org/pramana/in.purana.kurma.1.1.41) ityukto vāsudevena munayo viṣṇumabruvan / brūhi tvaṃ puṇḍarīkākṣa yadi kālatraye 'pi ca / ko vā tarati tāṃ māyāṃ durjayāṃ devanirmitām // ### [1.1.42](https://indike.org/pramana/in.purana.kurma.1.1.42) athovāca hṛṣīkeśo munīn munigaṇārcitaḥ / asti dvijātipravara indradyumna iti śrutaḥ // ### [1.1.43](https://indike.org/pramana/in.purana.kurma.1.1.43) pūrvajanmani rājāsāvadhṛṣyaḥ śaṅkarādibhiḥ / dṛṣṭvā māṃ kūrmasaṃsthānaṃ śrutvā paurāṇikīṃ svayam / saṃhitāṃ manmukhād divyāṃ puraskṛtya munīśvarān // ### [1.1.44](https://indike.org/pramana/in.purana.kurma.1.1.44) brahmāṇaṃ ca mahādevaṃ devāṃścānyān svaśaktibhiḥ / macchaktau saṃsthitān buddhvā māmeva śaraṇaṃ gataḥ // ### [1.1.45](https://indike.org/pramana/in.purana.kurma.1.1.45) saṃbhāṣito mayā cātha viprayoniṃ gamiṣyasi / indradyumna iti khyāto jātiṃ smarasi paurvikīm // ### [1.1.46](https://indike.org/pramana/in.purana.kurma.1.1.46) sarveṣāmeva bhūtānāṃ devānāmapyagocaram / vaktavyaṃ yad guhyatamaṃ dāsye jñānaṃ tavānagha / labdhvā tanmāmakaṃ jñānaṃ māmevānte pravekṣyasi // ### [1.1.47](https://indike.org/pramana/in.purana.kurma.1.1.47) aṃśāntareṇa bhūmyāṃ tvaṃ tatra tiṣṭha sunirdṛtaḥ / vaivasvate 'ntare 'tite kāryārthaṃ māṃ pravekṣyasi // ### [1.1.48](https://indike.org/pramana/in.purana.kurma.1.1.48) māṃ praṇamya purīṃ gatvā pālayāmāsa medinīm / kāladharmaṃ gataḥ kālācchvetadvīpe mayā saha // ### [1.1.49](https://indike.org/pramana/in.purana.kurma.1.1.49) bhuktvā tān vaiṣṇavān bhogān yogināmapyagocarān / madājñayā muniśreṣṭhā jajñe viprakule punaḥ // ### [1.1.50](https://indike.org/pramana/in.purana.kurma.1.1.50) jñātvā māṃ vāsudevākhyaṃ yatra dve nihite 'kṣare / vidyāvidye gūḍharūpe yattad brahma paraṃ viduḥ // ### [1.1.51](https://indike.org/pramana/in.purana.kurma.1.1.51) sor'cayāmāsa bhūtānāmāśrayaṃ parameśvaram / vratopavāsaniyamairhemairbrāhmaṇatarpaṇaiḥ // ### [1.1.52](https://indike.org/pramana/in.purana.kurma.1.1.52) tadāśīstannamaskārastanniṣṭhastatparāyaṇaḥ / ārādhayan mahādevaṃ yogināṃ hṛdi saṃsthitam // ### [1.1.53](https://indike.org/pramana/in.purana.kurma.1.1.53) tasyaivaṃ vartamānasya kadācit paramā kalā / svarūpaṃ darśayāmāsa divyaṃ viṣṇusamudbhavam // ### [1.1.54](https://indike.org/pramana/in.purana.kurma.1.1.54) dṛṣṭvā praṇamya śirasā viṣṇorbhagavataḥ priyām / saṃstūya vividhaiḥ stotraiḥ kṛtāñjalirabhāṣata // ### [1.1.55](https://indike.org/pramana/in.purana.kurma.1.1.55) irnddayumna uvāca kā tvaṃ deviviśālākṣi viṣṇucihnaṅkite śubhe / yāthātathyena vai bhāvaṃ tavedānīṃ bravīhi me // ### [1.1.56](https://indike.org/pramana/in.purana.kurma.1.1.56) tasya tad vākyamākarṇya suprasannā sumaṅgalā / hasantī saṃsmaran viṣṇuṃ priyaṃ brāhmaṇamabravīt // ### [1.1.57](https://indike.org/pramana/in.purana.kurma.1.1.57) na māṃ paśyanti munayo devāḥ śakrapurogamāḥ / nārāyaṇātmikā caikā māyāhaṃ tanmayā parā // ### [1.1.58](https://indike.org/pramana/in.purana.kurma.1.1.58) na me nārāyaṇād bhedo vidyate hi vicārataḥ / tanmayāhaṃ paraṃ brahma sa viṣṇuḥ parameśvaraḥ // ### [1.1.59](https://indike.org/pramana/in.purana.kurma.1.1.59) yer'cayantīha bhūtānāmāśrayaṃ parameśvaram / jñānena karmayogena na teṣāṃ prabhavāmyaham // ### [1.1.60](https://indike.org/pramana/in.purana.kurma.1.1.60) tasmādanādinidhanaṃ karmayogaparāyaṇaḥ / jñānenārādhayānantaṃ tato mokṣamavāpsyasi // ### [1.1.61](https://indike.org/pramana/in.purana.kurma.1.1.61) ityuktaḥ sa muniśreṣṭha indradyumno mahāmatiḥ / praṇamya śirasā devīṃ prāñjaliḥ punarabravīt // ### [1.1.62](https://indike.org/pramana/in.purana.kurma.1.1.62) kathaṃ sa bhagavānīśaḥ śāśvato niṣkalo 'cyutaḥ / jñātuṃ hi śakyate devi brūhi me parameśvari // ### [1.1.63](https://indike.org/pramana/in.purana.kurma.1.1.63) ekamuktātha vipreṇa devī kamalavāsinī / sākṣānnārāyaṇo jñānaṃ dāsyatītyāha taṃ munim // ### [1.1.64](https://indike.org/pramana/in.purana.kurma.1.1.64) ubhābhyāmatha hastābhyāṃ saṃspṛśya praṇataṃ munim / smṛtvā parātparaṃ viṣṇuṃ tatraivāntaradhīyata // ### [1.1.65](https://indike.org/pramana/in.purana.kurma.1.1.65) so 'pi nārāyaṇaṃ draṣṭuṃ parameṇa samādhinā / ārādhayaddhṛṣīkeśaṃ praṇatārtiprabhañjanam // ### [1.1.66](https://indike.org/pramana/in.purana.kurma.1.1.66) tato bahutithe kāle gate nārāyaṇaḥ svayam / prādurāsīnmahāyogī pītavāsā jaganmayaḥ // ### [1.1.67](https://indike.org/pramana/in.purana.kurma.1.1.67) dṛṣṭvā devaṃ samāyāntaṃ viṣṇumātmānamavyayam / jānubhyāmavaniṃ gatvā tuṣṭāva garuḍadhvajam // ### [1.1.68](https://indike.org/pramana/in.purana.kurma.1.1.68) indradyumna uvāca yajñeśācyuta govinda mādhavānanta keśava / kuṣṇa viṣṇo hṛṣīkeśa tubhyaṃ viśvātmane namaḥ // ### [1.1.69](https://indike.org/pramana/in.purana.kurma.1.1.69) namo 'stu te purāṇāya haraye viśvamūrtaye / sargasthitivināśānāṃ hetave 'nantaśakye // ### [1.1.70](https://indike.org/pramana/in.purana.kurma.1.1.70) nirguṇāya namastubhyaṃ niṣkalāyāmalātmane / puruṣāya namastubhyaṃ viśvarūpāya te namaḥ // ### [1.1.71](https://indike.org/pramana/in.purana.kurma.1.1.71) namaste vāsudevāya viṣṇave viśvayonaye / ādimadhyāntahīnāya jñānagamyāya te namaḥ // ### [1.1.72](https://indike.org/pramana/in.purana.kurma.1.1.72) namaste nirvikārāya niṣprapañcāya te namaḥ / bhedābhedavihīnāya namo 'stvānandarūpiṇe // ### [1.1.73](https://indike.org/pramana/in.purana.kurma.1.1.73) namastārāya śāntāya namo 'pratihatātmane / anantamūrtaye tubhyamamūrtāya namo namaḥ // ### [1.1.74](https://indike.org/pramana/in.purana.kurma.1.1.74) namaste paramārthāya māyātītāya te namaḥ / namaste parameśāya brahmaṇe paramātmane // ### [1.1.75](https://indike.org/pramana/in.purana.kurma.1.1.75) namo 'stu te susūkṣmāya mahādevāya te namaḥ / namaḥ śivāya śuddhāya namaste parameṣṭhine // ### [1.1.76](https://indike.org/pramana/in.purana.kurma.1.1.76) tvayaiva sṛṣṭamakhilaṃ tvameva paramā gatiḥ / tvaṃ pitā sarvabhūtānāṃ tvaṃ mātā puruṣottama // ### [1.1.77](https://indike.org/pramana/in.purana.kurma.1.1.77) tvamakṣaraṃ paraṃ dhāma cinmātraṃ vyoma niṣkalam / sarvasyādhāramavyaktamanantaṃ tamasaḥ param // ### [1.1.78](https://indike.org/pramana/in.purana.kurma.1.1.78) prapaśyanti parātmānaṃ jñānadīpena kevalam / prapadye bhavato rūpaṃ tadviṣṇoḥ paramaṃ padam // ### [1.1.79](https://indike.org/pramana/in.purana.kurma.1.1.79) evaṃ stuvantaṃ bhagavān bhūtātmā bhūtabhāvanaḥ / ubhābhyāmatha hastābhyāṃ pasparśa prahasanniva // ### [1.1.80](https://indike.org/pramana/in.purana.kurma.1.1.80) spṛṣṭamātro bhagavatā viṣṇunā munipuṅgavaḥ / yathāvat paramaṃ tattvaṃ jñātavāṃstatprasādataḥ // ### [1.1.81](https://indike.org/pramana/in.purana.kurma.1.1.81) tataḥ prahṛṣṭamanasā praṇipatya janārdanam / provāconnidrapadmākṣaṃ pītavāsasamacyutam // ### [1.1.82](https://indike.org/pramana/in.purana.kurma.1.1.82) tvatprasādādasaṃdigdhamutpannaṃ puruṣottama / jñānaṃ brahmaikaviṣayaṃ paramānandasiddhidam // ### [1.1.83](https://indike.org/pramana/in.purana.kurma.1.1.83) namo bhagavate tubhyaṃ vāsudevāya vedhase / kiṃ kariṣyāmi yogeśa tanme vada jaganmaya // ### [1.1.84](https://indike.org/pramana/in.purana.kurma.1.1.84) śrutvā nārāyaṇo vākyamindradyumnasya mādhavaḥ / uvāca sasmitaṃ vākyamaśeṣajagato hitam // ### [1.1.85](https://indike.org/pramana/in.purana.kurma.1.1.85) śrībhagavānuvāca varṇāśramācāravatāṃ puṃsāṃ devo maheśvaraḥ / jñānena bhaktiyogena pūjanīyo na cānyathā // ### [1.1.86](https://indike.org/pramana/in.purana.kurma.1.1.86) vijñāya tatparaṃ tattvaṃ vibhūtiṃ kāryakāraṇam / pravṛtiṃ cāpi me jñātvā mokṣārthośvaramarcayet // ### [1.1.87](https://indike.org/pramana/in.purana.kurma.1.1.87) sarvasaṅgān parityajya jñātvā māyāmayaṃ jagat / advaitaṃ bhāvayātmānaṃ drakṣyase parameśvaram // ### [1.1.88](https://indike.org/pramana/in.purana.kurma.1.1.88) trividhā bhāvanā brahman procyamānā nibodha me / ekā madviṣayā tatra dvitīyā vyaktasaṃśrayā / anyā ca bhāvanā brāhmī vijñeyā sā guṇātigā // ### [1.1.89](https://indike.org/pramana/in.purana.kurma.1.1.89) āsāmanyatamāṃ cātha bhāvanāṃ bhāvayed budhaḥ / aśaktaḥ saṃśrayedādyāmityeṣā vaidikī śrutiḥ // ### [1.1.90](https://indike.org/pramana/in.purana.kurma.1.1.90) tasmāt sarvaprayatnena tanniṣṭhastatparāyaṇaḥ / samārādhaya viśveśaṃ tato mokṣamavāpsyasi // ### [1.1.91](https://indike.org/pramana/in.purana.kurma.1.1.91) indradyumna uvāca kiṃ tat parataraṃ tattvaṃ kā vibhūtirjanārdana / kiṃ kāryaṃ kāraṇaṃ kastvaṃ pravṛttiścāpi kā tava // ### [1.1.92](https://indike.org/pramana/in.purana.kurma.1.1.92) parātparataraṃ tattvaṃ paraṃ brahmaikamavyayam / nityānandaṃ svayañjyotirakṣaraṃ tamasaḥ param // ### [1.1.93](https://indike.org/pramana/in.purana.kurma.1.1.93) aiśvaryaṃ tasya yannityaṃ vibhūtiriti gīyate / kāryaṃ jagadathāvyaktaṃ kāraṇaṃ śuddhamakṣaram // ### [1.1.94](https://indike.org/pramana/in.purana.kurma.1.1.94) ahaṃ hi sarvabhūtānāmantaryāmīśvaraḥ paraḥ / sargasthityantakartṛtvaṃ pravṛttirmama gīyate // ### [1.1.95](https://indike.org/pramana/in.purana.kurma.1.1.95) etad vijñāya bhāvena yathāvadakhilaṃ dvija / tatastvaṃ karmayogena śāśvataṃ samyagarcaya // ### [1.1.96](https://indike.org/pramana/in.purana.kurma.1.1.96) indradyumna uvāca ke te varṇāśramācārā yaiḥ samārādhyate paraḥ / jñānaṃ ca kīdṛśaṃ divyaṃ bhāvanātrayasaṃsthitam // ### [1.1.97](https://indike.org/pramana/in.purana.kurma.1.1.97) kathaṃ sṛṣṭamidaṃ pūrvaṃ kathaṃ saṃhriyate punaḥ / kiyatyaḥ sṛṣṭayo loke vaṃśā manvantarāṇi ca / kāni teṣāṃ pramāṇāni pāvanāni vratāni ca // ### [1.1.98](https://indike.org/pramana/in.purana.kurma.1.1.98) tīrthānyarkādisaṃsthānaṃ pṛthivyāyāmavistare / kati dvīpāḥ samudrāśca parvatāśca nadīnadāḥ / brūhi me puṇḍarīkākṣa yathāvadadhunākhilam // ### [1.1.99](https://indike.org/pramana/in.purana.kurma.1.1.99) śrīkūrma uvāca evamukto 'tha tenāhaṃ bhaktānugrahakāmyayā / yathāvadakhilaṃ sarvamavocaṃ munipuṅgavāḥ // ### [1.1.100](https://indike.org/pramana/in.purana.kurma.1.1.100) vyākhyāyāśeṣamevedaṃ yatpṛṣṭo 'haṃ dvijena tu / anugṛhya ca taṃ vipraṃ tatraivāntarhito 'bhavam // ### [1.1.101](https://indike.org/pramana/in.purana.kurma.1.1.101) so 'pi tena vidhānena maduktena dvijottamaḥ / ārādhayāmāsa paraṃ bhāvapūtaḥ samāhitaḥ // ### [1.1.102](https://indike.org/pramana/in.purana.kurma.1.1.102) tyaktvā putrādiṣu snehaṃ nirdvandvo niṣparigrahaḥ / saṃnyasya sarvakarmāṇi paraṃ vairāgyamāśritaḥ // ### [1.1.103](https://indike.org/pramana/in.purana.kurma.1.1.103) ātmanyātmānamanvīkṣya svātmanyevākhilaṃ jagat / saṃprāpya bhāvanāmantyāṃ brāhmīmakṣarapūrvikām // ### [1.1.104](https://indike.org/pramana/in.purana.kurma.1.1.104) avāpa paramaṃ yogaṃ yenaikaṃ paripaśyati / yaṃ vinidrā jitaśvāsāḥ kāṅkṣante mokṣakāṅkṣiṇaḥ // ### [1.1.105](https://indike.org/pramana/in.purana.kurma.1.1.105) tataḥ kadācid yogīndro brahmāṇaṃ draṣṭumavyayam / jagāmādityanirdeśānmānasottaraparvatam / ākāśenaiva viprendro yogaiśvaryaprabhāvataḥ // ### [1.1.106](https://indike.org/pramana/in.purana.kurma.1.1.106) vimānaṃ sūryasaṃkāśaṃ prādhurbhūtamanuttamam / anvagacchan devagaṇā gandharvāpsarasāṃ gaṇāḥ / dṛṣṭvānye pathi yogīndraṃ siddhā brahmarṣayo yayuḥ // ### [1.1.107](https://indike.org/pramana/in.purana.kurma.1.1.107) tataḥ sa gatvā tu giriṃ viveśa suravanditam / sthānaṃ tadyogibhirjuṣṭaṃ yatrāste paramaḥ pumān // ### [1.1.108](https://indike.org/pramana/in.purana.kurma.1.1.108) saṃprāpya paramaṃ sthānaṃ sūryāyutasamaprabham / viveśa cāntarbhavanaṃ devānāṃ ca durāsadam // ### [1.1.109](https://indike.org/pramana/in.purana.kurma.1.1.109) vicintayāmāsa paraṃ śaraṇyaṃ sarvadehinām / anādinidhanaṃ devaṃ devadevaṃ pitāmaham // ### [1.1.110](https://indike.org/pramana/in.purana.kurma.1.1.110) tataḥ prādurabhūt tasmin prakāśaḥ paramātmanaḥ / tanmadhye puruṣaṃ pūrvamapaśyat paramaṃ padam // ### [1.1.111](https://indike.org/pramana/in.purana.kurma.1.1.111) mahāntaṃ tejaso rāśimagamyaṃ brahmavidviṣām / caturmukhamudārāṅgamarcibhirupaśobhitam // ### [1.1.112](https://indike.org/pramana/in.purana.kurma.1.1.112) so 'pi yoginamanvīkṣya praṇamantamupasthitam / pratyudgamya svayaṃ devo viśvātmā pariṣasvaje // ### [1.1.113](https://indike.org/pramana/in.purana.kurma.1.1.113) pariṣvaktasya devena dvijendrasyātha dehataḥ / nirgatya mahatī jyotsnā viveśādityamaṇḍalam / ṛgyajuḥ sāmasaṃjñaṃ tat pavitramamalaṃ padam // ### [1.1.114](https://indike.org/pramana/in.purana.kurma.1.1.114) hiraṇyagarbho bhagavān yatrāste havyakavyabhuk / dvāraṃ tad yogināmādyaṃ vedānteṣu pratiṣṭhitam / brahmatejomayaṃ śrīmanniṣṭhā caiva manīṣiṇām // ### [1.1.115](https://indike.org/pramana/in.purana.kurma.1.1.115) dṛṣṭamātro bhagavatāta brahmaṇārcirmayo muniḥ / apaśyadaiśvaraṃ tejaḥ śāntaṃ sarvatragaṃ śivam // ### [1.1.116](https://indike.org/pramana/in.purana.kurma.1.1.116) svātmānamakṣaraṃ vyomatad viṣṇoḥ paramaṃ padam / ānandamacalaṃ brahma sthānaṃ tatpārameśvaram // ### [1.1.117](https://indike.org/pramana/in.purana.kurma.1.1.117) sarvabhūtātmabhūtaḥ sa paramaiśvaryamāsthitaḥ / prāptavānātmano dhāma yattanmokṣākhyamavyayam // ### [1.1.118](https://indike.org/pramana/in.purana.kurma.1.1.118) tasmāt sarvaprayatnena varṇāśramavidhau sthitaḥ / samāśrityāntimaṃ bhāvaṃ māyāṃ lakṣmīṃ tared budhaḥ // ### [1.1.119](https://indike.org/pramana/in.purana.kurma.1.1.119) sūta uvāca vyāhṛtā hariṇā tvevaṃ nārādādyā maharṣayaḥ / śakreṇa sahitāḥ sarve papracchurgaruḍadhvajam // ### [1.1.120](https://indike.org/pramana/in.purana.kurma.1.1.120) ṛṣaya ūcuḥ devadeva hṛṣīkeśa nātha nārāyaṇāmala / tad vadāśeṣamasmākaṃ yaduktaṃ bhavatā purā // ### [1.1.121](https://indike.org/pramana/in.purana.kurma.1.1.121) indradyumnāya viprayā jñānaṃ dharmādigocaram / śuśrūṣuścāpyayaṃ śakraḥ sakhā tava jaganmaya // ### [1.1.122](https://indike.org/pramana/in.purana.kurma.1.1.122) tataḥ sa bhagavān viṣṇuḥ kūrmarūpī janārdanaḥ / rasātalagato devo nāradādyairmaharṣibhiḥ // ### [1.1.123](https://indike.org/pramana/in.purana.kurma.1.1.123) pṛṣṭaḥ provāca sakalaṃ purāṇaṃ kaurmamuttamam / sannidhau devarājasya tad vakṣye bhavatāmaham // ### [1.1.124](https://indike.org/pramana/in.purana.kurma.1.1.124) dhanyaṃ yaśasyāmāyuṣyaṃ puṇyaṃ mokṣapradaṃ nṛṇām / purāṇaśravaṇaṃ viprāḥ kathanaṃ ca viśeṣataḥ // ### [1.1.125](https://indike.org/pramana/in.purana.kurma.1.1.125) śrutvā cādhyāyamevaikaṃ sarvapāpaiḥ pramucyate / upākhyānamathaikaṃ vā brahmaloke mahīyate // ### [1.1.126](https://indike.org/pramana/in.purana.kurma.1.1.126) idaṃ purāṇaṃ paramaṃ kaurmaṃ kūrmasvarūpiṇā / uktaṃ devādhidevena śraddhātavyaṃ dvijātibhiḥ // ### [1.1.126.p1](https://indike.org/pramana/in.purana.kurma.1.1.126.p1) iti śrīkūrmapurāṇe ṣaṭsāhastryāṃ saṃhitāyāṃ pūrvavibhāge prathamo 'dhyāyaḥ ### dvitīyo'dhyāyaḥ ### [1.2.1](https://indike.org/pramana/in.purana.kurma.1.2.1) śrīkūrma uvāca śṛṇudhvamṛṣayaḥ sarve yatpṛṣṭo 'haṃ jagaddhitam / vakṣyamāṇaṃ mayā sarvamindradyumnāya bhāṣitam // ### [1.2.2](https://indike.org/pramana/in.purana.kurma.1.2.2) bhūtairbhavyairbhaviṣyadbhiścaritairupabṛṃhitam / purāṇaṃ puṇyadaṃ nṛṇāṃ mokṣadharmānukīrtanam // ### [1.2.3](https://indike.org/pramana/in.purana.kurma.1.2.3) ahaṃ nārāyaṇo devaḥ pūrvamāsaṃ na me param / upāsya vipulāṃ nidrāṃ bhogiśayyāṃ samāśritaḥ // ### [1.2.4](https://indike.org/pramana/in.purana.kurma.1.2.4) cintayāmi punaḥ sṛṣṭiṃ niśānte pratibudhya tu / tato me sahasotpannaḥ prasādo munipuṅgavā // ### [1.2.5](https://indike.org/pramana/in.purana.kurma.1.2.5) caturmukhastato jāto brahmā lokapitāmahaḥ / tadantare 'bhavat krodhaḥ kasmāccit kāraṇāt tadā // ### [1.2.6](https://indike.org/pramana/in.purana.kurma.1.2.6) ātmano muniśārdūlāstatra devo maheśvaraḥ / rudraḥ krodhātmajo jajñe śūlapāṇistrilocanaḥ / tejasā sūryasaṃkāśastrailokyaṃ saṃharanniva // ### [1.2.7](https://indike.org/pramana/in.purana.kurma.1.2.7) tataḥ śrīrabhavad devi kamalāyatalocanā / surūpā saumyavadanā mohinī sarvadehinām // ### [1.2.8](https://indike.org/pramana/in.purana.kurma.1.2.8) śucismitā suprasannā maṅgalā mahimāspadā / divyakāntisamāyuktā divyamālyopaśobhitā // ### [1.2.9](https://indike.org/pramana/in.purana.kurma.1.2.9) nārāyaṇī mahāmāyā mūlaprakṛtiravyayā / svadhāmnā pūrayantīdaṃ matpārśvaṃ samupāviśat // ### [1.2.10](https://indike.org/pramana/in.purana.kurma.1.2.10) tāṃ dṛṣṭavā bhagavān brahmā māmuvāca jagatpatiḥ / mohāyāśeṣabhūtānāṃ niyojaya surūpiṇīm / yeneyaṃ vipulā sṛṣṭirvardhate mama mādhava // ### [1.2.11](https://indike.org/pramana/in.purana.kurma.1.2.11) tathokto 'haṃ śriyaṃ devīmabruvaṃ prahasanniva / devīdamakhilaṃ viśvaṃ sadevāsuramānuṣam / mohayitvā mamādeśāt saṃsāre vinipātaya // ### [1.2.12](https://indike.org/pramana/in.purana.kurma.1.2.12) jñānayogaratān dāntān brahmiṣṭhān brahmavādinaḥ / akrodhanān satyaparān dūrataḥ parivarjaya // ### [1.2.13](https://indike.org/pramana/in.purana.kurma.1.2.13) dhyāyino nirmamān śāntān dhārmikān vedapāragān / jāpinastāpasān viprān dūrataḥ parivarjaya // ### [1.2.14](https://indike.org/pramana/in.purana.kurma.1.2.14) vedavedāntavijñānasaṃchinnāśeṣasaṃśayān / mahāyajñaparān viprān dūrataḥ parivarjaya // ### [1.2.15](https://indike.org/pramana/in.purana.kurma.1.2.15) ye yajanti japairhemairdevadevaṃ maheśvaram / svādhyāyenejyayā dūrāt tān prayatnena varjaya // ### [1.2.16](https://indike.org/pramana/in.purana.kurma.1.2.16) bhaktiyogasamāyuktānīśvarārpitamānasān / prāṇāyāmādiṣu ratān dūrāt pariharāmalān // ### [1.2.17](https://indike.org/pramana/in.purana.kurma.1.2.17) praṇavāsaktamanaso rudrajapyaparāyaṇān / atharvaśiraso 'dhyetṛn dharmajñān parivarjaya // ### [1.2.18](https://indike.org/pramana/in.purana.kurma.1.2.18) bahunātra kimuktena svadharmaparipālakān / īśvarārādhanaratān manniyogānna mohaya // ### [1.2.19](https://indike.org/pramana/in.purana.kurma.1.2.19) evaṃ mayā mahāmāyā preritā harivallabhā / yathādeśaṃ cakārāsau tasmāllakṣmīṃ samarcayet // ### [1.2.20](https://indike.org/pramana/in.purana.kurma.1.2.20) śriyaṃ dadāti vipulāṃ puṣṭiṃ medhāṃ yaśo balam / arcitā bhagavatpatnī tasmāllakṣmīṃ samarcayet // ### [1.2.21](https://indike.org/pramana/in.purana.kurma.1.2.21) tato 'sṛjat sa bhagavān brahmā lokapitāmahaḥ / carācarāṇi bhūtāni yathāpūrvaṃ mamājñayā // ### [1.2.22](https://indike.org/pramana/in.purana.kurma.1.2.22) parīcibhṛgvaṅgirasaḥ pulastyaṃ pulahaṃ kratum / dakṣamatriṃ vasiṣṭhaṃ ca so 'sṛjad yogavidyayā // ### [1.2.23](https://indike.org/pramana/in.purana.kurma.1.2.23) navaite brahmaṇaḥ putrā brahmāṇo brāhmaṇottamāḥ / brahmavādina evaite marīcyādyāstu sādhakāḥ // ### [1.2.24](https://indike.org/pramana/in.purana.kurma.1.2.24) sasarja brāhmaṇān vaktrāt kṣatriyāṃśca bhujād vibhuḥ / vaiśyānūrudvayād devaḥ pādārchūdrān pitāmahaḥ // ### [1.2.25](https://indike.org/pramana/in.purana.kurma.1.2.25) yajñaniṣpattaye brahmā śūdravarjaṃ sasarja ha / guptaye sarvavedānāṃ tebhyo yajño hi nirbabhau // ### [1.2.26](https://indike.org/pramana/in.purana.kurma.1.2.26) ṛco yajūṃṣi sāmāni tathaivātharvaṇāni ca / brahmaṇaḥ sahajaṃ rūpaṃ nityaiṣā śaktiravyayā // ### [1.2.27](https://indike.org/pramana/in.purana.kurma.1.2.27) anādinidhanā divyā vāgutsṛṣṭā svayaṃbhuvā / ādau vedamayī bhūtā yataḥ sarvāḥ pravṛttayaḥ // ### [1.2.28](https://indike.org/pramana/in.purana.kurma.1.2.28) ato 'nyānitu śāstrāṇipṛthivyāṃyānikānicit / na teṣu ramate dhīraḥ pāṣaṇḍī tena jāyate // ### [1.2.29](https://indike.org/pramana/in.purana.kurma.1.2.29) vedārthavittamaiḥ kāryaṃ yatsmṛtaṃ munibhiḥ purā / sa jñeyaḥ paramo dharmo nānyaśāstreṣu saṃsthitaḥ // ### [1.2.30](https://indike.org/pramana/in.purana.kurma.1.2.30) yā vedabāhyāḥ smṛtayo yāśca kāśca kudṛṣṭayaḥ / sarvāstā niṣphalāḥ pretyatamoniṣṭhāhitāḥ smṛtāḥ // ### [1.2.31](https://indike.org/pramana/in.purana.kurma.1.2.31) pūrvakalpe prajā jātāḥ sarvabādāvivarjitāḥ / śuddhāntaḥ karaṇāḥ sarvāḥ svadharmaniratāḥ sadā // ### [1.2.32](https://indike.org/pramana/in.purana.kurma.1.2.32) tataḥ kālavaśāt tāsāṃ rāgadveṣādiko 'bhavat / adharmo muniśārdūlāḥ svadharmapratibandhakaḥ // ### [1.2.33](https://indike.org/pramana/in.purana.kurma.1.2.33) tataḥ sā sahajā siddhistāsāṃ nātīva jāyate / rajomātrātmikāstāsāṃ siddhayo 'nyāstadābhavan // ### [1.2.34](https://indike.org/pramana/in.purana.kurma.1.2.34) tāsu kṣīṇāsvaśeṣāsu kālayogena tāḥ punaḥ / vārtopāyaṃ punaścakrurhastasiddhiṃ ca karmajām / tatastāsāṃ vibhurbrahmā karmājīvamakalpayat // ### [1.2.35](https://indike.org/pramana/in.purana.kurma.1.2.35) svāyaṃbhuvo manuḥ pūrvaṃ dharmān provāca dharmadṛk / sākṣāt prajāpatermūrtirnisṛṣṭā brahmaṇā dvijāḥ / bhṛgvādayastadvadanācchrutvā dharmānathocire // ### [1.2.36](https://indike.org/pramana/in.purana.kurma.1.2.36) yajanaṃ yājanaṃ dānaṃ brāhmaṇasya pratigraham / adhyāpanaṃ cādhyayanaṃ ṣaṭ karmāṇi dvijottamāḥ // ### [1.2.37](https://indike.org/pramana/in.purana.kurma.1.2.37) dānamadhyayanaṃ yajño dharmaḥ kṣatriyavaiśyayoḥ / daṇḍo yuddhaṃ kṣatriyasya kṛṣirvaiśyasya śasyate // ### [1.2.38](https://indike.org/pramana/in.purana.kurma.1.2.38) śuśrūṣaiva dvijātīnāṃ śūdrāṇāṃ dharmasādhanam / kārukarma tathājīvaḥ pākayajño 'pi dharmataḥ // ### [1.2.39](https://indike.org/pramana/in.purana.kurma.1.2.39) tataḥ sthiteṣu varṇeṣu sthāpayāmāsa cāśramān / gṛhasthaṃ ca vanasthaṃ ca bhikṣukaṃ brahmacāriṇam // ### [1.2.40](https://indike.org/pramana/in.purana.kurma.1.2.40) agnayo 'tithiśuśrūṣā yajño dānaṃ surārcanam / gṛhasthasya samāsena dharmo 'yaṃ munipuṅgavāḥ // ### [1.2.41](https://indike.org/pramana/in.purana.kurma.1.2.41) homo mūlaphalāśitvaṃ svādhyāyastapa eva ca / saṃvibhāgo yathānyāyaṃ dharmo 'yaṃ vanavāsinām // ### [1.2.42](https://indike.org/pramana/in.purana.kurma.1.2.42) bhaikṣāśanaṃ ca maunitvaṃ tapo dhyānaṃ viśeṣataḥ / samyagjñānaṃ ca vairāgyaṃ dharmo 'yaṃ bhikṣuke mataḥ // ### [1.2.43](https://indike.org/pramana/in.purana.kurma.1.2.43) bhikṣācaryā ca śuśrūṣā guroḥ svādhyāya eva ca / sandhyākarmāgnikāryaṃ ca dharmo 'yaṃ brahmacāriṇām // ### [1.2.44](https://indike.org/pramana/in.purana.kurma.1.2.44) brahmacārivanasthānāṃ bhikṣukāṇāṃ dvijottamāḥ / sādhāraṇaṃ brahmacaryaṃ provāca kamalodbhavaḥ // ### [1.2.45](https://indike.org/pramana/in.purana.kurma.1.2.45) ṛtukālābhigāmitvaṃ svadāreṣu na cānyataḥ / parvavarjaṃ gṛhasthasya brahmacaryamudāhṛtam // ### [1.2.46](https://indike.org/pramana/in.purana.kurma.1.2.46) āgarbhasaṃbhavādādyāt kāryaṃ tenāpramādataḥ / akurvāṇastu viprendrā bhrūṇahā tu prajāyate // ### [1.2.47](https://indike.org/pramana/in.purana.kurma.1.2.47) vedābhyāso 'nvahaṃ śaktyā śrāddhaṃ cātithipūjanam / gṛhasthasya paro dharmo devatābhyarcanaṃ tathā // ### [1.2.48](https://indike.org/pramana/in.purana.kurma.1.2.48) vaivāhmamagnimindhīta sāyaṃ prātaryathāvidhi / deśāntaragato vātha mṛtapatnīka eva vā // ### [1.2.49](https://indike.org/pramana/in.purana.kurma.1.2.49) trayāṇāmāśramāṇāṃ tu gṛhastho yonirucyate / anye tamupajīvanti tasmācchreyān gṛhāśramī // ### [1.2.50](https://indike.org/pramana/in.purana.kurma.1.2.50) aikāśramyaṃ gṛhasthasya trayāṇāṃ śrutidarśanāt / tasmād gārhasthyamevaikaṃ vijñeyaṃ dharmasādhanam // ### [1.2.51](https://indike.org/pramana/in.purana.kurma.1.2.51) parityajedarthakāmau yau syātāṃ dharmavarjitau / sarvalokaviruddhaṃ ca dharmamapyācarenna tu // ### [1.2.52](https://indike.org/pramana/in.purana.kurma.1.2.52) dharmāt saṃjāyate hyartho dharmāt kāmo 'bhijāyate / dharma evāpavargāya tasmād dharmaṃ samāśrayet // ### [1.2.53](https://indike.org/pramana/in.purana.kurma.1.2.53) dharmaścārthaśca kāmaśca trivargastriguṇo mataḥ / sattvaṃ rajastamaśceti tasmāddharmaṃ samāśrayet // ### [1.2.54](https://indike.org/pramana/in.purana.kurma.1.2.54) ūrdhvaṃ gacchanti sattvasthā madhye tiṣṭhanti rājasāḥ / jaghanyaguṇavṛttisthā adho gacchanti tāmasāḥ // ### [1.2.55](https://indike.org/pramana/in.purana.kurma.1.2.55) yasmin dharmasamāyuktāvarthakāmau vyavasthitau / iha loke sukhī bhūtvā pretyānantyāya kalpate // ### [1.2.56](https://indike.org/pramana/in.purana.kurma.1.2.56) dharmāt saṃjāyate mokṣo hyarthāt kāmo 'bhijāyate / evaṃ sādhanasādhyatvaṃ cāturvidhye pradarśitam // ### [1.2.57](https://indike.org/pramana/in.purana.kurma.1.2.57) ya evaṃ veda dharmārthakāmamokṣasya mānavaḥ / māhātmyaṃ cānutiṣṭheta sa cānantyāya kalpate // ### [1.2.58](https://indike.org/pramana/in.purana.kurma.1.2.58) tasmādarthaṃ ca kāmaṃ ca tyaktvā dharmaṃ samāśrayet / dharmāt saṃjāyate sarvamityāhurbrahmavādinaḥ // ### [1.2.59](https://indike.org/pramana/in.purana.kurma.1.2.59) dharmeṇa dhāryate sarvaṃ jagat sthāvarajaṅgamam / anādinidhanā śaktiḥ saiṣā brāhmī dvijottamāḥ // ### [1.2.60](https://indike.org/pramana/in.purana.kurma.1.2.60) karmaṇā prāpyate dharmo jñānena ca na saṃśayaḥ / tasmājjñānena sahitaṃ karmayogaṃ samācaret // ### [1.2.61](https://indike.org/pramana/in.purana.kurma.1.2.61) pravṛttaṃ ca nivṛttaṃ ca dvividhaṃ karma vaidikam / jñānapūrvaṃ nivṛttaṃ syāt pravṛttaṃ yadato 'nyathā // ### [1.2.62](https://indike.org/pramana/in.purana.kurma.1.2.62) nivṛttaṃ sevamānastu yāti tat paramaṃ padam / tasmānnivṛttaṃ saṃsevyamanyathā saṃsaret punaḥ // ### [1.2.63](https://indike.org/pramana/in.purana.kurma.1.2.63) kṣamā damo dayā dānamalobhastyāga eva ca / ārjavaṃ cānasūyā ca tīrthānusaraṇaṃ tathā // ### [1.2.64](https://indike.org/pramana/in.purana.kurma.1.2.64) satyaṃ santoṣa āstikyaṃ śraddhā cendriyanigrahaḥ / devatābhyarcanaṃ pūjā brāhmaṇānāṃ viśeṣataḥ // ### [1.2.65](https://indike.org/pramana/in.purana.kurma.1.2.65) āhiṃsā priyavāditvamapaiśunyamakalkatā / sāmāsikamimaṃ dharmaṃ cāturvarṇye 'bravīnmanuḥ // ### [1.2.66](https://indike.org/pramana/in.purana.kurma.1.2.66) prājāpatyaṃ brāhmaṇānāṃ smṛtaṃ sthānaṃ kriyāvatām / sthānamaindraṃ kṣatriyāṇāṃ saṃgrāmeṣvapalāyinām // ### [1.2.67](https://indike.org/pramana/in.purana.kurma.1.2.67) vaiśyānāṃ mārutaṃ sthānaṃ svadharmamanuvartatām / gāndharvaṃ śūdrajātīnāṃ paricāreṇa vartatām // ### [1.2.68](https://indike.org/pramana/in.purana.kurma.1.2.68) aṣṭāśītisahastrāṇāmṛṣīṇāmūrdhvaretasām / smṛtaṃ teṣāṃ tu yatsthānaṃ tadeva guruvāsinām // ### [1.2.69](https://indike.org/pramana/in.purana.kurma.1.2.69) saptarṣoṇāṃ tu yatsthānaṃ smṛtaṃ tad vai vanaukasām / prājāpatyaṃ gṛhasthānāṃ sthānamuktaṃ svayaṃbhuvā // ### [1.2.70](https://indike.org/pramana/in.purana.kurma.1.2.70) yatīnāṃ yatacittānāṃ nyāsināmūrdhvaretasām / hairaṇyagarbhaṃ tat sthānaṃ yasmānnāvartate punaḥ // ### [1.2.71](https://indike.org/pramana/in.purana.kurma.1.2.71) yogināmamṛtaṃ sthānaṃ vyomākhyaṃ paramākṣaram / ānandamaiśvaraṃ dhāma sā kāṣṭhā sā parāgatiḥ // _First 200 of 3,237 passages. [Read on](https://indike.org/pramana/in.purana.kurma.1)_ ## Linked texts (25) - [Vāyupurāṇa](https://indike.org/pramana/in.purana.vayu.1.4.19) — Vyāsa, Sanskrit - [Mārkaṇḍeyapurāṇa](https://indike.org/pramana/in.purana.markandeya.45.34) — Vyāsa, Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.1.2.31) — Sanskrit - [Garuḍapurāṇa](https://indike.org/pramana/in.purana.garuda.1.49.2) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.16.1.7_9) — Sanskrit - [Padmapurāṇa](https://indike.org/pramana/in.purana.padma.1.1.97) — Vyāsa, Sanskrit - [Saurapurāṇa](https://indike.org/pramana/in.purana.upa.saiva.saura.21.4) — Sanskrit - [Narasiṃhapurāṇa](https://indike.org/pramana/in.purana.upa.vaisnava.narasimha.1.47) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.2.6.20) — Sanskrit - [Brahmāṇḍapurāṇa](https://indike.org/pramana/in.purana.brahmanda.1.3.34) — Vyāsa, Sanskrit - [Śivapurāṇa](https://indike.org/pramana/in.purana.siva.7.1.9.3.p26) — Vyāsa, Sanskrit - [Yogacintāmaṇi (Śivānanda Sarasvatī)](https://indike.org/pramana/in.darsana.yoga.yogacintamani-sivananda-sarasvati.2.582) — Śivānanda Sarasvatī 1650, Sanskrit - [Agnipurāṇa](https://indike.org/pramana/in.purana.agni.382.71.p100) — Vyāsa, Sanskrit - [Varāhapurāṇa](https://indike.org/pramana/in.purana.varaha.2.25) — Vyāsa, Sanskrit - [Śaṅkhasmṛti](https://indike.org/pramana/in.niti.dharma.upasmrti.sankhalikhita.sankha.1.2) — Sanskrit - [Kūrmapurāṇa](https://indike.org/pramana/in.vernacular.tamil.kappiyam.kurmapurana.1.p4) — Ativīrarāma Pāṇṭiyar, Sanskrit - [Ṭoḍarānanda](https://indike.org/pramana/in.niti.dharma.nibandha.mahanibandha.todarananda.5.6) — Ṭoḍaramalla 1564, Sanskrit - [Kṛtyamahārṇava](https://indike.org/pramana/in.niti.dharma.nibandha.krtya.krtyamaharnava.1.p22) — Vācaspatimiśra, Sanskrit - [Vādāvalī](https://indike.org/pramana/in.darsana.suddhadvaita.later.vadavali.3.1-6.10) — Puruṣottama Pītāmbara 1668, Sanskrit - [Yogasārasaṅgraha](https://indike.org/pramana/in.darsana.yoga.yogasarasangraha.p39) — Vijñānabhikṣu 1550, Sanskrit - [Ācārasāra (Gadādhara)](https://indike.org/pramana/in.niti.dharma.acara.acarasara-gadadhara.1.p33) — Gadādhara (Pāraskara commentator), Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.26.2) — Kamalākarabhaṭṭa 1612, Sanskrit - [Pūjāprakāśa](https://indike.org/pramana/in.niti.dharma.pratistha.pujaprakasa.1.p11.1) — Mitramiśra, Sanskrit - [Laukikanyāyasaṃgraha](https://indike.org/pramana/in.darsana.visistadvaita.later.laukikanyayasamgraha.3.45.21) — Raghunātha Varman 1825, Sanskrit - [Ācāramayūkha](https://indike.org/pramana/in.niti.dharma.acara.bhatta.acaramayukha.1.p10) — Nīlakaṇṭha Dīkṣita 1625, Sanskrit --- Source: [https://indike.org/pramana/in.purana.kurma.1](https://indike.org/pramana/in.purana.kurma.1) · Pramāṇa