[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.15 # Kurmapurana 2.15: pañcadaśo'dhyāyaḥ Kūrmapurāṇa 2.15 - **Language:** Sanskrit ## Contents - [2.15.42](https://indike.org/pramana/in.purana.kurma.2.15.42) — 1 part ### pañcadaśo'dhyāyaḥ ### [2.15.1](https://indike.org/pramana/in.purana.kurma.2.15.1) vyāsa uvāca vedaṃ vedau tathā vedān vedān vā caturo dvijāḥ / adhītya cādhigamyārthaṃ tataḥ snāyād dvijottamaḥ // ### [2.15.2](https://indike.org/pramana/in.purana.kurma.2.15.2) gurave tu varaṃ dattvā snāyīta tadanujñayā / cīrṇavrato 'tha yuktātmā saśaktaḥ snātumarhati // ### [2.15.3](https://indike.org/pramana/in.purana.kurma.2.15.3) vaiṇavīṃ dhārayed yaṣṭimantarvāsastathottaram / yajñopavītadvitayaṃ sodakaṃ ca kamaṇḍalum // ### [2.15.4](https://indike.org/pramana/in.purana.kurma.2.15.4) chatraṃ coṣṇīṣamamalaṃ pāduke cāpyupānahau / raukme ca kuṇḍale vedaṃ kṛttakeśanakhaḥ śuciḥ // ### [2.15.5](https://indike.org/pramana/in.purana.kurma.2.15.5) svādhyāye nityayuktaḥ syād bahirmālyaṃ na dhārayet / anyatrakāñcanād vipronaraktāṃ bibhṛyāt strajam // ### [2.15.6](https://indike.org/pramana/in.purana.kurma.2.15.6) śuklāmbaradharo nityaṃ sugandhaḥ priyadarśanaḥ / na jīrṇamalavadvāsā bhaved vai vibhave sati // ### [2.15.7](https://indike.org/pramana/in.purana.kurma.2.15.7) na raktamulbaṇaṃ cānyadhṛtaṃ vāso na kuṇḍikām / nopānahau strajaṃ cātha pāduke ca prayojayet // ### [2.15.8](https://indike.org/pramana/in.purana.kurma.2.15.8) upavītamalaṅkāraṃ darbhān kṛṣṇājināni ca / nāpasavyaṃ parīdadhyād vāso na vikṛtaṃ vaset // ### [2.15.9](https://indike.org/pramana/in.purana.kurma.2.15.9) āhared vidhivad dārān sadṛśānātmanaḥ śubhān / rūpalakṣaṇasaṃyuktān yonidoṣavivarjitān // ### [2.15.10](https://indike.org/pramana/in.purana.kurma.2.15.10) amātṛgotraprabhavāmasamānarṣigotrajām / āhared brāhmaṇo bhāryāṃ śīlaśaucasamanvitām // ### [2.15.11](https://indike.org/pramana/in.purana.kurma.2.15.11) ṛtukālābhigāmī syād yāvat putro 'bhijāyate / varjayet pratiṣiddhāni prayatnena dināni tu // ### [2.15.12](https://indike.org/pramana/in.purana.kurma.2.15.12) ṣaṣṭhyaṣṭamīṃ pañcadaśīṃ dvādaśīṃ ca caturdaśīm / brahmacārī bhavennityaṃ tadvajjanmatrayāhani // ### [2.15.13](https://indike.org/pramana/in.purana.kurma.2.15.13) ādadhītāvasathyāgniṃ juhuyājjātavedasam / vratāni snātako nityaṃ pāvanāni ca pālayet // ### [2.15.14](https://indike.org/pramana/in.purana.kurma.2.15.14) vedoditaṃ svakaṃ karma nityaṃ kuryādatandritaḥ / akurvāṇaḥ patatyāśu narakānatibhīṣaṇān // ### [2.15.15](https://indike.org/pramana/in.purana.kurma.2.15.15) abyaset prayato vedaṃ mahāyajñān na hāpayet / kuryād gṛhyāṇi karmāṇi saṃdhyopāsanameva ca // ### [2.15.16](https://indike.org/pramana/in.purana.kurma.2.15.16) sakhyaṃ samādhaikaiḥ kuryādupeyādīśvaraṃ sadā / daivatānyapi gaccheta kuryād bhāryābhipoṣaṇam // ### [2.15.17](https://indike.org/pramana/in.purana.kurma.2.15.17) na dharmaṃ khyāpayed vidvān na pāpaṃ gūhayedapi / kurvotātmahitaṃ nityaṃ sarvabhūtānikampakaḥ // ### [2.15.18](https://indike.org/pramana/in.purana.kurma.2.15.18) vayasaḥ karmaṇor'thasya śrutasyābhijanasya ca / veṣavāgbuddhisārūpyamācaran vicaret sadā // ### [2.15.19](https://indike.org/pramana/in.purana.kurma.2.15.19) śrutismṛtyuditaḥ samyak sādhubhiryaśca sevitaḥ / tamācāraṃ niṣeveta nehetānyatra karhicit // ### [2.15.20](https://indike.org/pramana/in.purana.kurma.2.15.20) yenāsya pitaro yātā yena yātāḥ pitāmahāḥ / tena yāyāt satāṃ mārgaṃ tena gacchan na riṣyati // ### [2.15.21](https://indike.org/pramana/in.purana.kurma.2.15.21) nityaṃ svādhyāyaśīlaḥ syānnityaṃ yajñopavītavān / satyavādī jitakrodho brahmabhūyāya kalpate // ### [2.15.22](https://indike.org/pramana/in.purana.kurma.2.15.22) saṃdhyāsnānaparo nityaṃ brahmayajñuparāyaṇaḥ / anasūyī mṛdurdānto gṛhasthaḥ pretya vardhate // ### [2.15.23](https://indike.org/pramana/in.purana.kurma.2.15.23) vītarāgabhayakrodho lobhamohavivarjitaḥ / sāvitrījāpyanirataḥ śrāddhakṛnmucyate gṛhī // ### [2.15.24](https://indike.org/pramana/in.purana.kurma.2.15.24) mātāpitrorhite yukto gobrāhmaṇahite rataḥ / dānto yajvā devabhakto brahmaloke mahīyate // ### [2.15.25](https://indike.org/pramana/in.purana.kurma.2.15.25) trivargasevī satataṃ devatānāṃ ca pūjanam / kuryādaharaharnityaṃ namasyet prayataḥ surān // ### [2.15.26](https://indike.org/pramana/in.purana.kurma.2.15.26) vibhāgaśīlaḥ satataṃ kṣamāyukto dayālukaḥ / gṛhasthastu samākhyāto na gṛheṇa gṛhī bhavet // ### [2.15.27](https://indike.org/pramana/in.purana.kurma.2.15.27) kṣamā dayā ca vijñānaṃ satyaṃ caiva damaḥ śamaḥ / adhyātmanirataṃ jñānametad brāhmaṇalakṣaṇam // ### [2.15.28](https://indike.org/pramana/in.purana.kurma.2.15.28) etasmānna pramādyeta viśeṣeṇa dvijottamaḥ / yathāśaktiṃ caran karma ninditāni vivarjayet // ### [2.15.29](https://indike.org/pramana/in.purana.kurma.2.15.29) vidhūya mohakalilaṃ labdhvā yogamanuttamam / gṛhastho mucyate bandhāt nātra kāryā vicāraṇā // ### [2.15.30](https://indike.org/pramana/in.purana.kurma.2.15.30) vigarhātikramākṣepahiṃsābandhavadhātmanām / anyamanyusamutthānāṃ doṣāṇāṃ marṣaṇaṃ kṣamā // ### [2.15.31](https://indike.org/pramana/in.purana.kurma.2.15.31) svaduḥ kheṣviva kāruṇyaṃ paraduḥ kheṣu sauhṛdāt / dayeti munayaḥ prāhuḥ sākṣād dharmasya sādhanam // ### [2.15.32](https://indike.org/pramana/in.purana.kurma.2.15.32) caturdaśānāṃ vidyānāṃ dhāraṇaṃ hi yatārthataḥ / vijñānamiti tad vidyād yena dharmo vivardhate // ### [2.15.33](https://indike.org/pramana/in.purana.kurma.2.15.33) adhītya vidhivad vidyāmarthaṃ caivopalabhya tu / dharmakāryānnivṛttaścenna tad vijñānamiṣyate // ### [2.15.34](https://indike.org/pramana/in.purana.kurma.2.15.34) satyena lokāñjayati satyaṃ tatparamaṃ padam / yathābhūtapravād tu satyamāhurmanīṣiṇaḥ // ### [2.15.35](https://indike.org/pramana/in.purana.kurma.2.15.35) damaḥ śarīroparamaḥ śamaḥ prajñāprisādajaḥ / adhyātmamakṣaraṃ vidyād yatra gatvā na śocati // ### [2.15.36](https://indike.org/pramana/in.purana.kurma.2.15.36) yayā sa devo bhagavān vidyayā vedyate paraḥ / sākṣād devo mahādevastajjñānamiti kīrtitam // ### [2.15.37](https://indike.org/pramana/in.purana.kurma.2.15.37) tanniṣṭhastatparo vidvānnityamakrodhanaḥ śuciḥ / mahāyajñaparo vipro labhate tadanuttamam // ### [2.15.38](https://indike.org/pramana/in.purana.kurma.2.15.38) dharmasyāyatanaṃ yatnāccharīraṃ paripālayet / na hi dehaṃ vinā rudraḥ puruṣairvidyate paraḥ // ### [2.15.39](https://indike.org/pramana/in.purana.kurma.2.15.39) nityadharmārthakāmeṣu yujyeta niyato dvijaḥ / na dharmavarjitaṃ kāmamarthaṃ vā manasā smaret // ### [2.15.40](https://indike.org/pramana/in.purana.kurma.2.15.40) sīdannapi hi dharmeṇa na tvadharmaṃ samācaret / dharmo hi bhagavān devo gatiḥ sarveṣu jantuṣu // ### [2.15.41](https://indike.org/pramana/in.purana.kurma.2.15.41) bhūtānāṃ priyakārī syāt na paradrohakarmadhīḥ / na vedadevatānindāṃ kuryāt taiśca na saṃvaset // ### [2.15.42](https://indike.org/pramana/in.purana.kurma.2.15.42) yastvimaṃ niyataṃ vipro dharmādhyāyaṃ paṭhecchuciḥ / adhyāpayet śrāvayed vā brahmaloke mahīyate // ### [2.15.42.p1](https://indike.org/pramana/in.purana.kurma.2.15.42.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge pañcadaśo 'dhyāyaḥ ## Linked texts (6) - [Padmapurāṇa](https://indike.org/pramana/in.purana.padma.3.54.1) — Vyāsa, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.4.p331) — Lakṣmīdhara Bhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.4.p27) — Nīlakaṇṭha Dīkṣita 1625, Sanskrit - [Gṛhastharatnākara](https://indike.org/pramana/in.niti.dharma.acara.ahnika.grhastharatnakara.33.p44) — Caṇḍeśvara, Sanskrit - [Saṃskāraratnamālā (Gopīnātha Dīkṣita Oka)](https://indike.org/pramana/in.niti.dharma.samskara.samskararatnamala.20.10.5) — Gopīnātha Dīkṣita Oka, Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.35.2-3) — Kamalākarabhaṭṭa 1612, Sanskrit --- Source: [https://indike.org/pramana/in.purana.kurma.2.15](https://indike.org/pramana/in.purana.kurma.2.15) · Pramāṇa