[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.16 # Kurmapurana 2.16: ṣoḍaśo'dhyāyaḥ Kūrmapurāṇa 2.16 - **Language:** Sanskrit ## Contents - [2.16.93](https://indike.org/pramana/in.purana.kurma.2.16.93) — 1 part ### ṣoḍaśo'dhyāyaḥ ### [2.16.1](https://indike.org/pramana/in.purana.kurma.2.16.1) vyāsa uvāca na hiṃsyāt sarvabhūtāninānṛtaṃ vāvadet kvacit / nāhitaṃ nāpriyaṃ vākyaṃ na stenaḥ syād kadācana // ### [2.16.2](https://indike.org/pramana/in.purana.kurma.2.16.2) tṛṇaṃ vā yadi vā śākaṃ mṛdaṃ vā jalameva vā / parasyāpaharañjanturnarakaṃ pratipadyate // ### [2.16.3](https://indike.org/pramana/in.purana.kurma.2.16.3) na rājñaḥ pratigṛhṇīyānna śūdrapatitādapi / na cānyasmādaśaktaśca ninditān varjayed budhaḥ // ### [2.16.4](https://indike.org/pramana/in.purana.kurma.2.16.4) nityaṃ yācanako na syāt punastaṃ naiva yācayet / prāṇānapaharatyevaṃ yācakastasya durmatiḥ // ### [2.16.5](https://indike.org/pramana/in.purana.kurma.2.16.5) na devadravyahārī syād viśeṣeṇa dvijottamaḥ / brahmasvaṃ vā nāpaharedāpadyapi kadācana // ### [2.16.6](https://indike.org/pramana/in.purana.kurma.2.16.6) na viṣaṃ viṣamityāhurbrahmasvaṃ viṣamucyate / devasvaṃ cāpi yatnena sadā pariharet tataḥ // ### [2.16.7](https://indike.org/pramana/in.purana.kurma.2.16.7) puṣpe śākrodake kāṣṭhe tathā mūle phale tṛṇe / adattādānamasteyaṃ manuḥ prāha prajāpatiḥ // ### [2.16.8](https://indike.org/pramana/in.purana.kurma.2.16.8) grahītavyāni puṣpāṇi devārcanavidhau dvijāḥ / naikasmādeva niyatamananujñāya kevalam // ### [2.16.9](https://indike.org/pramana/in.purana.kurma.2.16.9) tṛṇaṃ kāṣṭhaṃ phalaṃ puṣpaṃ prakāśaṃ vai hared budhaḥ / dharmārthaṃ kevalaṃ viprā hyanyathā patito bhavet // ### [2.16.10](https://indike.org/pramana/in.purana.kurma.2.16.10) tilamudgayavādīnāṃ muṣṭirgrāhyā pathi sthitaiḥ / kṣudhārtairnānyathā viprā dharmavidbhiriti sthitiḥ // ### [2.16.11](https://indike.org/pramana/in.purana.kurma.2.16.11) na dharmasyāpadeśena pāpaṃ kṛtvā vrataṃ caret / vratena pāpaṃ pracchādya kurvan strīśūdradambhanam // ### [2.16.12](https://indike.org/pramana/in.purana.kurma.2.16.12) pretyeha cedṛśo vipro garhyate brahmavādibhiḥ / chadmanācaritaṃ yacca vrataṃ rakṣāṃsi gacchati // ### [2.16.13](https://indike.org/pramana/in.purana.kurma.2.16.13) aliṅgī liṅgiveṣeṇa yo vṛttimupajīvati / sa liṅgināṃ haredenastiryagyonau ca jāyate // ### [2.16.14](https://indike.org/pramana/in.purana.kurma.2.16.14) baiḍālavratinaḥ pāpā loke dharmavināśakāḥ / sadyaḥ patanti pāpeṣu karmaṇastasya tat phalam // ### [2.16.15](https://indike.org/pramana/in.purana.kurma.2.16.15) pāṣaṇḍino vikarmasthān vāmācārāṃstathaiva ca / pañcarātrān pāśupatān vāṅmātreṇāpi nārcayet // ### [2.16.16](https://indike.org/pramana/in.purana.kurma.2.16.16) vedanindāratān martyān devanindāratāṃstathā / dvijanindāratāṃścaiva manasāpi na cintayet // ### [2.16.17](https://indike.org/pramana/in.purana.kurma.2.16.17) yājanaṃ yonisaṃbandhaṃ sahavāsaṃ ca bhāṣaṇam / kurvāṇaḥ patate jantustasmād yatnena varjayet // ### [2.16.18](https://indike.org/pramana/in.purana.kurma.2.16.18) devadrohād gurudrohaḥ koṭikoṭiguṇādhikaḥ / jñānāpavādo nāstikyaṃ tasmāt koṭiguṇādhikam // ### [2.16.19](https://indike.org/pramana/in.purana.kurma.2.16.19) gobhiśca daivatairvipraiḥ kṛṣyā rājopasevayā / kulānyakulatāṃ yānti yāni hīnāni dharmataḥ // ### [2.16.20](https://indike.org/pramana/in.purana.kurma.2.16.20) kuvivāhaiḥ kriyālopairvedānadhyayanena ca / kulānyakulatāṃ yānti brāhmaṇātikrameṇa ca // ### [2.16.21](https://indike.org/pramana/in.purana.kurma.2.16.21) anṛtāt pāradāryācca tathābhakṣyasya bhakṣaṇāt / aśrautadharmācaraṇāt kṣipraṃ naśyati vai kulam // ### [2.16.22](https://indike.org/pramana/in.purana.kurma.2.16.22) aśrotriyeṣu vai dānād vṛṣaleṣu tathaiva ca / vihitācārahīneṣu kṣipraṃ naśyati vai kulam // ### [2.16.23](https://indike.org/pramana/in.purana.kurma.2.16.23) nādhārmikairvṛte grāme na vyādhibahule bhṛśam / na śūdrarājye nivasenna pāṣaṇḍajanairvṛte // ### [2.16.24](https://indike.org/pramana/in.purana.kurma.2.16.24) himavadvindhyayormadhye pūrvapaścimayoḥ śubham / muktvā samudrayordeśaṃ nānyatra nivased dvijaḥ // ### [2.16.25](https://indike.org/pramana/in.purana.kurma.2.16.25) kṛṣṇo vā yatra carati mṛgo nityaṃ svabhāvataḥ / puṇyāśca viśrutā nadyastatra vā nivased dvijaḥ // ### [2.16.26](https://indike.org/pramana/in.purana.kurma.2.16.26) ardhakrośānnadīkūlaṃ varjayitvā dvijottamaḥ / nānyatra nivaset puṇyaṃ nāntyajagrāmasannidhau // ### [2.16.27](https://indike.org/pramana/in.purana.kurma.2.16.27) na saṃvasecca patitairna caṇḍālairna pukkasaiḥ / na mūrkhairnāvaliptaiśca nāntyairnāntyāvasāyibhiḥ // ### [2.16.28](https://indike.org/pramana/in.purana.kurma.2.16.28) ekaśayyāsanaṃ paṅktirbhāṇḍapakvānnamiśraṇam / yājanādhyāpane yonistathaiva sahabhojanam // ### [2.16.29](https://indike.org/pramana/in.purana.kurma.2.16.29) sahādhyāyastu daśamaḥ sahayājanameva ca / ekādaśa samuddiṣṭā doṣāḥ sāṅkaryasaṃjñitāḥ // ### [2.16.30](https://indike.org/pramana/in.purana.kurma.2.16.30) samīpe vā vyavasthānāt pāpaṃ saṃkramate nṛṇām / tasmāt sarvaprayatnena sāṅkaryaṃ parivarjayet // ### [2.16.31](https://indike.org/pramana/in.purana.kurma.2.16.31) ekapaṅktyupaviṣṭā ye na spṛśanti parasparam / bhasmanā kṛtamaryādā na teṣāṃ saṃkaro bhavet // ### [2.16.32](https://indike.org/pramana/in.purana.kurma.2.16.32) agninā bhasmanā caiva salilenāvasekataḥ / dvāreṇa stambhamārgeṇa ṣaḍbhiḥ paṅktirvibhidyate // ### [2.16.33](https://indike.org/pramana/in.purana.kurma.2.16.33) na kuryācchuṣkavairāṇi vivādaṃ ca na paiśunam / parakṣetre gāṃ dhayantīṃ na cācakṣīta kasyacit / na saṃvadet sūtake ca na kañcinmarmaṇi spṛśet // ### [2.16.34](https://indike.org/pramana/in.purana.kurma.2.16.34) na sūryapariveṣaṃ vā nendracāpaṃ śavāgnikam / parasmai kathayed vidvān śaśinaṃ vā kadācana // ### [2.16.35](https://indike.org/pramana/in.purana.kurma.2.16.35) na kuryād bahubhiḥ sārdhaṃ virodhaṃ bandhubhistathā / ātmanaḥ pratikūlāni pareṣāṃ na samācaret // ### [2.16.36](https://indike.org/pramana/in.purana.kurma.2.16.36) tithiṃ pakṣasya na brūyāt na nakṣatrāṇi nirdiśet / nodakyāmabhibhāṣeta nāśuciṃ vā dvijottamaḥ // ### [2.16.37](https://indike.org/pramana/in.purana.kurma.2.16.37) na devaguruviprāṇāṃ dīyamānaṃ tu vārayet / na cātmānaṃ praśaṃsed vā paranindāṃ ca varjayet / vedanindāṃ devanindāṃ prayatnena vivarjayet // ### [2.16.38](https://indike.org/pramana/in.purana.kurma.2.16.38) yastu devānṛṣīn viprānvedān vā nindati dvijaḥ / na tasya niṣkṛtirdṛṣṭā śāstreṣviha munīśvarāḥ // ### [2.16.39](https://indike.org/pramana/in.purana.kurma.2.16.39) nindayed vai guruṃ devaṃ vedaṃ vā sopabṛṃhaṇam / kalpakoṭiśataṃ sāgraṃ raurave pacyate naraḥ // ### [2.16.40](https://indike.org/pramana/in.purana.kurma.2.16.40) tūṣṇīmāsīta nindāyāṃ na brūyāt kiñciduttaram / karṇau pidhāya gantavyaṃ na caitānavalokayet // ### [2.16.41](https://indike.org/pramana/in.purana.kurma.2.16.41) varjayed vai rahasyāni pareṣāṃ gūhayed budhaḥ / vivādaṃ svajanaiḥ sārdhaṃ na kuryād vai kadācana // ### [2.16.42](https://indike.org/pramana/in.purana.kurma.2.16.42) na pāpaṃ pāpināṃ brūyādapāpaṃ vā dvijāttamāḥ / satenatulyadoṣaḥ syānmithyā dvirdeṣavān bhavet // ### [2.16.43](https://indike.org/pramana/in.purana.kurma.2.16.43) yāni mithyābhiśastānāṃ patantyaśrūṇi rodanāt / tāniputrān paśūnghninti teṣāṃ mithyābhiśaṃsinām // ### [2.16.44](https://indike.org/pramana/in.purana.kurma.2.16.44) brihmahatyāsurāpāne steyagurvaṅganāgame / dṛṣṭaṃ viśodhanaṃ vṛddhairnāsti mithyābhiśaṃsane // ### [2.16.45](https://indike.org/pramana/in.purana.kurma.2.16.45) nekṣetodyantamādityaṃ śaśinaṃ cānimittataḥ / nāstaṃ yāntaṃ na vāristhaṃ nopasṛṣṭaṃ na maghyagam / tirohitaṃ vāsasā vā nādarśāntaragāminam // ### [2.16.46](https://indike.org/pramana/in.purana.kurma.2.16.46) na nagnāṃ striyamīkṣeta puruṣaṃ vā kadācana / na ca mūtraṃ purīṣaṃ vā na ca saṃspṛṣṭamaithunam / nāśuciḥ sūryasomādīn grahānālokayed budhaḥ // ### [2.16.47](https://indike.org/pramana/in.purana.kurma.2.16.47) patitavyaṅgacaṇḍālānucchiṣṭān nāvalokayet / nābhibhāṣeta ca paramucchiṣṭo vāvaguṇṭhitaḥ // ### [2.16.48](https://indike.org/pramana/in.purana.kurma.2.16.48) na paśyet pretasaṃsparśaṃ na kruddhasya gurormukham / na tailodakayośchāyāṃ na patnīṃ bhojane sati / nāmuktabandhanāṅgāṃ vā nonmattaṃ mattameva vā // ### [2.16.49](https://indike.org/pramana/in.purana.kurma.2.16.49) nāśnīyāt bhāryayā sārdhaṃnaināmīkṣeta cāśnatīm / kṣuvantīṃ jṛmbhamāṇāṃ vā nāsanasthāṃ yathāsukham // ### [2.16.50](https://indike.org/pramana/in.purana.kurma.2.16.50) nodake cātmano rūpaṃ na kūlaṃ śvabhrameva vā / na laṅghayecca mūtraṃ vā nādhitiṣṭhet kadācana // ### [2.16.51](https://indike.org/pramana/in.purana.kurma.2.16.51) na śūdrāya matiṃ dadyāt kṛśaraṃ pāyasaṃ dadhi / nocchiṣṭaṃ vā madhu ghṛtaṃ na ca kṛṣṇājinaṃ haviḥ // ### [2.16.52](https://indike.org/pramana/in.purana.kurma.2.16.52) na caivāsmai vrataṃ dadyānna ca dharmaṃ vaded budhaḥ / na ca krodhavaśaṃ gacched dveṣaṃ rāgaṃ ca varjayet // ### [2.16.53](https://indike.org/pramana/in.purana.kurma.2.16.53) lobhaṃ dambhaṃ tathā yatnādasūyāṃ jñānakutsanam / īrṣyāṃ madaṃ tathā śokaṃ mohaṃ ca parivarjayet // ### [2.16.54](https://indike.org/pramana/in.purana.kurma.2.16.54) na kuryāt kasyacit pīḍāṃ sutaṃ śiṣyaṃ ca tāḍayet / na hīnānupaseveta na ca tīkṣṇamatīn kvacit // ### [2.16.55](https://indike.org/pramana/in.purana.kurma.2.16.55) nātmānaṃ cāvamanyeta dainyaṃ yatnena varjayet / na viśiṣṭānasatkuryāt nātmānaṃ vā śaped budhaḥ // ### [2.16.56](https://indike.org/pramana/in.purana.kurma.2.16.56) na nakhairvilikhed bhūmiṃ gāṃ ca saṃveśayenna hi / na nadīṣu nadīṃ brūyāt parvateṣu ca parvatān // ### [2.16.57](https://indike.org/pramana/in.purana.kurma.2.16.57) āvāse bhojane vāpi na tyajet hasayāyinam / nāvagāhedapo nagno vahniṃ nātivrajet padā // ### [2.16.58](https://indike.org/pramana/in.purana.kurma.2.16.58) śiro 'bhyaṅgāvaśiṣṭena tailenāṅgaṃ na lepayet / na sarpaśastraiḥ krīḍeta svāni khāni na saṃspṛśet / romāṇi ca rahasyāni nāśiṣṭena saha vrajet // ### [2.16.59](https://indike.org/pramana/in.purana.kurma.2.16.59) na pāṇipādavāṅnetracāpalyaṃ samupāśrayet / na śiśnodaracāpalyaṃ na ca śravaṇayoḥ kvacit // ### [2.16.60](https://indike.org/pramana/in.purana.kurma.2.16.60) na cāṅganakhavādaṃ vai kuryānnāñjalinā pibet / nābhihanyājjalaṃ padbhyāṃ pāṇinā vā kadācana // ### [2.16.61](https://indike.org/pramana/in.purana.kurma.2.16.61) na śātayediṣṭakābhiḥ phalāni na phalena ca / na mlecchabhāṣāṃ śikṣeta nākarṣecca padāsanam // ### [2.16.62](https://indike.org/pramana/in.purana.kurma.2.16.62) na bhedanamavasphoṭaṃ chedanaṃ vā vilekhanam / kuryād vimardanaṃ dhīmān nākasmādeva niṣphalam // ### [2.16.63](https://indike.org/pramana/in.purana.kurma.2.16.63) notsaṅgebhakṣayed bhakṣyaṃ vṛthā ceṣṭāṃ ca nācaret / na nṛtyedathavā gāyenna vāditrāṇi vādayet // ### [2.16.64](https://indike.org/pramana/in.purana.kurma.2.16.64) na saṃhatābhyāṃ pāṇibhyāṃ kaṇḍūyedātmanaḥ śiraḥ / na laukikaiḥ stavairdevāṃstoṣayed bāhyajairapi // ### [2.16.65](https://indike.org/pramana/in.purana.kurma.2.16.65) nākṣaiḥ krīḍenna dhāveta nāpsu viṇmūtramācaret / nocchiṣṭaḥ saṃviśennityaṃ na nagnaḥ snānamācaret // ### [2.16.66](https://indike.org/pramana/in.purana.kurma.2.16.66) na gacchenna paṭhed vāpi na caiva svaśiraḥ spṛśet / na dantairnakharomāṇi chindyāt suptaṃ na bodhayet // ### [2.16.67](https://indike.org/pramana/in.purana.kurma.2.16.67) na bālātapamāsevet pretadhūmaṃ vivarjayet / naikaḥ supyācchūnyagṛhe svayaṃ nopānahau haret // ### [2.16.68](https://indike.org/pramana/in.purana.kurma.2.16.68) nākāraṇād vā niṣṭhīvenna bāhubhyāṃ nadīṃ taret / na pādakṣālanaṃ kuryāt pādenaiva kadācana // ### [2.16.69](https://indike.org/pramana/in.purana.kurma.2.16.69) nāgnau pratāpayet pādau na kāṃsye dhāvayed budhaḥ / nābhiprāsarayed devaṃ brāhmaṇān gāmathāpi vā / vāyvagniguruviprān vā sūryaṃ vā śaśinaṃ prati // ### [2.16.70](https://indike.org/pramana/in.purana.kurma.2.16.70) aśuddhaḥ śayanaṃ yānaṃ svādhyāyaṃ snānavāhanam / bahirniṣkramaṇaṃ caiva na kurvota kathañcana // ### [2.16.71](https://indike.org/pramana/in.purana.kurma.2.16.71) svapnamadhyayanaṃ snānamudvartaṃ bhojanaṃ gatim / ubhayoḥ saṃdhyayornityaṃ madhyāhne caiva varjayet // ### [2.16.72](https://indike.org/pramana/in.purana.kurma.2.16.72) na spṛśet pāṇinocchiṣṭo viprogobrāhmaṇānalān / na cāsanaṃ padā vāpi na devapratimāṃ spṛśet // ### [2.16.73](https://indike.org/pramana/in.purana.kurma.2.16.73) nāśuddho 'gniṃ paricarenna devān kīrtayedṛṣīn / nāvagāhedagādhāmbu dhārayennānimittataḥ // ### [2.16.74](https://indike.org/pramana/in.purana.kurma.2.16.74) na vāmahastenoddhatya pibed vaktreṇa vā jalam / nottaredanupaspṛśya nāpsu retaḥ samutsṛjet // ### [2.16.75](https://indike.org/pramana/in.purana.kurma.2.16.75) amedhyaliptamanyad vā lohitaṃ vā viṣāṇi vā / vyatikramenna stravantīṃ nāpsu maithunamācaret / caityaṃ vṛkṣaṃ na vai chindyānnāpsu ṣṭhīvanamācaret // ### [2.16.76](https://indike.org/pramana/in.purana.kurma.2.16.76) nāsthibhasmakapālāni na keśānna ca kaṇṭakān / tuṣāṅgārakarīṣaṃ vā nādhitiṣṭhet kadācana // ### [2.16.77](https://indike.org/pramana/in.purana.kurma.2.16.77) na cāgniṃ laṅghayed dhīmān nopadadhyādadhaḥ kvacit / na cainaṃ pādataḥ kuryānmukhena na dhamed budhaḥ // ### [2.16.78](https://indike.org/pramana/in.purana.kurma.2.16.78) na kūpamavaroheta nāvekṣetāśuciḥ kvacit / agnau na ca kṣipedagniṃ nādbhiḥ praśamayet tathā // ### [2.16.79](https://indike.org/pramana/in.purana.kurma.2.16.79) suhṛnmaraṇamārtiṃ vā na svayaṃ śrāvayet parān / apaṇyaṃ kūṭapaṇyaṃ vā vikraye na prayojayet // ### [2.16.80](https://indike.org/pramana/in.purana.kurma.2.16.80) na vahniṃ mukhaniśvāsair jvālayennāśucirbudhaḥ / puṇyasthānodakasthāne sīmāntaṃ vā kṛṣenna tu // ### [2.16.81](https://indike.org/pramana/in.purana.kurma.2.16.81) na bhindyāt pūrvasamayamabhyupetaṃ kadācana / parasparaṃ paśūn vyālān pakṣiṇo nāvabodhayet // ### [2.16.82](https://indike.org/pramana/in.purana.kurma.2.16.82) parabādhaṃ na kurvota jalavātātapādibhiḥ / kārayitvā svakarmāṇi kārūn paścānna vañcayet / sāyaṃprātar gṛhadvārān bhikṣārthaṃ nāvaghaṭṭayet // ### [2.16.83](https://indike.org/pramana/in.purana.kurma.2.16.83) bahirmālyaṃ bahirgandhaṃ bhāryayā saha bhojanam / vigṛhya vādaṃ kudvārapraveśaṃ ca vivarjayet // ### [2.16.84](https://indike.org/pramana/in.purana.kurma.2.16.84) na khādanbrāhmaṇastiṣṭhenna jalped vā hasan budhaḥ / svamagniṃ naiva hastena spṛśennāpsu ciraṃ vaset // ### [2.16.85](https://indike.org/pramana/in.purana.kurma.2.16.85) na pakṣakeṇopadhamenna śūrpeṇa na pāṇinā / mukhe naiva dhamedagniṃ mukhādagnirajāyata // ### [2.16.86](https://indike.org/pramana/in.purana.kurma.2.16.86) parastriyaṃ na bhāṣeta nāyājyaṃ yājayed dvijaḥ / naikaścaret sabhāṃ vipraḥ samavāyaṃ ca varjayet // ### [2.16.87](https://indike.org/pramana/in.purana.kurma.2.16.87) na devāyatanaṃ gacchet kadācid vāpradakṣiṇam / na vījayed vā vastreṇa na devāyatane svapet // ### [2.16.88](https://indike.org/pramana/in.purana.kurma.2.16.88) naiko 'dhvānaṃ prapadyeta nādhārmikajanaiḥ saha / na vyādhidūṣitairvāpi na śūdraiḥ patitena vā // ### [2.16.89](https://indike.org/pramana/in.purana.kurma.2.16.89) nopānadvarjito vātha jalādirahitastathā / na rātrau nāriṇā sārdhaṃ na vinā ca kamaṇḍalum / nāgnigobrāhmaṇādīnāmantareṇa vrajet kvacit // ### [2.16.90](https://indike.org/pramana/in.purana.kurma.2.16.90) na vatsatantrīṃ vitatāmatikrāmet kvacid dvijaḥ / na ninded yoginaḥ siddhān vratino vāyatīṃstathā // ### [2.16.91](https://indike.org/pramana/in.purana.kurma.2.16.91) devatāyatanaṃ prājño devānāṃ caiva satriṇām / nākrāmet kāmataśchāyāṃ brāhmaṇānāṃ ca gorapi // ### [2.16.92](https://indike.org/pramana/in.purana.kurma.2.16.92) svāṃ tu nākramayecchāyāṃ patitādyairna rogibhiḥ / nāṅgārabhasmakeśādiṣvadhitiṣṭhet kadācana // ### [2.16.93](https://indike.org/pramana/in.purana.kurma.2.16.93) varjayenmārjanīreṇuṃ snānavastraghacodakam / na bhakṣayedabhakṣyāṇi nāpeyaṃ ca pibed dvijaḥ // ### [2.16.93.p1](https://indike.org/pramana/in.purana.kurma.2.16.93.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge ṣoḍaśo 'dhyāyaḥ ## Linked texts (11) - [Padmapurāṇa](https://indike.org/pramana/in.purana.padma.3.55.3) — Vyāsa, Sanskrit - [Haribhaktivilāsa](https://indike.org/pramana/in.sampradaya.vaisnava.gaudiya.acara.haribhaktivilasa.11.747) — Gopāla Bhaṭṭa Gosvāmin & Sanātana Gosvāmin 1535, Sanskrit - [Liṅgapurāṇa](https://indike.org/pramana/in.purana.linga.2.16.31.p1) — Vyāsa, Sanskrit - [Tārābhaktisudhārṇava](https://indike.org/pramana/in.sampradaya.general.sakta.tarabhaktisudharnava.11.567) — Sanskrit - [Saubhāgyataraṅgiṇī](https://indike.org/pramana/in.sampradaya.saiva.agama.srividya.saubhagyatarangini.3.141) — Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.4.p458) — Lakṣmīdhara Bhaṭṭa, Sanskrit - [Gṛhastharatnākara](https://indike.org/pramana/in.niti.dharma.acara.ahnika.grhastharatnakara.35.p7) — Caṇḍeśvara, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.2.p5.9) — Viśveśvarabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.5.p10) — Nīlakaṇṭha Dīkṣita 1625, Sanskrit - [Bṛhadbrahmasaṃhitā](https://indike.org/pramana/in.sampradaya.vaisnava.pancaratra.brhadbrahmasamhita.15.86) — Sanskrit - [Saṃskāraratnamālā (Gopīnātha Dīkṣita Oka)](https://indike.org/pramana/in.niti.dharma.samskara.samskararatnamala.39.1.1) — Gopīnātha Dīkṣita Oka, Sanskrit --- Source: [https://indike.org/pramana/in.purana.kurma.2.16](https://indike.org/pramana/in.purana.kurma.2.16) · Pramāṇa