[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.17 # Kurmapurana 2.17: saptadaśo'dhyāyaḥ Kūrmapurāṇa 2.17 - **Language:** Sanskrit ## Contents - [2.17.45](https://indike.org/pramana/in.purana.kurma.2.17.45) — 1 part ### saptadaśo'dhyāyaḥ ### [2.17.1](https://indike.org/pramana/in.purana.kurma.2.17.1) vyāsa uvāca nādyācchūdrasya vipro 'nnaṃ mohād vā yadi vānyataḥ / sa śūdrayoniṃ vrajati yastu bhuṅkte hyanāpadi // ### [2.17.2](https://indike.org/pramana/in.purana.kurma.2.17.2) ṣaṇmāsān yo dvijo bhuṅkte śūdrasyānnaṃ vigarhitam / jīvanneva bhavecchūdro mṛtaḥ śvā cābhijāyate // ### [2.17.3](https://indike.org/pramana/in.purana.kurma.2.17.3) brāhmaṇakṣatriyaviśāṃ śūdrasya ca munīśvarāḥ / yasyānnenodarasthena mṛtastadyonimāpnuyāt // ### [2.17.4](https://indike.org/pramana/in.purana.kurma.2.17.4) rājānnaṃ nartakānnaṃ ca takṣṇo 'nnaṃ carmakāriṇaḥ / gaṇānnaṃ gaṇikānnaṃ ca ṣaṇḍhānnaṃ caiva varjayet // ### [2.17.5](https://indike.org/pramana/in.purana.kurma.2.17.5) cakropajīvirajakataskaradhvajināṃ tathā / gāndharvalohakārānnaṃ sūtakānnaṃ ca varjayet // ### [2.17.6](https://indike.org/pramana/in.purana.kurma.2.17.6) kulālacitrakarmānnaṃ vārdhuṣeḥ patitasya ca / paunarbhavacchatrikayorabhiśastasya caiva hi // ### [2.17.7](https://indike.org/pramana/in.purana.kurma.2.17.7) suvarṇakāraśailūṣavyādhabaddhāturasya ca / cikitsakasya caivānnaṃ puṃścalyā daṇḍikasya ca // ### [2.17.8](https://indike.org/pramana/in.purana.kurma.2.17.8) stenanāstikayorannaṃ devatānindakasya ca / somavikrayiṇaścānnaṃ śvapākasya viśeṣataḥ // ### [2.17.9](https://indike.org/pramana/in.purana.kurma.2.17.9) bhāryājitasya caivānnaṃ yasya copapatirgṛhe / utsṛṣṭasya kadaryasya tathaivocchiṣṭabhojinaḥ // ### [2.17.10](https://indike.org/pramana/in.purana.kurma.2.17.10) apāṅktyānnaṃ ca saṅghānnaṃ śastrājīvasya caiva hi / klībasaṃnyāsinoścānnaṃ mattonmattasya caiva hi / bhītasya ruditasyānnamavakruṣṭaṃ parikṣutam // ### [2.17.11](https://indike.org/pramana/in.purana.kurma.2.17.11) brahmadviṣaḥ pāparuceḥ śrāddhānnaṃ sūtakasya ca / vṛthāpākasya caivānnaṃ śāvānnaṃ śvaśurasya ca // ### [2.17.12](https://indike.org/pramana/in.purana.kurma.2.17.12) aprajānāṃ tu nārīṇāṃ bhṛtakasya tathaiva ca / kārukānnaṃ viśeṣeṇa śastravikrayiṇastathā // ### [2.17.13](https://indike.org/pramana/in.purana.kurma.2.17.13) śauṇḍānnaṃ ghāṭikānnaṃ ca bhiṣajāmannameva ca / viddhaprajananasyānnaṃ parivittyannameva ca // ### [2.17.14](https://indike.org/pramana/in.purana.kurma.2.17.14) punarbhuvo viśeṣeṇa tathaiva didhiṣūpateḥ / avajñātaṃ cāvadhūtaṃ saroṣaṃ vismayānvitam / gurorapi na bhoktavyamannaṃ saṃskāravarjitam // ### [2.17.15](https://indike.org/pramana/in.purana.kurma.2.17.15) duṣkṛtaṃ hi manuṣyasya sarvamanne vyavasthitam / yo yasyānnaṃ samaśnāti sa tasyāśnāni kilbiṣam // ### [2.17.16](https://indike.org/pramana/in.purana.kurma.2.17.16) ārdhikaḥ kulamitraśca svagopālaśca nāpitaḥ / ete śūdreṣu bhojyānnā yaścātmānaṃ nivedayet // ### [2.17.17](https://indike.org/pramana/in.purana.kurma.2.17.17) kuśīlavaḥ kumbhakāraḥ kṣetrakarmaka eva ca / ete śūdreṣu bhojyānnā dattvā svalpaṃ paṇaṃ budhaiḥ // ### [2.17.18](https://indike.org/pramana/in.purana.kurma.2.17.18) pāyasaṃ snehapakvaṃ yad gorasaṃ caiva saktavaḥ / piṇyākaṃ caiva tailaṃ ca śūdrād grāhyaṃ dvijātibhiḥ // ### [2.17.19](https://indike.org/pramana/in.purana.kurma.2.17.19) vṛntākaṃ nālikāśākaṃ kusumbhāśmantakaṃ tathā / palāṇḍuṃ laśunaṃ śuktaṃ niryāsaṃ caiva varjayet // ### [2.17.20](https://indike.org/pramana/in.purana.kurma.2.17.20) chatrākaṃ viḍvarāhaṃ ca śelaṃ peyūṣameva ca / vilayaṃ sumukhaṃ caiva kavakāni ca varjayet // ### [2.17.21](https://indike.org/pramana/in.purana.kurma.2.17.21) gṛñjanaṃ kiṃśukaṃ caiva kakubhāṇḍaṃ tathaiva ca / udumbaramalābuṃ ca jagdhvā patati vai dvijaḥ // ### [2.17.22](https://indike.org/pramana/in.purana.kurma.2.17.22) vṛthā kṛśarasaṃyāvaṃ pāyasāpūpameva ca / anupākṛtamāṃsaṃ ca devānnāni havīṃṣi ca // ### [2.17.23](https://indike.org/pramana/in.purana.kurma.2.17.23) yavāgūṃ mātuliṅgaṃ ca matsyānapyanupākṛtān / nīpaṃ kapitthaṃ plakṣaṃ ca prayatnena vivarjayet // ### [2.17.24](https://indike.org/pramana/in.purana.kurma.2.17.24) piṇyākaṃ coddhṛtasnehaṃ devadhānya tathaiva ca / rātrau ca tilasaṃbaddhaṃ prayatnena dadhi tyajet // ### [2.17.25](https://indike.org/pramana/in.purana.kurma.2.17.25) nāśnīyāt payasā takraṃ na bījānyupajīvayet / kriyāduṣṭaṃ bhāvaduṣṭamasatsaṃsargi varjayet // ### [2.17.26](https://indike.org/pramana/in.purana.kurma.2.17.26) keśakīṭāvapannaṃ ca sahṛllekhaṃ ca nityaśaḥ / śvāghrātaṃ ca punaḥ siddhaṃ caṇḍālāvekṣitaṃ tathā // ### [2.17.27](https://indike.org/pramana/in.purana.kurma.2.17.27) udakyayā ca patitairgavā cāghrātameva ca / anarcitaṃ puryuṃ ṣitaṃ paryāyānnaṃ ca nityaśaḥ // ### [2.17.28](https://indike.org/pramana/in.purana.kurma.2.17.28) kākakukkuṭasaṃspṛṣṭaṃ kṛmibhiścaiva saṃyutam / manuṣyairapyavaghrātaṃ kuṣṭhinā spṛṣṭameva ca // ### [2.17.29](https://indike.org/pramana/in.purana.kurma.2.17.29) na rajasvalayā dattaṃ na puṃścālyā saroṣayā / malabadvāsasā vāpi paravāso 'tha varjayet // ### [2.17.30](https://indike.org/pramana/in.purana.kurma.2.17.30) vivatsāyāśca goḥ kṣīramauṣṭraṃ vānirdaśaṃ tathā / āvikaṃ sandhinīkṣīramapeyaṃ manurabravīt // ### [2.17.31](https://indike.org/pramana/in.purana.kurma.2.17.31) balākaṃ haṃsadātyūhaṃ kalaviṅkaṃ śukaṃ tathā / kuraraṃ ca cakoraṃ ca jālapādaṃ ca kokilam // ### [2.17.32](https://indike.org/pramana/in.purana.kurma.2.17.32) vāyasaṃ khañjarīṭaṃ ca śyenaṃ gṛdhraṃ tathaiva ca / ulūkaṃ cakravākaṃ ca bhāsaṃ pārāvatānapi / kapotaṃ ṭiṭṭibhaṃ caiva grāmakukkuṭameva ca // ### [2.17.33](https://indike.org/pramana/in.purana.kurma.2.17.33) siṃhavyāghraṃ ca mārjāraṃ śvānaṃ śūkarameva ca / śṛgālaṃ markaṭaṃ caiva gardabhaṃ ca na bhakṣayet // ### [2.17.34](https://indike.org/pramana/in.purana.kurma.2.17.34) na bhakṣayet sarvamṛgān pakṣiṇo 'nyān vanecarān / jalecarān sthalacarān prāṇinaśceti dhāraṇā // ### [2.17.35](https://indike.org/pramana/in.purana.kurma.2.17.35) godhā kūrmaḥ śaśaḥ śvāvicchalyakaśceti sattamāḥ / bhakṣyāḥ pañcanakhā nityaṃ manurāha prijāpatiḥ // ### [2.17.36](https://indike.org/pramana/in.purana.kurma.2.17.36) matsyān saśalkān bhuñjīyān māṃsaṃ rauravamevaca / nivedya devatābhyastu brāhmaṇebhyastu nānyathā // ### [2.17.37](https://indike.org/pramana/in.purana.kurma.2.17.37) mayūraṃ tittiraṃ caiva kapotaṃ ca kapiñjalam / vādhrīṇasaṃ bakaṃ bhakṣyaṃ mīnahaṃsaparājitāḥ // ### [2.17.38](https://indike.org/pramana/in.purana.kurma.2.17.38) śapharaṃ siṃhatuṇḍaṃ ca tathā pāṭhīnarohitau / matsyāścaite samuddiṣṭā bhakṣaṇāya dvijottamāḥ // ### [2.17.39](https://indike.org/pramana/in.purana.kurma.2.17.39) prokṣitaṃ bhakṣayedeṣāṃ māṃsaṃ ca dvijakāmyayā / yathāvidhi niyuktaṃ ca prāṇānāmapi cātyaye // ### [2.17.40](https://indike.org/pramana/in.purana.kurma.2.17.40) bhakṣayennaiva māṃsāni śeṣabhojī na lipyate / auṣadhārthamaśaktau vā niyogād yajñakāraṇāt // ### [2.17.41](https://indike.org/pramana/in.purana.kurma.2.17.41) āmantritastu yaḥ śrāddhe daive vā māṃsamutsṛjet / yāvanti paśuromāṇi tāvato narakān vrajet // ### [2.17.42](https://indike.org/pramana/in.purana.kurma.2.17.42) adeyaṃ cāpyapeyaṃ ca tathaivāspṛśyameva ca / dvijātīnāmanālokyaṃ nityaṃ madyamiti sthitiḥ // ### [2.17.43](https://indike.org/pramana/in.purana.kurma.2.17.43) tasmāt sarvaprakāreṇa madyaṃ nityaṃ vivarjayet / pītvā patati karmabhyastvasaṃbhāṣyo bhaved dvijaḥ // ### [2.17.44](https://indike.org/pramana/in.purana.kurma.2.17.44) bhakṣayitvā hyabhakṣyāṇi pītvāpeyānyapi dvijaḥ / nādhikārī bhavet tāvad yāvad tanna jahātyadhaḥ // ### [2.17.45](https://indike.org/pramana/in.purana.kurma.2.17.45) tasmāt pariharennityamabhakṣyāṇi prayatnataḥ / apeyāni ca vipro vai tathā ced yāti rauravam // ### [2.17.45.p1](https://indike.org/pramana/in.purana.kurma.2.17.45.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge saptadaśo 'dhyāyaḥ ## Linked texts (5) - [Padmapurāṇa](https://indike.org/pramana/in.purana.padma.3.56.1) — Vyāsa, Sanskrit - [Ācāracintāmaṇi](https://indike.org/pramana/in.niti.dharma.acara.ahnika.acaracintamani.3.p280) — Vācaspatimiśra, Sanskrit - [Ācārasāra (Gadādhara)](https://indike.org/pramana/in.niti.dharma.acara.acarasara-gadadhara.10.p178) — Gadādhara (Pāraskara commentator), Sanskrit - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.2.p357) — Vāmadeva, Sanskrit - [Pūjāprakāśa](https://indike.org/pramana/in.niti.dharma.pratistha.pujaprakasa.2.p7) — Mitramiśra, Sanskrit --- Source: [https://indike.org/pramana/in.purana.kurma.2.17](https://indike.org/pramana/in.purana.kurma.2.17) · Pramāṇa