[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.19 # Kurmapurana 2.19: ekonaviṃśo'dhyāyaḥ Kūrmapurāṇa 2.19 - **Language:** Sanskrit ## Contents - [2.19.32](https://indike.org/pramana/in.purana.kurma.2.19.32) — 1 part ### ekonaviṃśo'dhyāyaḥ ### [2.19.1](https://indike.org/pramana/in.purana.kurma.2.19.1) vyāsa uvāca prāṅmukho 'nnāni bhuñjīta sūryābhimukha eva vā / āsīnastvāsane śuddhe bhūmyāṃ pādau nidhāya tu // ### [2.19.2](https://indike.org/pramana/in.purana.kurma.2.19.2) āyuṣyaṃ prāṅmukho bhuṅkte yaśasyaṃ dakṣiṇāmukhaḥ / śriyaṃ pratyaṅmukho bhuṅkte ṛtaṃ bhuṅkte udaṅmukhāḥ // ### [2.19.3](https://indike.org/pramana/in.purana.kurma.2.19.3) pañcārdre bhojanaṃ kuryād bhūmau pātraṃ nidhāya tu / upavāsena tattulyaṃ manurāha prajāpatiḥ // ### [2.19.4](https://indike.org/pramana/in.purana.kurma.2.19.4) upalipte śucau deśe pādau prakṣālya vai karau / ācamyārdrānano 'krodhaḥ pañcārdre bhojanaṃ caret // ### [2.19.5](https://indike.org/pramana/in.purana.kurma.2.19.5) mahāvyahṛtibhistvannaṃ paridhāyodakena tu / amṛtopastaraṇamasītyāpośānakriyāṃ caret // ### [2.19.6](https://indike.org/pramana/in.purana.kurma.2.19.6) svāhāpraṇavasaṃyuktāṃ prāṇāyādyāhutiṃ tataḥ / apānāya tato hutvā vyānāya tadanantaram // ### [2.19.7](https://indike.org/pramana/in.purana.kurma.2.19.7) udānāya tataḥ kuryāt samānāyeti pañcamīm / vijñāya tattvameteṣāṃ juhuyādātmani dvijaḥ // ### [2.19.8](https://indike.org/pramana/in.purana.kurma.2.19.8) śeṣamannaṃ yathākāmaṃ bhuñjītavyaṃ janairyutam / dhyātvā tanmanasā devamātmānaṃ vai prajāpatim // ### [2.19.9](https://indike.org/pramana/in.purana.kurma.2.19.9) amṛtāpidhānamasītyupariṣṭādapaḥ pibet / ācāntaḥ punarācāmedāyaṃ gauriti mantrataḥ // ### [2.19.10](https://indike.org/pramana/in.purana.kurma.2.19.10) drupadāṃ vā trirāvartya sarvapāpapraṇāśanīm / prāṇānāṃ granthirasītyālabhed hṛdayaṃ tataḥ // ### [2.19.11](https://indike.org/pramana/in.purana.kurma.2.19.11) ācamyāṅguṣṭhamātreti pādāṅguṣṭhe 'tha dakṣiṇe / niḥ stravayed hastajalamūrdhvahastaḥ samāhitaḥ // ### [2.19.12](https://indike.org/pramana/in.purana.kurma.2.19.12) hutānumantraṇaṃ kuryāt śraddhāyāmiti mantrataḥ / athākṣareṇa svātmānaṃ yojayed brahmaṇeti hi // ### [2.19.13](https://indike.org/pramana/in.purana.kurma.2.19.13) sarveṣāmeva yāgānāmātmayāgaḥ paraḥ smṛtaḥ / yo 'nena vidhinā kuryāt sa yāti brahmaṇaḥ kṣayam // ### [2.19.14](https://indike.org/pramana/in.purana.kurma.2.19.14) yajñopavītī bhuñjīta straggandhālaṅkṛtaḥ śuciḥ / sāyaṃprāparnāntarā vai saṃdhyāyāṃ tu viśeṣataḥ // ### [2.19.15](https://indike.org/pramana/in.purana.kurma.2.19.15) nādyāt sūryagrahāt pūrvamahni sāyaṃ śaśigrahāt / grahakāle ca nāśnīyāt snātvāśnīyāt tu muktayoḥ // ### [2.19.16](https://indike.org/pramana/in.purana.kurma.2.19.16) mukte śaśini bhuñjīta yadi na syānmahāniśā / amuktayorastaṅgatayoradyād dṛṣṭvā pare 'hani // ### [2.19.17](https://indike.org/pramana/in.purana.kurma.2.19.17) nāśnīyāt prekṣamāṇānāmapradāyaiva durmatiḥ / na yajñaśiṣṭādand vā na kruddho nānyamānasaḥ // ### [2.19.18](https://indike.org/pramana/in.purana.kurma.2.19.18) ātmārthaṃ bhojanaṃ yasya ratyarthaṃ yasya maithunam / vṛtyarthaṃ yasya cādhītaṃ niṣphalaṃ tasya jīvitam // ### [2.19.19](https://indike.org/pramana/in.purana.kurma.2.19.19) yadbhuṅkte veṣṭitaśirā yacca bhuṅkte udaṅmukhaḥ / sopānatkaśca yad bhuṅkte sarvaṃ vidyāt tadāsuram // ### [2.19.20](https://indike.org/pramana/in.purana.kurma.2.19.20) nārdharātre na madhyāhne nājīrṇe nārdravastradhṛk / na ca bhinnāsanagato na śayānaḥ sthito 'pi vā // ### [2.19.21](https://indike.org/pramana/in.purana.kurma.2.19.21) na bhinnabhājane caiva na bhūmyāṃ na ca pāṇiṣu / nocchiṣṭo ghṛtamādadyānna mūrdhānaṃ spṛśedapi // ### [2.19.22](https://indike.org/pramana/in.purana.kurma.2.19.22) na brahma kīrtayan vāpi na niḥ śeṣaṃ na bhāryayā / nāndhakāre na cākāśe na ca devālayādiṣu // ### [2.19.23](https://indike.org/pramana/in.purana.kurma.2.19.23) naikavastrastu bhuñjīta na yānaśayanasthitaḥ / na pādukānirgato 'tha na hasan vilapannapi // ### [2.19.24](https://indike.org/pramana/in.purana.kurma.2.19.24) bhuktvaivaṃ sukhamāsthāya tadannaṃ pariṇāmayet / itihāsapurāṇābhyāṃ vedārthānupabṛṃhayet // ### [2.19.25](https://indike.org/pramana/in.purana.kurma.2.19.25) tataḥ saṃdhyāmupāsīta pūrvoktavidhinā dvijaḥ / āsīnastu japed devīṃ gāyatrīṃ paścimāṃ prati // ### [2.19.26](https://indike.org/pramana/in.purana.kurma.2.19.26) na tiṣṭhati tu yaḥ purvāṃ nāste saṃdhyāṃ tu paścimām / sa śūdreṇa samo loke sarvadharmavivarjitaḥ // ### [2.19.27](https://indike.org/pramana/in.purana.kurma.2.19.27) hutvāgniṃ vidhivanmantrairbhuktvā yajñāvaśiṣṭakam / sabhṛtyabāndhavajanaḥ svapecchuṣkapado niśi // ### [2.19.28](https://indike.org/pramana/in.purana.kurma.2.19.28) nottarābhimukhaḥ svapyāt paścimābhimukho na ca / na cākāśe na nagno vā nāśucirnāsane kvacit // ### [2.19.29](https://indike.org/pramana/in.purana.kurma.2.19.29) na śīrṇāyāṃ tu khaṭvāyāṃ śūnyāgāre na caiva hi / nānuvaṃśaṃ na pālāśe śayane vā kadācana // ### [2.19.30](https://indike.org/pramana/in.purana.kurma.2.19.30) ityetadakhilenoktamahanyahani vai mayā / brāhmaṇānāṃ kṛtyajātamapavargaphalapradam // ### [2.19.31](https://indike.org/pramana/in.purana.kurma.2.19.31) nāstikyādathavālasyāt brāhmaṇo na karoti yaḥ / sa yāti narakān ghorān kākayonau ca jāyate // ### [2.19.32](https://indike.org/pramana/in.purana.kurma.2.19.32) nānyo vimuktaye panthā muktvāśramavidhiṃ svakam / tasmāt karmāṇi kurvota tuṣṭaye parameṣṭhinaḥ // ### [2.19.32.p1](https://indike.org/pramana/in.purana.kurma.2.19.32.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge ekonaviṃśo 'dhyāyaḥ ## Linked texts (6) - [Pāñcarātrarakṣā](https://indike.org/pramana/in.sampradaya.vaisnava.pancaratra.pancaratraraksa.3.16) — Vedāntadeśika, Sanskrit - [Southern recension](https://indike.org/pramana/in.lit.mahabharata.vyasa*southern.12.375.9_6302) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.17.p42) — Nīlakaṇṭha Dīkṣita 1625, Sanskrit - [Ācārabhūṣaṇa](https://indike.org/pramana/in.niti.dharma.acara.acarabhusana.20.1.22) — Tryambaka rāma oka 1794, Sanskrit - [Ācāramayūkha](https://indike.org/pramana/in.niti.dharma.acara.bhatta.acaramayukha.9.p39) — Nīlakaṇṭha Dīkṣita 1625, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.5.p324) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.kurma.2.19](https://indike.org/pramana/in.purana.kurma.2.19) · Pramāṇa