[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.20 # Kurmapurana 2.20: viṃśo'dhyāyaḥ Kūrmapurāṇa 2.20 - **Language:** Sanskrit ## Contents - [2.20.48](https://indike.org/pramana/in.purana.kurma.2.20.48) — 1 part ### viṃśo'dhyāyaḥ ### [2.20.1](https://indike.org/pramana/in.purana.kurma.2.20.1) vyāsa uvāca atha śrāddhamamāvāsyāṃ prāpya kāryaṃ dvijottamaiḥ / piṇḍānvāhāryakaṃ bhaktyā bhuktimuktiphalapradam // ### [2.20.2](https://indike.org/pramana/in.purana.kurma.2.20.2) piṇḍānvāhāryakaṃ śrāddhaṃ kṣīṇe rājani śasyate / aparāhne dvijātīnāṃ praśastenāmiṣeṇa ca // ### [2.20.3](https://indike.org/pramana/in.purana.kurma.2.20.3) pratipatprabhṛti hyanyāstithayaḥ kṛṣṇapakṣake / caturdaśīṃ varjayitvā praśastā hyuttarottarāḥ // ### [2.20.4](https://indike.org/pramana/in.purana.kurma.2.20.4) amāvāsyāṣṭakāstistraḥ pauṣamāsādiṣu triṣu / tistraścānvaṣṭakāḥ puṇyā māghī pañcadaśī tathā // ### [2.20.5](https://indike.org/pramana/in.purana.kurma.2.20.5) trayodaśī maghāyuktā varṣāsu tu viśeṣataḥ / śasyāpākaśrāddhakālā nityāḥ proktā dine dine // ### [2.20.6](https://indike.org/pramana/in.purana.kurma.2.20.6) naimittikaṃ tu kartavyaṃ grahaṇe candrasūryayoḥ / bāndhavānāṃ ca maraṇe nārakī syādato 'nyathā // ### [2.20.7](https://indike.org/pramana/in.purana.kurma.2.20.7) kāmyāni caiva śrāddhāni śasyānte grahaṇādiṣu / ayane viṣuve caiva vyatīpāte 'pyanantakam // ### [2.20.8](https://indike.org/pramana/in.purana.kurma.2.20.8) saṃkrāntyamakṣayaṃ śrāddhaṃ tathā janmadineṣvapi / nakṣatreṣu ca sarveṣu kāryaṃ kāmyaṃ viśeṣataḥ // ### [2.20.9](https://indike.org/pramana/in.purana.kurma.2.20.9) svargaṃ ca labhate kṛtvā kṛttikāsu dvijottamaḥ / apatyamatha rohiṇyāṃ saumye tu brahmavarcasam // ### [2.20.10](https://indike.org/pramana/in.purana.kurma.2.20.10) raudrāṇāṃ karmaṇāṃ siddhimārdrāyāṃ śauryameva ca / punarvasau tathā bhūmiṃ śriyaṃ puṣye tathaiva ca // ### [2.20.11](https://indike.org/pramana/in.purana.kurma.2.20.11) sarvān kāmāṃstathā sārpe pitrye saubhāgyameva ca / aryamṇe tu dhanaṃ vindyāt phālgunyāṃ pāpanāśanam // ### [2.20.12](https://indike.org/pramana/in.purana.kurma.2.20.12) jñātiśraiṣṭhyaṃ tathā haste citrāyāṃ ca bahūn sutān / vāṇijyasiddhiṃ svātau tu viśākhāsu suvarṇakam // ### [2.20.13](https://indike.org/pramana/in.purana.kurma.2.20.13) maitre bahūni mitrāṇi rājyaṃ śākre tathaiva ca / mūle kṛṣiṃ labhed yānasiddhimāpye samudrataḥ // ### [2.20.14](https://indike.org/pramana/in.purana.kurma.2.20.14) sarvān kāmān vaiśvadeve śraiṣṭhyaṃ tu śravaṇe punaḥ / śraviṣṭhāyāṃ tathā kāmān vāruṇe ca paraṃ balam // ### [2.20.15](https://indike.org/pramana/in.purana.kurma.2.20.15) ajaikapāde kupyaṃ syādahirbudhne gṛhaṃ śubham / revatyāṃ bahavo gāvo hyaśvinyāṃ turagāṃstathā / yāmye 'tha jīvanaṃ tat syādyadi śrāddhaṃ prayacchati // ### [2.20.16](https://indike.org/pramana/in.purana.kurma.2.20.16) ādityavāre tvārogyaṃ candre saubhāgyameva ca / kauje sarvatra vijayaṃ sarvān kāmān budhasya tu // ### [2.20.17](https://indike.org/pramana/in.purana.kurma.2.20.17) vidyāmabhīṣṭā jīve tu dhanaṃ vai bhārgave punaḥ / śamaiśvare labhedāyuḥ pratipatsu sutān śubhān // ### [2.20.18](https://indike.org/pramana/in.purana.kurma.2.20.18) kanyakāṃ vai dvitīyāyāṃ tṛtīyāyāṃ tu vandinaḥ / paśūnkṣudrāṃścaturthyāṃ tu pañcamyāṃśobhanān sutān // ### [2.20.19](https://indike.org/pramana/in.purana.kurma.2.20.19) ṣaṣṭyāṃ dyūtaṃ kṛṣiṃ cāpi saptamyāṃ labhate naraḥ / aṣṭamyāmapi vāṇijyaṃ labhate śrāddhadaḥ sadā // ### [2.20.20](https://indike.org/pramana/in.purana.kurma.2.20.20) syānnavamyāmekakhuraṃ daśamyāṃ dvikhuraṃ bahu / ekādaśyāṃ tathā rūpyaṃ brahmavarcasvinaḥ sutān // ### [2.20.21](https://indike.org/pramana/in.purana.kurma.2.20.21) dvādaśyāṃ jātarūpaṃ ca rajataṃ kupyameva ca / jñātiśraiṣṭhyaṃ trayodaśyāṃ caturdaśyāṃ tu kruprajāḥ / pañcadaśyāṃ sarvakāmānāpnoti śrāddhadaḥ sadā // ### [2.20.22](https://indike.org/pramana/in.purana.kurma.2.20.22) tasmācchrāddhaṃ na kartavyaṃ caturdaśyāṃ dvijātibhiḥ / śastreṇa tu hatānāṃ vai tatra śrāddhaṃ prakalpayet // ### [2.20.23](https://indike.org/pramana/in.purana.kurma.2.20.23) dravyabrāhmaṇasaṃpattau na kālaniyamaḥ kṛtaḥ / tasmād bhogāpavargārthaṃ śrāddhaṃ kuryurdvijātayaḥ // ### [2.20.24](https://indike.org/pramana/in.purana.kurma.2.20.24) karmārambheṣu sarveṣu kuryādābhyudayaṃ punaḥ / putrajanmādiṣu śrāddhaṃ pārvaṇaṃ parvaṇi smṛtam // ### [2.20.25](https://indike.org/pramana/in.purana.kurma.2.20.25) ahanyahani nityaṃ syāt kāmyaṃ naimittikaṃ punaḥ / ekoddiṣṭādi vijñeyaṃ vṛddhiśrāddhaṃ tu pārvaṇam // ### [2.20.26](https://indike.org/pramana/in.purana.kurma.2.20.26) etat pañcavidhaṃ śrāddhaṃ manunā parikīrtitam / yātrāyāṃ ṣaṣṭhamākhyātaṃ tatprayatnena pālayet // ### [2.20.27](https://indike.org/pramana/in.purana.kurma.2.20.27) śuddhaye saptamaṃ śrāddhaṃ brahmaṇā paribhāṣitam / daivikaṃ cāṣṭamaṃ śrāddhaṃ yatkṛtvā mucyate bhayāt // ### [2.20.28](https://indike.org/pramana/in.purana.kurma.2.20.28) saṃdhyārātryorna kartavyaṃ rāhoranyatra darśanāt / deśānāṃ ca viśeṣeṇa bhavet puṇyamanantakam // ### [2.20.29](https://indike.org/pramana/in.purana.kurma.2.20.29) gaṅgāyāmakṣayaṃ śrāddhaṃ prayāge 'marakaṇṭake / gāyanti pitaro gāthāṃ kīrtayanti manīṣiṇaḥ // ### [2.20.30](https://indike.org/pramana/in.purana.kurma.2.20.30) eṣṭavyā bahavaḥ putrāḥ śīlavanto guṇānvitāḥ / teṣāṃ tu samavetānāṃ yadyeko 'pi gāyāṃ vrajet // ### [2.20.31](https://indike.org/pramana/in.purana.kurma.2.20.31) gayāṃ prāpyānuṣaṅgeṇa yadi śrāddhaṃ samācaret / tāritāḥ pitarastena sa yāti paramāṃ gatim // ### [2.20.32](https://indike.org/pramana/in.purana.kurma.2.20.32) varāhaparvate caiva gaṅgāyāṃ vai viśeṣataḥ / vārāṇasyāṃ viśeṣeṇa yatra devaḥ svayaṃ haraḥ // ### [2.20.33](https://indike.org/pramana/in.purana.kurma.2.20.33) gaṅgādvāre prabhāse ca bilvake nīlaparvate / kurukṣetre ca kubjāmre bhṛgutuṅge mahālaye // ### [2.20.34](https://indike.org/pramana/in.purana.kurma.2.20.34) kedāre phalgutīrthe ca naimiṣāraṇya eva ca / sarasvatyāṃ viśeṣeṇa puṣkareṣu viśeṣataḥ // ### [2.20.35](https://indike.org/pramana/in.purana.kurma.2.20.35) narmadāyāṃ kuśāvarte śrīśaile bhadrakarṇake / vetravatyāṃ vipāśāyāṃ godāvaryāṃ viśeṣataḥ // ### [2.20.36](https://indike.org/pramana/in.purana.kurma.2.20.36) evamādiṣu cānyeṣu tīrtheṣu pulineṣu ca / nadīnāṃ caiva tīreṣu tuṣyanti pitaraḥ sadā // ### [2.20.37](https://indike.org/pramana/in.purana.kurma.2.20.37) vrīhibhiśca yavairmāṣairadbhirmūlaphalena vā / śyāmākaiśca yavaiḥ śākairnovāraiśca priyaṅgubhiḥ / gaudhūmaiśca tilairmudgairmāsaṃ prīṇayate pitṝn // ### [2.20.38](https://indike.org/pramana/in.purana.kurma.2.20.38) āmrān pāne ratānikṣūn mṛdvīkāṃśca sadāḍimān / vidāryāśca bharaṇḍāśca śrāddhakāle prādapayet // ### [2.20.39](https://indike.org/pramana/in.purana.kurma.2.20.39) lājān madhuyutān dadyāt saktūn śarkarayā saha / dadyācchrāddhe prayatnena śṛṅgāṭakakaśerukān // ### [2.20.40](https://indike.org/pramana/in.purana.kurma.2.20.40) dvau māsau matsyamāṃsena trīn māsān hāriṇenatu / aurabhreṇātha caturaḥ śākuneneha pañca tu // ### [2.20.41](https://indike.org/pramana/in.purana.kurma.2.20.41) ṣaṇmāsāṃśchāgamāṃsena pārṣatenātha sapta vai / aṣṭāveṇasya māṃsena rauraveṇa navaiva tu // ### [2.20.42](https://indike.org/pramana/in.purana.kurma.2.20.42) daśamāsāṃstu tṛpyanti varāhamahiṣāmiṣaiḥ / śaśakūrmaryormāṃsena māsānekādaśaiva tu // ### [2.20.43](https://indike.org/pramana/in.purana.kurma.2.20.43) saṃvatsaraṃ tu gavyena payasā pāyasena tu / vārdhroṇasasya māṃsena tṛptirdvādaśavārṣikī // ### [2.20.44](https://indike.org/pramana/in.purana.kurma.2.20.44) kālaśākaṃ mahāśalkaṃ khaṅgalohāmiṣaṃ madhu / ānantyāyaiva kalpante munyannāni ca sarvaśaḥ // ### [2.20.45](https://indike.org/pramana/in.purana.kurma.2.20.45) krītvā labdhvā svayaṃ vātha mṛtānāhṛtya vā dvijaḥ / dadyācchrāddhe prayatnena tadasyākṣayamucyate // ### [2.20.46](https://indike.org/pramana/in.purana.kurma.2.20.46) pippalīṃ kramukaṃ caiva tathā caiva masūrakam / kūṣmāṇḍālābuvārtākān bhūstṛṇaṃ surasaṃ tathā // ### [2.20.47](https://indike.org/pramana/in.purana.kurma.2.20.47) kusumbhapiṇḍamūlaṃ vai tandulīyakameva ca / rājamāṣāṃstathā kṣīraṃ māhiṣaṃ ca vivarjayet // ### [2.20.48](https://indike.org/pramana/in.purana.kurma.2.20.48) kodravān kovidārāṃścapālakyān maricāṃstathā / varjayet sarvayatnena śrāddhakāle dvijottamaḥ // ### [2.20.48.p1](https://indike.org/pramana/in.purana.kurma.2.20.48.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge viśo 'dhyāyaḥ ## Linked texts (7) - [Mudgalapurāṇa](https://indike.org/pramana/in.purana.upa.surya.mudgala.3.21.18) — Sanskrit - [Śaṅkhasmṛti](https://indike.org/pramana/in.niti.dharma.upasmrti.sankhalikhita.sankha.14.23) — Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.10.p1.5) — Viśveśvarabhaṭṭa, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.44.p32) — Nīlakaṇṭha Dīkṣita 1625, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.1.p26) — Govindānanda 1500, Sanskrit - [Kṛtyamahārṇava](https://indike.org/pramana/in.niti.dharma.nibandha.krtya.krtyamaharnava.2.p180) — Vācaspatimiśra, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.1.p17) — Divākarabhaṭṭa 1655, Sanskrit --- Source: [https://indike.org/pramana/in.purana.kurma.2.20](https://indike.org/pramana/in.purana.kurma.2.20) · Pramāṇa