[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.21 # Kurmapurana 2.21: ekaviṃśo'dhyāyaḥ Kūrmapurāṇa 2.21 - **Language:** Sanskrit ## Contents - [2.21.49](https://indike.org/pramana/in.purana.kurma.2.21.49) — 2 parts ### ekaviṃśo'dhyāyaḥ ### [2.21.1](https://indike.org/pramana/in.purana.kurma.2.21.1) vyāsa uvāca snātvā yathoktaṃ saṃtarpya pitṝṃścandrakṣaye dvijaḥ / piṇḍānvāhāryakaṃ śrāddhaṃ kuryāt saumyamanāḥ śuciḥ // ### [2.21.2](https://indike.org/pramana/in.purana.kurma.2.21.2) pūrvameva parīkṣeta brāhmaṇaṃ vedapāragam / tīrthaṃ tad havyakavyānāṃ pradāne cātithiḥ smṛtaḥ // ### [2.21.3](https://indike.org/pramana/in.purana.kurma.2.21.3) ye somapā virajaso dharmajñāḥ śāntacetasaḥ / vratino niyamasthāśca ṛtukālābhigāminaḥ // ### [2.21.4](https://indike.org/pramana/in.purana.kurma.2.21.4) pañcāgnirapyadhīyāno yajurvedavideva ca / bahvṛcaśca trisauparṇastrimadhurvātha yo bhavet // ### [2.21.5](https://indike.org/pramana/in.purana.kurma.2.21.5) triṇāciketacchandogo jyeṣṭhasāmaga eva ca / atharvaśiraso 'dhyetā rudrādhyāyī viśeṣataḥ // ### [2.21.6](https://indike.org/pramana/in.purana.kurma.2.21.6) agnihotraparo vidvān nyāyavicca ṣaḍaṅgavit / mantrabrāhmaṇaviccaiva yaśca syād dharmapāṭhakaḥ // ### [2.21.7](https://indike.org/pramana/in.purana.kurma.2.21.7) ṛṣivratī ṛṣīkaśca tathā dvādaśavārṣikaḥ / brahmadeyānusaṃtāno garbhaśuddhaḥ sahasradaḥ // ### [2.21.8](https://indike.org/pramana/in.purana.kurma.2.21.8) cāndrāyaṇavratacaraḥ satyavādī purāṇavit / gurudevāgnipūjāsu prasakto jñānatatparaḥ // ### [2.21.9](https://indike.org/pramana/in.purana.kurma.2.21.9) vimuktaḥ sarvato dhīro brahmabhūto dvijottamaḥ / mahādevārcanarato vaiṣṇavaḥ paṅktipāvanaḥ // ### [2.21.10](https://indike.org/pramana/in.purana.kurma.2.21.10) ahiṃsānirato nityamapratigrahaṇastathā / satriṇo dānaniratā vijñeyāḥ paṅktipāvanāḥ // ### [2.21.11](https://indike.org/pramana/in.purana.kurma.2.21.11) yuvānaḥ śrotriyāḥ svasthā mahāyajñaparāyaṇāḥ / sāvitrījāpaniratā brāhmaṇāḥ paṅktipāvanāḥ // ### [2.21.12](https://indike.org/pramana/in.purana.kurma.2.21.12) kulīnāḥ śrutavantaśca śīlavantastapasvinaḥ / agnicitsnātakā viprā vijñeyāḥ paṅktipāvanāḥ // ### [2.21.13](https://indike.org/pramana/in.purana.kurma.2.21.13) mātāpitrorhite yuktaḥ prātaḥ snāyī tathā dvijaḥ / adhyātmavinmunirdānto vijñeyaḥ paṅktipāvanaḥ // ### [2.21.14](https://indike.org/pramana/in.purana.kurma.2.21.14) jñānaniṣṭho mahāyogī vedāntārthavicintakaḥ / śraddhāluḥ śrāddhanirato brāhmaṇaḥ paṅktipāvanaḥ // ### [2.21.15](https://indike.org/pramana/in.purana.kurma.2.21.15) vedavidyārataḥ snāto brahmacaryaparaḥ sadā / atharvaṇo mumukṣuśca brāhmaṇaḥ paṅktipāvanaḥ // ### [2.21.16](https://indike.org/pramana/in.purana.kurma.2.21.16) asamānapravarako hyasagotrastathaiva ca / asaṃbandhī ca vijñeyo brāhmaṇaḥ paṅktipāvanaḥ // ### [2.21.17](https://indike.org/pramana/in.purana.kurma.2.21.17) bhojayed yoginaṃ pūrvaṃ tattvajñānarataṃ yatim / alābhe naiṣṭhikaṃ dāntamupakurvāṇakaṃ tathā // ### [2.21.18](https://indike.org/pramana/in.purana.kurma.2.21.18) tadalābhe gṛhasthaṃ tu mumukṣuṃ saṅgavarjitam / sarvālābhe sādhakaṃ vā gṛhasthamapi bhojayet // ### [2.21.19](https://indike.org/pramana/in.purana.kurma.2.21.19) prakṛterguṇatattvajño yasyāśnāti yatirhaviḥ / phalaṃ vedavidāṃ tasya sahasrādatiricyate // ### [2.21.20](https://indike.org/pramana/in.purana.kurma.2.21.20) tasmād yatnena yogīndramīśvarajñānatatparam / bhojayed havyakavyeṣu alābhāditarān dvijān // ### [2.21.21](https://indike.org/pramana/in.purana.kurma.2.21.21) eṣa vai prathamaḥ kalpaḥ pridāne havyakavyayoḥ / anukalpastvayaṃ jñeyaḥ sadā sadbhiranuṣṭhitaḥ // ### [2.21.22](https://indike.org/pramana/in.purana.kurma.2.21.22) mātāmahaṃ mātulaṃ ca svastrīyaṃ śvaśuraṃ gurum / dauhitraṃ viṭpatiṃ bandhumṛtvigyājyau ca bhojayet // ### [2.21.23](https://indike.org/pramana/in.purana.kurma.2.21.23) na śrāddhe bhojayenmitraṃ dhanaiḥ kāryo 'sya saṃgrahaḥ / paiśācī dakṣiṇā sā hi naivāmutra phalapradā // ### [2.21.24](https://indike.org/pramana/in.purana.kurma.2.21.24) kāma śrāddhe 'rcayenmitraṃ nābhirūpamapi tvarim / dviṣatā hi havirbhuktaṃ bhavati pretya niṣphalam // ### [2.21.25](https://indike.org/pramana/in.purana.kurma.2.21.25) brāhmaṇo hyanadhīyānastṛṇāgniriva śāmyati / tasmai havyaṃ na dātavyaṃ na hi bhasmani hūyate // ### [2.21.26](https://indike.org/pramana/in.purana.kurma.2.21.26) yatheriṇe bījamuptvā na vaptā labhate phalam / tathānṛce havirdattvā na dātā labhate phalam // ### [2.21.27](https://indike.org/pramana/in.purana.kurma.2.21.27) yāvato grasate piṇḍān havyakavyeṣvamantravit / tāvato grasate pretya dīptān sthūlāṃstvayoguḍān // ### [2.21.28](https://indike.org/pramana/in.purana.kurma.2.21.28) api vidyākulairyuktā hīnavṛttā narādhamāḥ / yatraite bhuñjate havyaṃ tad bhavedāsura dvijāḥ // ### [2.21.29](https://indike.org/pramana/in.purana.kurma.2.21.29) yasya vedaśca vedī ca vicchidyete tripūruṣam / sa vai durbrāhmaṇo nārhaḥ śrāddhādiṣu kadācana // ### [2.21.30](https://indike.org/pramana/in.purana.kurma.2.21.30) śūdrapreṣyo bhṛto rājño vṛṣalo grāmayājakaḥ / badhabandhopajīvī ca ṣaḍete brahmabandhavaḥ // ### [2.21.31](https://indike.org/pramana/in.purana.kurma.2.21.31) dattānuyogān vṛtyarthaṃ patitān manurabravīt / vedavikrāyiṇo hyete śrāddhādiṣu vigarhitāḥ // ### [2.21.32](https://indike.org/pramana/in.purana.kurma.2.21.32) śrutivikrayiṇo ye tu parapūrvāsamudbhavāḥ / asamānān yājayanti patitāste prakīrtitāḥ // ### [2.21.33](https://indike.org/pramana/in.purana.kurma.2.21.33) asaṃskṛtādhyāpakā ye bhṛtyā vādhyāpayanti ye / adhīyate tathā vedān patitāste prakīrtitāḥ // ### [2.21.34](https://indike.org/pramana/in.purana.kurma.2.21.34) vṛddhaśrāvakanirgranthāḥ pañcarātravido janāḥ / kāpālikāḥ pāśupatāḥ pāṣaṇḍā ye ca tadvidhāḥ // ### [2.21.35](https://indike.org/pramana/in.purana.kurma.2.21.35) yasyāśnanti havīṃṣyete durātmānastu tāmasāḥ / na tasya tad bhavecchrāddhaṃ pretya ceha phalapradam // ### [2.21.36](https://indike.org/pramana/in.purana.kurma.2.21.36) anāśramo yo dvijaḥ syādāśramī vā nirarthakaḥ / mithyāśramī ca te viprā vijñeyāḥ paṅktidūṣakāḥ // ### [2.21.37](https://indike.org/pramana/in.purana.kurma.2.21.37) duścarmā kunakhī kuṣṭhī śvitrī ca śyāvadantakaḥ / viddhaprajananaścaiva stenaḥ klībo 'tha nāstikaḥ // ### [2.21.38](https://indike.org/pramana/in.purana.kurma.2.21.38) madyapo vṛṣalīsakto vīrahā didhiṣūpatiḥ / āgāradāhī kuṇḍāśī somavikrayiṇo dvijāḥ // ### [2.21.39](https://indike.org/pramana/in.purana.kurma.2.21.39) parivettā tathā hiṃstraḥ parivittirnirākṛtiḥ / paunarbhavaḥ kusīdī ca tathā nakṣatradarśakaḥ // ### [2.21.40](https://indike.org/pramana/in.purana.kurma.2.21.40) gītavāditranirato vyādhitaḥ kāṇa eva ca / hīnāṅgaścātiriktāṅgo hyavakīrṇistathaiva ca // ### [2.21.41](https://indike.org/pramana/in.purana.kurma.2.21.41) kanyādūṣī kuṇḍagolau abhiśasto 'tha devalaḥ / mitradhruk piśunaścaiva nityaṃ bhāryānuvartakaḥ // ### [2.21.42](https://indike.org/pramana/in.purana.kurma.2.21.42) mātāpitrorgurostyāgī dāratyāgī tathaiva ca / gotrabhid bhraṣṭaśaucaśca kāṇḍaspṛṣṭastathaiva ca // ### [2.21.43](https://indike.org/pramana/in.purana.kurma.2.21.43) anapatyaḥ kūṭasākṣī yācako raṅgajīvakaḥ / samudrayāyī kṛtahā tathā samayabhedakaḥ // ### [2.21.44](https://indike.org/pramana/in.purana.kurma.2.21.44) devanindāparaścaiva vedanindāratastathā / dvijanindārataścaite varjyāḥ śrāddhādikarmasu // ### [2.21.45](https://indike.org/pramana/in.purana.kurma.2.21.45) kṛtaghnaḥ piśunaḥ krūro nāstiko vedanindakaḥ / mitradhruk kuhakaścaiva viśeṣāt paṅktidūṣakāḥ // ### [2.21.46](https://indike.org/pramana/in.purana.kurma.2.21.46) sarve punarabhojyānnāstvadānārhāśca karmasu / brahmabhāvanirastāśca varjanīyāḥ prayatnataḥ // ### [2.21.47](https://indike.org/pramana/in.purana.kurma.2.21.47) śūdrānnarasapuṣṭāṅgaḥ saṃdhyopāsanavarjitaḥ / mahāyajñavihīnaśca brāhmaṇaḥ paṅktidūṣakaḥ // ### [2.21.48](https://indike.org/pramana/in.purana.kurma.2.21.48) adhītanāśanaścaiva snānahomavivarjitaḥ / tāmaso rājasaścaiva brāhmaṇaḥ paṅktidūṣakaḥ // ### [2.21.49](https://indike.org/pramana/in.purana.kurma.2.21.49) bahunātra kimuktena vihitān ye na kurvate / ninditānācarantyete varjanīyāḥ prayatnataḥ // ### [2.21.49.p1](https://indike.org/pramana/in.purana.kurma.2.21.49.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge ekaviśo 'dhyāya ### [2.21.49.p2](https://indike.org/pramana/in.purana.kurma.2.21.49.p2) IN REE NICHT ZULÄSSIGE ZEICHEN: ## Linked texts (13) - [Southern recension](https://indike.org/pramana/in.lit.mahabharata.vyasa*southern.12.375.9_6327) — Sanskrit - [Mānava Dharmaśāstra](https://indike.org/pramana/in.niti.dharma.manu.3.130) — Manu & Bhṛgu, Sanskrit - [Daśavidhahetunirūpaṇa](https://indike.org/pramana/in.vedanga.kalpa.grhya.vaikhanasa!tatparyacintamani.dasavidhahetunirupana.208.8) — Śrīnivāsamakhin, Sanskrit - [Śrāddhakaumudī](https://indike.org/pramana/in.niti.dharma.sraddha.mithila_bengal.sraddhakaumudi.2.p52) — Govindānanda 1500, Sanskrit - [Śabdakalpadruma](https://indike.org/pramana/in.art.kosa.sabdakalpadruma.275.p1.2) — Rājā Sir Rādhākānta Deb, Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.45.p2) — Nīlakaṇṭha Dīkṣita 1625, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.10.p1.22) — Viśveśvarabhaṭṭa, Sanskrit - [Nṛsiṃhaprasāda](https://indike.org/pramana/in.niti.dharma.nibandha.mahanibandha.nrsimhaprasada.p56) — Dalapatirāja 1511, Sanskrit - [Smṛtīnāṃ Samuccayaḥ](https://indike.org/pramana/in.niti.dharma.upasmrti.smrtisamuccaya.45.102) — Sanskrit - [Nirṇayasindhu](https://indike.org/pramana/in.niti.dharma.nibandha.nirnaya.nirnayasindhu.56.2-4) — Kamalākarabhaṭṭa 1612, Sanskrit - [Tantrādhikāranirṇaya](https://indike.org/pramana/in.darsana.advaita.vada.tantradhikaranirnaya.3.p116) — Bhaṭṭoji Dīkṣita 1547, Sanskrit - [Tantrādhikārinirṇaya](https://indike.org/pramana/in.niti.dharma.sampradaya.tantradhikarinirnaya.3.p83) — Bhaṭṭoji Dīkṣita, Sanskrit - [Śrāddhacandrikā (Divākarabhaṭṭa)](https://indike.org/pramana/in.niti.dharma.sraddha.sraddhacandrika.2.p2) — Divākarabhaṭṭa 1655, Sanskrit --- Source: [https://indike.org/pramana/in.purana.kurma.2.21](https://indike.org/pramana/in.purana.kurma.2.21) · Pramāṇa