[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.24 # Kurmapurana 2.24: caturviṃśo'dhyāyaḥ Kūrmapurāṇa 2.24 - **Language:** Sanskrit ## Contents - [2.24.23](https://indike.org/pramana/in.purana.kurma.2.24.23) — 2 parts ### caturviṃśo'dhyāyaḥ ### [2.24.1](https://indike.org/pramana/in.purana.kurma.2.24.1) vyāsa uvāca agnihotraṃ tu juhuyādādyante 'harniśoḥ sadā / darśena caiva pakṣānte paurṇamāsena caiva hi // ### [2.24.2](https://indike.org/pramana/in.purana.kurma.2.24.2) śasyānte navaśasyeṣṭyā tathartvante dvijo 'dhvaraiḥ / paśunā tvayanasyānte samānte saumikairmakhaiḥ // ### [2.24.3](https://indike.org/pramana/in.purana.kurma.2.24.3) nāniṣṭvā navaśasyeṣṭyā paśunā vāgnimān dvijaḥ / navānnamadyānmāṃsaṃ vā dīrghamāyurjijīviṣuḥ // ### [2.24.4](https://indike.org/pramana/in.purana.kurma.2.24.4) navenānnena cāniṣṭvā paśuhavyena cāganyaḥ / prāṇānevāttumicchanti navānnāmiṣagṛddhinaḥ // ### [2.24.5](https://indike.org/pramana/in.purana.kurma.2.24.5) sāvitrān śāntihomāṃśca kuryāt parvasu nityaśaḥ / pitṝṃścaivāṣṭakāsvarcan nityamanvaṣṭakāsu ca // ### [2.24.6](https://indike.org/pramana/in.purana.kurma.2.24.6) eṣa dharmaḥ paro nityamapadharmo 'nya ucyate / trayāṇāmiha varṇānāṃ gṛhasthāśramavāsinām // ### [2.24.7](https://indike.org/pramana/in.purana.kurma.2.24.7) nāstikyādathavālasyād yo 'gnīn nādhātumicchati / yajeta vā na yajñena sa yāti narakān bahūn // ### [2.24.8](https://indike.org/pramana/in.purana.kurma.2.24.8) tāmistramandhatāmistraṃ mahārauravarauravau / kumbhīpākaṃ vaitaraṇīmasipatravanaṃ tathā // ### [2.24.9](https://indike.org/pramana/in.purana.kurma.2.24.9) anyāṃśca narakān ghorān saṃprāpyānte sudurmatiḥ / antyajānāṃ kule viprāḥ śūdrayonau ca jāyate // ### [2.24.10](https://indike.org/pramana/in.purana.kurma.2.24.10) tasmāt sarvaprayatnena brāhmaṇo hi viśeṣataḥ / ādhāyāgniṃ viśuddhātmā yajeta parameśvaram // ### [2.24.11](https://indike.org/pramana/in.purana.kurma.2.24.11) agnihotrāt paro dharmo dvijānāṃ neha vidyate / tasmādārādhayennityamagnihotreṇa śāśvatam // ### [2.24.12](https://indike.org/pramana/in.purana.kurma.2.24.12) yaścādhāyāgnimālasyānna yaṣṭuṃ devamicchati / so 'sau mūḍho na saṃbhāṣyaḥ kiṃ punarnāstiko janaḥ // ### [2.24.13](https://indike.org/pramana/in.purana.kurma.2.24.13) yasya traivārṣikaṃ bhaktaṃ paryāptaṃ bhṛtyavṛttaye / adhikaṃ cāpi vidyeta sa somaṃ pātumarhati // ### [2.24.14](https://indike.org/pramana/in.purana.kurma.2.24.14) eṣa vai sarvayajñānāṃ somaḥ prathama iṣyate / somenārādhayed devaṃ somalokamaheśvaram // ### [2.24.15](https://indike.org/pramana/in.purana.kurma.2.24.15) na somayāgādadhiko maheśārādhane kratuḥ / samo vā vidyate tasmāt somenābhyarcayet param // ### [2.24.16](https://indike.org/pramana/in.purana.kurma.2.24.16) pitāmahena viprāṇāmādāvabhihitaḥ śubhaḥ / dharmo vimuktaye sākṣācchrautaḥ smārto dvidhā punaḥ // ### [2.24.17](https://indike.org/pramana/in.purana.kurma.2.24.17) śrautastretāgnisaṃbandhāt smārtaḥ pūrvaṃ mayoditaḥ / śreyaskaratamaḥ śrautastasmācchrautaṃ samācaret // ### [2.24.18](https://indike.org/pramana/in.purana.kurma.2.24.18) ubhāvabhihitau dharmau vedādeva viniḥ sṛtau / śiṣṭācārastṛtīyaḥ syācchratismṛtyoralābhataḥ // ### [2.24.19](https://indike.org/pramana/in.purana.kurma.2.24.19) dharmeṇābhigato yaistu vedaḥ saparibṛṃhaṇaḥ / te śiṣṭā brāhmaṇāḥ proktā nityamātmaguṇānvitāḥ // ### [2.24.20](https://indike.org/pramana/in.purana.kurma.2.24.20) teṣāmabhimato yaḥ syāccetasā nityameva hi / sa dharmaḥ kathitaḥ sadbhirnānyeṣāmiti dhāraṇā // ### [2.24.21](https://indike.org/pramana/in.purana.kurma.2.24.21) purāṇaṃ dharmaśāstraṃ ca vedānāmupabṛṃhaṇam / ekasmād brahmavijñānaṃ dharmajñānaṃ tathaikataḥ // ### [2.24.22](https://indike.org/pramana/in.purana.kurma.2.24.22) dharmaṃ jijñāsamānānāṃ tatpramāṇataraṃ smṛtam / dharmaśāstraṃ purāṇaṃ tad brahmajñāne parā pramā // ### [2.24.23](https://indike.org/pramana/in.purana.kurma.2.24.23) nānyato jāyate dharmo brahmavidyā ca vaidikī / tasmād dharmaṃ purāṇaṃ ca śraddhātavyaṃ dvijātibhiḥ // ### [2.24.23.p1](https://indike.org/pramana/in.purana.kurma.2.24.23.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge caturviśo 'dhyāyaḥ ### [2.24.23.p2](https://indike.org/pramana/in.purana.kurma.2.24.23.p2) IN REE NICHT ZULÄSSIGE ZEICHEN: ## Linked texts (1) - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.5.p614) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.kurma.2.24](https://indike.org/pramana/in.purana.kurma.2.24) · Pramāṇa