[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.25 # Kurmapurana 2.25: pañcaviṃśo'dhyāyaḥ Kūrmapurāṇa 2.25 - **Language:** Sanskrit ## Contents - [2.25.21](https://indike.org/pramana/in.purana.kurma.2.25.21) — 2 parts ### pañcaviṃśo'dhyāyaḥ ### [2.25.1](https://indike.org/pramana/in.purana.kurma.2.25.1) vyāsa uvāca eṣa vo 'bhihitaḥ kṛtsno gṛhasthāśramavāsinaḥ / dvijāteḥ paramo dharmo vartanāni nibodhata // ### [2.25.2](https://indike.org/pramana/in.purana.kurma.2.25.2) dvividhastu gṛhī jñeyaḥ sādhakaścāpyasādhakaḥ / adhyāpanaṃ yājanaṃ ca pūrvasyāhuḥ pratigraham / kusīdakṛṣivāṇijyaṃ prakurvotāsvayaṅkṛtam // ### [2.25.3](https://indike.org/pramana/in.purana.kurma.2.25.3) kṛṣerabhāvād vāṇijyaṃ tadabhāvāt kusīdakam / āpatkalpo hyaṃ jñeyaḥ pūrvokto mukhya iṣyate // ### [2.25.4](https://indike.org/pramana/in.purana.kurma.2.25.4) svayaṃ vā karṣaṇaṃ kuryād vāṇijyaṃ vā kusīdakam / kaṣṭā pāpīyasī vṛttiḥ kusīdaṃ tad vivarjayet // ### [2.25.5](https://indike.org/pramana/in.purana.kurma.2.25.5) kṣātravṛttiṃ parāṃ prahurna svayaṃ karṣaṇaṃ dvijaiḥ / tasmāt kṣātreṇa varteta vartanenāpadi dvijaḥ // ### [2.25.6](https://indike.org/pramana/in.purana.kurma.2.25.6) tena cāvāpyajīvaṃstu vaiśyavṛttiṃ kṛṣiṃ vrajet / na kathañcana kurvota brāhmaṇaḥ karma karṣaṇam // ### [2.25.7](https://indike.org/pramana/in.purana.kurma.2.25.7) labdhalābhaḥ pitṝn devān brāhmaṇāṃścāpi pūjayet / te tṛptāstasya taṃ doṣaṃ śamayanti na saṃśayaḥ // ### [2.25.8](https://indike.org/pramana/in.purana.kurma.2.25.8) devebhyaśca pitṛbhyaśca dadyād bhāgaṃ tu viṃśakam / triṃśadbhāgaṃ brāhmaṇānāṃ kṛṣiṃ kurvan na duṣyati // ### [2.25.9](https://indike.org/pramana/in.purana.kurma.2.25.9) vaṇik pradadyād dviguṇaṃ kusīdī triguṇaṃ punaḥ / kṛṣīvalo na doṣeṇa yujyate nātra saṃśayaḥ // ### [2.25.10](https://indike.org/pramana/in.purana.kurma.2.25.10) śiloñchaṃ vāpyādadīta gṛhasthaḥ sādhakaḥ punaḥ / vidyāśilpādayastvanye bahavo vṛttihetavaḥ // ### [2.25.11](https://indike.org/pramana/in.purana.kurma.2.25.11) asādhakastu yaḥ prokto gṛhasthāśramasaṃsthitaḥ / śiloñche tasya kathite dve vṛttī paramarṣibhiḥ // ### [2.25.12](https://indike.org/pramana/in.purana.kurma.2.25.12) amṛtenāthavā jīvenmṛtenāpyathavā yadi / ayācitaṃ syādamṛtaṃ mṛtaṃ bhekṣaṃ tu yācitam // ### [2.25.13](https://indike.org/pramana/in.purana.kurma.2.25.13) kuśūladhānyako vā syāt kumbhīdhānyaka eva vā / tryahaihiko vāpi bhavedaśvastanika eva ca // ### [2.25.14](https://indike.org/pramana/in.purana.kurma.2.25.14) caturṇāmapi caiteṣāṃ dvijānāṃ gṛhamedhinām / śreyān paraḥ paro jñeyo dharmato lokajittamaḥ // ### [2.25.15](https://indike.org/pramana/in.purana.kurma.2.25.15) ṣaṭkarmaiko bhavatyeṣāṃ tribhiranyaḥ pravartate / dvābhyāmekaścaturthastu brahmasatreṇa jīvati // ### [2.25.16](https://indike.org/pramana/in.purana.kurma.2.25.16) vartayaṃstu śiloñchābhyāmagnihotraparāyaṇaḥ / iṣṭīḥ pārvāyaṇāntīyāḥ kevalā nirvapet sadā // ### [2.25.17](https://indike.org/pramana/in.purana.kurma.2.25.17) na lokavṛtiṃ varteta vṛttihetoḥ kathañcana / ajihmāmaśaṭhāṃ śuddhāṃ jīved brāhmaṇajīvikām // ### [2.25.18](https://indike.org/pramana/in.purana.kurma.2.25.18) yācitvā vāpi sadbhyo 'nnaṃ pitṝndevāṃstu toṣayet / yācayed vā śuciṃ dāntaṃ na tṛpyeta svayaṃ tataḥ // ### [2.25.19](https://indike.org/pramana/in.purana.kurma.2.25.19) yastu dravyārjanaṃ kṛtvā gṛhasthastoṣayenna tu / devān pitṛṃśca vidhinā śunāṃ yoniṃ vrajatyasau // ### [2.25.20](https://indike.org/pramana/in.purana.kurma.2.25.20) dharmaścārthaśca kāmaśca śreyo mokṣaścatuṣṭayam / dharmāviruddhaḥ kāmaḥ syād brāhmaṇānāṃ tu netaraḥ // ### [2.25.21](https://indike.org/pramana/in.purana.kurma.2.25.21) yor'tho dharmāya nātmārthaḥ sor'tho 'narthastathetaraḥ / tasmādarthaṃ samāsādya dadyād vai juhuyād yajet // ### [2.25.21.p1](https://indike.org/pramana/in.purana.kurma.2.25.21.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge pañcaviṃśo 'dhyāyaḥ ### [2.25.21.p2](https://indike.org/pramana/in.purana.kurma.2.25.21.p2) IN REE NICHT ZULÄSSIGE ZEICHEN: ## Linked texts (4) - [Mānava Dharmaśāstra](https://indike.org/pramana/in.niti.dharma.manu.4.7) — Manu & Bhṛgu, Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.4.p35) — Vidyākara vājapeyin, Sanskrit - [Smṛtiratnākara](https://indike.org/pramana/in.niti.dharma.acara.smrtiratnakara.2.p110.2) — Veṅkaṭanātha, Sanskrit - [Smṛtiratnākara (Viṭṭhalanātha)](https://indike.org/pramana/in.niti.dharma.nibandha.smrtiratnakara-vitthala.2.p110.2) — Viṭṭhalanātha, Sanskrit --- Source: [https://indike.org/pramana/in.purana.kurma.2.25](https://indike.org/pramana/in.purana.kurma.2.25) · Pramāṇa