[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.27 # Kurmapurana 2.27: saptaviṃśo'dhyāyaḥ Kūrmapurāṇa 2.27 - **Language:** Sanskrit ## Contents - [2.27.38](https://indike.org/pramana/in.purana.kurma.2.27.38) — 1 part ### saptaviṃśo'dhyāyaḥ ### [2.27.2](https://indike.org/pramana/in.purana.kurma.2.27.2) vyāsa uvāca evaṃ gṛhāśrame sthitvā dvitīyaṃ bhāgamāyuṣaḥ / vānaprasthāśramaṃ gacchet sadāraḥ sāgnireva ca // nikṣipya bhāryāṃ putreṣu gacched vanamathāpi vā / dṛṣṭvāpatyasya cāpatyaṃ jarjarīkṛtavigrahaḥ // ### [2.27.3](https://indike.org/pramana/in.purana.kurma.2.27.3) śuklapakṣasya pūrvāhne praśaste cottarāyaṇe / gatvāraṇyaṃ niyamavāṃstapaḥ kuryāt samāhitaḥ // ### [2.27.4](https://indike.org/pramana/in.purana.kurma.2.27.4) phalamūlāni pūtāni nityamāhāramāharet / yatāhāro bhavet tena pūjayet pitṛdevatāḥ // ### [2.27.5](https://indike.org/pramana/in.purana.kurma.2.27.5) pūjayitvātithiṃ nityaṃ snātvā cābhyarcayet surān / gṛhādāhṛtya cāśnīyādaṣṭau grāsān samāhitaḥ // ### [2.27.6](https://indike.org/pramana/in.purana.kurma.2.27.6) jaṭāśca bibhṛyānnityaṃ nakharomāṇi notsṛjet / svādhyāyaṃ sarvadā kuryānniyacched vācamanyataḥ // ### [2.27.7](https://indike.org/pramana/in.purana.kurma.2.27.7) agnihotraṃ ca juhuyāt pañcayajñān samācaret / munyannaiṃrvividhairmedhyaiḥ śākamūlaphalena vā // ### [2.27.8](https://indike.org/pramana/in.purana.kurma.2.27.8) cīravāsā bhavennityaṃ snāyāt triṣavaṇaṃ śuciḥ / sarvabhūtānukampī syāt pratigrahavivarjitaḥ // ### [2.27.9](https://indike.org/pramana/in.purana.kurma.2.27.9) darśena paurṇamāsena yajet niyataṃ dvijaḥ / ṛkṣeṣvāgrayaṇe caiva cāturmāsyāni cāharet / uttarāyaṇaṃ ca kramaśo dakṣasyāyanameva ca // ### [2.27.10](https://indike.org/pramana/in.purana.kurma.2.27.10) vāsantaiḥ śāradairmedhyairmunyannaiḥ svayamāhṛtaiḥ / puroḍāśāṃścarūṃścaiva vidhivannirvapet pṛthak // ### [2.27.11](https://indike.org/pramana/in.purana.kurma.2.27.11) devatābhyaśca tad hutvā vanyaṃ medhyataraṃ haviḥ / śeṣaṃ samupabhuñjīta lavaṇaṃ ca svayaṃ kṛtam // ### [2.27.12](https://indike.org/pramana/in.purana.kurma.2.27.12) varjayenmadhumāṃsāni bhaumāni kavakāni ca / bhūstṛṇaṃ śigrukaṃ caiva śleṣmātakaphalāni ca // ### [2.27.13](https://indike.org/pramana/in.purana.kurma.2.27.13) na phālakṛṣṭamaśnīyādutsṛṣṭamapi kenacit / na grāmajātānyārto 'pi puṣpāṇi ca phalāni ca // ### [2.27.14](https://indike.org/pramana/in.purana.kurma.2.27.14) śrāvaṇenaiva vidhinā vahniṃ paricaret sadā / na druhyet sarvabhūtāni nirdvandvo nirbhayo bhavet // ### [2.27.15](https://indike.org/pramana/in.purana.kurma.2.27.15) na naktaṃ kiñcidaśnīyād rātrau dhyānaparo bhavet / jitendriyo jitakrodhastattvajñānavicintakaḥ / brahmacārī bhavennityaṃ na patnīmapi saṃśrayet // ### [2.27.16](https://indike.org/pramana/in.purana.kurma.2.27.16) yastu patnyā vanaṃ gatvā maithunaṃ kāmataścaret / tad vrataṃ tasya lupyeta prāyaścittīyate dvijaḥ // ### [2.27.17](https://indike.org/pramana/in.purana.kurma.2.27.17) tatra yo jāyate garbho na saṃspṛśyo dvijātibhiḥ / na hi vede 'dhikāro 'sya tadvaṃśepyevameva hi // ### [2.27.18](https://indike.org/pramana/in.purana.kurma.2.27.18) adhaḥ śayīta satataṃ sāvitrījāpyatatparaḥ / śaraṇyaḥ sarvabhūtānāṃ saṃvibhāgaparaḥ sadā // ### [2.27.19](https://indike.org/pramana/in.purana.kurma.2.27.19) parivādaṃ mṛṣāvādaṃ nidrālasyaṃ vivarjayet / ekāgniraniketaḥ syāt prokṣitāṃ bhūmimāśrayet // ### [2.27.20](https://indike.org/pramana/in.purana.kurma.2.27.20) mṛgaiḥ saha cared vāsaṃ taiḥ sahaiva ca saṃvaset / śilāyāṃ śarkarāyāṃ vā śayīta susamāhitaḥ // ### [2.27.21](https://indike.org/pramana/in.purana.kurma.2.27.21) sadyaḥ prakṣālako vā syānmāsasaṃcayiko 'pi vā / ṣaṇmāsanicayo vā syāt samānicaya eva vā // ### [2.27.22](https://indike.org/pramana/in.purana.kurma.2.27.22) tyajedāśvayuje māsi saṃpannaṃ pūrvasaṃcitam / jīrṇāni caiva vāsāṃsi śākamūlaphalāni ca // ### [2.27.23](https://indike.org/pramana/in.purana.kurma.2.27.23) dantolūkhaliko vāsyāt kāpotīṃ vṛttimāśrayet / aśmakuṭṭo bhaved vāpi kālapakvabhugeva vā // ### [2.27.24](https://indike.org/pramana/in.purana.kurma.2.27.24) naktaṃ cānna samaśnīyād divā cāhṛtya śaktitaḥ / caturthakāliko vā syāt syādvāpyaṣṭamakālikaḥ // ### [2.27.25](https://indike.org/pramana/in.purana.kurma.2.27.25) cāndrāyaṇavidhānairvā śukle kṛṣṇe ca vartayet / pakṣe pakṣe samaśnīyād yavāgūṃ kvathitāṃ sakṛt // ### [2.27.26](https://indike.org/pramana/in.purana.kurma.2.27.26) puṣpamūlaphalairvāpi kevalairvartayet sadā / svābhāvikaiḥ svayaṃ śīrṇairvaikhānasamate sthitaḥ // ### [2.27.27](https://indike.org/pramana/in.purana.kurma.2.27.27) bhūmau vā parivarteta tiṣṭhed vā prapadairdinam / sthānāsanābhyāṃ viharenna kvacid dhairyamutsṛjet // ### [2.27.28](https://indike.org/pramana/in.purana.kurma.2.27.28) grīṣme pañcatapāśca syād varṣāsvabhrāvakāśakaḥ / ārdravāsāstu hemante kramaśo vardhayaṃstapaḥ // ### [2.27.29](https://indike.org/pramana/in.purana.kurma.2.27.29) upaspṛśya triṣavaṇaṃ pitṛdevāṃśca tarpayet / ekapādena tiṣṭheta marīcīn vā pibet tadā // ### [2.27.30](https://indike.org/pramana/in.purana.kurma.2.27.30) pañcāgnirdhūmapo vā syāduṣmapaḥ somapo 'pi vā / payaḥ pibecchuklapakṣe kṛṣṇāpakṣe tu gomayam / śīrṇaparṇāśano vā syāt kṛcchrair vā vartayet sadā // ### [2.27.31](https://indike.org/pramana/in.purana.kurma.2.27.31) yogābhyāsarataśca syād rudrādhyāyī bhavet sadā / atharvaśiraso 'dhyetā vedāntābhyāsatatparaḥ // ### [2.27.32](https://indike.org/pramana/in.purana.kurma.2.27.32) yamān seveta satataṃ niyamāṃścāpyatandritaḥ / kṛṣṇājinī sottarīyaḥ śuklayajñopavītavān // ### [2.27.33](https://indike.org/pramana/in.purana.kurma.2.27.33) atha cāgnīn samāropya svātmani dhyānatatparaḥ / anagniraniketaḥ syānmunirmokṣaparo bhavet // ### [2.27.34](https://indike.org/pramana/in.purana.kurma.2.27.34) tāpaseṣveva vipreṣu yātrikaṃ bhaikṣamāharet / gṛhamedhiṣu cānyeṣu dvijeṣu vanavāsiṣu // ### [2.27.35](https://indike.org/pramana/in.purana.kurma.2.27.35) grāmādāhṛtya vāśnīyādaṣṭau grāsān vane vasan / pratigṛhya puṭenaiva pāṇinā śakalena vā // ### [2.27.36](https://indike.org/pramana/in.purana.kurma.2.27.36) vividhāścopaniṣada ātmasaṃsiddhaye japet / vidyāviśeṣān sāvitrīṃ rudrādhyāyaṃ tathaiva ca // ### [2.27.37](https://indike.org/pramana/in.purana.kurma.2.27.37) mahāprāsthānikaṃ cāsau kuryādanaśanaṃ tu vā / agnipraveśamanyad vā brarhmārpaṇavidhau sthitaḥ // ### [2.27.38](https://indike.org/pramana/in.purana.kurma.2.27.38) yastu samyagimamāśramaṃ śivaṃ saṃśrayedaśivapuñjanāśanam / tāpasaḥ sa paramaiśvaraṃ padaṃ yāti yatra jagato 'sya saṃsthitiḥ // ### [2.27.38.p1](https://indike.org/pramana/in.purana.kurma.2.27.38.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge saptaviśo 'dhyāya ## Linked texts (3) - [Padmapurāṇa](https://indike.org/pramana/in.purana.padma.3.58.1) — Vyāsa, Sanskrit - [Mānava Dharmaśāstra](https://indike.org/pramana/in.niti.dharma.manu.6.11) — Manu & Bhṛgu, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.26.p123) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.kurma.2.27](https://indike.org/pramana/in.purana.kurma.2.27) · Pramāṇa