[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.29 # Kurmapurana 2.29: ekonatriṃśo'dhyāyaḥ Kūrmapurāṇa 2.29 - **Language:** Sanskrit ## Contents - [2.29.47](https://indike.org/pramana/in.purana.kurma.2.29.47) — 1 part ### ekonatriṃśo'dhyāyaḥ ### [2.29.1](https://indike.org/pramana/in.purana.kurma.2.29.1) vyāsa uvāca evaṃ svāśramaniṣṭhānāṃ yatīnāṃ niyatātmanām / bhaikṣeṇa vartanaṃ proktaṃ phalamūlairathāpi vā // ### [2.29.2](https://indike.org/pramana/in.purana.kurma.2.29.2) ekakālaṃ cared bhaikṣaṃ na prasajyeta vistare / bhaikṣe prasakto hi yatirviṣayeṣvapi sajjati // ### [2.29.3](https://indike.org/pramana/in.purana.kurma.2.29.3) saptāgāraṃ cared bhaikṣamalābhāt tu punaścaret / prakṣālya pātre bhuñjīyādadbhiḥ prakṣālayet tu tat // ### [2.29.4](https://indike.org/pramana/in.purana.kurma.2.29.4) athavānyadupādāya pātre bhuñjīta nityaśaḥ / bhuktvā tat saṃtyajet pātraṃ yātrāmātramalolupaḥ // ### [2.29.5](https://indike.org/pramana/in.purana.kurma.2.29.5) vidhūme sannamusale vyaṅgāre bhuktavajjane / vṛtte śarāvasaṃpāte bhikṣāṃ nityaṃ yatiścaret // ### [2.29.6](https://indike.org/pramana/in.purana.kurma.2.29.6) godohamātraṃ tiṣṭheta kālaṃ bhikṣuradhomukhaḥ / bhikṣetyuktvā sakṛt tūṣṇīmaśnīyād vāgyataḥ śuciḥ // ### [2.29.7](https://indike.org/pramana/in.purana.kurma.2.29.7) prakṣālya pāṇipādau ca samācamya yathāvidhi / āditye darśayitvānnaṃ bhuñjīta prāṅmukhottaraḥ // ### [2.29.8](https://indike.org/pramana/in.purana.kurma.2.29.8) hutvā prāṇāhutīḥ pañca grāsānaṣṭau samāhitaḥ / ācamya devaṃ brahmāṇaṃ dhyāyīta parameśvaram // ### [2.29.9](https://indike.org/pramana/in.purana.kurma.2.29.9) alābuṃ dārupātraṃ ca mṛṇmayaṃ vaiṇavaṃ tataḥ / catvāri yatipātrāṇi manurāha prajāpatiḥ // ### [2.29.10](https://indike.org/pramana/in.purana.kurma.2.29.10) prāgrātre pararātre ca madhyarātre tathaiva ca / saṃdhyāsvahni viśeṣeṇa cintayennityamīśvaram // ### [2.29.11](https://indike.org/pramana/in.purana.kurma.2.29.11) kṛtvā hṛtpadmanilaye viśvākhyaṃ viśvasaṃbhavam / ātmānaṃ sarvabhūtānāṃ parastāt tamasaḥ sthitam // ### [2.29.12](https://indike.org/pramana/in.purana.kurma.2.29.12) sarvasyādhārabhūtānāmānandaṃ jyotiravyayam / pradhānapuruṣātītamākāśaṃ dahanaṃ śivam // ### [2.29.13](https://indike.org/pramana/in.purana.kurma.2.29.13) tadantaḥ sarvabhāvānāmīśvaraṃ brahmarūpiṇam / dhyāyedanādimadvaitamānandādiguṇālayam // ### [2.29.14](https://indike.org/pramana/in.purana.kurma.2.29.14) mahāntaṃ paramaṃ brahma puruṣaṃ satyamavyayam / sitetarāruṇākāraṃ maheśaṃ viśvarūpiṇam // ### [2.29.15](https://indike.org/pramana/in.purana.kurma.2.29.15) oṅkārānte 'tha cātmānaṃ saṃsthāpya paramātmani / ākāśe devamīśānaṃ dhyāyītākāśamadhyagam // ### [2.29.16](https://indike.org/pramana/in.purana.kurma.2.29.16) kāraṇaṃ sarvabhāvānāmānandaikasamāśrayam / purāṇaṃ puruṣaṃ śaṃbhuṃ dhyāyan mucyeta bandhanāt // ### [2.29.17](https://indike.org/pramana/in.purana.kurma.2.29.17) yadvā guhāyāṃ prakṛtau jagatsaṃmohanālaye / vicintya paramaṃ vyoma sarvabhūtaikakāraṇam // ### [2.29.18](https://indike.org/pramana/in.purana.kurma.2.29.18) jīvanaṃ sarvabhūtānāṃ yatra lokaḥ pralīyate / ānandaṃ brahmaṇaḥ sūkṣmaṃ yat paśyanti mumukṣavaḥ // ### [2.29.19](https://indike.org/pramana/in.purana.kurma.2.29.19) tanmadhye nihitaṃ brahma kevalaṃ jñānalakṣaṇam / anantaṃ satyamīśānaṃ vicintyāsīta saṃyataḥ // ### [2.29.20](https://indike.org/pramana/in.purana.kurma.2.29.20) guhyād guhyatamaṃ jñānaṃ yatīnāmetadīritam / yo 'nutiṣṭhenmaheśena so 'śnute yogamaiśvaram // ### [2.29.21](https://indike.org/pramana/in.purana.kurma.2.29.21) tasmād dhyānarato nityamātmavidyāparāyaṇaḥ / jñānaṃ samabhyased brāhmaṃ yena mucyeta bandhanāt // ### [2.29.22](https://indike.org/pramana/in.purana.kurma.2.29.22) matvā pṛthak svamātmānaṃ sarvasmādeva kevalam / ānandamajaraṃ jñānaṃ dhyāyīta ca punaḥ param // ### [2.29.23](https://indike.org/pramana/in.purana.kurma.2.29.23) yasmāt bhavanti bhūtāni yad gatvā neha jāyate / sa tasmādīśvaro devaḥ parasmād yo 'dhitiṣṭhati // ### [2.29.24](https://indike.org/pramana/in.purana.kurma.2.29.24) yadantare tad gaganaṃ śāśvataṃ śivamavyayam / yadaṃśastatparo yastu sa devaḥ syānmaheśvaraḥ // ### [2.29.25](https://indike.org/pramana/in.purana.kurma.2.29.25) vratāni yāni bhikṣūṇāṃ tathaivopavratāni ca / ekaikātikrame teṣāṃ prāyaścittaṃ vidhīyate // ### [2.29.26](https://indike.org/pramana/in.purana.kurma.2.29.26) upetya ca striyaṃ kāmāt prāyaścittaṃ samāhitaḥ / prāṇāyāmasamāyuktaṃ kuryāt sāṃtapanaṃ śuciḥ // ### [2.29.27](https://indike.org/pramana/in.purana.kurma.2.29.27) tataścareta niyamāt kṛcchraṃ saṃyatamānasaḥ / punarāśramamāgamya cared bhiśruratandritaḥ // ### [2.29.28](https://indike.org/pramana/in.purana.kurma.2.29.28) na dharmayuktamanṛtaṃ hinastīti manīṣiṇaḥ / tathāpi ca na kartavyaṃ prasaṅgo hyeṣa dāruṇaḥ // ### [2.29.29](https://indike.org/pramana/in.purana.kurma.2.29.29) ekarātropavāsaśca prāṇāyāmaśataṃ tathā / uktvānṛtaṃ prakartavyaṃ yatinā dharmalipsunā // ### [2.29.30](https://indike.org/pramana/in.purana.kurma.2.29.30) paramāpadgatenāpi na kāryaṃ steyamanyataḥ / steyādabhyadhikaḥ kaścinnāstyadharma iti smṛtiḥ / hiṃsā caiṣāparā diṣṭā yā cātmajñānanāśikā // ### [2.29.31](https://indike.org/pramana/in.purana.kurma.2.29.31) yadetad draviṇaṃ nāma prāṇa hyete bahiśvarāḥ / sa tasya harati prāṇān yo yasya harate dhanam // ### [2.29.32](https://indike.org/pramana/in.purana.kurma.2.29.32) evaṃ kṛtvā sa duṣṭātmā bhinnavṛtto vratāccyutaḥ / bhūyo nirvedamāpannaścareccāndrāyaṇavratam // ### [2.29.33](https://indike.org/pramana/in.purana.kurma.2.29.33) vidhinā śāstradṛṣṭena saṃvatsaramiti śrutiḥ / bhūyo nirvedamāpannaścared bhikṣuratandritaḥ // ### [2.29.34](https://indike.org/pramana/in.purana.kurma.2.29.34) akasmādeva hiṃsāṃ tu yadi bhikṣuḥ samācaret / kuryātkṛchrātikṛcchraṃ tu cāndrāyaṇamathāpi vā // ### [2.29.35](https://indike.org/pramana/in.purana.kurma.2.29.35) skandedindriyadaurbalyāt striyaṃ dṛṣṭvā yatiryadi / tena dhārayitavyā vai prāṇāyāmāstu ṣoḍaśa / divāskande trirātraṃ syāt prāṇāyāmaśataṃ tathā // ### [2.29.36](https://indike.org/pramana/in.purana.kurma.2.29.36) ekānne madhumāṃse ca navaśrāddhe tathaiva ca / pratyakṣalavaṇe coktaṃ prājāpatyaṃ viśodhanam // ### [2.29.37](https://indike.org/pramana/in.purana.kurma.2.29.37) dhyānaniṣṭhasya satataṃ naśyate sarvapātakam / tasmānmaheśvaraṃ jñātvā tasya dhyānaparo bhavet // ### [2.29.38](https://indike.org/pramana/in.purana.kurma.2.29.38) yad brahma paramaṃ jyotiḥ pratiṣṭhākṣaramadvayam / yo 'ntarātra paraṃ brahma sa vijñeyo maheśvaraḥ // ### [2.29.39](https://indike.org/pramana/in.purana.kurma.2.29.39) eṣa devo mahādevaḥ kevalaḥ paramaḥ śivaḥ / tadevākṣaramadvaitaṃ tadādityāntaraṃ param // ### [2.29.40](https://indike.org/pramana/in.purana.kurma.2.29.40) yasmānmahīyate devaḥ svadhāmni jñānasaṃjñite / ātmayogāhvaye tattve mahādevastataḥ smṛtaḥ // ### [2.29.41](https://indike.org/pramana/in.purana.kurma.2.29.41) nānyad devānmahādevād vyatiriktaṃ prapaśyati / tamevātmānamanveti yaḥ sa yāti paraṃ padam // ### [2.29.42](https://indike.org/pramana/in.purana.kurma.2.29.42) manyate ye svamātmānaṃ vibhinnaṃ parameśvarāt / na te paśyanti taṃ devaṃ vṛthā teṣāṃ pariśramaḥ // ### [2.29.43](https://indike.org/pramana/in.purana.kurma.2.29.43) ekameva paraṃ brahma vijñeyaṃ tattvamavyayam / sa devastu mahādevo naitad vijñāya badhyate // ### [2.29.44](https://indike.org/pramana/in.purana.kurma.2.29.44) tasmād yateta niyataṃ yatiḥ saṃyatamānasaḥ / jñānayogarataḥ śānto mahādevaparāyaṇaḥ // ### [2.29.45](https://indike.org/pramana/in.purana.kurma.2.29.45) eṣa vaḥ kathito vipro yatīnāmāśramaḥ śubhaḥ / pitāmahena vibhunā munīnāṃ pūrvamīritam // ### [2.29.46](https://indike.org/pramana/in.purana.kurma.2.29.46) nāputraśiṣyayogibhyo dadyādidamanuttamam / jñānaṃ svayaṃbhuvā proktaṃ yatidharmāśrayaṃ śivam // ### [2.29.47](https://indike.org/pramana/in.purana.kurma.2.29.47) iti yatiniyamānāmetaduktaṃ vidhānaṃ paśupatiparitoṣe yad bhavedekahetuḥ / na bhavati punareṣāmudbhavo vā vināśaḥ praṇihitamanaso ye nityamevācaranti // ### [2.29.47.p1](https://indike.org/pramana/in.purana.kurma.2.29.47.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge ekonatriṃśo 'dhyāyaḥ ## Linked texts (4) - [Padmapurāṇa](https://indike.org/pramana/in.purana.padma.3.60.1) — Vyāsa, Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.161.8) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.104.10) — Ativīrarāma Pāṇṭiyar 1500, Sanskrit - [Kṛtyakalpataru](https://indike.org/pramana/in.niti.dharma.nibandha.mahanibandha.krtyakalpataru.27.p61) — Lakṣmīdhara Bhaṭṭa, Sanskrit --- Source: [https://indike.org/pramana/in.purana.kurma.2.29](https://indike.org/pramana/in.purana.kurma.2.29) · Pramāṇa