[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.32 # Kurmapurana 2.32: dvātriṃśo'dhyāyaḥ Kūrmapurāṇa 2.32 - **Language:** Sanskrit ## Contents - [2.32.59](https://indike.org/pramana/in.purana.kurma.2.32.59) — 1 part ### dvātriṃśo'dhyāyaḥ ### [2.32.1](https://indike.org/pramana/in.purana.kurma.2.32.1) vyāsa uvāca surāpastu surāṃ taptāmagnivarṇāṃ svayaṃ pibet / tayā sa kāye nirdagdhe mucyate tu dvijottamaḥ // ### [2.32.2](https://indike.org/pramana/in.purana.kurma.2.32.2) gomūtramagnivarṇaṃ vā gośakṛdrasameva vā / payo ghṛtaṃ jalaṃ vātha mucyate pātakāt tataḥ // ### [2.32.3](https://indike.org/pramana/in.purana.kurma.2.32.3) jalārdravāsāḥ prayato dhyātvā nārāyaṇaṃ harim / brahmahatyāvrataṃ cātha caret tatpāpaśāntaye // ### [2.32.4](https://indike.org/pramana/in.purana.kurma.2.32.4) suvarṇasteyakṛd vipro rājānamabhigamya tu / svakarma khyāpayan brūyānmāṃ bhavānanuśāstviti // ### [2.32.5](https://indike.org/pramana/in.purana.kurma.2.32.5) gṛhītvā musalaṃ rājā sakṛd hanyāt tataḥ svayam / vadhe tu śuddhyate steno brāhmaṇastapasaiva vā // ### [2.32.6](https://indike.org/pramana/in.purana.kurma.2.32.6) skandhenādāya musalaṃ lakuṭaṃ vāpi khādiram / śaktiṃ cobhayatastīkṣṇāmāyasaṃ daṇḍameva vā // ### [2.32.7](https://indike.org/pramana/in.purana.kurma.2.32.7) rājā tena ca gantavyo muktakeśena dhāvatā / ācakṣāṇena tatpāpamevaṅkarmāsmi śādhi mām // ### [2.32.8](https://indike.org/pramana/in.purana.kurma.2.32.8) śāsanād vā vimokṣād vā stenaḥ steyād vimucyate / aśāsitvā tu taṃ rājāstenasyāpnoti kilbiṣam // ### [2.32.9](https://indike.org/pramana/in.purana.kurma.2.32.9) tapasāpanunutsustu suvarṇasteyajaṃ malam / cīravāsā dvijo 'raṇye cared brahmahaṇo vratam // ### [2.32.10](https://indike.org/pramana/in.purana.kurma.2.32.10) snātvāśvamedhāvabhṛthe pūtaḥ syādathavā dvijaḥ / pradadyād vātha viprebhyaḥ svātmatulyaṃ hiraṇyakam // ### [2.32.11](https://indike.org/pramana/in.purana.kurma.2.32.11) cared vā vatsaraṃ kṛcchraṃ brahmacaryaparāyaṇaḥ / brāhmaṇaḥ svarṇahārī tu tatpāpasyāpanuttaye // ### [2.32.12](https://indike.org/pramana/in.purana.kurma.2.32.12) gurorbhāryāṃ samāruhya brāhmaṇaḥ kāmamohitaḥ / avagūhet striyaṃ taptāṃ dīptāṃ kārṣṇāyasīṃ kṛtām // ### [2.32.13](https://indike.org/pramana/in.purana.kurma.2.32.13) svayaṃ vā śiśnavṛṣaṇāvutkṛtyādhāya cāñcalau / ātiṣṭhed dakṣiṇāmāśāmānipātādajihmagaḥ // ### [2.32.14](https://indike.org/pramana/in.purana.kurma.2.32.14) gurvarthaṃ vā hataḥ śuddhyeccared vā brahmahā vratam / śākhāṃ vā kaṇṭakopetāṃ pariṣvajyātha vatsaram / adhaḥ śayīta niyato mucyate gurutalpagaḥ // ### [2.32.15](https://indike.org/pramana/in.purana.kurma.2.32.15) kṛcchraṃ vābdaṃ cared vipraścīravāsāḥ samāhitaḥ / aśvamedhāvabhṛthake snātvā vā śuddhyate naraḥ // ### [2.32.16](https://indike.org/pramana/in.purana.kurma.2.32.16) kāle 'ṣṭame vā bhuñjāno brahmacārī sadāvratī / sthānāsanābhyāṃ viharaṃstrirahno 'bhyupayannapaḥ // ### [2.32.17](https://indike.org/pramana/in.purana.kurma.2.32.17) adhaḥ śāyī tribhirvarṣaistad vyapohati pātakam / cāndrāyaṇāni vā kuryāt pañca catvāri vā punaḥ // ### [2.32.18](https://indike.org/pramana/in.purana.kurma.2.32.18) patitaiḥ saṃprayuktānāmatha vakṣyāmi niṣkṛtim / patitena tu saṃsargaṃ yo yena kurute dvijaḥ / sa tatpāpāpanodārthaṃ tasyaiva vratamācaret // ### [2.32.19](https://indike.org/pramana/in.purana.kurma.2.32.19) taptakṛcchraṃ cared vātha saṃvatsaramatandritaḥ / ṣāṇmāsike tu saṃsarge prāyaścittārdhamarhati // ### [2.32.20](https://indike.org/pramana/in.purana.kurma.2.32.20) ebhirvratairapohanti mahāpātakino malam / puṇyatīrthābhigamanāt pṛthivyāṃ vātha niṣkṛtiḥ // ### [2.32.21](https://indike.org/pramana/in.purana.kurma.2.32.21) brahmahatyā surāpānaṃ steyaṃ gurvaṅganāgamaḥ / kṛtvā taiścāpi saṃsargaṃ brāhmaṇaḥ kāmakārataḥ // ### [2.32.22](https://indike.org/pramana/in.purana.kurma.2.32.22) kuryādanaśanaṃ vipraḥ puṇyatīrthe samāhitaḥ / jvalantaṃ vā viśedagniṃ dhyātvā devaṃ kapardinam // ### [2.32.23](https://indike.org/pramana/in.purana.kurma.2.32.23) na hyanyā niṣkṛtirdṛṣṭā munibhirdharmavādibhiḥ / tasmāt puṇyeṣu tīrtheṣu dahed vāpi svadehakam // ### [2.32.24](https://indike.org/pramana/in.purana.kurma.2.32.24) gatvā duhitaraṃ vipraḥ svasāraṃ vā snuṣāmapi / praviśejjvalanaṃ dīptaṃ matipūrvamiti sthitiḥ // ### [2.32.25](https://indike.org/pramana/in.purana.kurma.2.32.25) mātṛṣvasāṃ mātulānīṃ tathaiva ca pitṛṣvasām / bhāgineyīṃ samāruhya kuryāt kṛcchrātikṛcchrakau // ### [2.32.26](https://indike.org/pramana/in.purana.kurma.2.32.26) cāndrāyaṇaṃ ca kurvota tasya pāpasya śāntaye / dhyāyan devaṃ jagadyonimanādinidhanaṃ param // ### [2.32.27](https://indike.org/pramana/in.purana.kurma.2.32.27) bhrātṛbhāryāṃ samāruhya kuryāt tatpāpaśāntaye / cāndrāyaṇāni catvāri pañca vā susamāhitaḥ // ### [2.32.28](https://indike.org/pramana/in.purana.kurma.2.32.28) paitṛṣvastreyīṃ gatvā tu svastreyāṃ mātureva ca / mātulasya sutāṃ vāpi gatvā cāndrāyaṇaṃ caret // ### [2.32.29](https://indike.org/pramana/in.purana.kurma.2.32.29) sakhibhāryāṃ samāruhya gatvā śyālīṃ tathaiva ca / ahorātroṣito bhūtvā taptakṛcchraṃ samācaret // ### [2.32.30](https://indike.org/pramana/in.purana.kurma.2.32.30) udakyāgamane viprastrirātreṇa viśudhyati / cāṇḍālīgamane caiva taptakṛcchratrayaṃ viduḥ / saha sāṃtapanenāsya nānyathā niṣkṛtiḥ smṛtā // ### [2.32.31](https://indike.org/pramana/in.purana.kurma.2.32.31) mātṛgotrāṃ samāsādya samānapravarāṃ tathā / cādrāyaṇena śudhyeta prayatātmā samāhitaḥ // ### [2.32.32](https://indike.org/pramana/in.purana.kurma.2.32.32) brāhmaṇo brāhmaṇīṃ gatvā gṛcchramekaṃ samācaret / kanyakāṃ dūṣayitvā tu careccāndrāyaṇavratam // ### [2.32.33](https://indike.org/pramana/in.purana.kurma.2.32.33) amānuṣīṣu puruṣa udakyāyāmayoniṣu / retaḥ siktvā jale caiva kṛcchraṃ sāntapanaṃ caret // ### [2.32.34](https://indike.org/pramana/in.purana.kurma.2.32.34) bandhakīgamane viprastrirātreṇa viśuddhyati / gavi bhathunamāsevya careccāndrāyaṇavratam // ### [2.32.35](https://indike.org/pramana/in.purana.kurma.2.32.35) ajāvī maithunaṃ kṛtvā prājāpatyaṃ cared dvijaḥ / patitāṃ ca striyaṃ gatvā tribhiḥ kṛcchrai rviśuddhyati // ### [2.32.36](https://indike.org/pramana/in.purana.kurma.2.32.36) pulkasīgamane caiva kracchraṃ cāndrāyaṇaṃ caret / naṭīṃ śailūṣakīṃ caiva rajakīṃ veṇujīvinīm / gatvā cāndrāyaṇaṃ kuryāt tathā carmopajīvinīm // ### [2.32.37](https://indike.org/pramana/in.purana.kurma.2.32.37) brahāmacārī striyaṃ gacchet kathañcitkāmamohitaḥ / saptagāraṃ cared bhaikṣaṃ vasitvā gardabhājinam // ### [2.32.38](https://indike.org/pramana/in.purana.kurma.2.32.38) upaspṛśet triṣavaṇaṃ svapāpaṃ parikīrtayan / saṃvatsareṇa caikena tasmāt pāpāt pramucyate // ### [2.32.39](https://indike.org/pramana/in.purana.kurma.2.32.39) brahmahatyāvrataṃ vāpi ṣaṇmāsānācared yamī / mucyate hyavakīrṇo tu brāhmaṇānumate sthitaḥ // ### [2.32.40](https://indike.org/pramana/in.purana.kurma.2.32.40) saptarātramakṛtvā tu bhaikṣacaryāgnipūjanam / retasaśca samutsarge prāyaścittaṃ samācaret // ### [2.32.41](https://indike.org/pramana/in.purana.kurma.2.32.41) oṅkārapūrvikābhistu mahāvyāhṛtibhiḥ sadā / saṃvatsaraṃ tu bhuñjāno naktaṃ bhikṣāśanaḥ śuciḥ // ### [2.32.42](https://indike.org/pramana/in.purana.kurma.2.32.42) sāvitrīṃ ca japeccaiva nityaṃ krodhavivarjitaḥ / nadītīreṣu tīrtheṣu tasmāt pāpād vimucyate // ### [2.32.43](https://indike.org/pramana/in.purana.kurma.2.32.43) hatvā tu kṣatriyaṃ vipraḥ kuryād brahmahaṇo vratam / akāmato vai ṣaṇmāsān dadyān pañcaśataṃ gavām // ### [2.32.44](https://indike.org/pramana/in.purana.kurma.2.32.44) abdaṃ careta niyato vanavāsī samāhitaḥ / prājāpatyaṃ sāntapanaṃ taptakṛcchraṃ tu vā svayam // ### [2.32.45](https://indike.org/pramana/in.purana.kurma.2.32.45) pramāpyākāmato vaiśyaṃ kuryāt saṃvatsaradvayam / gosahasraṃ sapādaṃ ca dadyād brahmahaṇo vratam / kṛcchrātikṛcchrau vā kuryāccāndrāyaṇamathāvi vā // ### [2.32.46](https://indike.org/pramana/in.purana.kurma.2.32.46) saṃvatsaraṃ vrataṃ kuryācchūdraṃ hatvā pramādataḥ / gosahasrārdhapādaṃ ca dadyāt tatpāpaśāntaye // ### [2.32.47](https://indike.org/pramana/in.purana.kurma.2.32.47) aṣṭau varṣāṇi ṣaṭ trīṇi kuryād brahmahaṇo vratam / hatvā tu kṣatriyaṃ vaiśyaṃ śūdraṃ caiva yathākramam // ### [2.32.48](https://indike.org/pramana/in.purana.kurma.2.32.48) nihatya brāhmaṇīṃ viprastvaṣṭavarṣaṃ vrataṃ caret / rājanyāṃ varṣaṣaṭkaṃ tu vaiśyāṃ saṃvatsaratrayam / vatsareṇa viśuddhyeta śūdrāṃ hatvā dvijottamaḥ // ### [2.32.49](https://indike.org/pramana/in.purana.kurma.2.32.49) vaiśyāṃ hatvā pramādena kiñcid dadyād dvijātaye / antyajānāṃ vadhe caiva kuryāccāndrāyaṇaṃ vratam / parākeṇāthavā śuddhirityāha bhagavānajaḥ // ### [2.32.50](https://indike.org/pramana/in.purana.kurma.2.32.50) maṇḍūkaṃ nakulaṃ kākaṃ dandaśūkaṃ ca mūṣikam / śvānaṃ hatvā dvijaḥ kuryāt ṣoḍaśāṃśaṃ vrataṃ tataḥ // ### [2.32.51](https://indike.org/pramana/in.purana.kurma.2.32.51) payaḥ pibet trirātraṃ tu śvānaṃ hatvā suyantritaḥ / mārjāraṃ vātha nakulaṃ yojanaṃ vādhvano vrajet / kṛcchraṃ dvādaśarātraṃ tu kuryādaśvavadhe dvijaḥ // ### [2.32.52](https://indike.org/pramana/in.purana.kurma.2.32.52) abhrīṃ kārṣṇāyasīṃ dadyāt sarpaṃ hatvā dvijottamaḥ / palālabhāraṃ ṣaṇḍaṃ ca saisakaṃ caikamāṣakam // ### [2.32.53](https://indike.org/pramana/in.purana.kurma.2.32.53) dhṛtakumbhaṃ varāhaṃ ca tiladroṇaṃ ca tittirim / śukaṃ dvihāyanaṃ vatsaṃ krauñcaṃ hatvā trihāyanam // ### [2.32.54](https://indike.org/pramana/in.purana.kurma.2.32.54) hatvā haṃsaṃ balākāṃ ca bakaṃ barhiṇameva ca / vānaraṃ śyenabhāsau ca sparśayed brāhmaṇāya gām // ### [2.32.55](https://indike.org/pramana/in.purana.kurma.2.32.55) kravyādāṃstu mṛgān hatvā dhenuṃ dadyāt payasvinīm / akravyādān vatsatarīmuṣṭraṃ hatvā tu kṛṣṇalam // ### [2.32.56](https://indike.org/pramana/in.purana.kurma.2.32.56) kiñcideva tu viprāya dadyādasthimatāṃ vadhe / anasthnāṃ caiva hiṃsāyāṃ prāṇāyāmena śudhyati // ### [2.32.57](https://indike.org/pramana/in.purana.kurma.2.32.57) phaladānāṃ tu vṛkṣāṇāṃ chedane japyamṛkśatam / gulmavallīlatānāṃ tu puṣpitānāṃ ca vīrudhām // ### [2.32.58](https://indike.org/pramana/in.purana.kurma.2.32.58) anyeṣāṃ caiva vṛkṣāṇāṃ sarasānāṃ ca sarvaśaḥ / phalapuṣpodbhavānāṃ ca ghṛtaprāśo viśodhanam // ### [2.32.59](https://indike.org/pramana/in.purana.kurma.2.32.59) hastināṃ ca vadhe dṛṣṭaṃ taptakṛcchraṃ viśodhanam / cāndrāyaṇaṃ parākaṃ vā gāṃ hatvā tu pramādataḥ / matipūrvaṃ vadhe cāsyāḥ prāyaścittaṃ na vidyate // ### [2.32.59.p1](https://indike.org/pramana/in.purana.kurma.2.32.59.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge dvātriśo 'dhyāyaḥ ## Linked texts (11) - [Mānava Dharmaśāstra](https://indike.org/pramana/in.niti.dharma.manu.11.99) — Manu & Bhṛgu, Sanskrit - [Saurapurāṇa](https://indike.org/pramana/in.purana.upa.saiva.saura.52.12) — Sanskrit - [Agnipurāṇa (Nag Publishers edition, Delhi)](https://indike.org/pramana/in.purana.agni*nag.169.20) — Sanskrit - [Vaiṣṇava Dharmaśāstra](https://indike.org/pramana/in.niti.dharma.visnu.50.47) — Viṣṇu, Sanskrit - [Garuḍapurāṇa](https://indike.org/pramana/in.purana.garuda.1.52.11) — Vyāsa, Sanskrit - [Smṛtiviveka](https://indike.org/pramana/in.niti.dharma.nibandha.mahanibandha.smrtiviveka.8.1-4) — Śūlapāṇi, Sanskrit - [Smṛtimuktāphala](https://indike.org/pramana/in.niti.dharma.nibandha.mahanibandha.smrtimuktaphala.7.15.6) — Vaidyanātha Dīkṣita 1575, Sanskrit - [Madanapārijāta](https://indike.org/pramana/in.niti.dharma.nibandha.mahanibandha.madanaparijata.14.p1.12) — Viśveśvarabhaṭṭa, Sanskrit - [Smṛtiratnākara](https://indike.org/pramana/in.niti.dharma.acara.smrtiratnakara.2.p118.2) — Veṅkaṭanātha, Sanskrit - [Smṛtiratnākara (Viṭṭhalanātha)](https://indike.org/pramana/in.niti.dharma.nibandha.smrtiratnakara-vitthala.2.p118.2) — Viṭṭhalanātha, Sanskrit - [Prāyaścittamayūkha](https://indike.org/pramana/in.niti.dharma.prayascitta.bhatta.prayascittamayukha.9.133) — Nīlakaṇṭha Dīkṣita, Sanskrit --- Source: [https://indike.org/pramana/in.purana.kurma.2.32](https://indike.org/pramana/in.purana.kurma.2.32) · Pramāṇa