[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.39 # Kurmapurana 2.39: ekonacatvāriṃśo'dhyāyaḥ Kūrmapurāṇa 2.39 - **Language:** Sanskrit ## Contents - [2.39.100](https://indike.org/pramana/in.purana.kurma.2.39.100) — 1 part ### ekonacatvāriṃśo'dhyāyaḥ ### [2.39.1](https://indike.org/pramana/in.purana.kurma.2.39.1) mārkaṇḍeya uvāca narmadā saritāṃ śreṣṭhā sarvapāpavināśinī / munibhiḥ kathitā pūrvamīśvareṇa svayaṃbhuvā // ### [2.39.2](https://indike.org/pramana/in.purana.kurma.2.39.2) munibhiḥ saṃstutā hyeṣā narmadā pravarā nadī / rudragātrād viniṣkrāntā lokānāṃ hitakāmyayā // ### [2.39.3](https://indike.org/pramana/in.purana.kurma.2.39.3) sarvapāpaharā nityaṃ sarvadevanamaskṛtā / saṃstutā devagandharvairapyarobhistathaiva ca // ### [2.39.4](https://indike.org/pramana/in.purana.kurma.2.39.4) uttare caiva tatkūle tīrthaṃ trailokyaviśrutam / nāmnā bhadreśvaraṃ puṇyaṃ sarvapāpaharaṃ śubham / tatra snātvā naro rājan daivataiḥ saha mohate // ### [2.39.5](https://indike.org/pramana/in.purana.kurma.2.39.5) tato gaccheta rājendra tīrthamāmrātakeśvaram / tatra snātvā naro rājan gosahasraphalaṃ labhet // ### [2.39.6](https://indike.org/pramana/in.purana.kurma.2.39.6) tato 'ṅgāreśvaraṃ gacchenniyato niyatāśanaḥ / sarvapāpaviśuddhātmā rudraloke mahīyate // ### [2.39.7](https://indike.org/pramana/in.purana.kurma.2.39.7) tato gaccheta rājendra kedāraṃ nāma puṇyadam / tatra snātvodakaṃ kṛtvā sarvān kāmānavāpnuyāt // ### [2.39.8](https://indike.org/pramana/in.purana.kurma.2.39.8) pippaleśaṃ tato gacchet sarvapāpavināśanam / tatra snātvā mahārāja rudraloke mahīyate // ### [2.39.9](https://indike.org/pramana/in.purana.kurma.2.39.9) tato gaccheta rājendra vimaleśvaramuttamam / tatra prāṇān parityajya rudralokamavāpnuyāt // ### [2.39.10](https://indike.org/pramana/in.purana.kurma.2.39.10) tataḥ puṣkariṇīṃ gacchet snānaṃ tatra samācaret / snātamātro narastatra indrasyārdhāsanaṃ labhet // ### [2.39.11](https://indike.org/pramana/in.purana.kurma.2.39.11) tato gaccheta rājendra śūlabhedamiti śrutam / tatra snātvārcayed devaṃ gosahasraphalaṃ labhet // ### [2.39.12](https://indike.org/pramana/in.purana.kurma.2.39.12) tato gaccheta rājendra balitīrthamanuttam / tatra snātvā naro rājan sihāsanapatirbhavet // ### [2.39.13](https://indike.org/pramana/in.purana.kurma.2.39.13) śakratīrthaṃ tato gacchet kūle caiva tu dakṣiṇe / upoṣya rajanīmekāṃ snānaṃ kṛtvā yathāvidhi // ### [2.39.14](https://indike.org/pramana/in.purana.kurma.2.39.14) ārādhayenmahāyogaṃ devaṃ nārāyaṇaṃ harim / gosahasraphalaṃ prāpya viṣṇulokaṃ sa gacchati // ### [2.39.15](https://indike.org/pramana/in.purana.kurma.2.39.15) ṛṣitīrthaṃ tato gatvā sarvapāpaharaṃ nṛṇām / snātamātro narastatra śivaloke mahīyate // ### [2.39.16](https://indike.org/pramana/in.purana.kurma.2.39.16) nāradasya tu tatraiva tīrthaṃ paramaśobhanam / snātamātro narastatra gosahasraphalaṃ labhet // ### [2.39.17](https://indike.org/pramana/in.purana.kurma.2.39.17) yatra taptaṃ tapaḥ pūrvaṃ nāradena surarṣiṇā / pratīstasya dadau yogaṃ devadevo maheśvaraḥ // ### [2.39.18](https://indike.org/pramana/in.purana.kurma.2.39.18) brahmaṇā nirmitaṃ liṅgaṃ brahmeśvaramiti śrutam / yatra snātvā naro rājan brahmaloke mahīyate // ### [2.39.19](https://indike.org/pramana/in.purana.kurma.2.39.19) ṛṇatīrthaṃ tato gacchet sa ṛṇānmucyate dhruvam / maheśvaraṃ tato gacchet paryāptaṃ janmanaḥ phalam // ### [2.39.20](https://indike.org/pramana/in.purana.kurma.2.39.20) bhīmeśvaraṃ tato gacchet sarvavyādhivināśanam / snātamātro narastatra sarvaduḥkhaiḥ pramucyate // ### [2.39.21](https://indike.org/pramana/in.purana.kurma.2.39.21) tato gaccheta rājendra piṅgaleśvaramuttamam / ahorātropavāsena trirātraphalamāpnuyāt // ### [2.39.22](https://indike.org/pramana/in.purana.kurma.2.39.22) tasmiṃmastīrthe tu rājendra kapilāṃ yaḥ prayacchati / yāvanti tasyā romāṇi tatprasūtikuleṣu ca / tāvad varṣasahasrāṇi rudraloke mahīyate // ### [2.39.23](https://indike.org/pramana/in.purana.kurma.2.39.23) yastu prāṇaparityāgaṃ kuryāt tatra narādhipa / akṣayaṃ modate kālaṃ yāvaccandradivākarau // ### [2.39.24](https://indike.org/pramana/in.purana.kurma.2.39.24) narmadātaṭamāśritya tiṣṭhante ye tu mānavāḥ / te mṛtāḥ svargamāyānti santaḥ sukṛtino yathā // ### [2.39.25](https://indike.org/pramana/in.purana.kurma.2.39.25) tato dīpteśvaraṃ gacched vyāsatīrthaṃ tapovanam / nivartitā purā tatra vyāsabhītā mahānadī / huṅkāritā tu vyāsena dakṣiṇena tato gatā // ### [2.39.26](https://indike.org/pramana/in.purana.kurma.2.39.26) pradakṣiṇaṃ tu yaḥ kuryāt tasmiṃstīrthe yudhiṣṭhira / prītastasya bhaved vyāso vāñchitaṃ labhate phalam // ### [2.39.27](https://indike.org/pramana/in.purana.kurma.2.39.27) tato gaccheta rājendra ikṣunadyāstu saṃgamam / trailokyaviśrutaṃ puṇyaṃ tatra sannihitaḥ śivaḥ / tatra stanātvā naro rājan gāṇapatyamavāpnuyāt // ### [2.39.28](https://indike.org/pramana/in.purana.kurma.2.39.28) skandatīrthaṃ tato gacchet sarvapāpapraṇāśanam / ājanmanaḥ kṛtaṃ pāpaṃ snātastīvraṃ vyapohati // ### [2.39.29](https://indike.org/pramana/in.purana.kurma.2.39.29) tatra devāḥ sagandharvā bhavātmajamanuttamam / upāsate mahātmānaṃ skandaṃ śaktidhiraṃ prabhum // ### [2.39.30](https://indike.org/pramana/in.purana.kurma.2.39.30) tato gacchedāṅgirasaṃ snānaṃ tatra samācaret / gosahasraphalaṃ prāpya rudralokaṃ sa gacchati // ### [2.39.31](https://indike.org/pramana/in.purana.kurma.2.39.31) aṅgirā yatra deveśaṃ brahmaputro vṛṣadhvajam / tapasārādhya viśveśaṃ labdhavān yogamuttamam // ### [2.39.32](https://indike.org/pramana/in.purana.kurma.2.39.32) kuśatīrthaṃ tato gacchet sarvapāpapraṇāśanam / snānaṃ tatra prakurvota aśvamedhaphalaṃ labhet // ### [2.39.33](https://indike.org/pramana/in.purana.kurma.2.39.33) koṭitīrthaṃ tato gacchet sarvapāpapraṇāśanam / tatra strātvā naro rājyaṃ labhate nātra saṃśayaḥ // ### [2.39.34](https://indike.org/pramana/in.purana.kurma.2.39.34) candrabhāgāṃ tato gacchet snānaṃ tatra samācaret / snātamātro narastatra somaloke mahīyate // ### [2.39.35](https://indike.org/pramana/in.purana.kurma.2.39.35) narmadādakṣiṇe kūle saṃgameśvaramuttamam / tatra snātvā naro rājan sarvayajñaphalaṃ labhet // ### [2.39.36](https://indike.org/pramana/in.purana.kurma.2.39.36) narmadāyottare kūle tīrthaṃ paramaśobhanam / ādityāyatanaṃ ramyamīśvareṇa tu bhāṣitam // ### [2.39.37](https://indike.org/pramana/in.purana.kurma.2.39.37) tatra snātvā tu rājendra dattvā dānaṃ tu śaktitaḥ / tasya tīrthaprabhāveṇa labhate cākṣayaṃ phalam // ### [2.39.38](https://indike.org/pramana/in.purana.kurma.2.39.38) daridrā vyādhitā ye tu ye ca duṣkṛtakāriṇaḥ / mucyante sarvapāpebhyaḥ sūryalokaṃ prayānti ca // ### [2.39.39](https://indike.org/pramana/in.purana.kurma.2.39.39) mārgeśvaraṃ tato gacchet snānaṃ tatra samācaret / snātamātro narastatra svargalokamavāpnuyāt // ### [2.39.40](https://indike.org/pramana/in.purana.kurma.2.39.40) tataḥ paścimato gacchenmarudālayamuttamam / tatra snātvā tu rājendra śucirbhūtvā prayatnataḥ // ### [2.39.41](https://indike.org/pramana/in.purana.kurma.2.39.41) kāñcanaṃ tu dvijo dadyād yathāvibhavavistaram / puṣpakeṇa vimānena vāyulokaṃ sa gacchati // ### [2.39.42](https://indike.org/pramana/in.purana.kurma.2.39.42) tato gaccheta rājendra ahalyātīrthamuttamam / snānamātrādapsarobhirmodate kālamakṣayam // ### [2.39.43](https://indike.org/pramana/in.purana.kurma.2.39.43) caitramāse tu saṃprāpte śuklapakṣe trayodaśī / kāmadevadine tasminnahalyāṃ yastu pūjayet // ### [2.39.44](https://indike.org/pramana/in.purana.kurma.2.39.44) yatra tatra narotpanno varastatra priyo bhavet / strīvallabho bhavecchrīmān kāmadeva ivāparaḥ // ### [2.39.45](https://indike.org/pramana/in.purana.kurma.2.39.45) ayodhyāṃ tu samāsādya tīrthaṃ śakrasya viśrutam / snātamātro narastatra gosahasraphalaṃ labhet // ### [2.39.46](https://indike.org/pramana/in.purana.kurma.2.39.46) somatīrthaṃ tato gacchet snānaṃ tatra samācaret / snātamātro narastatra sarvapāpaiḥ pramucyate // ### [2.39.47](https://indike.org/pramana/in.purana.kurma.2.39.47) somagrahe tu rājendra pāpakṣayakaraṃ bhavet / trailokyaviśrutaṃ rājan somatīrthaṃ mahāphalam // ### [2.39.48](https://indike.org/pramana/in.purana.kurma.2.39.48) yastu cāndrāyaṇaṃ kuryāt tatra tīrthe samāhitaḥ / sarvapāpaviśuddhātmā somalokaṃ sa gacchati // ### [2.39.49](https://indike.org/pramana/in.purana.kurma.2.39.49) agnipraveśaṃ yaḥ kuryāt somatīrthe narādhipa / jale cānaśanaṃ vāpi nāsau martyo 'bhijāyate // ### [2.39.50](https://indike.org/pramana/in.purana.kurma.2.39.50) stambhatīrthaṃ tato gacchet snānaṃ tatra samācaret / snātamātro narastatra somaloke mahīyate // ### [2.39.51](https://indike.org/pramana/in.purana.kurma.2.39.51) tato gaccheta rājendra viṣṇutīrthamanuttamam / yodhanīpuramākhyātaṃ viṣṇoḥ sthānamanuttamam // ### [2.39.52](https://indike.org/pramana/in.purana.kurma.2.39.52) asurā yodhitāstatra vāsudevena koṭiśaḥ / tatra tīrthaṃ samutpannaṃ viṣṇuśrīko bhavediha / ahorātropavāsena brahmahatyāṃ vyapohati // ### [2.39.53](https://indike.org/pramana/in.purana.kurma.2.39.53) narmadādakṣiṇe kūle tīrthaṃ paramaśobhanam / kāmatīrthamiti khyātaṃ yatra kāmor'cayad bhavam // ### [2.39.54](https://indike.org/pramana/in.purana.kurma.2.39.54) tasmiṃstīrthe naraḥ snātvā upavāsaparāyaṇaḥ / kusumāyudharūpeṇa rudroloke mahīyate // ### [2.39.55](https://indike.org/pramana/in.purana.kurma.2.39.55) tato gaccheta rājendra brahmatīrthamanuttamam / umāhakamiti khyātaṃ tatra saṃtarpayet pitṝn // ### [2.39.56](https://indike.org/pramana/in.purana.kurma.2.39.56) paurṇamāsyāmamāvāsyāṃ śrdhaṃ kuryād yathāvidhi / gajarūpā śilā tatra toyamadhye vyavasthitā // ### [2.39.57](https://indike.org/pramana/in.purana.kurma.2.39.57) tasmiṃstu dāpayet piṇḍān vaiśākhyāntu viśeṣataḥ / snātvā samāhitamanā dambhamātsaryavarjitaḥ / tṛpyanti pitarastasya yāvat tiṣṭhati medinī // ### [2.39.58](https://indike.org/pramana/in.purana.kurma.2.39.58) siddheśvaraṃ tato gacchet snānaṃ tatra samācaret / snātamātro narastatra gāṇapatyapadaṃ labhet // ### [2.39.59](https://indike.org/pramana/in.purana.kurma.2.39.59) tato gaccheta rājendra liṅgo yatra janārdanaḥ / tatra snātvā tu rājendra viṣṇuloke mahīyate // ### [2.39.60](https://indike.org/pramana/in.purana.kurma.2.39.60) yatra nārāyaṇo devo munonāṃ bhāvitātmanām / svātmānaṃ darśayāmāsa liṅgaṃ tat paramaṃ padam // ### [2.39.61](https://indike.org/pramana/in.purana.kurma.2.39.61) aṅkolaṃ tu tato gacchet sarvapāpavināśanam / snānaṃ dānaṃ ca tatraiva brāhmaṇānāṃ ca bhojanam / piṇḍapridānaṃ ca kṛtaṃ pretyānantaphalapradam // ### [2.39.62](https://indike.org/pramana/in.purana.kurma.2.39.62) traiyambakena toyena yaścaruṃ śrapayet tataḥ / aṅkolamūle dadyācca piṇḍāṃścaiva yathāvidhi / tāritāḥ pitarastena tṛpyantyācandratārakam // ### [2.39.63](https://indike.org/pramana/in.purana.kurma.2.39.63) tato gaccheta rājendra tāpaseśvaramuttamam / tatra snātvā tu rājendra prāpnuyāt tapasaḥ phalam // ### [2.39.64](https://indike.org/pramana/in.purana.kurma.2.39.64) śuklatīrthaṃ tato gacchet sarvapāpavināśanam / nāsti tena sama tīrthaṃ narmadāyāṃ yudhiṣṭhira // ### [2.39.65](https://indike.org/pramana/in.purana.kurma.2.39.65) darśanāt sparśanāt tasya snānadānatapojapāt / homāccaivopavāsācca śuklatīrthe mahat phalam // ### [2.39.66](https://indike.org/pramana/in.purana.kurma.2.39.66) yojanaṃ tat smṛtaṃ kṣetraṃ devagandharvasevitam / śuklatīrthamiti khyātaṃ sarvapāpavināśanam // ### [2.39.67](https://indike.org/pramana/in.purana.kurma.2.39.67) pādapāgreṇa dṛṣṭena brahmahatyāṃ vyapohati / devyā saha sadā bhargastatra tiṣṭhati śaṅkaraḥ // ### [2.39.68](https://indike.org/pramana/in.purana.kurma.2.39.68) kṛṣṇapakṣe caturdaśyāṃ vaiśākhe māsi suvrata / kailāsāccābhiniṣkramya tatra sannihito haraḥ // ### [2.39.69](https://indike.org/pramana/in.purana.kurma.2.39.69) devadānavagandharvāḥ siddhavidyādharāstathā / gaṇāścāpsarasāṃ nāgāstatra tiṣṭhanti puṅgava // ### [2.39.70](https://indike.org/pramana/in.purana.kurma.2.39.70) rajakena yathā vastraṃ śuklaṃ bhavati vāriṇā / ājanmani kṛtaṃ pāpaṃ śuklatīrthe vyapohati / snānaṃ dānaṃ tapaḥ śrāddhamanantaṃ tatra dṛśyate // ### [2.39.71](https://indike.org/pramana/in.purana.kurma.2.39.71) śuklatīrthāt paraṃ tīrthaṃ na bhūtaṃ na bhaviṣyati / pūrve vayasi karmāṇi kṛtvā pāpāni mānavaḥ / ahorātropavāsena śuklatīrthe vyapohati // ### [2.39.72](https://indike.org/pramana/in.purana.kurma.2.39.72) kārtikasya tu māsasya kṛṣṇapakṣe caturdaśī / ghṛtena snāpayed devamupoṣya parameśvaram / ekaviṃśatkulopeto na cyavedaiśvarāt padāt // ### [2.39.73](https://indike.org/pramana/in.purana.kurma.2.39.73) tapasā brahmacaryeṇa yajñadānena vā punaḥ / na tāṃ gatimavāpnoti śuklatīrthe tu yāṃ labhet // ### [2.39.74](https://indike.org/pramana/in.purana.kurma.2.39.74) śuklatīrthaṃ mahātīrthamṛṣisiddhaniṣevitam / tatra snātvā naro rājan punarjanma na vindati // ### [2.39.75](https://indike.org/pramana/in.purana.kurma.2.39.75) ayane vā caturdaśyāṃ saṃkrāntau viṣuve tathā / snātvā tu sopavāsaḥ san vijitātmā samāhitaḥ // ### [2.39.76](https://indike.org/pramana/in.purana.kurma.2.39.76) dānaṃ dadyād yathāśakti prīyetāṃ hariśaṅkarau / etat tīrthaprabhāveṇa sarvaṃ bhavati cākṣayam // ### [2.39.77](https://indike.org/pramana/in.purana.kurma.2.39.77) anāthaṃ durgataṃ vipraṃ nāthavantamathāpi vā / udvādayati yastīrthe tasya puṇyaphalaṃ śṛṇu // ### [2.39.78](https://indike.org/pramana/in.purana.kurma.2.39.78) yāvat tadromasaṃkhyā tu tatprasūtikuleṣu ca / tāvad varṣasahasrāṇi rudraloke mahīyate // ### [2.39.79](https://indike.org/pramana/in.purana.kurma.2.39.79) tato gaccheta rājendra yamatīrtha manuttamam / kṛṣṇapakṣe caturdaśyāṃ māghamāse yudhiṣṭhira / snānaṃ kṛtvā naktabhījī na paśyed yonisaṅkaṭam // ### [2.39.80](https://indike.org/pramana/in.purana.kurma.2.39.80) tato gaccheta rājendra eraṇḍītīrthamuttamam / saṃgame tu naraḥ snāyādupavāsaparāyaṇaḥ / brāhmaṇaṃ bhojayedekaṃ koṭirbhavati bhojitāḥ // ### [2.39.81](https://indike.org/pramana/in.purana.kurma.2.39.81) eraṇḍīsaṃgame snātvā bhaktibhāvāt turañjitaḥ / mṛttikāṃ śirasi sthāpya avagāhya ca tajjalam / narmadodakasaṃmiśraṃ mucyate sarvakilbiṣaiḥ // ### [2.39.82](https://indike.org/pramana/in.purana.kurma.2.39.82) tato gaccheta rājendra tīrthaṃ kārṇāṭikeśvaram / gaṅgāvatarate tatra dine puṇye na saṃśayaḥ // ### [2.39.83](https://indike.org/pramana/in.purana.kurma.2.39.83) tatra snātvā ca pītvā ca dattvā caiva yathāvidhi / sarvapāpavinirmukto brahmaloke mahīyate // ### [2.39.84](https://indike.org/pramana/in.purana.kurma.2.39.84) nanditīrthaṃ tato gacchet snānaṃ tatra samācaret / prīyate tasya nandīśaḥ somaloke mahīyate // ### [2.39.85](https://indike.org/pramana/in.purana.kurma.2.39.85) tato gaccheta rājendra tīrthaṃ tvanarakaṃ śubham / tatra snātvā naro rājan narakaṃ naiva paśyati // ### [2.39.86](https://indike.org/pramana/in.purana.kurma.2.39.86) tasmiṃstīrthe tu rājendra svānyasthīni vinikṣipet / rūpavān jāyate loke dhanabhogasamanvitaḥ // ### [2.39.87](https://indike.org/pramana/in.purana.kurma.2.39.87) tato gaccheta rājendra kapilātīrtha muttamam / tatra snātvā naro rājan gosahasraphalaṃ labhet // ### [2.39.88](https://indike.org/pramana/in.purana.kurma.2.39.88) jyeṣṭhamāse tu saṃprāpte caturdaśyāṃ viśeṣataḥ / tatropoṣya naro bhaktyā dadyād dīpaṃ ghṛtena tu // ### [2.39.89](https://indike.org/pramana/in.purana.kurma.2.39.89) ghṛtena snāpayed rudraṃ saghṛtaṃ śrīphalaṃ dahet / ghaṇṭābharaṇasaṃyuktāṃ kapilāṃ vai pradāpayet // ### [2.39.90](https://indike.org/pramana/in.purana.kurma.2.39.90) sarvābharaṇasaṃyuktaḥ sarvadevanamaskṛtaḥ / śivatulyabalo bhūtvā śivavat krīḍate ciram // ### [2.39.91](https://indike.org/pramana/in.purana.kurma.2.39.91) aṅgārakadine prāpte caturthyāṃ tu viśeṣataḥ / snāpayitvā śivaṃ dadyād brāhmaṇebhyastu bhojanam // ### [2.39.92](https://indike.org/pramana/in.purana.kurma.2.39.92) sarvabhogasamāyukto vimānaiḥ sārvakāmikaiḥ / gatvā śakrasya bhavanaṃ śakreṇa saha modate // ### [2.39.93](https://indike.org/pramana/in.purana.kurma.2.39.93) tataḥ svargāt paribhraṣṭo dhanavān bhogavān bhavet / aṅgārakanavamyāṃ tu amāvāsyāṃ tathaiva ca / snāpayet tatra yatnena rūpavān subhago bhavet // ### [2.39.94](https://indike.org/pramana/in.purana.kurma.2.39.94) tato gaccheta rājendra gaṇeśvaramanuttamam / śrāvaṇe māsī saṃprāpte kṛṣṇapakṣe caturdaśī // ### [2.39.95](https://indike.org/pramana/in.purana.kurma.2.39.95) snātamātro narastatra rudraloke mahīyate / pitṝṇāṃ tarpaṇaṃ kṛtvā mucyate 'sāvṝṇatrayāt // ### [2.39.96](https://indike.org/pramana/in.purana.kurma.2.39.96) gaṅgeśvarasamīpe tu gaṅgāvadanamuttamam / akāmo vā sakāmo vā tatra snātvā tu mānavaḥ / ājanmajanitaiḥ pāpairmucyate nātra saṃśayaḥ // ### [2.39.97](https://indike.org/pramana/in.purana.kurma.2.39.97) tasya vai paścime deśe samīpe nātidūrataḥ / daśāśvamedhikaṃ tīrthaṃ triṣu lokeṣu viśrutam // ### [2.39.98](https://indike.org/pramana/in.purana.kurma.2.39.98) upoṣya rajanīmekāṃ māsi bhādrapade śubhe / amāvasyāṃ naraḥ snātvā pūjayed vṛṣabhadhvajam // ### [2.39.99](https://indike.org/pramana/in.purana.kurma.2.39.99) kāñcanena vimānena kiṅkiṇījālamālinā / gatvā rudrapuraṃ ramyaṃ rudreṇa saha modate // ### [2.39.100](https://indike.org/pramana/in.purana.kurma.2.39.100) sarvatra sarvadivase snānaṃ tatra samācaret / pitṝṇāṃ tarpaṇaṃ kuryādaśvamedhaphalaṃ labhet // ### [2.39.100.p1](https://indike.org/pramana/in.purana.kurma.2.39.100.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge ekonacatvāriśo 'dhyāyaḥ ## Linked texts (5) - [Revākhaṇḍa (Vāyupurāṇa)](https://indike.org/pramana/in.purana.vayu.revakhanda.156.14) — Sanskrit - [Varāhapurāṇa](https://indike.org/pramana/in.purana.varaha.153.60) — Vyāsa, Sanskrit - [Nandipurāṇa](https://indike.org/pramana/in.purana.upa.saiva.nandi.1.46.43) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.21.5.175.6-2.p4) — Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p237.5) — Mitramiśra, Sanskrit --- Source: [https://indike.org/pramana/in.purana.kurma.2.39](https://indike.org/pramana/in.purana.kurma.2.39) · Pramāṇa