[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.3 # Kurmapurana 2.3: tṛtīyo'dhyāyaḥ Kūrmapurāṇa 2.3 - **Language:** Sanskrit ## Contents - [2.3.23](https://indike.org/pramana/in.purana.kurma.2.3.23) — 1 part ### tṛtīyo'dhyāyaḥ ### [2.3.1](https://indike.org/pramana/in.purana.kurma.2.3.1) īśvara uvāca avyaktādabhavat kālaḥ pradhānaṃ puruṣaḥ paraḥ / tebhyaḥ sarvamidaṃ jātaṃ tasmād brahmamayaṃ jagat // ### [2.3.2](https://indike.org/pramana/in.purana.kurma.2.3.2) sarvataḥ pāṇipādaṃ tat sarvato 'kṣiśiromukham / sarvataḥ śrutimalloke sarvamāvṛtya tiṣṭhati // ### [2.3.3](https://indike.org/pramana/in.purana.kurma.2.3.3) sarvendriyaguṇābhāsaṃ sarvendriyavivarjitam / sarvādhāraṃ sadānandamavyaktaṃ dvaitavarjitam // ### [2.3.4](https://indike.org/pramana/in.purana.kurma.2.3.4) sarvopamānarahitaṃ pramāṇātītagocaram / nirvikalpaṃ nirābhāsaṃ sarvāvāsaṃ parāmṛtam // ### [2.3.5](https://indike.org/pramana/in.purana.kurma.2.3.5) abhinnaṃ bhinnasaṃsthānaṃ śāśvataṃ dhru vamavyayam / nirguṇaṃ paramaṃ vyoma tajjñānaṃ sūrayo viduḥ // ### [2.3.6](https://indike.org/pramana/in.purana.kurma.2.3.6) sa ātmā sarvabhūtānāṃ sa bāhyābhyantaraḥ paraḥ / so 'haṃ sarvatragaḥ śānto jñānātmā parameśvaraḥ // ### [2.3.7](https://indike.org/pramana/in.purana.kurma.2.3.7) mayā tatamidaṃ viśvaṃ jagadavyaktamūrtinā / matsthāni sarvabhūtāni yastaṃ veda sa vedavit // ### [2.3.8](https://indike.org/pramana/in.purana.kurma.2.3.8) pradhānaṃ puruṣaṃ caiva tattvadvayamudāhṛtam / tayoranādiruddiṣṭaḥ kālaḥ saṃyojakaḥ paraḥ // ### [2.3.9](https://indike.org/pramana/in.purana.kurma.2.3.9) trayametadanādyantamavyakte samavasthitam / tadātmakaṃ tadanyat syāt tadrūpaṃ māmakaṃ viduḥ // ### [2.3.10](https://indike.org/pramana/in.purana.kurma.2.3.10) mahadādyaṃ viśeṣāntaṃ saṃprasūte 'khilaṃ jagat / yā sā prakṛtiruddiṣṭā mohinī sarvadehinām // ### [2.3.11](https://indike.org/pramana/in.purana.kurma.2.3.11) puruṣaḥ prakṛtistho hi bhuṅkteyaḥ prākṛtān guṇān / ahaṅkāravimuktatvāt procyate pañcaviṃśakaḥ // ### [2.3.12](https://indike.org/pramana/in.purana.kurma.2.3.12) ādyo vikāraḥ prakṛtermahānātmeti kathyate / vijñānaśaktirvijñātā hyahaṅkārastadutthitaḥ // ### [2.3.13](https://indike.org/pramana/in.purana.kurma.2.3.13) eka eva mahānātmā so 'haṅkāro 'bhidhīyate / sa jīvaḥ so 'ntarātmeti gīyate tattvacintakaiḥ // ### [2.3.14](https://indike.org/pramana/in.purana.kurma.2.3.14) tena vedayate sarvaṃ sukhaṃ duḥkhaṃ ca janmasu / sa vijñānātmakastasya manaḥ syādupakārakam // ### [2.3.15](https://indike.org/pramana/in.purana.kurma.2.3.15) tenāvivekatastasmāt saṃsāraḥ puruṣasya tu / sa cāvivekaḥ prakṛtau saṅgāt kālena so 'bhavat // ### [2.3.16](https://indike.org/pramana/in.purana.kurma.2.3.16) kālaḥ sṛjati bhūtāni kālaḥ saṃharati prajāḥ / sarve kālasya vaśagā na kālaḥ kasyacid vaśe // ### [2.3.17](https://indike.org/pramana/in.purana.kurma.2.3.17) so 'ntarā sarvamevedaṃ niyacchati sanātanaḥ / procyate bhagavān prāṇaḥ sarvajñaḥ puruṣottamaḥ // ### [2.3.18](https://indike.org/pramana/in.purana.kurma.2.3.18) sarvendriyebhyaḥ paramaṃ mana āhurmanīṣiṇaḥ / manasaścāpyahaṅkāramahaṅkārānmahān paraḥ // ### [2.3.19](https://indike.org/pramana/in.purana.kurma.2.3.19) mahataḥ paramavyaktamavyaktāt puruṣaḥ paraḥ / puruṣād bhagavān prāṇastasya sarvamidaṃ jagat // ### [2.3.20](https://indike.org/pramana/in.purana.kurma.2.3.20) prāṇāt parataraṃ vyoma vyomātīto 'gnirīśvaraḥ / so 'haṃ sarvatragaḥ śānto jñānātmā parameśvaraḥ / nāsti mattaḥ paraṃ bhūtaṃ māṃ vijñāya vimucyate // ### [2.3.21](https://indike.org/pramana/in.purana.kurma.2.3.21) nityaṃ hi nāsti jagati bhūtaṃ sthāvarajaṅgamam / ṛte māmekamavyaktaṃ vyomarūpaṃ maheśvaram // ### [2.3.22](https://indike.org/pramana/in.purana.kurma.2.3.22) so 'haṃ sṛjāmi sakalaṃ saṃharāmi sadā jagat / māyī māyāmayo devaḥ kālena saha saṅgataḥ // ### [2.3.23](https://indike.org/pramana/in.purana.kurma.2.3.23) matsannidhāveṣa kālaḥ karoti sakalaṃ jagat / niyojayatyanantātmā hyetad vedānuśāsanam // ### [2.3.23.p1](https://indike.org/pramana/in.purana.kurma.2.3.23.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge (īśvaragītāsu) tṛtīyo 'dhyāyaḥ ## Linked texts (3) - [Adbhutarāmāyaṇa](https://indike.org/pramana/in.lit.ramayana.upajivya.adbhuta.12.4) — Vālmīki, Sanskrit - [Kūrmapurāṇa (Ananta Gokhale)](https://indike.org/pramana/in.purana.kurmapurana.36.p2) — Ananta Gokhale, Sanskrit - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v6.c82.46) — P. V. Kane, English --- Source: [https://indike.org/pramana/in.purana.kurma.2.3](https://indike.org/pramana/in.purana.kurma.2.3) · Pramāṇa