[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.40 # Kurmapurana 2.40: catvāriṃśo'dhyāyaḥ Kūrmapurāṇa 2.40 - **Language:** Sanskrit ## Contents - [2.40.40](https://indike.org/pramana/in.purana.kurma.2.40.40) — 1 part ### catvāriṃśo'dhyāyaḥ ### [2.40.1](https://indike.org/pramana/in.purana.kurma.2.40.1) mārkaṇḍeya uvāca tato gaccheta rājendra bhṛgutīrtha manuttamam / tatra devo bhṛguḥ purvaṃ rudramārādhayat purā // ### [2.40.2](https://indike.org/pramana/in.purana.kurma.2.40.2) darśanāt tasya devasya sadyaḥ pāpāt pramucyate / etat kṣetraṃ suvipulaṃ sarvapāpapraṇāśanam // ### [2.40.3](https://indike.org/pramana/in.purana.kurma.2.40.3) tatra snātvā divaṃ yānti ye mṛtāste 'punarbhavāḥ / upānahostathā yugmaṃ deyamannaṃ sakāñcanam / bhojanaṃ ca yathāśakti tadasyākṣayamucyate // ### [2.40.4](https://indike.org/pramana/in.purana.kurma.2.40.4) kṣaranti sarvadānāni yajñadānaṃ tapaḥ kriyā / akṣayaṃ tat tapastaptaṃ bhṛgutīrthe yudhiṣṭhira // ### [2.40.5](https://indike.org/pramana/in.purana.kurma.2.40.5) tasyaiva tapasogreṇa tuṣṭena tripurāriṇā / sānnidhyaṃ tatra kathitaṃ bhṛgutīrthe yudhiṣṭhira // ### [2.40.6](https://indike.org/pramana/in.purana.kurma.2.40.6) tato gaccheta rājendra gautameśvaramuttamam / yatrārādhya triśūlāṅkaṃ gautamaḥ siddhimāpnuyāt // ### [2.40.7](https://indike.org/pramana/in.purana.kurma.2.40.7) tatra snātvā naro rājan upavāsaparāyaṇaḥ / kāñcanena vimānena brahmaloke mahīyate // ### [2.40.8](https://indike.org/pramana/in.purana.kurma.2.40.8) vṛṣotsargaṃ tato gacchecchāśvataṃ padamāpnuyāt / na jānanti narā mūḍhā viṣṇormāyāvimohitāḥ // ### [2.40.9](https://indike.org/pramana/in.purana.kurma.2.40.9) dhautapāpaṃ tato gacched dhautaṃ yatra vṛṣeṇa tu / narmadāyāṃ sthitaṃ rājan sarvapātakanāśanam / tatra tīrthe naraḥ snātvā brahmahatyāṃ vyapohati // ### [2.40.10](https://indike.org/pramana/in.purana.kurma.2.40.10) tatra tīrthe tu rājendra prāṇatyāgaṃ karoti yaḥ / caturbhujastrinetraśca haratulyabalo bhavet // ### [2.40.11](https://indike.org/pramana/in.purana.kurma.2.40.11) vaset kalpāyutaṃ sāgraṃ śivatulyaparākramaḥ / kālena mahatā jātaḥ pṛthivyāmekarāḍ bhavet // ### [2.40.12](https://indike.org/pramana/in.purana.kurma.2.40.12) tato gaccheta rājendra haṃsatīrtha manuttamam / tatra snātvā naro rājan brahmaloke mahīyate // ### [2.40.13](https://indike.org/pramana/in.purana.kurma.2.40.13) tato gaccheta rājendra siddho yatra janārdanaḥ / varāhatīrtha mākhyātaṃ viṣṇulokagatipradam // ### [2.40.14](https://indike.org/pramana/in.purana.kurma.2.40.14) tato gaccheta rājendra candratīrthamanuttamam / paurṇamāsyāṃ viśeṣeṇa snānaṃ tatra samācaret / snātamātro narastatra candraloke mahīyate // ### [2.40.15](https://indike.org/pramana/in.purana.kurma.2.40.15) tato gaccheta rājendra kanyātīrthamanuttamam / śuklapakṣe tṛtīyāyāṃ snānaṃ tatra samācaret / snātamātro narastatra pṛthivyāmekarāḍ bhavet // ### [2.40.16](https://indike.org/pramana/in.purana.kurma.2.40.16) devatīrtha tato gacchet sarvadevanamakṛtam / tatra snātvā ca rājendra daivataiḥ saha modate // ### [2.40.17](https://indike.org/pramana/in.purana.kurma.2.40.17) tato gaccheta rājendra śikhitīrthamanuttamam / yat tatra dīyate dānaṃ sarvaṃ koṭiguṇaṃ bhavet // ### [2.40.18](https://indike.org/pramana/in.purana.kurma.2.40.18) tato gaccheta rājendra tīrthaṃ paitāmahaṃ śubham / yattatra kriyate śrāddhaṃ sarvaṃ tadakṣayaṃ bhavet // ### [2.40.19](https://indike.org/pramana/in.purana.kurma.2.40.19) sāvitrītīrthamāsādya yastu prāṇān parityajet / vidhūya sarvapāpāni brahmaloke mahīyate // ### [2.40.20](https://indike.org/pramana/in.purana.kurma.2.40.20) manoharaṃ tu tatraiva tīrthaṃ paramaśobhanam / tatra snātvā naro rājan daivataiḥ saha modate // ### [2.40.21](https://indike.org/pramana/in.purana.kurma.2.40.21) tato gaccheta rājendra mānasaṃ tīrthamuttamam / snātvā tatra naro rājan rudraloke mahīyate // ### [2.40.22](https://indike.org/pramana/in.purana.kurma.2.40.22) svargabinduṃ tato gacchettīrthaṃ devanamaskṛtam / tatra snātvā naro rājan durgatiṃ naiva gacchati // ### [2.40.23](https://indike.org/pramana/in.purana.kurma.2.40.23) apsareśaṃ tato gacchet snānaṃ tatra samācaret / krīḍate nākalokastho hyapsarobhiḥ sa modate // ### [2.40.24](https://indike.org/pramana/in.purana.kurma.2.40.24) tato gaccheta rājendra bhārabhūtimanuttamam / upoṣitor'cayedīśaṃ rudraloke mahīyate / asmiṃstīrthe mṛto rājan gāṇapatyamavāpnuyāt // ### [2.40.25](https://indike.org/pramana/in.purana.kurma.2.40.25) kārtike māsi deveśamarcayet pārvatīpatim / aśvamedhād daśaguṇaṃ pravadanti manīṣiṇaḥ // ### [2.40.26](https://indike.org/pramana/in.purana.kurma.2.40.26) vṛṣabhaṃ yaḥ prayaccheta tatra kundendusaprabham / vṛṣayuktena yānena rudralokaṃ sa gacchati // ### [2.40.27](https://indike.org/pramana/in.purana.kurma.2.40.27) etat tīrthaṃ samāsādya yastu prāṇān parityajet / sarvapāpaviśuddhātmā rudralokaṃ sa gacchati // ### [2.40.28](https://indike.org/pramana/in.purana.kurma.2.40.28) jalapraveśaṃ yaḥ kuryāt tasmiṃstīrthe narādhipa / haṃsayuktena yānena svargalokaṃ sa gacchati // ### [2.40.29](https://indike.org/pramana/in.purana.kurma.2.40.29) eraṇḍyā narmadāyāstu saṃgamaṃ lokaviśrutam / tatra tīrthaṃ mahāpuṇyaṃ sarvapāpapraṇāśanam // ### [2.40.30](https://indike.org/pramana/in.purana.kurma.2.40.30) upavāsaparo bhūtvā nityaṃ vrataparāyaṇaḥ / tatra snātvā tu rājendra mucyate brahmahatyayā // ### [2.40.31](https://indike.org/pramana/in.purana.kurma.2.40.31) tato gaccheta rājendra narmadodadhisaṃgamam / jamadagniriti khyātaḥ siddho yatra janārdanaḥ // ### [2.40.32](https://indike.org/pramana/in.purana.kurma.2.40.32) tatra snātvā naro rājan narmadodadhisaṃgame / triguṇaṃ cāśvamedhasya phalaṃ prāpnoti mānavaḥ // ### [2.40.33](https://indike.org/pramana/in.purana.kurma.2.40.33) tato gaccheta rājendra piṅgaleśvaramuttamam / tatra snātvā naro rājan rudraloke mahīyate // ### [2.40.34](https://indike.org/pramana/in.purana.kurma.2.40.34) tatropavāsaṃ yaḥ kṛtvā paśyeta vimaleśvaram / saptajanmakṛtaṃ pāpaṃ hitvā yāti śivālayam // ### [2.40.35](https://indike.org/pramana/in.purana.kurma.2.40.35) tato gaccheta rājendra ālikātīrthamuttamam / upoṣya rajanīmekāṃ niyato niyatāśanaḥ / asya tīrthasya māhātmyānmucyate brahmahatyayā // ### [2.40.36](https://indike.org/pramana/in.purana.kurma.2.40.36) etāni tava saṃkṣepāt prādhānyāt kathitāni tu / na śakyā vistarād vaktuṃ saṃkhyā tīrtheṣupāṇḍava // ### [2.40.37](https://indike.org/pramana/in.purana.kurma.2.40.37) eṣā pavitrā vimalā nadī trailokyaviśrutā / narmadā saritāṃ śreṣṭhā mahādevasya vallabhā // ### [2.40.38](https://indike.org/pramana/in.purana.kurma.2.40.38) manasā saṃsmaredyastu narmadāṃ vai yudhiṣṭhira / cāndrāyaṇaśataṃ sāgraṃ labhate nātra saṃśayaḥ // ### [2.40.39](https://indike.org/pramana/in.purana.kurma.2.40.39) aśraddadhānāḥ puruṣā nāstikyaṃ ghoramāśritāḥ / patanti narake ghore ityāha parameśvaraḥ // ### [2.40.40](https://indike.org/pramana/in.purana.kurma.2.40.40) narmadāṃ sevate nityaṃ svayaṃ devo maheśvaraḥ / tena puṇyā nadī jñeyā brahmahatyāpahāriṇī // ### [2.40.40.p1](https://indike.org/pramana/in.purana.kurma.2.40.40.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge catvāriṃśo 'dhyāyaḥ ## Linked texts (2) - [Revākhaṇḍa (Vāyupurāṇa)](https://indike.org/pramana/in.purana.vayu.revakhanda.218.46) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.21.5.218.46) — Sanskrit --- Source: [https://indike.org/pramana/in.purana.kurma.2.40](https://indike.org/pramana/in.purana.kurma.2.40) · Pramāṇa