[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Kurmapurana](https://indike.org/pramana/in.purana.kurma) › 2.41 # Kurmapurana 2.41: ekacatvāriṃśo'dhyāyaḥ Kūrmapurāṇa 2.41 - **Language:** Sanskrit ## Contents - [2.41.41](https://indike.org/pramana/in.purana.kurma.2.41.41) — 1 part ### ekacatvāriṃśo'dhyāyaḥ ### [2.41.1](https://indike.org/pramana/in.purana.kurma.2.41.1) sūta uvāca idaṃ trailokyavikhyātaṃ tīrthaṃ naimiśamuttamam / mahādevapriyakaraṃ mahāpātakanāśanam // ### [2.41.2](https://indike.org/pramana/in.purana.kurma.2.41.2) mahādevaṃ didṛkṣūṇāmṛṣīṇaṇāṃ parameṣṭhinām / brahāmaṇā nirmitaṃ sthānaṃ tapastaptuṃ dvijottamāḥ // ### [2.41.3](https://indike.org/pramana/in.purana.kurma.2.41.3) marīcayo 'trayo viprā vasiṣṭhāḥ kratavastathā / bhṛgavo 'ṅgirasaḥ pūrvā brahmāṇaṃ kamalodbhavam // ### [2.41.4](https://indike.org/pramana/in.purana.kurma.2.41.4) sametya sarvavaradaṃ caturmūrti caturmukham / pṛcchanti praṇipatyainaṃ viśvakarmāṇamacyutam // ### [2.41.5](https://indike.org/pramana/in.purana.kurma.2.41.5) ṣaṭkulīyā ūcuḥ bhagavan devamīśānaṃ bhargamekaṃ kapardinam / kenopāyena paśyāmo brūhi devanamaskṛtam // ### [2.41.6](https://indike.org/pramana/in.purana.kurma.2.41.6) brahmovāca satraṃ sahasramāsadhvaṃ vāṅmanodoṣavarjitāḥ / deśaṃ ca vaḥ pravakṣyāmi yasmin deśe cariṣyatha // ### [2.41.7](https://indike.org/pramana/in.purana.kurma.2.41.7) uktvā manomayaṃ cakraṃ sa sṛṣṭvā tānuvāca ha / kṣiptametanmayā cakramanuvrajata mā ciram / yatrāsya nemiḥ śīryeta sa deśaḥ puruṣarṣabhāḥ // ### [2.41.8](https://indike.org/pramana/in.purana.kurma.2.41.8) tato mumoca taccakraṃ te ca tatsamanuvrajan / tasya vai vrajataḥ kṣipraṃ yatra nemiraśīryata / naimisaṃ tatsmṛtaṃ nāmnā puṇyaṃ sarvatra pūjitam // ### [2.41.9](https://indike.org/pramana/in.purana.kurma.2.41.9) siddhacāraṇasaṃkīrṇaṃ yakṣagandharvasevitam / sthānaṃ bhagavataḥ śaṃbhoretannaimiśamuttamam // ### [2.41.10](https://indike.org/pramana/in.purana.kurma.2.41.10) atra devāḥ sagandharvāḥ sayakṣoragarākṣasāḥ / tapastaptvā purā devā lebhire pravarān varān // ### [2.41.11](https://indike.org/pramana/in.purana.kurma.2.41.11) imaṃ deśaṃ samāśritya ṣaṭkulīyāḥ samāhitāḥ / satreṇārādhya deveśaṃ dṛṣṭavanto maheśvaram // ### [2.41.12](https://indike.org/pramana/in.purana.kurma.2.41.12) atra dānaṃ tapastaptaṃ snānaṃ japyādikaṃ ca yat / ekaikaṃ pāvayet pāpaṃ saptajanmakṛtaṃ dvijāḥ // ### [2.41.13](https://indike.org/pramana/in.purana.kurma.2.41.13) atra pūrvaṃ sa bhagavānṛṣīṇāṃ satramāsatām / provāca vāyurbrahmāṇḍaṃ purāṇaṃ brahmabhāṣitam // ### [2.41.14](https://indike.org/pramana/in.purana.kurma.2.41.14) atra devo mahādevo rudrāṇyā kila viśvakṛt / ramate 'dhyāpi bhagavān pramathaiḥ parivāritaḥ // ### [2.41.15](https://indike.org/pramana/in.purana.kurma.2.41.15) atra prāṇān parityajya niyamena dvijātayaḥ / brahmalokaṃ gamiṣyanti yatra gatvā na jāyate // ### [2.41.16](https://indike.org/pramana/in.purana.kurma.2.41.16) anyacca tīrthapravaraṃ jāpyeśvaramitiśrutam / jajāpa rudramaniśaṃ yatra nandī mahāgaṇaḥ // ### [2.41.17](https://indike.org/pramana/in.purana.kurma.2.41.17) prītastasya mahādevo devyā saha pinākadhṛk / dadāvātmasamānatvaṃ mṛtyuvañcanameva ca // ### [2.41.18](https://indike.org/pramana/in.purana.kurma.2.41.18) abhūdṛṣiḥ sa dharmātmā śilādo nāma dharmavit / ārādhayanmahādevaṃ putrārthaṃ vṛṣabhadhvajam // ### [2.41.19](https://indike.org/pramana/in.purana.kurma.2.41.19) tasya varṣasahasrānte tapyamānasya viśvakṛt / śarvaḥ somo gaṇavṛto varado 'smītyabhāṣata // ### [2.41.20](https://indike.org/pramana/in.purana.kurma.2.41.20) sa vavre varamīśānaṃ vareṇyaṃ girijāpatim / ayonijaṃ mṛtyuhīnaṃ dehi putraṃ tvayā samam // ### [2.41.21](https://indike.org/pramana/in.purana.kurma.2.41.21) tathāstvityāha bhagavān devyā saha maheśvaraḥ / paśyatastasya viprarṣerantardhānaṃ gato haraḥ // ### [2.41.22](https://indike.org/pramana/in.purana.kurma.2.41.22) tato yiyakṣuḥ svāṃ bhūmiṃ śilādo dharmavittamaḥ / cakarṣa lāṅgalenorvoṃ bhittvādṛśyata śobhanaḥ // ### [2.41.23](https://indike.org/pramana/in.purana.kurma.2.41.23) saṃvartakānalaprakhyaḥ kumāraḥ prahasanniva / rūpalāvaṇyasaṃpannastejasā bhāsayan diśaḥ // ### [2.41.24](https://indike.org/pramana/in.purana.kurma.2.41.24) kumāratulyo 'pratimo meghagambhīrayā girā / śilādaṃ tāta tāteti prāha nandī punaḥ punaḥ // ### [2.41.25](https://indike.org/pramana/in.purana.kurma.2.41.25) taṃ dṛṣṭvā nandanaṃ jātaṃ śilādaḥ pariṣasvaje / munibhyo darśayāmāsa ye tadāśramavāsinaḥ // ### [2.41.26](https://indike.org/pramana/in.purana.kurma.2.41.26) jātakarmādikāḥ sarvāḥ kriyāstasya cakāra ha / upanīya yathāśāstraṃ vedamadhyāpayat sutam // ### [2.41.27](https://indike.org/pramana/in.purana.kurma.2.41.27) adhītavedo bhagavān nandī matimanuttamām / cakre maheśvaraṃ draṣṭuṃ jeṣye mṛtyumiti prabhum // ### [2.41.28](https://indike.org/pramana/in.purana.kurma.2.41.28) sa gatvā saritaṃ puṇyāmekāgraśraddhayānvitaḥ / jajāpa rudramaniśaṃ maheśāsaktamānasaḥ // ### [2.41.29](https://indike.org/pramana/in.purana.kurma.2.41.29) tasya koṭyāṃ tu pūrṇāyāṃ śaṅkaro bhaktavatsalaḥ / āgatya sāmbaḥ sagaṇo varado 'smītyuvāca ha // ### [2.41.30](https://indike.org/pramana/in.purana.kurma.2.41.30) sa vavre punarevāhaṃ japeyaṃ koṭimīśvaram / tāvadāyurmahādeva dehīti varamīśvara // ### [2.41.31](https://indike.org/pramana/in.purana.kurma.2.41.31) evamastviti saṃprocya devo 'pyantaradhīyata / jajāpa koṭiṃ bhagavān bhūyastadgatamānasaḥ // ### [2.41.32](https://indike.org/pramana/in.purana.kurma.2.41.32) dvitīyāyāṃ ca koṭyāṃ vai saṃpūrṇāyāṃ vṛṣadhvajaḥ / āgatya varado 'smīti prāha bhūtagaṇairvṛtaḥ // ### [2.41.33](https://indike.org/pramana/in.purana.kurma.2.41.33) tṛtīyāṃ japtumicchāmi koṭiṃ bhūyo 'pi śaṅkara / tathāstvityāha viśvātmā devo 'pyantaradhīyata // ### [2.41.34](https://indike.org/pramana/in.purana.kurma.2.41.34) koṭitraye 'tha saṃpūrṇe devaḥ prītamanā bhṛśam / āgatya varado 'smīti prāha bhūtagaṇairvṛtaḥ // ### [2.41.35](https://indike.org/pramana/in.purana.kurma.2.41.35) japeyaṃ koṭimanyāṃ vai bhūyo 'pi tava tejasā / ityukte bhagavānāha na japtavyaṃ tvayā punaḥ // ### [2.41.36](https://indike.org/pramana/in.purana.kurma.2.41.36) amaro jarayā tyakto mama pārśvagataḥ sadā / mahāgaṇapatirdevyāḥ putro bhava maheśvaraḥ // ### [2.41.37](https://indike.org/pramana/in.purana.kurma.2.41.37) yogīśvaro yoganetā gaṇānāmīśvareśvaraḥ / sarvalokādhipaḥ śrīmān sarvajño madbalānvitaḥ // ### [2.41.38](https://indike.org/pramana/in.purana.kurma.2.41.38) jñānaṃ tanmāmakaṃ divyaṃ hastāmalakavat tava / ābhūtasaṃplavasthāyī tato yāsyasi matpadam // ### [2.41.39](https://indike.org/pramana/in.purana.kurma.2.41.39) etaduktvā mahādevo gaṇānāhūya śaṅkaraḥ / abhiṣekeṇa yuktena nandīśvaramayojayat // ### [2.41.40](https://indike.org/pramana/in.purana.kurma.2.41.40) udvāhayāmāsa ca taṃ svayameva pinākadhṛk / marutāṃ ca śubhāṃ kanyāṃ suyaśeti ca viśrutām // ### [2.41.41](https://indike.org/pramana/in.purana.kurma.2.41.41) etajjapyeśvaraṃ sthānaṃ devadevasya śūlinaḥ / yatra tatra mṛto martyo rudraloke mahīyate // ### [2.41.41.p1](https://indike.org/pramana/in.purana.kurma.2.41.41.p1) iti śrīkūrmapurāṇe ṣaṭsāhastryāṃ saṃhitāyāmuparivibhāge ekacatvāriṃśo 'dhyāyaḥ ## Linked texts (3) - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.22.4.36) — Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.61.6) — Kumāra Kavi, Sanskrit - [Tīrthaprakāśa](https://indike.org/pramana/in.niti.dharma.tirtha.tirthaprakasa.4.p310.4) — Mitramiśra, Sanskrit --- Source: [https://indike.org/pramana/in.purana.kurma.2.41](https://indike.org/pramana/in.purana.kurma.2.41) · Pramāṇa